恆園茶餐廳

營業中

休息中

今日lunch同同事去左恆園食飯。荼餐廳，平平地，有湯包熱飲。服務係唔錯，伙記做到踢晒腳都仲好有禮貌。只係今日快餐好多都好快就無晒，但又唔講咩事，催左幾次先話其中一份材料無晒，啱啱返貨。等到其他人食完都未上到。份量唔係好多，相比一般茶餐廳其實偏少。味道正正常常啦。

我點上了他們的午市快餐卻有驚喜選擇有 123568 , 大家唔知有冇發覺沒有4和7, 是否因為這兩個數字唔吉利及唔禮貌呢😂？ ！🥘乾炒叉燒豉油皇炒麵 跟 例湯及熱飲 ＄49炒麵炒得爽口有d鑊氣又唔算油膩 ，size正常， 大概有六6件叉燒， 豉油皇香濃而不咸，味道適中，配料有洋蔥韭黃芽菜韭菜❤熱檸茶3片檸檬， 檸檬厚切新鮮，茶味香濃👍 蕃茄薯仔湯 唔見有蕃茄但有蕃茄味，薯仔有兩2嚿， 味道偏淡整體來說，是一間帶懷舊的茶餐廳，花花牆磚夠特別，衞生及服務屬正常。不過因為座落於老屋邨，增添了一定的老味道，也吸引到喜歡懷舊的朋友來懷舊一番。

🥢通菜魚鬆飯包熱飲＄48魚鬆質地彈牙好味，不過就鹹左啲啲，通菜新鮮無渣，配料有薑蔥絲及紅椒，有淡淡嘅蝦醬味，餸菜嘅份量剛好，白飯軟硬適中，食哂成碟夠哂飽☕熱檸茶 有3片檸檬， 檸檬新鮮，茶味足夠餐廳環境懷舊，花花牆磚夠特別，衞生及服務同一般茶餐廳一樣中規中矩魚堅總評性價比 3.5👍(以5👍為滿分)

點解可以咁難食態度仲要咁差，比錢買受罪咁嘅體驗明明我仲係到食緊嘅野都可以走黎收左碟野食左個魚柳薯條茶餐，個炸魚又臭又腥，個薯條又凍又難食，茄汁都唔比，最大問題係碟野黎到好似比人食過咁，咁就收我41蚊仲有個西多屎，真係好似食屎咁，咁就37蚊跟住食食下仲要好似係到趕客咁又掃又拖，啲拖地水飛晒落我隻腳到，都唔知佢想點樣好似趕收工咁，啲客仲未食完就係到準備收鋪，咁不如同啲客講截左單，唔洗人地食到啲咁嘅野又受埋你啲咁嘅態度

呢間都係麻麻，雖然餐牌上面有懷舊的賽馬相片，不過有一次再吃個常餐，常餐份量很少，無論麵條，份量都很少，沙嗲牛肉的醬汁又太過冷凍另外的奄列份量也相當少但不吃常餐的話，它的午餐飯麵也不常找到特別的，有時見過餐蛋飯都四十多元，怎叫得落另一次叫了個椒鹽雞扒飯，雖然份量夠多，不過椒鹽雞扒的雞扒比較乾，即使味道夠香夠濃，但是亦都由於醬汁偏少，因此難免有點兒乾哽。以熱飲來說，這恆園的奶茶都算是不錯，比起另外兩間好像都出色

