怡軒海鮮美食

營業中

休息中

我地三個人，叫左個鼓油王中蝦，一條唔夠一斤既鼓汁蒸倉魚，椒鹽鮮尤，炒蜆，兩枝啤酒，一枝汽水，估下幾錢？係八百幾港幣，我平時食開華記，德仔記，咁以為間間差唔多，原來會劏人。。。。。查單，個鼓汁蒸倉魚要288......., 中蝦250......

入到梅窩，靠海的餐廳都不少，但這家卻是比較乾淨，而且還要是無敵全海景😍😍價錢方面，都蠻合理，有套餐可點，人頭都只是100蚊1位左右~點了4人套餐，有4個餸，1個倒湯及4碗白飯，不錯~例湯~很足料，湯已很甜，很好喝，小朋友們都搶著喝~豉椒抄蜆~可點不辣，但辣的很惹味😈😈蜆亦很鮮甜，很新鮮，沒沙，吃得挺自在~時菜抄肉片~豬肉很大塊但卻冧爽，菜亦抄得剛好不老，好吃👍菠蘿咕嚕肉~他們的咕嚕肉真的是肉，沒骨的🤣🤣吃得方便沒有吐骨的煩惱🤣🤣五柳炸豆腐~酸甜度剛好，豆腐亦炸得很香脆😋😋

今日去郊遊嚟到梅窩 就緊係想食海鮮就係冬菇亭睇咗好耐食邊間好結果揀咗喱間 因為員工好nice 雖然佢餐牌睇落唔吸引 絕對係好驚喜！-佢無好似其他餐廳咁有海鮮餐但其實同散嗌差唔多價錢-椒鹽鮮魷 超級驚喜 勁香口 一食就停唔到-豉油王蝦味道好香 食落夠味又唔會咸 蝦肉好爽好新鮮-蜂蜜魚柳真係超特別 估唔到蜂蜜同魚味道咁夾 魚又好新鮮 仲有菠蘿一齊炒-員工伯伯亦都好好禮貌又會好主動serve 又會傾下計傾開先知大廚係之前外國酒店總廚！-如果再嚟梅窩一定會再來！

閒日放假來梅窩逛逛, 寧靜的梅窩是靜修好去處。晚上搵食, 行經看見怡軒骨子整潔而且對住海景, 便幫襯下。菜湯香,飯香, 西蘭花牛肉夠火喉又美味,炒蜆勁大隻又惹味, 蒜蓉粉絲蒜蝦大碟,多粉絲,多蝦而且無屎腸 好味!上菜快夠火喉! 令人大快朵頤!

千祈唔好去！本來以為我地自去己等一個鐘係唔好彩！點個原來旁邊既細枱大枱都等咁耐！你去問佢點，永遠只係笑笑口求其打發你，根本俾人鬧到滑晒錏！唔好有期望，亦都唔好去試！

梅窩洪聖爺誕，趁星期六入去趁熱鬧兼影下相!因為7pm有開幕儀式，所以就諗住早d食飯，食完去影相。我地四大一小大約5:45pm就去到怡軒搵飯食，當時唔係好多客，但係佢地無論服務態度﹑上菜速度同食物味道都係超差!!!首先，我地喺門口見佢寫有d $108二人餐，但係我地入去見到嘅menu又無，於是問個亞叔有無d套餐menu，佢答我地，你見到有就有，無就無!之後有另一個哥哥仔經過，問佢，佢就喺隔離枱比咗另一個套餐menu我地!好啦，到order餸，我已經就個哥哥仔嘅寫字速度，佢寫完我先order第二樣，但佢都係樣樣要我重覆兩次!叫完餸成半個鐘，我地叫嘅嘢一樣都無嚟過，連後加嘅4杯紅豆冰，都唔知點解叫咗成15分鐘都未到!好啦，問佢地啦，就話幫我地跟，但見佢地3個人圍住d單睇嚟睇去，成5分鐘，個疑似老闆嘅男人行埋嚟，問我地叫咗乜!無嘢呀，擺明漏單啦，但我地咁早嚟食飯，客又唔係多，你都漏單!之後佢地前前後後起碼再問多3-4次我地叫咗乜!真係火都滾，我地講,你又唔寫低佢，第一次落單,叫嗰小小嘢，已經樣樣重覆一次，之後你漏單，又唔寫低佢，不停就走埋嚟問我地叫咗乜，係咪咁做生意呀!好啦，等咗大半個鐘，卒之

