怡興

營業中

休息中

中午去食滷水鵝+鵝腸配白飯個套餐份量多到食唔哂，仲feel 到滷水入味又唔會死咸，完全吊出鵝肉的甜味，鵝腸夠爽又乾淨最後食剩1/3 要打包加埋外賣盒先$67, 港島區來講簡直抵到唔信。熟食巿場內仲要有冷氣，人又唔多，一個人坐4人枱，坐幾耐都得。講真，來呢類熟食巿場一般唔預有太多服務。不過老板娘同佢個仔都幾好禮貌同客氣，完全感受到人情味同香港情懷。呢個價錢加質素絕對好過好多潮洲老菜館，絕對值得一試。。。。

真是笑爆嘴，在灣仔這邊工作，但是有同事說行過來呢個市政大廈嘅熟食市場，其他同事竟然大大聲說話「行好遠」，其實這天，我只花了大概八至九分鐘便行到來，又哪兒算遠呢？🤷🏾其實好多時候，所謂食店的人情味，都是因為店員記得你的所好，興趣，或是日常習慣，因此，其實你到連鎖餐廳，也可以有「人為因素」產生這種所謂的人情味，😀不過現在人類龍蛇混集，有些又帶着身邊藍牙耳機去工作，當然就會少咗人情味啦。🤷🏾通常都係咁，灣仔區其實好多地方都五光十色，有些店舖，一個快餐，或是一個隨便的午市客飯，動輒都要$60-70 ，都間中聽到啲同事買外賣，無端端都要夾$70-80。反而，這個大大幢的攞到市政大廈，其實內裏有熟食市場，入到去，你就見到佢非常舊式，好像牛頭角熟食市場那般舊式，而且骯髒，但其實上完電梯之後，都熟食市場嗰層，亦都尚算企理。這個熟食市場，非常細小，每一間店舖和配置的座位都不算太多。反正也不算經常外出吃，如果都是吃碟頭飯的話，好像有點無謂，而且浪費，倒不如食下滷水，點要過豬腩肉及豬脷，坐低睇一陣電視，很快便端來。老細拿來的滷水，就好像其他食評的相片一般大大碟，不過竟然沒有其他配料，整碟都充滿豬脷以及豬腩肉

我和在灣仔區工作既好友(不多吃肉),常到怡興食午餐.食飯吹水聊天.我常叫時菜腩肉飯($42)滷水腩肉,好味,餸又多,價錢超合理.朋友叫時菜滷蛋飯($37)一睇就知道餸多.阿姐阿哥親切招呼. 坐幾耐都得！

第一次嚟呢度消費。簡直尤如行乞，點菜唔理你，完全唔憂做。問隔離枱的两名靚仔靚女人客，究竟如何才可有嘢食。他們教我要出去講多幾次，個老闆娘就有機會替你落單，佢哋都叫咗幾次。我就全靠個啤酒女郎，我才有支啤酒飲。我已叫咗餸3次，如始於不來，我便比低啤酒錢便走。我是來消費，不是來行乞的！！！寫寫吓，突然又有得食！！！我叫咗墨魚，鵝腸，生腸+一支藍妹。估計大約價錢應該一佰元左右。大家如果不想受辱，千其不要來。完。

又一次返來我的快樂老家🤩今日嗌佐一個牛腩朱紅時菜同埋一個咖哩薯仔雞翼唔使我多講 看照片就知掂就係家常個味 冇咩味精添加劑 係接近好食嘅 食材質素都係OK嘅 新鮮 下午16點半左右來 好似有好多嘢都係啱啱出爐🤔雞翅有10個 另一盆數不過來🤣身為灣仔居民 當然要來多多幫襯啊（我個人覺得駱克道熟食中心得翻哩間係OK嘅🫣）

唔講你唔知.原來灣仔區都有唔少平靚正嘅食店.今日介紹間有歷史嘅潮洲鹵水鵝打冷飯店.飯店在駱克道街市熟食中心2樓.地鐵站A2出口地面行過嚟只係4至5分鐘路程.交通都算方便.食店在2樓全層都有冷氣開放.冷氣足夠.坐位坐熟食中心嘅指定枱櫈.如果超過四人.店家會開設圓枱或方枱.迎接客人需要！今天哋兩個人晚餐如下： 1. 招牌滷水鴨（2人份量 花生墊底）$38元 2. 牛雜(牛腩.牛筋.牛肚）$49元 3. 白飯一碗 $5元

灣仔老字號滷水打冷飯店，我同班老友小學幫襯到宜家，正👍🏼宜家好多滷水食店都好唔低食，份量又少，呢度價錢份量相當合理，放工後一班老友食晚飯隊啤吹水好地方，各位不妨試試，本人特別推介怡興滷水豬頭肉，墨魚，鵝腸👍🏼👍🏼👍🏼韭菜豬紅亦相當美味，凍魚一定要試😋建議各位加碗潮洲粥一齊食更佳👍🏼因食店在街市熟食中心內，放工可以早少少去攞位😆近排疫症問題，本人改咗外賣回家和屋企人食，發現咖喱雞翼薯仔亦相當不錯，不妨試試👍🏼