下午出開沙田新城市，見有d時間就先去瀝源食個tea先，之前未試過食呢間恆園所以揀左佢啦。正呀，係懷舊冰室既裝橫 (真係舊式，唔係新裝扮舊)，懷舊階磚，卡位，舊式坐椅，時間停留係80年代，好有老香港味道❤️侍應都係一d大年紀既叔叔嬸嬸。1) 先黎一個菠蘿油🥯 $2x (⭐⭐/5) - 一上枱見到菠蘿包個外型同顏色就唔係幾吸引啦- 表層並沒有菠蘿包應有既金黃色-  表面層皮切開亦都好鬆散，麵包唔夠新鮮- 食落果然失望，味道麻麻地......好彩有入面舊牛油塔救😥- 菠蘿包黎講，唔合格🙅🏻‍♀️再黎一個法蘭西多士🥞  $3x (⭐⭐/5) - 見個菠蘿包唔合格，都有定心理準備架啦- 西多士係新鮮炸起熱辣辣既，不過就無金黃色- 入面都有夾住適量花生醬，但係唔知點解我食到有陣腥腥地既怪味 (另一半表示：食唔出，唔覺)- 由於味道真係唔係幾好，都食唔晒成碟 😅野飲方面：凍奶茶偏淡總結：可能麵包類唔係呢間茶記既拿手菜掛，味道就認真麻麻地啦。可能佢d炒飯麵ok呢，劣評就唔俾啦，唯有當黎食佢d懷舊裝修同支持一下呢d咁耐歷史既小店，依加呢類型既冰室真係買少見少，我都唔想佢消失。

小時候在瀝源邨外婆家長大，這裡等如第二個家，喜歡在球場踢波，肚子餓就多在恆園開餐，今早到來辦回鄉咭，一於懷念一下當年，裝修好像依舊，叫了個外面很少見的咖哩牛肉麵，沙嗲牛麵就食得多，味道都唔錯，奶茶一貫茶餐廳水準，好味!希望下次再來瀝源仍然可以在這裡吃東西!

呢間屋邨茶餐廳位於瀝源都有一段歷史既懷舊茶記2015年睇過Apple daily一篇報導關於奶茶既之後終於有機會一訪雖然當初受訪既師傅似乎退休但熱奶茶水準仍不錯！ 香滑 茶底厚～另外下午茶時段 試左其他野食烤多士水準唔差 即叫即做非常脆口西多士亦都即叫即做炸得岩岩好不錯 下午茶干炒牛河都係即叫即炒色香味都可以因為下午茶 所以比較細份價錢都係巿價總結總體來說唔差既雖然未到好好食但想懷舊既朋友不妨黎試下呢間老店～～

附近返見無乜選擇，諗住求其搵間茶記食lunch, 入到去坐底想落餐完全無人理，叫左個阿姐落單佢話唔係佢落，另一個阿姐完全當你隱形，叫又唔理舉手又唔理，就算做緊其他野係咪都應該應一句叫我等陣？坐左5分鐘無人理就起身搵第間。服務態度差到咁，d野幾好食都唔會幫襯。

沙田墟，早已經因為新城市廣場的發展而消聲匿跡了。在沙田區要尋墟市的話，相信只餘下大圍這一個地方。再要數沙田的舊，那就要走入沙田市內的各大小屋邨了。這一日，在娛樂城辦好了證件，已經近午飯時間了，而我身處的地方，正正是古老的瀝源邨，而古老的瀝源邨正正有不少的古老食店，而是日我選中的，是《恆園茶餐廳》。 一坐低，似是店主的嬸嬸就端來了一碗例湯。不過，這不是一碗濃濃的老火湯，而是像燒臘店的一碗用什錦料煲出來的水湯，沒什麼味道之餘，仲有味精，感覺不是太好。幸好，這也是今個午餐的唯一不好。 不過，我點上了他們的午市套餐卻有驚喜。而我捨棄 ABCD 餐而點上 menu 上的梅菜扣肉飯的原因，是因為之前一晚的 "鼎爺廚房" 節目介紹了梅菜扣肉，搞到我整日心思思，非吃不可，而我就在《恆園茶餐廳》碰見了。 梅菜扣肉，原來是一個煲仔上的，超越了我想像中的梅菜扣肉放飯面的梅菜扣肉飯。扣肉香口多汁，用煲仔上的梅菜扣肉，保持著熱辣辣，保持普扣肉的香味。這一個扣肉，肥美味濃而不肥膩，唯一不太習慣的，是醬汁太多，蓋過了梅菜味，令這東西變成了紅燒扣肉。 奶茶，算是一個不過不失的出品，奶味雖然夠，足以令我歡喜，但茶底對我

