忠記粥品 (啟業商場)

營業中

休息中

今日OT到九點，同事帶我到啟業村吃宵夜。🍜 忠記粥品的湯飯絕對是啟業村的深夜食堂首選！我們點了兩款湯飯都是暖胃之選，豬潤豬肚勝瓜湯飯和豬潤龍蝦丸芥菜湯飯。（ 每款湯飯可選兩肉一菜 ）湯底清甜不膩，用料十足。豬潤肥而不膩，豬肚爽口有嚼勁，配上清甜的勝瓜；另一碗的龍蝦丸彈牙鮮美，配搭爽脆芥菜更添層次。飯底用的是香噴噴的泰國絲苗，配上店家特製的辣椒油，香辣提味，令人回味！💯 #香港美食 #支持小店 #啟業美食 #深夜食堂 #港式湯飯 #地道小店 #豬潤 #龍蝦丸 #宵夜推介

夜晚突然之間好想食粥，原來屋企附近有間粥舖，我地叫咗個皮蛋瘦肉粥，碎牛粥，齋腸，炒麵，炸兩，糭同埋煎堆D粥好好味好足料好夠份量，我超鍾意食個碎牛粥超好味，夠熱又夠多料，一啖接一啖腸粉好滑又夠熱，佢個腸粉豉油超好食，我攞嚟送粥送炒麵炸兩，超正炒麵雖然淨係得芽菜，但係都幾香幾好味炸兩就正常味道隻糭應該未蒸熟，定係唔知佢放咗入冰箱，入邊有啲米仲係生嘅個煎堆好韌，直頭要扯出嚟先食到整體都幾好食，應該會經常幫襯

呢日接近黃昏5點，覆診完，再嚟呢間粥店食嘢。由於早已計劃幫襯，所以午餐只係食咗10粒雞肉燒賣，呢次嚟到，當然要食上次話會食嘅炒麵，另外叫咗碗豬雜粥，睇吓有乜東東。炒麵好快到，同上次評論一樣，係無乜油，所以食落口唔夠滑，食炒麵，我喜歡落甜醬、辣醬、少少麻醬，再灑上芝麻，咁先至叫好味。呢度嘅炒麵明顯係預先炒好，所以唔係好夠熱，而且只得芽菜炒，若果加上韮菜及甘筍絲去炒的話，無論賣相及口感都會更好，而我亦起粉嶺聯和墟食過有店舖係用芽菜、韮菜、甘筍絲去即炒。慶幸呢間舖嘅炒麵質地算煙韌，而且麵條粗幼正常，算係合格啦。至於豬雜碗粥，啲料都幾多，有粉腸、豬腰、豬肚、豬膶及豬心，樣樣都好食，尤其是豬心，一片片，做得好滑，我要好仔細食，先至確定佢係豬心，但我真係唔知佢同及第粥嘅分別，最衰上次無記錄低及第粥入面有啲乜，唔得！我下次嚟要叫及第粥，mark低有啲乜餡至得。

今晚感覺喉嚨痛，有些痰又咳，於是去食粥，清清地唔好刺激喉嚨。來到九龙湾启业邨入面地下商場鋪的忠記粥品，叫碗皮蛋艇仔粥，但怕唔够饱，所以叫咗两碟普通肠粉，原来肠粉兩碟放埋一大碟份量十足，好大碟又好滑。

今天下午到啟業村，走到忠記粥品食碗粥，加個腸粉醫肚。很快趣粥就來了，很大碗，而且粥料十足，我叫的是皮蛋艇仔粥加普通腸粉。可惜店鋪細小人又多，午餐時間要搭位都無辦法