那日和男友食 lunch, 叫了一份小菜套餐($108)~~~任選餐牌上其中兩款小菜, 我們選了豉椒炒蜆和魚香茄子枝竹煲,, 還有例湯 & 兩個白飯 另附熱茶任飲((免收茶芥)) 豉椒炒蜆 : 豉椒味道一般 ; 不是好辣, 蜆肉不太肥美, 青椒粒又太少. 魚香茄子枝竹煲 : 這個比較辣口和好油膩,, 魚香味又不足{食落又唔覺有鹹魚肉}, 枝竹都可以*****軟口中帶點爽((不是太軟淋淋那種的)),, 但入味度就不太濃烈了.至於個例湯有點驚喜係粟米羹,, 因諗住係一般中式湯水,, 這個味道 OK,, 濃度剛剛好適中{{不太杰又不太浠}},, 飲落又不覺好重味精味.

四月初十‧晴忽然多了半天假期，想悠閒一點去清一清副業上的瑣事，獨個兒來了大嶼山，見這裡人幾多，又有即拉腸粉，先吃個早點才算算。選個傍著大海景的位置坐下，天氣雖然有點熱，但習習海風吹來，喝著味道淡淡的普洱，也是說不出的舒適.要了個艇仔粥，及叉燒腸。粥是用煲上的，即叫即煮，上檯時是熱辣滾燙的.粥底不算綿，但勝在味精不多﹝當然不會是沒有啦﹞，也滿意.配料有肉丸、肉片、豬皮、魷魚絲等等，不算是十的好料子，但都算豐富，１８蚊一煲，算是交足功課的了。腸粉也是即拉的，皮厚厚，也算滑溜。叉燒硬硬實實的，一般水準。不過一客三大條，只１２蚊，份量是十足的。茶錢兩個大洋，埋單３２蚊，經濟抵食。不知不覺，坐了近句鐘，要繼續行程了。

第一次去梅窩，本來諗住租屋仔，煮飯仔。點知去到，有人係到整門。算啦，出去食啦。行到去熟食中心，只有兩間開門。求其一間之下，入o左呢間。兩個唔太肚餓o既人，叫o左咸魚雞粒炒飯，同粟米班塊。咸魚雞炒飯 - D 雞好似炸喎咁，所以幾香口，飯好乾食，但係，食唔到有咸魚，少少都無。粟米班塊 - 不過不失啦。睇完下面兩篇之後，覺得自己好好彩，無咩特別事發生。

我地成班朋友黎梅窩 諗住食下海鮮啦等等等 d野食好耐都唔黎 我地就催下佢地啦點知 原來d野食去哂格離台 幾次 擺哂烏龍咁最後仲蒸條手板咁大魚比我地 十幾人 谷鬼氣 咩都冇食就走人

母親節入咗去大嶼山玩，因為剛燒完野食，咁就去碼頭附近既熟食中心食晚飯，咁見到個六人餐，可選六個餸喎，咁又見到有清蒸鮮魚喎，咁就叫啦，落單時佢又話呢個餐無蒸魚，咁又問佢咁呢個２８８蚊既二人餐有無蒸魚呀？佢又話有喎（真係奇怪，你做唔到既就唔好出餐牌丫嘛，都算）咁最後我地叫咗個四人餐，有四個餸，再叫多個二人餐（因為有魚嘛）。都係食啲平時既小菜，終於到條魚黎啦，媽媽一夾條魚，嘩～～～佢地居然係原條魚蒸，內臟乜都係度，個肚係一條刀痕都無架，咁就叫人黎啦，黎咗個阿叔，同佢講條魚未劏架喎，佢睇下條魚，佢用手，係呀佢一隻手攞住隻碟，一隻手伸手去條魚度拎走啲魚既內臟，仲話，唔係未劏呀，邊有呀，大佬呀，就算係你咁搞法唔係想拎走啲內臟放返上黎比我地食呀？個阿叔係咁好大聲咁理論，之後有個女既可能見我地太過激烈，走過黎叫佢拎返入去換過條比我地。我好清楚聽到入面既廚房佬講：好呀未劏丫嘛，咪比條劏晒既比佢地囉。（佢咁大聲都係想我地聽到既啫）好啦到條劏晒既魚黎到，見到佢個樣都唔討好架啦。我一夾個肚，你地睇下張相啲魚肉係啡色架喎，你地食過啲咁既清蒸鮮魚未呀？我夾小小黎試，我叫個阿姐過黎問佢呢條係乜野魚，佢都望咗一望都要