因為上次已經去過榮樂茶餐廳，因此在來到瀝源邨這一邊，就即管試一試另一間看來也歷史悠久的茶餐廳。瀝源邨這邊，雖然已經比領展收購了，幸好還保持了屋村樓下有茶餐廳這個文化，希望不要這麼早給趕走吧（只要生意不太好，不要排隊的話，不被加租便不會被趕走😆）。位置比較多，因為上次去榮樂，內裏細小而且擠迫，坐在外面的話實在太過炎熱， 30多度吃麵的話，定會汗流浹背。而這間茶餐廳就比較大，即使星期日的中午來到，仍然有卡位可以坐真是小確幸。仍然是茶餐，沙嗲牛肉麵的沙嗲醬分量多，用來伴麵剛剛好，麵條不夠爽，牛肉大大片而混入了沙嗲醬，味道還好吧。但是就火腿奄列來說，永樂那邊似乎比較出色，這兒的蛋煎得太熟，內裏完全沒有流質的感覺，而且份量比較少。鴛鴦，我到最尾才醒起，店員似乎沒有加煉奶，算了今次就想一想比較淡味的吧，但是鴛鴦好像咖啡味道完全蓋過了奶茶，做不到兩者平衡的功夫。

其實茶記角色就是快, 返工忙碌, 搵個空間抖氣嗜, 點知係受氣既! 食物OK, 怏靚正, 貴D都值, 但肥女伙計成日發脾氣, 對客人呼呼喝喝, 我見好多客就咁行返出去, 客人疏疏落落, 幫襯左成個月, 但我唔會再去!

今日去咗沙田返工， 放工咁啱係下午茶時間。於是就喺附近同同事搵啲下午茶食。 見到呢間茶餐廳門口都坐得幾多人，就即管入去試下。 我好鍾意去小店食嘢，覺得佢又有人情味啲嘢食唔會差得去邊 ，但係呢一間絕對係出乎我意料之外。 叫咗個吉列豬扒薯條， 朋友就叫咗個乾炒牛河。 值得一提係價錢絕對唔平，差唔多要成四十蚊一個，乾炒牛河仲要42蚊。朋友嘅乾炒牛份量細到嚇親我， 基本上大約係一個飯碗嘅大小，我心諗下午茶都唔使咁貴。 跟住就輪到我嗰個吉列豬扒薯條啦，塊豬扒乾爭爭超薄，炸粉絕對厚過肉， 薯條太少唔會超過十條，而且係硬掘掘嘅。 餐飲叫咗好立克，飲落去淡茂茂， 都唔知有冇落咗半茶匙好立克粉 。宣佈呢間嘢從此 blacklist

每次陪老婆同囝囝去健康院檢查，都會嚟呢間屋邨茶記，不得不讚呢度既多士，無論跟餐既多士，又或者奶油多，真係好好味，奶茶都好有水準，令人想起細個跟爸爸媽媽去屋邨茶記既日子

練完龍舟～最期待當然係去瀝源食個飯整個凍飲啦 今次第二次食，因為坐露天曬下太陽咁好舒服我叫左是日午餐芙蓉蛋飯，蛋乾身，芽菜火腿充足，間唔中有蛋汁出來，唔錯！雖然配以一碟豉油，但本身已經夠味，建議唔加，健康Ｄ嘛！戲肉黎啦，隊友叫左午餐，火腿痷列都無問題點知個公仔麵黎到，見到可憐地有隻孤獨既雞翼係個麵到隊友嘗試用叉去撈下會唔會係沉左底咁當然係無啦，想問下個伙記係咪真係得一隻點知佢話，『比十隻你好無』？ 立刻成餐飯處於一個膠著狀態咁，好無奈地硬食呢個一隻雞翼麵完(後記：呢個食評唔係服務差甘簡單，而係賣相真係唔得。大家要提防呃秤餐廳，避免叫類似食物。)