快樂麵麭

營業中

休息中

灣仔傳統街坊麵包店重開 新店環境光猛好多 都多左潮流麵包 例如 麻薯波波 柚子菠蘿等等 鐘意布甸包嘅我梗係試試佢哋新品.⭐️紫芋特式麵包布甸$30 特價$20 （心諗你直接寫$20比較好 寫$30應該冇人買）👌🏻布丁包包哂有少少焦糖feel👌🏻麵包做法麵同一般市麵唔同 冇法式麵包韌性咁高👌🏻比較似傳統麥包口感 👍🏻軟熟會比較高 中間包住芋泥整體其實好食 有中上水平.重開後 定價比較進取冇左傳統老店果種抵食感覺例如蛋撻$7-$13 味道正常水平 如果同區搵間冇咁出名$4-5就有夾住左係潮流同傳統嘅中間點.#hkfunfoodrecord窮遊香港#hkfunfoodrecord_灣仔.#快樂麵麭 (灣仔)地址：灣仔皇后大道東66-68號地舖.⭐️評分：味道：3.8/5環境：-/5服務：-/5抵食：3/5.‼️想睇更多資訊‼️ig/mewe： hkfunfoodrecord‼️fb:funfunfoodrecord.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #hongkong

滿滿回憶的懷舊味道灣仔街坊特別喜好的舊式情懷試了奶油筒好美味沙翁太一般沒有大澳的好味其他出品也是舊式味道與大品牌不同有獨特風格品位也是街坊價大眾都付得起的有人情味的餅家

衰在羊群心理，試買所謂舊式餅店的蛋撻，排隊見人多早已準備隨時拍八達通付款，我同店員講要4件蛋撻，店員聽到後隨即呼喝「俾錢先啦！」，去買嘢食都受氣！試過都不外如是，味道仲衰過屋村餅店，貴又貴過人！到第二次，陪同事去買袋裝蛋糕仔，同事放在收銀向店員說「唔該」，收銀員一直沒出聲、又無手勢，只見八達通機顯示蛋糕仔價錢，同事見狀便拍八達通付款，收銀員全程無出聲，又木無表情、甚至目中無人，幫襯你連基本一句「多謝」都無，仲要睇你面色，真係無下次！去幫襯其他小店好過。

以為重開所以入左去買左三個麵包，食完中伏，因為朋友識得快樂餅店既師傅，於是問下，原來唔關佢地事，個包仲要賣到咁貴（$15一個）都唔緊要，最重要係難食，本身對麵包要求不大，但都覺得難食，一個紫薯包裏面嘅紫薯蓉好多渣，本來諗住纖維高就照食，但係啲渣係粗到吞唔到唔係快樂餅店，有被欺騙既感覺，以後唔會幫襯！

早幾個星期前落訂要麻薯波波，講明散水餅用，要盒裝。好啦到拎貨日，個男收銀竟然全部用袋，我話吓？用黎散水餅wo，咁樣好睇咩？有冇盒裝呀？佢答收order個時冇講，張單又冇寫，心諗用下你個腦都知散水餅點會用膠袋裝住分俾人，搞到好寒酸，佢仲要推個波個廚房到🙄，好啦，後尾有個阿姐叫佢拎過去，佢拎盒裝，但個阿姐講多句下次叫我講明用盒裝，我即刻答落訂個時講左，嘩原來你又係冇腦又係A字膊，將個波推完廚房之後又推落個客到。跟住又話計番盒錢，我話冇問題照計，咁佢就一件件夾出黎放落個盒到，由於趕時間關係（要趕住番公司），我都落手一齊搞。戲肉黎啦～夾夾下發覺唔岩數，仲要係我發現唔岩數，數黎數去仲差5件，嘩～你地工作咁甩漏，呢樣都錯我話你搞咩呀？跟住個男收銀係一二角又變多袋出黎，話頭先俾漏，加埋呢袋應該岩數，頂佢個仔，搞左大半個鍾，老闆係咁追魂call我搞咩咁耐😨，佢地道歉都冇句🤬，總覺得自己岩🤬，唉我仲要番去俾老闆照肺🥲，解話點解拎散水餅都可以好似游左去對面海咁耐。講真都預早幾個星期前通知啦，你地應該一早準備好貨物先俾客，仲要個客發現有錯，你地毫無歉意。呢個黑名單!!!!!總結：服務態度-10：工作細心-1

