恭和堂

營業中

休息中

呢排食得太多熱氣嘢， 行過旺角諗起老店恭和堂， 立即入去整番盅龜苓膏。古舊嘅老店裝修好中國風， 只係得我一始客，店員都有三四個， 人未坐低阿姐已經問我凍定熱？ 其實我都係想望下有咩選擇啫……叫咗個熱龜苓膏， 非常足料好夠藥材味， 吃得苦嘅我一啲糖水都冇加， 原汁原味。 但我見到佢啲匙羹同碗，全部好古舊， 大部分都係裂同冇左忽， 我真係覺得我去咗古代。 好心成56蚊一盅， 畀啲餐具好少少哩！！！！雪梨茶甜度適中 ，但完全感覺唔到佢係熱， 其實咁多店員， 真係可以做好少少。臨走嘅時候想去洗手間， 行到一半阿姐就話我聽廁所壞咗， 但我明明見到有人喺廁所出嚟， 擺明唔想畀客人用，扣分……

好少會走入女人街入面，尋日朋友話飯後話食甜品，點知話去食🐢，雖然唔係好好，因為感覺好多都好似賣涼粉一樣，但朋友話依個唔同，傳統d咪去試下入到去，有10幾人喺度，個個都只係食同一款野，熱盅龜齡膏，感覺好似真係有料到一陣就嚟到，$54都好大盅下，食落勁有葯材味，攪到如果唔落糖漿係頂唔順的中葯味，係咪咁至屬於有料就唔知，但真係一定唔同平時的食完埋單，店員問要唔要儲分卡，話每盅一分，食滿8盅送一盅，又好似幾好，下次又可以再食，哈哈

剛去了平到極但重口味的料理男, 朋友就提議清清熱氣此間恭和堂自1904迄立到今日, 但我一次都未去過古色古香的裝潢, 百年不變一入去 老店子空空 一個人客都無只有幾個老店員閒坐著幾個店員就急急同聲一齊問"龜苓膏,係咪要龜苓膏?"我看看價錢牌$48, 頗貴!! 我剛才食了一整個dinner set 才$38加一難怪sell龜苓膏"貴店"有道 "真材實料 不怕獨沽一味"就豪一豪佢($48only haha) 味道相當清 沒有我假設的重重藥材味道更有清甜感覺 我後悔了下了糖漿否則原味原汁更佳 吸收太多糖份亦不好呢比起我常食的鴻字頭 恭和堂龜苓膏色澤較感覺亦軟身一些 味道方便不差的只是價錢就應大眾化一些更好來去匆匆, 坐一會兒就走 下次我有閒著才來慢慢坐細心看看古店 及改食$14有3隻的茶葉蛋才化算

想喝涼茶, 結果涼茶喝不成, 反而上火 同女友行街見口渴, 想入黎飮杯涼茶見店入面有垃圾筒, 就將袋入面舊垃圾(只是一個空的塑膠盒)掉入去誰知剛坐下不久, 涼茶都未點, 阿姐竟然將垃圾筒內的垃圾拎返出來, 放係我面前, 並說:「呢度吾接受外來垃圾!」如此待客之道, 世所罕見!!於是我地呢兩位不受歡迎的客人, 就帶埋舊垃圾, 迅速離開此店!既受不了此店的規矩, 我們也無福消受它們的優良產品吧?以後也不幫襯此店!

頭先去食完咖喱,就想去食個甜品,咁啱想起好耐無食龜苓膏,又咁啱想起我阿姨話恭和堂的最好功效,所以就行多少少路到呢間食(沿路有其他雜牌同鬍鬚仔都無入去),一入去得番大台,卡位都有人了,就無辦法照坐啦,一坐低餐牌都未睇到1秒就比阿姐問:要凍定熱,(我心想:乜野凍定熱??龜苓膏嗎?洗唔洗咁快問呀,我第一次黎就咁心急??)我就叫左等一陣先,睇左個餐牌有個32蚊同45蚊的,問阿姐有乜分別啦,阿姐話:無分別,功效一樣,32蚊果種係"畢"出黎裝響碗的,我見周圍張張台都係一盅的,咁我又好少可黎食,就要了一盅,朋友怕苦所以唔食,就要了一杯凍菠蘿柑桔蜜,唔洗1分鐘就有得食,朋友的那杯話飲到罐頭菠蘿糖水味,no good,阿姐比左糖水和砂糖我揀,我覺得食砂糖怪怪的就用番糖水算了,我習慣"畢"一羹龜苓膏就落少少糖水吃,糖水不算很甜,龜苓膏味很甘,和鬍鬚仔的龜苓膏又有點不同,但我又說不出來,只知道我一回家就好暢快地大了一場,這算是有功效嗎?

