影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
想不到逾百年歷史老字號的恆香餅家，居然都發展新業務，開左間《恆香冰室》。下班後，來到佐敦店試試，門口設有專櫃，售賣新鮮出爐的老婆餅。朋友推介，一定要試衣度嘅「雪花奶黃流心西多」，即叫即炸，新鮮熱辣，內裡流心奶黃餡混合了鹹蛋黃粒，取代咗傳統嘅花生醬，甜中帶鹹，味道層次豐富，真係好特別。🤓Alex揀左只有佐敦店限定嘅「鮮鹹蛋煎焗肉餅爆蛋撈飯」。鹹蛋蒸肉餅平時就食得多，原來煎焗係咁好食，肉餅打得結實，混合了鹹蛋碎，鹹香又惹味😋而我就揀左個「香濃咖喱牛腩飯」，牛腩夠淋又入味，咖喱味香濃，加上香甜椰汁完美結合，整碟飯真的特別香，也超級下飯。想不到傳統老字號都可以咁創新，真係令人眼前一亮。🤩
繼續閱讀
恆香老字號，除左「賣老餅」，宜家仲做埋茶記小編今次就黎到佐敦，同大家介紹下恆香「踩過界」之作 一 恆香冰室 @hangheungbakerycafe🌟蔥油蒜香雞扒爆蛋撈飯 $62雞扒煎得非常香脆，搭配蔥蒜油更加香，加埋兩隻太陽蛋用黎撈飯🤤👍🏻👍🏻🌟鮮鹹蛋煎焗肉餅爆蛋撈飯 $62肉餅煎得夠香，搭配鹹蛋x雙蛋撈飯更加邪惡🤤👍🏻👍🏻🌟雪花奶黃流心西多 $30西多表面炸至金黃，淋上糖漿之後一切開，系好邪惡既奶黃流心🤤👍🏻📍恆香冰室 地址：佐敦白加士街43號地舖#佐敦 #恆香冰室 #恒香 #冰室 #肉餅 #西多士 #留港消費 #覓食佐敦 #食在佐敦 #香港必食 #港式茶餐 #為食關注組 #佐敦食乜好 #百年老字號 #茶餐廳推介 #香港美食地圖 #雪花奶黃流心西多 #九十後行到邊食到邊 #蔥油蒜香雞扒爆蛋撈飯 #鮮鹹蛋煎焗肉餅爆蛋撈飯#HKIG #HKIGER #HONGKONGFOODIE
繼續閱讀
今日我哋去到佐敦諗住醫下肚，見有間冰室叫「恒香」，櫥窗又有老婆餅賣，老字號開冰室點都要試🤭蔥油蒜香雞扒爆蛋撈飯大大塊香煎雞扒十分香口美味，伴菜竟然是沙律雜菜配沙律麻醬汁👍🏻鮮鹹蛋煎焗肉餅爆蛋撈飯分店獨賣😎估唔到混入鹹蛋後香煎肉餅咁夾咁好食，老公話一定要再食，推動🥰雪花奶黃流心西多將花生醬改為奶黃效果非常好，味道更出色👍🏻👍🏻值得一試熱奶茶熱檸蜜恆香冰室 (白加士街) (佐敦)佐敦白加士街43號地舖
繼續閱讀
我最鍾意就係食老婆餅，估唔到香港嘅冰室都可以食到老婆餅！呢間冰室就係恆香冰室！呢間分店裝修得企理乾淨，光線充足夠光猛，店員都好友善～香濃牛腩咖喱飯個咖喱好香濃，每一啖嘅口感都好濃郁，但係同時間亦都完全唔會覺得佢油膩，做得唔錯！招牌濃湯沙嗲牛肉公仔麵最正就係店面嘅質感軟硬度剛剛好，唔會好似出邊嗰啲咁樣腍啤啤，沙嗲味亦都好夠！菠蘿油個菠蘿面做得好香脆，加埋入面半溶狀態嘅就有，真係超好享受！嚟得行香冰室就梗係要叫佢哋嘅老婆餅啦！日日新鮮出爐，又酥脆又buttery，內餡亦都唔會太甜，見到外面都不停有人買走，全部都係一盒一盒咁買，超搶手！同時間皮蛋酥亦都係第二樣暢銷嘅產品。奶茶紅豆冰喺香港唔係周圍都有，呢度嘅奶茶夠香滑，而且紅豆每一粒都好飽滿，飲完第一啖已經即刻影相比所有朋友叫佢哋下次一定要嚟！
繼續閱讀
今日經過佐敦嘅時候先發現原來超出名老婆餅嘅恆香餅店都開咗冰室，見到入面都裝修乾淨企理，咁啱肚餓又想食老婆餅，所以就入咗去醫肚😎⭐️鮮鹹蛋煎焗肉餅爆蛋撈飯煎焗肉餅又咬口肉質唔會太淋，上面放咗少少鹹蛋黃，增加個味道令到佢更加惹味。跟住仲有兩隻太陽蛋，用蛋汁撈飯加埋肉餅會更加好食。⭐️香濃咖喱牛腩飯咖喱係港式咖喱好濃郁，牛腩炆得幾淋，入面仲有啲薯仔角，送飯超啱。⭐️老婆餅最出名嘅老婆餅梗係一定要食啦，個皮超級鬆脆，入面係冬瓜蓉又唔會太甜，可以一個人食兩個。
繼續閱讀