快餐車美食

營業中

休息中

有冇人同我一樣，燒賣嘅靈魂在於辣椒豉油，熱辣辣嘅燒賣，加上超野味辣椒豉油🤭早餐必選， $10有六粒大大粒性價比還好可惜每朝都要排隊😅好彩出餐快店舖有其他小食，但未試過不予置評

呢間小食店 朝早同傍晚就賣魚蛋燒賣三文治腸粉個類既小食，朝早重有茶水檔 但傍晚就無中午11-2點左右時間 午市就賣車仔麵呢間哦燒賣魚蛋好好食 燒賣朝早賣$9/6粒 抵到 重要大大粒既！ 茶啡都好好飲架

車仔麵有 <<<<< 小強腳 >>>>>>>本來開開心心買外賣 返公司食!!!!仲要叫咗3個送, 有雞翼 / 有牛丸 / 有水餃點知食到尾, 淨返 1粒牛丸 1 粒水餃當我夾起水餃時, 發現有隻小強腳係度真係好嬲呀!!! 有無攪錯呀!!! 點解可以咁架....................好唔衛生, 我以後都唔會再幫襯呢個外賣店! 見到小強腳, 我即刻反胃, 勁想嘔!!!唔好同我講做廚房攪食物, 呢D好平常如果呢D响食物, 俾食客發現, 就一D都唔平常亦唔可以接受! 

星期六要返工經過快餐車美食，平時下午這裏的小食魚蛋燒賣我都有幫襯開，所以即興買了一份餐蛋三文治$12做早餐。點知份三文治完全未砌的，叫店員阿姨幫手切開，（佢嘅答案係我哋冇呢一樣嘢，唔會幫你砌） 咁得意？買三文治竟然唔幫客人分開佢？ 這個是什麼的服務態度？？ 原本諗住貪方便買塊三文治食完立即開工，點知還添自己麻煩要自己返公司砌三文治 ！連三文治都未砌好就賣給客人，其實這一塊是四方治吧！ 一間快餐店連舉手之勞都做唔到，仲要態度差，真是要改良一下！

每日中午都會見到好多人排哂隊買車仔麵真係好抵食喔，3餸連麵底都只係$30最鍾意嗌冬菇，超大隻，又夠腍，豬大腸亦都好好味，洗得好乾淨而且夠入味雲吞中規中矩，車仔麵份量大份，啱哂我呢d大胃王

早排去牛頭角做野順便去影相中午要搵飯食,但係好多餐廳都好多人唯有行去專做外賣既小店買外賣帶返去食見到一間小小店,專賣小吃,三文治麵包與車仔麵款式都幾多,價錢又平,勁平,廿幾蚊就食到車仔麵可選2款,菜底或麵底,加飲品7蚊2點前就收工,剛好買得切平時就賣三文治,燒賣等小吃叫了一份車仔麵,3款料,麵底羅白,豬皮,腸仔$33份量好多,幾乎食唔曬豬皮剪成條,方便食,滷得入味,洗得乾淨,味道淡了一點蘿蔔夠甜夠清爽,有驚喜腸仔來貨,沒特別評價湯底偏淡味,麵份量夠多,應該有1.5個麵#牛頭角餐廳#車仔麵

晏就觀塘食飯人多係常識，周不時仲要等位有時想簡單食 除左食麥當勞 都仲可以叫下車仔麵呢間快餐車 有名你叫 佢地真係好快手 有唔少款式既餸比你揀 就算你望到條人龍 可能都係5分鐘你就已經可以拎到碗麵走而且好抵食 $22 兩餸一麵 今次揀左魚蛋 紅腸 米粉 麵既份量唔算大份 男仔食既話就可能唔多夠 而餸既量都ok 湯底又夠濃 佢既辣椒油都好正 如果想健康少少 都可以比你揀菜底 有時想慳下錢 諗唔到食咩好 呢間都係一個唔錯選擇 佢朝早有腸粉魚蛋燒賣呢啲 間唔中都會買黎食 都幾抵食架

每逢中午時份,快餐車都好多人排隊,因為車仔麵真係平靚正,更加係打工仔既糧尾救星。快餐車老闆同職員手腳都好快,先排隊,揀面底,再揀餸,最後俾錢。平均2分鐘都唔洗就買完。今次揀左2個餸:午餐肉,牛腩,油麵底。午餐肉都算厚,有0.5cm,兩邊都有輕輕煎過。牛腩就肉少筋多,不過筋尚算淋,唔會好膠。油麵份量唔算多,男人食唔夠飽,不過咁平2x蚊都左。腩汁有色味淡,成碗麵都唔夠味。但食食下我再次發現湯中有一條粗毛(太嘔心冇影相),應該係男性眼眉毛,其實已經唔係第一次見到…唔會再貪平比機會佢啦…