兩個人响差不多晚上11到，裝修很懷舊，角落有隻龜，坐二人卡位，臨近收舖，各自叫咗雪梨茶，我要熱，朋友要凍，用紙杯上，可惜我的不夠熱，係我最怕的微暖，而朋友的又不夠凍，味道其實不差，夠味又不過甜，只是溫度不對。

因為好熱氣，又有飛滋．．所以突然想食龜靈膏朋友就介紹ｌｅｅ　間．．佢話老字號ｗｏｒ．．下午睇完戲就黎食．．真係好老字號．．感覺好古舊呢！！食左２個龜靈膏．．唔算好熱,好大陣龜靈膏味..唔敢講佢有冇效．．但係就冇上次係海ｘ堂食完咁．．有爽晒既感覺囉！哈哈～～

中午飯時間, 係飽同唔飽之間, 又唔想開大餐, 路過旺角女人街, 諗起龜靈膏.... 當然自然諗起老字號恭和堂,十二點幾食客不多, 只有一枱食客,可以隨便坐啦!點了一盅凍龜靈膏, 入口帶點甘甜, 少許苦, 我認為不吃得苦的, 都能夠接受, 不是太苦呢! 可以不加糖漿! 如果一個人食的話, 會很飽的! $42, 實在有點貴.再點了 $10三隻茶葉旦, 熱騰騰送到面前, 旦殼還有茶葉支, 旦非常入味, 味道啱啱好. 冬天暖胃~ 最佳之選!

(過期食評之二)食龜靈膏食極都係覺得呢度最好食，前排電視節目話呢度d龜靈膏原來無解毒功效，究竟係咪真？話晒幾十年老字號，雖然自從一年前左右開始，幾十年老字號就等如信譽好根本已經永遠變成廢話，不過我食食下已經唔太介意有無功效，因為我已經覺得呢度d龜靈膏已經係一樣好好食既野，同第二d地方苦到飛起既比較，呢度真係果d對我黎講真係可以當飯後甜品食，四十二蚊好似貴左d，但我又唔係成日食，所以無所謂啦。

近排真係好熱氣呀，食埋晒ｄ炸乜炸物，梗係要清下啦。行開旺角，好似有間恭和堂，但個位認真隱蔽，要搵下先搵到呀。我地兩個人叫左一個龜靈膏，真係好大呀，唔怪得要成四十幾蚊啦。ｄ龜靈膏唔苦，唔加糖都ｏｋ，但如果要我食成盅的話，就好似多左ｄ喇。

恭和堂係我好細個開始媽咪就買比我食傢啦~~連d uncle係加拿大返黎都會黎呢度食返碗傢。。我耐晤耐都會黎呢度食加~因爲實在太愛食熱氣野啦~所以要黎解下d熱氣呢~拒呢度d蜂蜜好甜。落小小已經可以夠味。雖然好多人都寫食評叫唔好落糖。。。。晤落絕對唔係苦到入晤到口。不過我就係小小都要落架，，好似調味甘呢。。到今時今日我媽咪爸爸都會無啦啦無野做出去吳松街果間整返碗傢~~食過呢度。食過海天。。海天果d好似jelly甘。。好難食同呢度真係2回事。。下次都係唔好貪方便去海天食。。難爲自己之餘又貴。。所以人地可以開甘耐又老字號係唔同d既。。另外雪梨茶都好味傢。。晤太甜，清清地

對龜靈膏的第三評, 在奧海城會合了朋友, 轉移陣地出返黎旺角, 繼續吃喝玩樂.行到倦了, 朋友說帶我去食龜靈膏, 入到黎這帶點古色的恭和堂, 每人一個龜靈膏.龜靈膏始終要原汁原味, 老伙記叫不用落糖. 果真, 糖越落越少, 越能夠食出龜靈膏的原味. 膠質不錯, 茯靈味不太重, 不放糖絕對不會被茯靈的甘苦味苦親.店內有幾張滿清時期的創辦人照片, 加上門口一個傳統大爐, 喜歡亞洲文化的外國人, 一定會喜歡.

天氣嚴寒..又怪自己唔小心凍親..兩行"蟲"流又流..買完波衫行過見到呢間野..有感冒茶..仲話係秘傳!立即入去試下有冇效先..可能入到去大多都係食龜令膏啦..一坐低佢即刻問..凍定熱..?我呆左陣..回神後..先同佢講我要一杯感冒茶..其實唔可以包含全部客人都係去食龜令膏吧!?咁樣問好似比客覺得冇咩禮貌..感冒茶幾淡下..冇我想像中咁苦..反而我想佢苦d..好令自己好受d..(心理作用)$16..幾貴下..

真係老店好d...唔苦唔落糖都無問題!!!!

吃龜靈膏到老字號好. 每當看到店內牆上的清代畫像, 就覺得滿有信心. 吃龜靈膏要熱吃, 別下糖, 藥效才可全數發揮.