必勝客 (已結業)

同朋友去青衣睇天神村, 見Pizza Hut有常餐就入去試下 門面唔錯! 幾大坐得都算舒服態度都算好, 上菜都算快但38蚊1個餐唔算抵, 唔夠飽!

約咗個朋友去tea, 唔知食乜好就去咗pizza hut 啦.點咗佢個$38 常餐兩小塊蒜蓉包 , 一個菜湯, 一個黑椒牛肉意粉, 一杯cream soda個意粉仲衰過茶記o個d... 早之去大家樂好過不過坐得幾舒服

買了新推出的肝醬雞卷長通粉、"藍莓芝士凍餅"和"木糠布甸"。我有Pizza Card，所以有9折優惠。1.肝醬雞卷長通粉---暫不知是什麼動物的肝醬，可能是牛肝或雞肝吧。肝醬味道香濃，帶點菌類的味道。雞卷是雞腿肉卷著一些像西芹的蔬菜，雞肉十分嫩滑，帶點燒烤香和蜜糖甜味，相當美味。配料有車厘茄、西蘭花、青椒和蘑菇。2.藍莓芝士凍餅---它主要由牛油消化餅底、意大利軟芝士(Mascarpone)、淡忌廉和糖等材料製成，芝士層內混有藍莓果醬。餅底鬆化微脆，芝士層非常軟滑Creamy，有點像吃雪糕，芝士味較淡。藍莓味恰到好處，清新自然，甜度輕怡。份量大約是一般件裝芝士凍餅的二分之一。3.木糠布甸(Serradura)---它主要由瑪莉餅碎、可可粉、淡忌廉和煉奶等材料冷凍製成，是葡葡牙甜品，於澳門發揚光大。忌廉層軟滑Creamy，加上粉狀餅碎，口感對比很特別，不過相當甜膩。

意國森林(牛肝菌汁)鬆厚批($91.8)---配料有雞肉片、火腿、鮮蘑菇、紅洋蔥、紅椒及黃椒，醬料是牛肝菌汁。牛肝菌汁加上鮮蘑菇，菌味香濃，紅洋蔥紅椒黃椒很惹味，雞肉嫩滑。整體質素不俗。

大概一星期前，我同青檸先生見到地鐵個廣告新出隻龍蝦仔PIZZA，所以就一心想試下，因為大概一年前，我地試過個Wasabi汁鮑片PIZZA，好正！誰不知今次bad dream就開始………個龍蝦仔PIZZA分兩個味，茄汁和香草，平時我都麻麻地茄汁，都仲意千島醬多d，所以就試下香草汁啦，點知，溜到爆，成個都係沙律醬，好濟，完全食不出香草味，騙人的!!!!!!!!!!D龍蝦仔又唔好食，人地pret a manger個d龍蝦仔沙律三文治，仲整得好食個它。總之，又貴又唔好食我地食左七成就算，掉了！

今日dinner,上網訂左最新個套餐 ~小龍蝦三重批套裝 $195,加多個雞肉丸 $28 ~~上網訂仲抵呀..送埋雞串配薯角.. 呢d打電話order冇架..小龍蝦哈哈哈PIZZA : 果真有小龍蝦喎....隻野真係好小...老豆同媽咪都話又"鞋"又腥..真係慘呀..咁細隻仲要兩個分 不過個批不過不失..都係焗返熱佢架姐..好難話難食既...秘製雞槌: 味道普通,冇咩味咁...食到少少的黑椒味~網上訂送既雞串薯角..哈哈!估唔到份量都ok喎...三串沙嗲..有埋沙嗲汁架 ~味道唔錯~不過個薯角冇咩味..~~雞肉丸 ~~好味呀...蕃茄汁+雞肉味..又唔會好硬 !!下次會再叫 ~~肉醬意粉,普普通通...特登叫就唔免了

11月15日喺青衣城pizza hut食lunch, 去到即有位, 講咗三個人, 俾咗四個人位(正常啦), 但係枱面得兩副餐具, 帶位既一於晤理, 我地晤出聲d服務員都晤識俾多份餐具, 服務態度有點兒差.再加上一坐低就發覺隻碟污糟到死(無嚴重眼部疾病既人都應該注意到, 無理由擺位既人無留意到), 同個waiter講聲,拎第二隻嚟, 同樣係污糟, 算, 自己清潔番.落order, 個waiter晤知係咪無筆, 佢完全晤使寫野, 只係一味地'嗯', 嗌咗一個pizza, 葡汁焗飯, 咖哩牛腩飯三個餐,大約十五分鐘先嚟湯&飲品, 還算ok啦, 葡汁焗飯都晤好食, 得少少汁&飯, 都無其它配料. 咖哩牛腩飯半個鐘有多先上台,(晤追order可能坐一個鐘先嚟).d服務員似乎有d'時運高', 凡係舉手嗌佢地過嚟, 都需時幾分鐘, 佢地一於實行我睇你晤到,我睇你晤到,既態度.另外佢地亦晤會過嚟收食咗既餐碟, 當時既客人都晤算多, 人手應該充足吖, 但係就無人嚟收野.唯一值得一提既係, 最快速度既就係埋單, 3分鐘都晤使.

