志光麵檔 (已結業)

今次慕名來大角咀食豬膶米。其實我以前來過，但嗰日收工去竟然賣晒豬膶😫，係真唔係啊😅。昨晚收工準時趕去，順利的食到招牌豬膶米了。也點了韮菜水餃和清湯蘿蔔。豬膶米最先送上，湯底較淡，有薑卻沒有很重薑味，所以湯米是不過不失。豬膶有調過味？幾好吃也很嫩，個人覺得較深水埗名店好味。水餃也不錯吃，至于蘿蔔是清甜，只是芯未夠熱，其實可以切細塊少少，不一定要大大塊。另外見鄰桌點了雞卷，似乎幾靚樣，下次可以試試。大角咀好多小店，要慢慢試。

咁啱揸車經過路過志光麵檔，知道佢係良心小店，而且以比較偏門嘅食物豬膶麵出名，之前都有諗過黎試吓，今日見到一條坐低試吓。果然豬潤煮得出色，但重點係睇得出豬潤下左不少準備功夫，全部都好脹卜卜食落無𠴱種內臟嘅腥味，好明顯因為師傅沖洗功夫做得好足而且應該有浸泡過。環境服務：職員服務有善，但坦白講環境較細而擺放台較多。

聽講志光麵檔新出咗個串燒雞蛋仔，幾吸引，今日特登由旺角走過去幫襯。最想食嘅蕃薯味賣哂😭，於是叫咗個肉鬆味。雞蛋仔一串三粒，粒粒都好大，用支竹籤串起，好得意。一咬落去，外皮好脆，入面都算實心，紫菜肉鬆味道較濃，同雞蛋仔嘅甜味都幾配合，唔錯。趁熱食完雞蛋仔，再嚟多碗藥膳花雕醉雞卷米。醉雞卷有六件，件件都啖啖肉，以 $48 嚟講，認真抵食。雞卷嘅酒味雖然唔算濃但好入味，加上肉質嫩滑，整體嚟講係幾好食。至於米粉個湯底就比想像中淡，如果可以甜少少就更好。

雖然呢一間麵檔位置都幾偏僻～但係呢度嘅招牌豬潤米線🍜真係好好食😋個湯底都好正 食到好濃郁嘅糊椒同薑味💕豬潤嘅份量都好多 食落完全冇腥味 口感又唔會好粉 再配埋個米粉 好正！

聞名而到，但係太遲到豬膶已經賣晒，唔緊要，諗住其他嘢都試吓，但整體真係有啲失望，平時都唔會打食評都忍唔住要打下食物黎講，大部份都只可以用正常，不過不失去形容雞卷：正常水餃：size偏細但都未算失望瑞士雞翼：正常雞軟骨味道正常，份量反而有啲驚喜翠玉瓜好苦，懷疑係食材有問題其實全餐飯比較失望嘅係設施同配套坐既全程都聞到好大浸廁所味另外落單同漏單情況都頗為嚴重，經常聽到隔籬枱甚至外賣都催緊野食，原來經常漏單連自己都漏左兩次野食 落單亦都唔係太方便，明明有得叫串燒，但係張Menu只係得麵食可以點

聽朋友話依間最近紅左，抱住搵好食既小店去，叫左個3寶轉左米線，佢得米粉、米線、烏東同出前一丁。個豬潤堅正，好多汁既，魚肉都好滑，個豬肉就一般，個湯都好唔錯，甜既，我飲左3/4碗。

舖頭座位比較少 應該得十個位左右 等左大約半個鐘終於入到去 入到去上菜比較慢 上齊野應該都用左半個鐘以上 舖頭出面排隊位置比較污糟 成日有啲烏蠅蚊滋飛黎飛去😩😩胡椒豬潤米 💰42豬膶米上有胡椒粉同薑片癖走腥味 豬膶切得夠厚所以食落好滑好淋 一啲老嘅感覺都無 食得岀豬潤用酒腌過所以好惹味 不過米粉同湯底都比較普通無咩特別瑞士汁雞翼撈出前一丁 💰40雞翼係我鍾意食嘅味道 好入味同無牙牙婆都食到嘅質地 出前一丁都有濃濃嘅瑞士汁 食完罪惡感好重😩清湯蘿蔔 💰20大大件無渣 索晒湯 好中意依個🤩白菜煎餃 💰5隻/35 10隻/48本來想食韭菜但賣晒 所以叫左白菜煎餃🥬🥟相比起其他呢個比較普通 煎得唔算脆口 無乜特別 可唔食低糖豆漿 黑芝麻味 💰跟麵食10低糖感覺上比較健康

