影片
以上資料只供參考, 請與餐廳確認詳情
凍冰冰想食碗熱辣辣生滾粥好耐之前幫襯過灣仔分店發現有喜歡的豬腰粥(而家唔多粥店有做了)今次特意黎試下打開碗粥望落已經覺得好濃咁食一啖粥底好綿豬腰亦都處理得好無內蔵既怪味係略嫌真係好多薑絲(我知道係要落黎除腥味)不過少DD就完美了下次再想食粥會再過黎呀
繼續閱讀
我們朋友二位到了油麻地區見到地鐵附近有間粥店， 便一起吃吃呢，因為我們都喜歡品嚐粥麵粉類的， 我們點了分的有艇仔粥、魚片腸粉和一支凍豆漿， 食物熱騰騰的送到， 食物新鮮出爐好味！
繼續閱讀
已經係呢間粥舖食過3次，決定寫返篇評論比佢佢營業時間算長，收凌晨兩點🕑雖然係旺角油麻地區，但其實到凌晨時分仲開緊嘅食肆真係唔多，尤其依家肺炎好多食肆都提早閂門添。。叫左個南瓜粥+鮑片，佢嘅南瓜粥唔似海X粥店嗰碗咁已經一早溝好哂，呢碗係一舊舊南瓜收埋係粥底度，南瓜好淋好甜，粥同南瓜🎃比例亦好好，就係呢碗粥驅使我encore幾次😋。反而佢嘅腸粉同油炸鬼就唔好食，腸粉皮偏厚，油炸鬼偏乾硬😌😌。除左粥外，佢仲有湯飯可以嗌，目測份量好大碗，男仔一定夠哂飽，如果我食嘅話應該可以食到一日😂
繼續閱讀
今日收工一個人去旺角睇醫生，睇完醫生之後都無咩胃口，見到有間粥店，咁就求其為飽肚啦，點知試完之後都有驚喜。坐低左之後點左個皮蛋艇仔粥再加多條油炸鬼，價錢都好街坊下，22蚊再加9蚊。咁油炸鬼就黎左先啦，應該都係一早炸定，不過餐廳就放左係個保温箱度，重暖重脆。好啦，到個粥啦，個碗都算大，而裡面就真係超級多料，你每食一啖都會有好多料，料有豬皮，魷魚，碎牛同皮蛋，而且個粥底都好綿，所以都好滿足，會再黎幫襯。
繼續閱讀