悅來酒店咖啡室 (已結業)

久不久就會同住喺荃灣附近嘅朋友飯聚，由於當中有小朋友，所以大家都諗緊有咩餐廳最適合，醒目朋友提議去悅來酒店食Buffet，因為裏面有一個好特別嘅小朋友迷你遊樂場，咁大人就可以安心食飯，而小朋友亦都可以盡情咁放電啦，仲要四月份內有六折優惠！！今晚阿J唔得閑，飛雲，機會嚟啦！我可以盡情咁放肆啦！一入到餐廳，先比佢個高樓底同寬躺嘅格局所吸引，我就一枝箭走去睇下有咩好嘢食，而友人個得意仔仔更加係一支火箭咁飛去個兒童遊樂房裏面狂歡。來到先知今晚個buffet原來係以地中海海鮮做主題，我係海鮮狂迷，咁當然即刻去食海鮮先。紐西蘭青口、海蝦、翡翠螺、大小龍蝦、長腳蟹、毛蟹、法國麵包蟹等當然唔少得，而全晚亦都有專人不斷為客人開4款新鮮生蠔，整體味道尚算不錯。我哋淨係食呢個自製嘅豐富海鮮拼盤都食咗接近半個鐘，細食嘅朋友都可能已經飽左大半了。跟住到沙律區，基本嘅火腿類、番茄仔、粟米粒、沙律菜等應有的都有，都係果句，沙律最緊要係新鮮同乾淨，呢兩點都無問題，可惜嘅係冇我最喜愛嘅薯仔沙律。到大部分人都喜歡的魚生及壽司區。熱門貨色如三文魚、吞拿魚、八爪魚等任君選擇，壽司同卷物就大概有5款，當中我較喜歡嘅係火炙吞拿魚

在Openrice 看到Panda Cafe的食評一般般，但估唔到都有不少驚喜。宜家推出了春季海鮮嘉年華自助餐，攞食物的地方不大，但款式都算唔少，而且質素有一定水準。整晚都有不少驚喜。 新鮮生蠔，師傅現場為客人開蠔，仲有兩款蠔包括：美國生蠔及加拿大生蠔，個人比較鍾意帶有淡淡海水味的美國生蠔。 走近海鮮區已經被一盆盆新鮮的海鮮深深吸引，當中的有龍蝦仔，原隻龍蝦，麵包蟹，雪花長腳蟹，檸檬角，紐西蘭青口，鮮蝦配辣茄汁。龍蝦同麵包蟹的膏十分邪惡 ，忍不住要快快把它消滅。一晚半晚增磅不理了，食完有氣力先再減啦。雪花長腳蟹都好好味，唔會有雪味，鮮甜美味。 太吸引了。一定ENCORE再ENCORE。快回本了，繼續努力。 西班牙海鮮炒飯，海鮮豐富但飯身比較淋。乾身一點會更好，更有口感。西班牙龍蝦海鮮湯，龍蝦湯味道香濃而且即叫即煮，客人仲可以另外加入不同的海鮮材料。 西班牙燒乳豬，乳豬皮脆肉滑，乳豬髀啖啖肉汁，好味，不容錯過。泰式青胡椒炒豬柳，辣度十足，惹味非常。茴香菜蕃茄及橄欖焗格陵蘭比目魚，魚肉嫩滑多汁。 水果有菠蘿，西瓜，哈密瓜，種類不多，勝在新鮮。日本櫻花雪糕，味道十分特別，酸酸

今日同阿仔去熊貓酒店食浦飛～見佢有個玩具遊樂場，我可以同老公慢慢嘆！當然就因為近期佢有團購出先會試啦，一家三口都差唔多要成千蚊嫁！言歸正傳啦，佢今次做海鮮主題，其實有邊間唔做海鮮嫁，不過見佢好似好大堆頭咁，希望點都有幾樣好食，同啱食啦！好彩早去，我呢Ｄ識揀位梗係要求系個遊樂場隔離啦，眼尾叫做睇到下，又近拎野食。佢一出我就搶！！！首先梗係餵左阿仔先啦，雖然話係海鮮主題，小朋友其實都係食熱野，佢選擇都幾多，又肉丸又蛋餅，又炸魚柳，未洗食面已經塞飽左我個仔，仲有薯仔沙律（係小朋友先會食）阿仔一見到個游樂場，其實都唔想食野，不過佢絕對明白唔食飽無得去玩既道理！！好啦～到我同老公啦，我地兩個一見到D海鮮其實已經忍唔住，又龍蝦，又生蠔，又麵包蟹，又螺，又青口，咁梗係食蠔啦，估佢唔到連蠔都有幾款，有美國，加拿大同南非，雖然我唔“好”，都食２隻啦龍蝦山真係過份，咁大座，唔食真係對唔住自己，食咁依～拎左兩件，好好味，又爽又彈牙，食晒所有野先再返轉頭食過～而家係咪又興”大”呢？連海鮮炒飯都咁大，為左唔減低戰爭力，我係無食既ＸＤＸＤ食左一輪海鮮其實都已經無位再食……不過最後點可以唔食甜品同雪糕呀，好耐好耐之