一場嚟到平日下午3點都仲有人龍排隊，因趕返工最終外賣，買咗豬豬出前一丁（豬膶+肉片）、一份細醉雞卷、一杯跟餐涼茶，盛惠10X大元首先唔知兩位男老闆去晒邊，煮麵同樓面都係女仔，唔知係咪咁影響水準。個麵一打開已經見到個湯好稀，連帶個麵都係冇味嘅，只有好淡嘅薑味，我叫出前一丁連味粉都唔落。麵煮得淋，豬膶又少少韌，完全唔係漢記嗰種爽口彈牙，而且醃唔夠味。醉雞卷係好淡偏甜嘅酒味，冇乜特別。涼茶係好飲嘅，真係少甜。因為太失望，冇影到相，但愈諗愈覺唔值先上嚟打食評，如果食物質素係平平無奇真係唔使專登去。

🟡黃色經濟圈🟡由佐敦搬去大角咀，店舖面積比之前的大和寬敞，食物味道和質素仍然保持水準👍❇️招牌豬潤鮮豬肉米粉🌀豬膶和豬肉都很鮮嫩，湯底清甜且帶有少少胡椒味，有D似肉骨茶👍好好飲❇️芫荽韭菜手工湯餃🥟🌀餃子餡料豐富，真材實料，芫荽味重，喜歡芫荽的朋友要試一試。❇️藥膳花雕醉雞卷🌀藥膳味濃郁，肉質軟硬適中且無骨，好味道👍❇️低糖涼茶🌀低糖雞骨

疫情有所緩和，本豬潤愛好者終於專程前往bookmark了很久的志光麵檔，本著來都來了？的精神，點了招牌豬潤米，藥膳花紹醉雞卷（小），芫荽豬肉煎餃（5隻），清湯蘿蔔💛雖然車程一個鐘多但用保溫袋裝住都還溫溫熱熱，米×豬潤同湯是分裝，豬潤量都不少，厚切，新鮮不腥氣，有少許調味過，口感適中吃起來不會老，湯有淡淡姜味，整體清淡健康，我平時比較少吃米所以無從比較，不過一大碗下去很治癒的感覺🥰然後醉雞卷就真的讓我驚艷到！雖然是小份但量都好慷慨😆雞腿肉非常嫩滑入味，甜甜的帶少許枸杞和棗香，酒味不明顯但真～的～很～好～吃～再encore的話我要買大份啊不要攔我🤣芫荽黨看到有芫荽餃豈能不試試😃車程關係就一定吃不到脆底啦😂餃子個頭中等，皮薄，菜肉平均，有芫荽香，調味適中，雖然是煎餃不過吃起來不油膩，美中不足是肉餡裡有少少筋？咬不斷😅清湯蘿蔔的量也是很良心🤣六大塊蘿蔔夠軟糯入味，清甜無渣，不錯喔～招牌豬潤米 7.0/9藥膳花紹醉雞卷 8.0/9芫荽豬肉煎餃 7.0/9清湯蘿蔔 7.0/9OVERALL 7.5/9店長和店員都好nice，等餐的時候雖然也有看到來堂食或外賣不過好像也不是很多？用心的良心小店希望一

🍽招牌豬潤米 $42🍽藥膳花雕醉雞卷米 $48衝著豬潤米而來 一直尋找好食既豬潤麵 但因為唔係好多地方有豬潤米食 所以一直都搵唔到好食的店面唔大 大概容納到十個人左右所以可能撞正食飯時間的話要預返少少時間排隊首先一飲個湯 有一種好突出既鮮甜味順口又唔會係味精湯豬潤分量都幾多 而且每片都係厚切印象中都有十片左右而豬潤都處理得好好 冇異味冇腥味藥膳花雕醉雞卷米既雞卷係另上既雞卷足足有六大舊 雞肉嫩滑 酒味好香有杞子同紅棗係入面

一提起豬膶麵或豬膶米，有些人會想起深水埗「維記」，有些人會想起同樣在深水埗區的「漢發」，但昔日名店「維記」的豬膶麵水準早已大不如前，「漢發」的豬膶麵無疑是好，但價錢又相對地貴，這天我慕名造訪的這間「志光麵檔」，它的「豬膶米」果然不錯，水準雖未至於超越「漢發」，可已是比上不足，比下有餘，完勝「維記」的出品。之所以會特地造訪這間小店，是因為偶然在網上看見有關這店的介紹，說它是一間誠意小店，店主是前店主的兒子，承傳了父親的生意，店名亦用了舊日的名字，店舖無論豬膶、鯪魚球和豬肉用的都是新鮮貨，質素不俗，既是如此，那便去試試它吧！點了「招牌豬膶配鯪魚肉米」（$50），這招牌出品的湯給我最深的印象，是湯中下了很多的薑，味道雖有點兒辣，可也不算太辣。這湯湯味都算自然，而且不會太鹹，這小店說它的湯沒下味精，試過之後，都覺得沒有騙人。米粉無甚特別，都是正常的發揮，常吃的口感，豬膶的確算不錯，外層有點硬度，內裡仍然軟嫩，不過味道稍淡，而且切得細了點，雖有厚度，但如終未如「漢發」那些既大件又厚身的豬膶那麼有口感和好味道。至於另一主角鯪魚球，份量比豬膶多，相比起豬膶只得大約七、八小塊，長條形的鯪魚肉就有超過十