家姐正日生日無出到去食飯之前我講過好想食返以前自己包的壽司所以今日家姐特登包壽司作晚飯了因為驚唔夠食, 爸爸又叫了pizza hut唉, pizza hut的外賣真係好難食個set有Hawaii Pizza, 肉丸, 腸同香蒜意粉個pizza好淡, 唔夠sauce所以吃不出味要誇張到自己加醬, 個批邊厚到食麵包咁d 肉丸, 腸…想起都唔抵, 自己都整到去Ikea食好食過佢多多聲香蒜意粉…食完請自隊一支水, 因為會勁口渴真係有得揀的話都唔想幫襯佢

唔想煮飯,同阿POOH 叫PIZZA HUT 速 遞由以前$10X食到而家$13X,越黎越貴啦!今次要左個套餐,如下意式風情,細厚批--今次個批好夠熱,芝士半溶狀態,正波菜雞皇意粉--就好淡,唔夠味忌廉湯X2豬肋骨拼薯角--都幾夠味

每次去親pizza hut,都一定會有出錯,而今次仲錯到離晒大普,真係唔講唔得!!!話說我同我媽兩個人去食lunch,落單時我叫左杯"碎冰朱古力"&其他食物,個waitress仲好叻咁複左一次比我聽,冇錯嫁喎~過左幾分鐘野飲就到,黎嘅居然係一杯唔知咩野石板街,我就同佢講我係要"碎冰朱古力"啵,ok~錯左咪換過囉,之後我又有叫左酥皮湯,當湯同飯一齊上嘅時候,佢居然淨係比左一隻飯羹我畢飯,咁我飲湯唔通用叉咩,咪又要同佢講:唔該我想要隻羹呀!!而我地仲叫左兩個小食,其實飯黎先我都覺得奇怪,因為通常都係小食上先嫁啦!但我地食左一半,個waitress先走埋黎問我地啲小食係咪未黎...我都已經冇佢咁好氣,個個都唔係漏li樣就漏果樣,真係發緊夢!!食一餐飯都要錯漏百出,真係食左都由背脊骨落啦!仲有之前好似都唔覺佢地有service charge10%,咁我有member card,discount10%,計番個數,其實即係冇折過.......激死人......

剛和親愛的行完街回家, 屋企原來叫了Pizza Hut外賣不久前才吃完cpk, 所以有點抗拒低質pizza原來屋企叫了果個"扭扭批", 個pizza根本d filling就係罐頭蜜桃菠蘿同腸仔普通過唔普通, d sauce淡而無味, cheese當然係哂d 圈圈到d 圈圈係幾得意gei...如果這是零食的話最後吃了幾口就放棄了, 因為依個pizza真係太騎呢.......其他的粉飯一如以往, 外賣水準會急瀉, 不評了...

本來打算吃壽司 , 要等好多張檯 , 最後改變了主意去 Pizza Hut , 等了 10 分鐘左右就有檯 . 大家也不是太餓 , 點了一個 2 人套餐加多一個星雞配魚圈和夏威夷風光 pizza . 套餐的迷迭香烤雞 - 味道有些淡 , 要加芝士粉才有些味道．　星雞配魚圈 , 夏威夷風光 pizza - 這兩款好香口 , 魚圈好脆 , 又不會有太多炸粉 , 好好味 . 會員有 9 折 , 3 個大人一個小朋友 $300 不到 , 好久沒有試過這麼便宜 .

2008年2月10日，Pizza Hut有多久沒有來Pizza Hut了?已經記不起多久。以前食完都覺得Pizza不好吃，得個鹹字，意粉份量又少。所以一向都沒有好感。今天年初四，與友人相約青衣，所有酒樓爆滿，友人好不容易才在這裏找到位。香薰烤鴨凱撒沙律（$46）：鴨胸嫩，醬多寡由自己放，另一半整凱撒沙律是高手，所以沙律醬的分量當然是剛好啦，哈哈。黑松露汁野菇意粉（$55）：與我們自己買黑松露醬整的差很遠，無乜松露香味，又太乾身，麻麻。巴馬火腿特薄脆批（$82）：這個size細細的薄餅要82元，大家都叫“太貴”，當然貴在幾片火腿啦，但薄脆較傳統的薄批好吃。西班牙白酒藍青口（$99）：青口唔算好鮮味，個汁太杰。夏威夷鮮果沙律（$40）：都系沙律醬太多了。份量真少！朋友在我們來之前叫了一些食物,所以除開平均消費變成每人110元。

之前陸運會又唔想出去同人逼黎食..就諗住係運動場入面打電話order野食送黎..因為我地兩個都唔多肚餓叫左一個茄醬海鮮之類既細批..茄醬唔香..唔多食得出有呢回事..佢寫住..用70度發熱袋保溫..送到黎結果..凍凍地..??再叫左4件雞翼..唔肚餓還唔肚餓..食完等於冇食..份量太少了埋單$11x..我去食kfc $108都飽死..呢個價錢唔值

雖然Pizza Hut的pizza真係唔算好高水準, 但唔知點解一段時間就會想去食.今次Mami生日, 佢都好耐冇食過, 所以就去食o下佢個扭扭批, 我覺得都ok, 但係厚批好似好味d, 但係扭扭入面有pizza hut的招牌芝士,所以都好味. 但係我鍾意個批係千島醬多d.千層肉醬意粉好味, 重有d薯蓉係邊邊, 正~~~白汁海鮮飯好一般, 都唔似焗ge, 個什麼大蝦cocktail杯我好唔like, 好難食.個泡芙都ok, 但breaed papa的泡芙先係最令人懷念的.