8月5日揾食肥華牛一嘅日子，早上先到九龍灣運動場，行番幾個大運，總共步行咗12OO米路程，破晒肥華近五年，步行，行圈紀錄，行完大運，肥華就同靚媽行去，啟業村内揾嘢食，因天氣酷熱，攪到肥華，靚媽都冇胃口食粉，麵，飯，結果就選擇咗到，呢間粥店食午飯，但此店個艇仔粥個粥底又係偏杰，雖然靚媽話OK，但肥華試咗一啖就冇興趣食，而個炸兩及炒麵嘅質素尚好，荳䊢味道就比一般粥店為高，至於個介菜，滾豬潤雞肉湯飯則是精彩之作，係咁熱天氣食碗湯飯調節吓，胃口係啱嘅👍

喺OpenRice 搵咗好耐先知，原來呢間就係我今日去咗喺啟業邨嗰間忠記粥品。😅今日其實係第二次嚟，上次好多個月前嚟食過晚餐，嗰日冇乜人。今日自己一個嚟食晏，細枱剩返一張對住一大堆放污糟碗碟嘅桶，感覺麻麻。😥睇完餐牌想叫嘢食，有位阿姐企喺廚房出菜口大大聲問我食乜（佢同我大約都有兩米幾距離），我唔係好想大大聲嗌，於是用正常聲量講，終於佢行咗埋嚟。我見餐牌話窩蛋加$ 4，於是叫免牛粥加蛋，可能冇乜人會咁叫，阿姐問我係咪要生滾牛肉粥，不過我對免牛粥情有獨鍾😂。夠熱、夠大碗、好味兼抵食。上次食炒麵，覺得好得，今次試吓啲腸粉。每張枱面都擺咗唔同嘅醬料，想落乜同落幾多，自己話事。👍🏼👍🏼不過，咬落去口感就實咗啲，我比較鍾意食滑啲同淋啲嘅腸粉，今日呢碟一般。今日呢餐；粥夠哂熱又大大碗，牛肉都算幾多👍🏼👍🏼，但係啲腸粉就差咗啲，不過全部夾埋都只係$40，算啦。😊

覆診完，行到啟業邨，見到冬菇亭一個飯都要56，不如行去商場睇吓有乜食好過，第一站，大家樂，選擇少而且上次食過，唔掂。Next，搵吓搵吓，見到呢間雖然人有啲多，但總算企理，又有我喜歡食嘅及第粥，一於入去試吓，炸兩同炒麵，兩樣我都喜歡食，但唔可能一次食哂兩樣，見到佢嘅炒麵啞色，擺明唔夠油，於是叫咗炸兩。炸兩好快到，個粥要煮，所以要耐啲。首先講個炸兩，個人喜歡齊醬多芝麻，每一件都要有齊三種醬及芝麻先至叫好食，碟嘢勝在豉油唔係好多，唔會過鹹，而且咬落脆身，證明油炸鬼係好新鮮，唔會擺好耐，亦唔會係預製食物，抵讚個粥仲，有薑絲，有辣味得嚟但唔會過辣，質感綿滑，食到底都唔會水汪汪。講到及第粥，個人認為個靈魂一定係條粉腸，粉腸好唔好食，決定碗粥嘅分數值。哼！佢居然好嘢到粉腸唔苦、唔韌，仲好腍，而且有兩截，真係未食過咁好食嘅粉腸，完全加哂分添啦！我可以好肯定下次覆診，一定會再嚟食過，會食埋個炒麵，期待到時再出貼文分享。

前排天氣涼涼地 想食返碗粥暖下肚 就揀左呢間粥舖 睇餐牌 啲粥都好平 生滾粥都只係30零蚊 第一次食左生滾魚片粥 屋企人揀左肉丸肉片粥 啲粥好足料 幾乎啖啖都有料 不過食魚片粥最好小心慢慢食 中間會有少量魚骨 屋企人食肉片肉丸粥就讚不絕口 話係細個食既味道🤭我試左肉丸 係幾好食既手打肉丸之後都有再去食 今次加左滑雞 估唔到加左料 魚片都冇少到🤭 滑雞真係名符其實好滑 不過都係要小心啲碎骨 然後又試左滑牛 但就麻麻地 有少量筋 都係肉片好食啲