Lunch time 同事介紹去熟食中心食鹵味，4個人叫左3碟野再加人頭白飯，咖啡薯仔雞翼煮到好軟綿綿，好有家既味道，墨魚有咬口好食，豆腐有豆味都好好食，今餐最出色係韭菜豬紅，勁入味份量又多，最後埋單每人$30唔洗，抵到癲！

灣仔駱克道街市原來有好野食，平靚正，材料新鮮，無欺場，次次5，6個人，食到好飽，都唔駛$40，係灣仔，邊度揾咁抵嘅野食。不過，你要環境當然無得要求，如果唔鐘意大排檔feel嘅，就唔啱你。提提大家，佢星期日唔開。特別推介依間打冷，次次都會叫鹵水鵝，豬紅，咖喱雞翼。豬紅:好入味，唔散，粒粒都咁大粒，材料靚。咖哩雞尸翼:就咁睇相都知道入味，薯仔粒粒都咁霖，唔會有硬薯仔出現。次次我地都搶薯仔食。今次第1次叫豬耳，麻麻地，切得太粗，唔夠霖，麻麻地，唔會再叫。到主角出場，超好味鹵水鴨，4人左右份量，只需40幾蚊，邊度揾。鴨好新鮮，好夠肉，唔肥，入味，我地次次都叫。

近日到灣仔上堂，煩惱着在那處食午飯。 經過一番資料搜集後， 決定上洛克道街市食鹵水鴨飯。點了個鹵水鸭拼豆腐，白飯， 及樽裝可樂，共47元。上枱時覺很大碟，雖然鴨肉食落有點唔夠實淨， 鹵水味偏淡一點， 不過以午飯時間在灣仔區來講已非常超值。

我今個暑假搵左份part-time係灣仔返工, 雖然灣仔食Lunch無中環咁貴, 但自己想儲錢, 女朋友又唔識煮飯, 冇愛心飯盒, 日日都食差唔多$50-60既午餐. 不過琴日啲同事介紹左一間係灣仔街市既打冷, 叫怡興, 埋單都係$35-40 左右, 食物方面, 怡興主要銷售潮州鹵味, 客人可以單拼, 雙拼, 甚至三拼, 佢地亦有咖喱薯仔雞翼. 今次我叫左牛腩拼紅腸, 份量真係幾多, 如果係2個女仔食呢個雙拼已經好足夠. 鹵水汁顏色好深, 啲牛腩入晒味,牛腩入口即溶咁, 唯一可惜既係牛筋比較多, 但當補充下骨膠原啦!

比較少寫香港食評, 有各大師傅食友執筆, 無需出到我呢D無名小卒. 不過有時遇啱D唔錯或難食既, 又不防上黎交流一下.閑話少說. 星期六中午要返學, 算係增值一下自己. 早D係屋企出黎食埋午飯先去上堂. 灣仔軒尼詩官立小學呢一帶比較少黎食野, 又唔想行返去修頓果頭. 好耐之前都上過市政大廈個food court食過, 今日不如又上去果度食呢. Food court大排檔型式, 全部都係賣中式食品. 行左一轉, 就選左係怡興食. 佢地主打潮州鹵水食品. 先睇餐牌, 價錢又幾實惠. 大食既我就要左一個鹵水鴨(一人份量)$19, 及一個豬紅鵝腸(一人份量)$19. 雖然話係一人份量, 但portion真係唔细. 鹵水鴨唔會舊舊骨, 仲有幾多肉. 豬紅夠實淨唔散, 鵝腸剛熟夠爽口. 兩樣野既鹵水汁都好入味, 真係唔錯. 加$6有白飯一大碗及例湯(淨叫白飯$4). 是日例湯菜干豬骨, 唔覺有味精. 其實一般叫一個餸以經夠食. 唯一要彈既就係佢地人手唔多夠, 落單有時要耐D, 但落左單就好快有得食. 以經番口啅.

是日晚餐, order 如下: 墨魚拼鵝腸 - d 鵝腸 6 得岩岩好, 好爽口, 一 d 都唔 un! 墨魚都好爽口! 仲有 9 菜底添 ga! 大眼雞魚 - 今日好好彩晚市來到仲有大眼雞食! 實肉魚 + 醬油又係另一番風味! 可惜條魚細條左 d, 有 d 唔夠. 白飯 - (白飯都要寫?) 好大大大大碗!! 份量係兩碗倒落一碗, 成座山咁高! 女仔去一定要 share 啦!!! 幾蚊雞就有一大座山你食, 而家都好難搵!!!其實係由細食到大, 好 warm 好家庭式 gei 檔.好抵食, 淨係碗飯都值晒!滷水汁好正! 淆左好多年 ga 啦~其實好明顯呢度 gei target customers 係粗豪大漢, 所以去到都可以大大聲, 開兩支大啤!!!女士們唔好著咁少布去啦! 怕污糟要姿整 gei 更加唔好去嫌 3 嫌 4! 呢 d 係"風味"!衛生唔好toilet 極度恐怖, 去前請做好準備!