係牛頭角做野，一到lunch time 到到都咁多人～平時成日都見同事買呢間既車仔麵外賣，諗唔住食咩就試下佢啦😂👉🏿✨2餸車仔麵 Hkd 23 💸📌其實呢個價黎講都算平，車仔面食咩都係等佢今日準備左啲咩，係冇餐牌😂個日就試左雞翼尖同牛丸😍推薦大家要加辣！佢啲辣係辣得好過癮個，but雞翼尖就一般，唔入味，牛丸就還好啦！整體黎講諗唔到食咩又想慳番啲時間用黎等既，呢間確實係唔錯既選擇，不過份量唔多，我食完一碗都唔飽喔🤦🏽‍♀️

可能開係工廠區, 每日返工或午飯時間都見到排晒長龍,排到過晒隔離舖, 咪好奇睇吓有乜嘢食,佢賣嘅種類都唔少, 早餐有腸粉,牛肉球,魚旦,三明治同飲品,午餐有車仔麵,包括油麵,生麵,河粉,餸就有牛腩,雞翼,咖喱魚旦,蘿蔔,菜等等,還掂唔知食乜好,就買左個大雙拼,有5粒燒賣同三条腸粉, 買左返到公司都要等一陣先可以食,實在太熱,好易辣親,食落燒賣浸皮都幾薄,唔會有成口粉嘅感覺 , 腸粉好滑, 味道都唔錯, 份量啱啱好5粒燒賣+3条腸粉  $16

眾所周知，係觀塘呢個寫字樓同工廈高度集中的地方，每當午飯時間，人群就如同餓狼出撃周圍覓食，到處人山人海，食肆裡面人滿為患，門外大排長龍。 是日，天朗氣清，肚餓的我如同離群的大野狼，飢寒交迫四圍搵野食，突然發覺面前有間叫做“快餐美食車＂的鋪頭雖然大排長龍，但係人群流速好鬼快，於是我身位隊中一探究竟。 2分鐘左右排到我，發覺呢間係車仔麵檔。好迅速，有位阿哥黎招呼我，但見排列整齊的各式粉麵已置於碗中，想必係距一早煮好。我愛油麵，貪距彈牙，好快另一阿哥招呼我選餸，只見大約有十幾款餸，我選左牛腩同咖哩魚蛋。然後有位阿姐問我愛吾愛辣，然後收錢打包。我好辣，埋單兩餸只需22蚊仲平過隔離的M記，實乃窮人恩物。真心佩服呢三位阿哥阿姐的運作模式，距地如同流水線般運作，已將車仔麵檔的效率推到極致。 拎返公司大快朵頤，但覺湯底有桂林辣椒醬的味道，辣度適中。牛腩煮得幾好，軟硬適中吾黐牙。咖哩魚蛋都算Q彈。油麵已充份吸收左辣湯，幾惹味。可惜比較細碗，食完都只係剛剛好，吾夠飽。 係百物騰貴的今時今日，覓到一餐平價又好味的食物，覺得歡愉，心中感恩。

在我上班附近, 我印象中好像只有快餐車美食一家賣小吃既小店不像開源道般, 有數家選舉由於需要食藥.. 所以近期早上都會逼自己吃早餐而不知道為可當病的時間, 總會想吃平時不喜歡的食品所以我就買了腸粉作我今天的早餐ORDER 時跟哥哥說 : 麻煩請多麻油, 多醬油回到OFFICE , 一打開蓋子發覺醬油多得如水浸般每條腸粉也吸收哂醬油, 非常美味而腸粉又薄又滑, 10元來說確實又不錯平時, 如放工覺得餓了, 我也會在這買燒買醫肚但很可惜, 口感好像食膠般有點奇怪

依間LUNCH成日排長龍，今日見人少少就決定買個外賣番公司食。無餐牌，見到有乜餸就叫乜，叫左蘿蔔雞翼雞翼尖米粉，個米粉一早煮好左，雞翼係咖哩雞味，雞翼係鹵水味，雞翼同雞翼尖都唔入味，蘿蔔最好味，夠甜。3餸麵$27，味道OK，但太少選擇。

在觀塘辦公室開會，經過一間賣早餐小食的小店，點了一串燒賣做早餐。一串燒賣有6粒，雖然不夠彈牙，也沒有魚肉味，應該是豉油蓋了所以味道吧，但只是$6，已經算抵食，不能要求太多啦。

每每一到午飯時間便大排長龍，動輒二三十人，實在有興趣作出深入探討。第一次嘴饞加上首次嘗試要了個五餸，合計三十八元，屈指一算在附近很多地方已能吃一個飯配以凍飲了；隨後兩次我便窮L上身，只要了個低消二十元，發覺世界會變得很美。窮L今次要了牛腩及菜，菜款我來過三次都不同，計曾吃過通菜，白菜仔及今次的生菜，而三次的菜都很新鮮，以二十元一碗車仔麵而言，菜蔬能有這個鮮度， 值得一讚。選牛腩皆因想博多點腩汁，但腩汁稀淡如清湯，可幸腩肉尚算肥美，彌補了不少。店家選對了辣椒油亦令這湯底起死回生。二十元能有一餐溫飽相信是長龍原因。溫提面口方面有少西，飯市時宜rap出所點。