忠記粥品 (機利文新街)

營業中

休息中

魚片艇仔粥 $25薄魚片新鮮水魷、瘦肉、花生足料清清地又好食蔥花會另上好貼心7.8/10粟米碎牛粥 $25粟米粒粒清甜碎牛已經調左味少少鹹味好食😋8.1/10鹹煎餅 $11第一次食外面鹹芝麻中間微微甜味質感偏厚實7.7/10蔥花蝦米腸 $21簡單有蔥花蝦米調味味道正常7.0/10

好掛住綿綿嘅粥，特登行去上環食粥，好味又抵食，份量足，性價比高。閒日晚上6點半仲未多人，一到7點開始好爆好多人。我地點左2個粥，叫左炸両同炒麵，最後叫埋炒米。魚片艇仔粥 $25好多料呀，有魷魚、肉碎、魚片、魚肚……加少少胡椒粉，正呀。啖啖都有魷魚同魚肚，魚片又嫩滑無骨。粥底好綿滑又香，好味。生滾牛肉粥加窩蛋 $38+6好大碗，先搞勻個蛋黃，好快變蛋花粥，入口更香滑，生滾粥比熱，好岩冬天食。牛肉好多，肉質嫩腍，煮得剛好。炸両 $16大大碟好夠飽，加左甜醬、麻醬，記得加埋芝麻，更香口。混醬嘅調味之下，粉皮好夠味，厚度都剛好，再滑d更完美。油炸鬼仲有少少脆，正喎。炒麵 $16好香好惹味，有d鑊氣，個麵爽身唔痴，有豉油香。炒米 $16可能尾水，全部碎哂斷開，亦都無咩味，唔好食。

Scrolled for cheap resto in Central during work, and accidentally discovered this congee resto which offered different kinds of congee inexpensively. .I got Sampan and Pig Red Congee. Hotly-served, the congee was smooth. Four large cubes of pig red was given and the ingredients of sampan was generous too. The minced pork tasted savoury and the squid was chewy. Just that the pig red could be more flavourful. .Great value for money and I believed it was super hard to find a resto which sold food i

行入去這家店，食早餐嘅人潮湧湧，我點咗碗熱騰騰嘅碎牛肉粥同埋一對炸兩，真係撲鼻香呀！碎牛肉粥嘅米粒爽滑，每啖都好似輕輕搓過喉嚨咁，再加上嗰啲嫩滑嘅牛肉🍖，真係好夾！而炸兩啲油條嘅外皮香脆得嚟唔會咬落去太油膩，包埋腸粉嘅口感真係惹味到不得了！想話俾你知，嗰啲芝麻醬味道正，完美補充返炸兩嘅味道。仲有，我哋叫咗份炒麵，平時食炒麵驚油太重，但呢度嘅麵條一啲都唔會過油，鑊氣足，每條麵條都包裹住淡淡豉油香，真係好夠味！加埋啲芽菜，提提鮮，食落更爽口。真係冇得頂，係咁「吖嗱撈𠵌㗎」！🍜 見到隔離枱嘅哋位叫咗塊煎堆，香香脆脆嘅，佢哋食得好開心，下次我都一定要試吓！局外人望落真係好有食欲添！總之，想要一個港式早餐嘅正宗體驗，未走到別處啦，先嚟呢度試吓!👍

好多早餐店都係好早閂門，忠記有別一般嘅粥店。呢間粥店除咗會做早市，仍然做到晚市。多年係到開店營業屹立不倒，裏面除咗有一般嘅粥仲會有埋生滾粥。每次嚟到我必定會叫一碗生滾粥。 價錢嚟講$20-35非常之抵食， 30幾蚊有一碗生滾粥，加$5 -8可以加配料。唔食生滾粥普通粥都有，價錢大約$24 起。除咗粥，我覺得最好食嘅係佢哋嘅油炸鬼，熱辣辣，同埋係新鮮每日製造，唔似得一般啲油炸鬼係工場嗰度拎過嚟返炸完之後太脆同埋整得太乾。

走入嚟，空氣中漂浮嗰陣炸兩香和粥味，已喺度叫我忍唔住口水直流🤤。此刻，我只想講，忠記既食物真係「正」！我點左碗皮蛋瘦肉粥，又滑又香，皮蛋夠哂腥味，瘦肉又嫩滑得嚟，一啖粥，世界都靜音咗似的。跟住，嗌咗條腸粉來試吓，賣相晶瑩剔透，個腸粉窄窄哋，順滑得令人唔捨得咬落去。淋咗啲醬油同芝麻醬，哎吔，嗰個「滑」字，實在係得黎唔得去！而炸兩呢，可能唔算最出色，但嗰個外脆內軟嘅口感，對上一杯港式奶茶，即刻變成滿滿嘅幸福感。整體黎講，這家店既食物真係攞到我嘅心🧡。係中環這片土地上，想搵個可以信得過又抵食嘅地方，忠記絕對上榜。無論係川流不息嘅街頭，抑或係寫意靜好嘅小午後，呢度嘅皮蛋瘦肉粥同腸粉，都係我心水之選！

