恆記清湯牛腩 (已結業)

經手機app叫了外賣，到取時完全沒有 同你解釋就喺你面前直接取消了訂單 話“太多單，唔做你生意”，店員態度極之惡劣。眼見店內得兩個食客，似乎大把錢唔憂做。個app就已經扣了錢，不明白爲何可以先扣了錢又被取消訂單！

呢間算係呢區比較少有嘅清湯腩專門店😋 我哋分別試咗清湯腩飯同埋清湯腩蝦子撈麵，兩個都會跟碗蘿蔔清湯，非常清甜。呢間清湯腩嘅牛腩部位切得非常之好，肥瘦均勻，筋位肉位平均，牛肉好有牛味，蘿蔔清甜冇喳入味，送飯係一流，仲可以配埋佢哋特製嘅辣椒醬，非常之惹味🤤😌😝跟飯可以配豉油或者咖喱汁，個人就鍾意豉油撈飯。至於蝦子伊麵就非常之足料，好好食。結論係無論送飯定係送麵，配搭都係一絕，相信大家過嚟試都一定唔會失望！食完真係大滿足～！

良心小店👍🏻老闆一手打理, 有禮貌, 服務態度非常好👍🏻清湯牛腩蝦籽撈麵, 牛腩勁多, 好多蝦籽, 麵量相當夠, 特別既全蛋竹昇蛋麵好正, 粗度係一般蝦籽麵同粗麵中間, 爽韌度十分好😋中意食辣既不仿試下佢地自家調製既辣椒油, 超辣但好惹味😋讚! 會再黎幫襯, 亦會推薦朋友黎! 👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

恆記喺大角咀其實都唔係開咗好耐，但係就已經吸引左唔少熟客仔去食。而我作為大角咀既居民，我有時都會專登走過去食佢地既恆記清湯牛腩飯，佢呢間餐廳主打，好特別就淨係選用嘅鷓鴣牛牛，除左口感上有分別之外，最特別唔同既地方就係牛味非常之重！另外單點佢既飯，會有一碗清湯牛腩蘿蔔湯配埋比你，因為係用新鮮牛骨去熬製，所以同出面嘅例湯都有唔同。而我非常之推薦大家去試吓佢嘅辣醬，可能大家唔係好食得辣，但真係要試下將佢兩種辣醬撈埋一齊黎食，去沾黎牛腩，再配埋少少蔥花，真係好正！●綜合評分: 1. 湯底: - - - - -2.食材: ★★★★★ 3. 環境: ★★★★☆ 4. 價錢: ★★★★★

在附近上班，經同事介紹這家新開的雲吞麵店（應該開業有半年了）。來過兩次，第一次食牛肉鮮蝦雲吞拼牛孖筋麵（我吃了2-3條菜才記得拍照）這家食店很多食材都用牛做材料，雲吞也不例外，所以我選了這個試一下，雲吞大大粒，饀料絕不慳皮，只是覺得略嫌太多胡椒粉味道；牛筋爽脆與綿綿之間，好味。餸真的很多，可能餸和麵的比例是1:1。而湯底有非常濃郁的牛味，所以整個麵都很‘牛’呢。第二次吃了鮮牛肉牛筋蝦籽撈麵（拍照時不是登地寫食評所以沒有針對左邊的餸拍照）今次撈麵麵的份量比上次湯麵的多，今次吃完更飽飽的。湯底依然很濃郁，蘿蔔又入味，煮得夠稔。必定再來光臨

麵店位於不太起眼又容易被忽略的街邊，經過路過，但今次係第一次嘗試小店較小，大約只有十個位左右，環境算簡潔。主打應該是牛肉類既麵，有些似車仔麵咁，自己係單上tick ，係配料到可以揀要不要蔥、芹之類，算是照顧到不同口味的客人👍🏻簡單的一碗牛腩麵，選擇了全蛋竹昇麵。牛腩同羅白都燘得幾lum ，而且算多，麵條係食到較濃的蛋味，軟硬程度剛好，湯底唔會太咸，食完冇口乾的情況。比一般的麵蛋味較濃。免費的一碗小菜整體而言，簡單中規中矩的一碗麵，不過價值較普通車仔麵為稍貴