訂座時店員指示清晰有禮，並會於當日早上再度確認。店員時常提醒坐位有點遠離取食物位置。到了現場發現，其實也不算太遠，畢竟此餐廳也不算很大。飲品不多，只得百事芬達雪碧，白酒紅酒及咖啡奶茶。生蠔為主題的自助餐，生蠔的確會密密refill，體積不大不小，輕微海水味，不太肥美，吃十來隻剛好。蟹腳要挑些長的較佳，肉較大較長，內裏海水味挺濃，配起蟹腳肉還不錯。蝦則較差，又凍又沒有味道，輕醮豉油也吊不出其海鮮味。送的百花釀蟹鋏，其實有點兒搵笨，蟹肉只得少許，感覺是想以大大件魚蛋將食客吃飽兩成，節省其他食物。三文魚不太肥美，而且切來又小，不太鮮美，後來很快便無人問津了。牛扒兩小件也要大排長龍，你就知道食物選擇挺少的。牛扒不錯，中間粉紅嫩肉，香濃肉味，剛好不韌。其他熱吃，只有米飯、粥、魚、菜、雞粒，不值一試。另有其他墨西哥卷或麵食等，但沒興趣試吃。平日自助餐不怎會吃燒味，但今天發現沒有燒味又覺得不自在，身癢癢想吃。另有Dreyers 雪糕及專人炒雪糕，其他甜點都沒嚐了。dreyers 朱古力，平日可能很可口，但吃過這麽多其他食物，這杯雪糕也會變得較不美味。三百多元晚餐自助餐，有生蠔任食，還算不錯。

悅來酒店(熊貓酒店)既自助餐,早就想去試試,但因為評語好壞參半,雖價錢略便宜但水準成疑,而且之前我係呢度叫過海南雞飯食中左伏,所以一直無行動.等我來挑戰一下~跟據資料顯示,價錢為$418依家佢地做緊香港懷舊主題,相信會有一點港式小炒之類.的確,整晚最美味既就佢避風塘炒蟹同埋炒蝦,兩者都係要經過排幾次隊先成功爭取,實在唔容易~前者辛香惹味,蟹算新鮮肉厚,如果可以再多點蒜香和加蔥來炒更佳.後者蝦肉爽口調味簡單而能提鮮.另外有街頭小食炸蘿蔔餅呢樣我係街邊都搵唔到黎食.碗仔翅就唔少得啦.味道中規中矩.其他食物大家自己睇吧.威靈頓牛柳千萬不要拎,水準有問題,但可以食燒牛肉.生蠔係美國蠔,唔係我杯茶.剌身以三文魚最穩陣,其他不建議選擇.蟹腳都唔錯.甜品無咩空間試,只係最後食左個Dreyer's雪糕芒果味,果味幾濃郁唔太甜唔錯~整體黎講,以四百頭呢個價錢來評論,食物選擇都算多,只係食客比較瘋狂,略為好味和貴少少既食物要排幾轉先食到.食物水平唔算低,只係有部份ITEM比較恐怖.

又買咗一年酒店會藉 續會優惠價 799細看下 比往年複雜 & 部份折扣優惠減小咗星期五 dinner buffet 貴幾拾 推介：送豌仔翅1碗仔 有期待嘅 但 失望嘅 一坐底就送上 細細碗嘅街頭翅 唔吸引面上有1小片嘅翅片 湯底淡味 用料簡單期待係~酒樓質表 金華火腿雞湯底 食物超豐富 有 焗田螺 炒虾 炒蚧 羊胺 牛柳 义燒 滷水食品 魚生 蚧腳 凍虾 生蠔....可以嘅有乳鴿 但炸得太乾 有啲柴皮 浪費咗 其他食品 lunch buffet 都食倒 除咗粥羅宋湯 ~ 讚中式湯 ~ 黃瓜紅蘿蔔湯 無乜肉味 咸有表演 ~ 火熖雪山 精彩 