各位食友好，今日嘅食評唔講繁複，直接撚起袖子分享啲真心評價。喺呢間小店食咗碗粥，🍲 呢下寒風瑟瑟，熱辣辣嘅漿鬼牛肉粥真係正！粥底細滑，牛肉嫩滑香口，食落熱辣辣好滿足。再來係個炸鬼，🍤 喺香香脆脆嘅外皮包裹住鬆軟嘅油炸鬼，搭配粥品真係一流。我個人特別中意佢個腐皮，啖啖都係彈牙嘅口感，仲要配上點點嘅香甜豉油，簡直係完美嘅combo。份腸粉呢，簡直滑到出水，🥢 加上特製嘅甜醬同芝麻，真係頂呱呱！我碟嘅微微甜味同腸粉嘅軟糯完美地結合埋一齊，一啖咬落仲有脆口炸兩嘅驚喜，啱哂一大早或者係歎下午茶時光。又平又好味，喺繁忙雞飛狗跳中，嚟呢度食個快樂早餐，真係可以話係我日頭最滿足嘅時刻。下次有機會過黎街角嘅朋友，記得試吓呢間嘅粥粉麵，保證令你心情靚晒！

🥣 Located in the heart of Central, 忠記粥品 is a popular congee shop that has earned a well-deserved reputation among the local working crowd. Its affordable prices and delicious offerings make it a go-to spot during lunchtime. I recently had the pleasure of trying their Salted Egg with Sampan congee priced at $24 and their Turnip cake for $15, and I must say, it was a satisfying and flavorsome experience.🥚The congee arrived promptly and lived up to its reputation. The Salted Egg with Sampan congee

粟米魚片粥($24)，底有好多粟米粒，而且魚片量足，連蔥花，薑絲，味道唔錯，清清地可以當早餐。粥嘅質地都唔錯，夠棉。反而蘿蔔糕($15/2件，圖為一件)，令人失望，真係得蘿蔔，連少少少少蝦米，臘味個啲都無，純白一舊糕，只係靠豉油調味，好彩都叫清甜，重食到一條條蘿蔔。而且份量相當巨型，如果為填飽肚係好選擇。佢應該寫明真係得蘿蔔，無其他材料，因為真係同認知中嘅蘿蔔糕相差太大。我寧願要兩件薄嘅蘿蔔糕，但係有少少蝦米臘味係裡面，起碼香口啲。

小妹最近慳妹上身，係公司附近周圍捐揾平靚正lunch食，行到黎呢條街，成條街都係茶記，食肆，咖啡店。行到街口見到間裝潢好傳統既粥店，唔想食得咁heavy, 就清清地食碗粥做午餐啦😃叫左一碗豬紅粥，一個炸兩，三十幾蚊。一個女仔黎講係好夠飽。呢間粥檔既粥底好綿，食到最後先有少少出水，豬紅重好多我食唔哂，返而想佢俾多啲粥🤣炸兩係新鮮即做，外軟內脆。最鍾意就係加大量既甜醬，麻醬同辣醬，卷係外面既腸粉質地唔算好滑，不過好有米漿米，成件事就係一種好傳統好香港既味道，同食連所粥麵店真係兩回事。 再食埋個環境氣氛同人情味，係香港地真係買少見少，真係好難得再揾到。希望呢啲傳統老店可以一直傳承落去，等我老左都重食到呢啲回憶既味道。

喺中環工作已經4年，附近嘅粥品店並不多，所以通常食粥都只好揀忠記，因為佢比較多選擇因為疫情關係，都有一段時間無嚟今日叫咗個兩樣嘢，腸粉同粥，主要我想講嘅係個生菜鯇魚腩粥講真我對粥都無乜要求，但係都唔好俾碗粥水我吖🥲唔係煲到好棉嗰啲粥!而係真係粥水!呢4年嚟一直幫襯都無食到過咁差我明白疫情下好多餐廳承受好大壓力，我真係唔介意你加價我願意俾多啲錢去食返一碗正常嘅粥，而唔係我食完都感覺好似無食過野落肚咁

唔查食評都唔知原來忠記有咁多分店。幸好有呢D老店仍在中環開店。曾在舊區工作，十分懷念本土色彩的食店。忠記此類粥鋪，就嚟連香港小社區也難找。今日特登幫襯食蒸蘿蔔糕。$14兩件，十分相宜，跟我在土瓜灣的一樣價錢。份量也足。只是不夠熱。食入口亦見一絲絲蘿蔔。自己加上混醬及芝麻。叫做ok 喇！

今日嚟到中環尋找平民小食。南瓜粥 $21南瓜粥味道麻麻，不過好足料，快閃健康嘅味道，維他命A都補眼，就當係為咗平日返工成日望電腦補補佢。生滾滑雞粥 $36油炸鬼$14我覺得成餐最好食係油炸鬼，不過比較偏油，熱辣辣，脆脆地幾好食。叉燒腸$19份量唔多，豉油好鹹，自己加咗啲麻醬，但係好水

今日中午去咗忠記粥品,叫左個滑雞粥，佢個粥調味喊道啱啱好，可以唔落胡椒粉，都夠味，雞肉幾爽滑。跟住再叫咗油炸鬼，份量好多味道都OK。最後就叫埋一個叉燒醬，腸粉爽滑。叉燒有少少肥。價錢都係$87可以去嘗試下

中環食個lunch 要飽肚，少過五十蚊既選擇唔多。今日試呢間粥鋪，點左三樣野，絕對夠飽。粥，正正常常，冇咩味，清清地。腸粉鞋口，但自己落醬，好味道。炒米粉，冇咩味，都幾硬身。你話呢間野好味就算不上，但係有時想食清d , 呢間都算唔錯既選擇，價錢公道，中環黎講算係咁。