材料新鮮。 牛腩炆得幾腍入味。牛肉雲吞好有驚喜，蝦肉味鮮，好香大地魚味。清湯腩份量尚可，蘿蔔入味冇渣，可惜清湯略為油膩。門面好細，好唔起眼既一間小店。伙計/老細服務細心，大角咀值得一試既用心小店。

見到牛肉雲吞好特別第一次食,結果.......同普通雲吞無咩別分,而且重有莞茜係入面........味道極普通好失望的味道牛肉雲吞但無賣點雲吞又細粒10分滿分5/10見佢好似主打牛腩,叫了一個牛腩麵,寫明竹昇麵,好似好特別咁....但結果......味道比一般麵重差................牛腩味道都OK但我叫牛腩麵,個湯底好重要,但個湯好難食,個麵又差,個湯又差.......個湯底特別差,搞到成碗麵都唔好食,一般雲吞麵果隻湯底都比佢好我食過的牛腩麵店唔多,但都有20-30間,當然你睇我食評,我無咩寫,主要係無咩時間寫,通常我只寫一些特別差的店,或特別好的店,但這一間的牛腩麵真係完全唔合格10分滿分3/10

呢間食店新開冇耐，舖面面積唔算大， 但相當乾淨企理， 今次試咗佢嘅魚蛋雲吞竹昇麵。佢話係魚蛋王， 我都好有好奇心究竟有幾出色， 老闆攞過嚟嘅時候，眼見魚蛋同出面嗰啲冇乜分別， 仲有啲漲身，諗住中伏， 點知食落粒魚蛋好有魚味， 非常彈牙，絕對唔係行貨。個麵底仲有驚喜，相當彈牙，仲有淡淡嘅蛋香。雲吞都好食嘅， 但相對魚蛋同埋個麵底，就顯得冇咁特別。雖然你間鋪頭價錢都唔平，但食物質素絕對配得上個價錢，成間鋪頭就係得老闆一個搞曬， 但佢都對客人好有禮貌仲叫我哋慢慢食唔使心急， 食物質素絕對係非常好，下次一定會再幫襯。

近期大角咀人氣新開小店！位置ok，但店面外型唔算突出！店內位置勉強坐到20人內，風格清新、整潔、簡約！點餐紙（左）自家製辣油:相比起潮式粉面店的，呢度既唔夠香唔夠辣！ （右）蒜蓉辣椒醬： 普通！李（）記好味好多😂《咖喱筋腩拼魚肉春卷河粉》 $46店員上菜時聞到好香既咖哩味道～立即飲一啖湯... 嗯，沒有好似聞落咁香既咖哩味...反而飲到清湯味😂😂但慢慢食落就開始有番咖哩味！所以都係食之前攪一攪先好飲個湯！魚肉春卷係即炸嘅！好香魚肉味👍🏻👍🏻👍🏻唔錯牛腩分量亦唔小～但牛味唔香～河粉好易斷，但貪佢可以索晒咖喱汁🤭🤭🤭《咖哩牛寶麵》$60入面有鮮蝦牛肉雲吞、牛腩、牛肚、牛丸、牛筋牛肉雲吞幾特別，有少少似喺酒樓食山竹牛肉嗰啲牛肉感覺！全蛋竹昇生麵好爽口，有少少鹼水味食完呢個咖喱牛腩麵之後會覺得有少少口渴，可能味道太濃

值得一去再去我三併清湯牛腩牛肉雲吞黃金魚蛋竹昇全蛋面！ 店面不大但乾淨精緻，老闆親切有禮。 今日有機會經過一試外賣，無論係個面定牛腩雲吞同魚蛋都好有口感真材實料非常好味道，絕對對得起個價好開心有一間值得推介既小店係附近！

聽講有新開清湯腩小店，吃貨們梗係立即去試下門口已經聞到好大陣牛腩味啦。小店入面得數十個位，甘岩未到午飯時間，所以我地唔洗等，到大約12點半，門口開始有人等位啦。有幾款唔同既配料任揀，好似車仔麵甘，黎得梗係揀清湯牛腩啦 ，另外我我仲揀左魚片頭。睇落好似好細碗，但食到一大半已經開始飽肚🙈幾舊牛腩好厚身，但一d都唔韌，不過有少少"騷"味。魚片頭都好大舊。麵底都有幾款揀，我揀左河粉，好滑身，下次可以試下全蛋竹昇麵😁個湯底比較油，但整體都值得一試