志光麵檔 (已結業)

一場嚟到平日下午3點都仲有人龍排隊，因趕返工最終外賣，買咗豬豬出前一丁（豬膶+肉片）、一份細醉雞卷、一杯跟餐涼茶，盛惠10X大元首先唔知兩位男老闆去晒邊，煮麵同樓面都係女仔，唔知係咪咁影響水準。個麵一打開已經見到個湯好稀，連帶個麵都係冇味嘅，只有好淡嘅薑味，我叫出前一丁連味粉都唔落。麵煮得淋，豬膶又少少韌，完全唔係漢記嗰種爽口彈牙，而且醃唔夠味。醉雞卷係好淡偏甜嘅酒味，冇乜特別。涼茶係好飲嘅，真係少甜。因為太失望，冇影到相，但愈諗愈覺唔值先上嚟打食評，如果食物質素係平平無奇真係唔使專登去。