早前結業嘅灣仔老餅店喺同區重開，放假特登去呢間老店睇吓，回歸之後嘅門面同以前完全唔一樣，但係仍然有賣唔同嘅懷舊西餅，仲加入咗唔少新產品，迎合返新一代嘅口味。▫️忌廉筒 ($11) 4/5特登買返去比家中兩老食，比之前細個咗，酥皮好脆又唔會好油，兩老話同細個食嘅味道一模一樣。▫️麻糬波波 - 朱古力/綠茶/伯爵茶味 ($10) 3.5/5本身冇諗住要買，但係咁啱遇著佢新鮮出爐，香噴噴又熱辣辣真係好難抗拒😋。$10一個麻糬波波唔係平，但係size比其他麵包店嘅大個好多。外皮好脆又煙靭，咬開入面係空心，淨係得小小黑糖麻糬(圖片可以拉到第3張)，有小小失望！3款口味個人排名為綠茶>伯爵茶>朱古力，朱古力味唔夠濃，配埋黑糖麻糬唔係好夾。▫️斑斕紙包蛋糕 ($7) 3.5/5個人好鍾意斑斕味嘅食物，所以一見到就買咗。食落幾有斑斕味，但係有少少乾。之前有睇過電視訪問，老闆娘話搬咗新鋪租金都貴咗好多，大家經過不妨支持下，畢竟呢啲傳統麵包店真係買少見少，下次會試埋新岀品嘅芋頭麻糬布丁蛋撻！Overall rating (5粒⭐️為滿分)味道：⭐️⭐️⭐️服務：⭐️⭐️⭐️⭐️環境：⭐️⭐️⭐️性價比：⭐️⭐️⭐️⭐️✨想睇

可以話係暫時我食過最難食嘅麻薯波波自上次食咗佢個「香芋麻薯布甸」 之後，對佢嘅麻糬有啲信心， 所以今日午飯時間13:45 左右又特登過嚟買， 之前幾次嚟啲麻薯波波都所剩無幾， 今日有大量貨量， 所有味都齊， 任君選擇， 還掂都係試， 就試左最時髦嘅「伯爵茶」味。雖然一夾落去， 心有離一離，諗緊點解咁硬嘅， 唔通係行外脆中間煙韌路線？ 到放工時間左右， 拎返出嚟當下午茶菠蘿皮面， 硬脆甜。係有啲伯爵茶香一搣落去，就知賴嘢好硬好難搣中間中空， 黑糖麻糬好少另外一邊情況一樣，果然做到好平均咬落去仲大獲， 唔知自己食梗咩唔煙韌不在話下，又硬又乾又甜黑糖麻糬存在感極低我都覺得自己思覺失調， 前排先讚完佢個布甸啲麻糬ok , 今日就打倒昨天的我。 果然每間餐廳/食肆過去嘅表現唔代表佢將來嘅水準。 因廚師而異， 水準可升可跌

Under this QQ ball food trend, what caught my attention was such a traditional old bakery tried creating the hot trend QQ ball. They served couple flavours but I decided to first try their original flavour.Original flavour was a pineapple bun crust sesame flavour monchi bun. Crust was crumbly but still attached the dough nicely in every bite. Sesame was toasted which gave a nutty flavour rather than just hint of sweetness. There was a real monchi instead of only using glutenous flour inside the

45年老字號快樂餅店 終於係灣仔原區重開！唔洗山長水遠入馬鞍山食啦！必食招牌懷舊奶油筒！金黃色嘅酥皮相當蓬鬆，酥脆富層次。入面擠滿順滑嘅奶油，食落比想像中輕盈不甜膩！帶少少鹹味~ 重點係擺左兩晚都仲好脆除左沙翁、紙包蛋糕、瑞士卷、紅豆燒餅、皮蛋酥等多款傳統港式麵包及糕點，佢地更推岀左多款新品。菠蘿皮嘅麻薯QQ波｜手掌咁大個，焗翻熱食外脆內煙韌，朱古力口味有流心朱古力醬，不過個人就麻麻地綠茶口味~ 麻薯布丁蛋撻｜撻皮香脆，蛋漿滑溜，麻薯拉絲，但凍食稍微偏甜。雞批｜撻皮厚身帶點酥化，香得黎忌廉味唔會太重，幾岩口味＊奶油筒 $11＊麻薯QQ波 $10＊麻薯布丁蛋撻 $13＊雞批 $13

潮聖大熱灣仔麵包店｜快樂餅店今次帶大家潮聖最近大熱嘅灣仔老餅店——快樂餅店，lunch成日排長龍因為大家食完個飯都想買件蛋撻返office做下午茶🤭快樂餅店嚟緊4月中旬就會搬去銅鑼灣蘭芳道，同順景茶餐廳二合一，改名叫做快樂順景（Happy Café）👍🏻唔知到時熱潮會否延續呢，大家拭目以待☺️我食完飯趕喺佢收鋪前買咗以下：🍮芋頭麻薯布丁蛋撻 $13熱辣辣咁食就至正👍🏻但其實整體嚟講佢蛋撻元素較多，芋頭麻薯係食到好入先有少少，比例上有啲名過於實。但又真係比一般蛋撻高身同有層次感😋都算對得住食個價錢👍🏻🧁芒果吉士忌廉泡芺 $25泡芺係忌廉足，芒果🥭都算多，啖啖都有。但創意度一般，都其他坊間忌廉泡芺大同小異。相對之下，我比較推薦$13嘅芋頭麻薯布丁蛋撻，CP值較高。