@chikong_stall 樣樣高質老字號💛真係好出色，一邊食一邊感嘆點解咁少人，鋪面都乾淨企理又唔會坐得窄～樣樣野食都好得！大家一定要幫襯爆！🎉唔想兩個月過後街上無哂好味嘅良心鋪！宜家佢地連團購都有～🤗招牌菜肉雲吞🥟 $24👍🏻可以話係全港第一嘅菜肉雲吞！😇不單係睇落皮薄到透餡，係薄到一入口就已經食到内餡足料又飽滿嘅質感～☺調味得啱好，湯底都絕唔係清水！️光速就清哂六粒～🥺一邊打緊個食評一邊回味真心超想再食🥲已經準備買兩打佢地嘅外賣生菜肉雲吞係屋企儲備！❤️豬膶特盛米🍜 $60 👍 對内臟不到厭惡但都敬而遠之，畢竟要處理得好食又無腥味實在困難，唔食就唔中伏😂但呢到嘅豬潤厚身大舊，咬落去外爽脆內里帶汁、軟又滑嫩，不腥又不硬，實在好驚喜！👻配上米粉一齊食真心好味！ 🍜 店員更貼心告知若是怕過生可以再在湯內浸熟一啲～我就覺得直接食都好不錯！🤧湯面浮著幾塊薑片，但味道不太辛辣，當時正值降温，飲啖暖暖嘅薑湯成個人都舒服啦～🤧👌🏻平日唔太愛食鯪魚肉但幾開心內里無細少嘅碎骨之餘都幾有嚼口，預先調味過嘅豬肉食落不柴，食材足料又新鮮，絕對滿足又暖胃～大推薦～！😻招牌豬膶出前一丁 🍜 $47👍🏻爽口彈牙嘅

係一啲Foodie Page介紹見到而慕名前來。麵檔嘅位置都算偏僻，係HSBC大樓行過去都要6至7分鐘，附近比較多工地。內在環境，餐牌，都多小食選擇，反而招牌米粉只有三款。良心小店一定要支持。豬潤豬肉米粉，HKD 48。本身一心諗住黎食鯪魚豬潤米粉，可惜佢話鯪魚未到貨，就改食左呢款。一上黎師傅幫我落埋胡椒粉，服務態度非常好，很體貼。整體而言，米粉係中上，都有85分。米粉和湯可以由第一啖到最後一啖都保持到熱辣辣，很加分。豬潤夠厚，生熟度控制得不錯，不過略嫌不夠滑。豬肉的味道有驚喜，醉酒豬肉。另一個招牌醉雞，個人認為合格，不過不特別，酒味明顯，但不夠濃，雞有少少鞋。下次再去應該會改試煎餃。

👍🏻豬潤鮮鯪魚肉米 $50豬潤夠哂薑！質地好軟嫩滑溜😛上枱時仲有少少血水，浸係熱湯中都唔會過熟👍🏻醃到鹹鹹地，唔會淡茂茂無味鯪魚肉嫩滑軟腍，少少彈牙鯪魚味好突出，但有胡椒調味，所以唔腥不過碎骨都幾多，要小心啲食🤭湯底無味精，加左薑同胡椒粉，清清地簡簡單單米粉嘅份量好多，男仔食一碗都夠哂飽味道：8/10性價比：8/10-👍🏻藥膳花雕醉雞卷 $38/半份雞肉浸得入味，厚肉皮薄，雞皮爽彈肉不至於嫩但實得嚟唔鞋，雞卷嚟講口感唔錯酒味唔太濃，味道偏甜，帶少少藥膳味個人鍾意食酒味重啲嘅醉雞多啲😙雖然係凍食，但唔會有雪味味道：7/10性價比：8/10-👌🏻手工韭菜煎餃 $35/5隻多菜少肉嘅水餃，咬落好多汁🤪！因為客家菜煮法，所以調味都會甜甜地韭菜餡切得較碎，似韭菜蓉嘅口感韭菜味突出，但唔太食到豬肉味水餃皮煙韌但比較厚，餡料略嫌唔夠飽滿食起嚟會皮嘅比例會多啲😐味道：6/10性價比：7/10-👌🏻招牌菜肉雲吞 $25/6隻雲吞皮好薄滑，細細粒一口size肉嘅比例比水餃更多，可以食返啲豬肉味但雲吞同湯底調味偏鹹味道：6/10性價比：7/10-👍🏻鵝肝多士 $88估唔到一間主打豬潤米嘅小店會有鵝肝多士🤣鵝