早前結業的灣仔傳奇老麵包店「快樂餅店」，原來已經在同一區重開，同樣是在皇后大道東上，但位置卻向金鐘方向移前了，並改名為「快樂麵包」。去開金鐘辦完事後，這次特別行去灣仔這間老店懷舊吓。當然要食經典的奶油筒，加多個紅豆沙翁同朱古力麻薯波波，三個包合共$30。三個麵包之中，最貴的奶油筒要$13，感覺好似細個咗，真係超級蚊型size，幸好個cream還是昔日的港式奶油老味道。紅豆沙翁內餡的紅豆夠大粒，唔會只是豆蓉那麼單調，口感較為豐富，加上個沙翁整體上唔算太甜，啱我個人口味。不過，是日MVP還是他們的新產品的朱古力麻薯波波，尤其我是遇上新鮮出爐的，更是好味。這個麻薯波波朱古力味好香，口感也不俗。買完東西再往前行， 看到「快樂餅店」的原鋪仍未出租，招牌仍在。至於他們的麵包袋，看到新鋪舊鋪的名字都有在用，應該是舊店用剩的吧，總算冇浪費。

之前舊舖「快樂餅店」結業時，大家都懷著萬般不捨的心情去面對，如今喜見新店在原址附近重開，這次就懷著萬分興奮的心情去光顧！新店光鮮很多，除了原有的傳統麵包：例如鎮店之寶忌廉筒之外，也添加了很多新的包種。現場所見，客人很多，但收銀極慢；小人買兩個包，排了超過十分鐘的隊付錢，效率奇低！先來一個充滿童年回憶兼邪惡至極的咖喱牛肉炸包 : 咖喱包新鮮即炸，內餡仍舊有鹹牛肉、咖哩醬等等，餡料份量十足，咖喱味道香濃，帶點輕微辣度。除了咖喱之外，薄層麵包同樣是咖喱牛肉炸包另一著眼點：即炸的麵包香炸後不會感到油膩，口感外脆內軟，甜甜的配合著咖喱的濃郁，每一口都感到滿足味美！繼續咖喱系列：咖哩角是也。咖哩角酥皮外層焗得金黃色、脆卜卜，香脆可口，光看外表就足以令人垂涎三尺。裏面包裹咖喱牛肉餡料，味道恰到好處，口感豐富，絕對一試上癮。相比舊舖的咖哩角，多了一份精緻，少了一份油香。雖然明顯地價錢是貴了，但性價比仍然相當高。

午飯後途經 皇后大道東， 原來昔日「快樂餅店」已經重開了， 但當時店內人太多，所以等到放工再回來一探究竟放工時段人潮大減，除了昔日懷舊餅類以外還加入了不少 時尚包款：例如伯爵茶麻薯波波，芝麻麻薯波波，朱古力麻薯波波等等， 但放工時再看已經售罄但看見暖櫃內還有我有興趣試的「芋頭麻糬布丁蛋撻」$13又是大玩時興三大巨頭👉🏽香芋👉🏽麻薯👉🏽布丁還有這麼多，以為是出爐不久原來馬鞍山也有分店？但一拿上手只是微温， 應該出爐好一陣子，畢竟是放工時間，只是我想太多了曲奇皮蛋撻一咬即碎， 可以說是鬆化， 也可以說是太鬆散沒有牛油香， 只有其鹹味蛋漿部分很滑， 完全沒有蛋味不會覺得得甜， 因為其牛油皮鹹味太搶至於麻糬是屬於軟糯的口感， 但也有點兒煙韌味道也偏淡甜， 不會太突出咬多兩口， 開始覺得有點膩， 因為牛油皮有點油但還吃不到芋頭， 只見到它若隱若現在撻的末端終於吃到芋頭， 它是真的芋頭， 沒有加工成芋泥/芋蓉， 不甜， 夠粉不硬，原材料的味道。看來下次也可以一試麻薯波波系列， 因為她們家的麻薯波波中間也有麻糬，而她們家的麻糬也做得不錯👌🏾雖然$10一個也不太便宜🫣

Had high expectations towards the Cream Cone,  it was a let-down unfortunately 😢. ✨Cream Cone: One of the cream cones did not have cream all the way. The pastry fell apart easily. The cream was smooth but was a bit too heavy after several bites. It also had a weird salty flavour. Size of the cream cones were smaller than before. Was looking forward to try out the famous Cream Cones. Unfortunately, it was a disappointment. The Cream Cones are overrated in my opinion. 

正好在附近，於是就專門去買幾個試一下，麻薯波波，有點硬，但是算是買的四種裡面最好吃的了。布丁撻，不如之前買的北角的一家，太濕潤了。.蛋黃酥不是紅豆餡，竟然是蓮蓉，太甜膩了不喜歡。.紫薯燒餅味道還算過得去，比較糯，也不是很甜