5 MAY 2015(TUE)話說早排小小豬先問我地幾時可以再帶佢去食自助餐，就係依個個時候收到悅來酒店嘅邀請，小小豬知道後都不知幾興奮，真係非常感謝悅來酒店一眾公關哥哥姐姐呀~悅來酒店係5月至6月期間，推出「星馬美食薈萃自助晚餐」，安排左多地道嘅『星』『馬』美食~一入場就俾啲可愛小熊貓吸引啦~我覺得依度環境都幾寬敞，而且都算幾靜，所以感覺都係好舒服。最特別就係場內設有電視播放，我都係第一次見呀(可能係我少去食自助餐啦..哈哈哈)~對於我嚟講，食自助最重要就一定係刺身、冷盤同埋甜品。小小豬都要自己去搵食呀~ 嘩...有生蠔食呀，佢地仲補給得非常密，而且都好新鮮，我地兩個食左大大話話都有差唔多三十隻呀~啲刺身都好新鮮呀~沙律吧及冷盤都加入左好多『星』『馬』原素呀~雖然甜品種類比起上來選擇都算少，不過勝在啲甜品味道都唔差，完全唔會覺得好甜，尤其係佢嗰個朱古力慕絲蛋糕，真係要推介呀~當然唔少得小小豬最鐘意嘅朱古力噴泉~亦都係因為『星』『馬』關係，多左好多特吃嘢食，好似有牛油蝦、串燒同一啲炸物呀~熱盤中當然都加入不少『星』『馬』美食，每款我都有試少少，開頭都好怕會太辣，但食落感覺又唔錯，只係少

真心講句呢餐野真係不知所謂！！！全部都勁難食！！！！下圖已經攞哂全場野食，除左咖哩無攞，因為賣相十分恐怖。叫大xx到會都好食過佢囉，要成二百蚊人頭，居然係食青瓜壽司，你連整做青瓜小卷都懶，有無搞x錯。

今天來篇新鮮滾熱辣的食記，寫的是昨晚才去吃的悅來酒店咖啡室 Panda Café，那裡的自助餐收費合理酒水全包，重點是連上無敵 in-house Playroom，簡直是親子天堂！打正熊貓logo的悅來酒店，相信沒有小朋友不愛。囝囝去年十月初訪已經喜歡不得了，事隔5個月再訪，竟仍記得「爸爸，我地黎過依度架」 Panda Café 的晚市自助餐開始得特別早，六點已經開餐，非常適合我們這種帶著小孩的家庭客。我們是在5:50pm抵達，已經有好些人早到，店方也毫不介意讓大家提早入座。　座位方面，喜歡有私隱度的，選坐外圍的圓檯一定會稱心，距離洗手間（附有換片位，非常baby-friendly）也較近。不過如果想方便取食物／去Playroom玩／感受三四月主題「巴西美食嘉年華」氣氛的，就要選坐裡面了。當晚我們為了方便玩，也是坐裡面的啊。講到那麼吸引，事不宜遲，馬上看看餐廳內置的Children Playroom吧！它設於熱盤區偏入的位置，面積不小約可容納十數個小孩，而裡面除了繽紛可愛的佈置、身高量度表，還有三條滑梯、一間小屋，以及一些小玩具，非常棒！小兄妹一見到這間Playroom，兩人都樂壞了，

第一次到PANDA HOTEL 食自助餐，環境不錯而且尚算寬敞，每枱客之間有充足的空間，最特別是它設有一個供兒童玩耍的小型遊樂場，適合一家大細共渡歡樂時光甫到達，我便急不及待去取我最愛的三文魚魚生，師傅並不吝嗇，每人每轉也分得五、六片厚切三文魚，縱使如此，但因為三文魚實在新鮮肥美，我最後吃了數轉才肯罷休。除了三文魚，日本吧還有吞拿魚、八爪魚和鯛魚，它們也不過不失，只是被三文魚比下去。三文魚魚生並不能完全滿足我對三文魚的渴求，於是便進攻旁邊的煙三文魚，肥美並不在話下，最重要是它的煙三文魚並不會過鹹，令人吃不膩。我還試了PARMA HAM，肥瘦適中，同樣令人滿意。冷盤旁邊便是海鮮吧，沒想到這個價錢也有生蠔供應，試了數隻，均鮮甜肥大，最難得是它所以食物包括生蠔都是不斷補給，所以完全不會出現「爭食」的情況。除了生蠔，還有蟹腳，每隻都很新鮮，能吃得到海水淡淡的鹹香。海鮮吧也供應了凍蝦和青口，不錯不錯。由三月一日起，酒店以巴西美食作主題，這個主題幾特別，相信不多香港人會經常品嚐巴西美食。試了數款，當中我最喜歡那道燴海鮮，還有一道炸咸鱈魚也不錯，炸得香脆而且毫不油膩。令我印象深刻的，還有椰汁焗蟹肉。

扶老攜幼的家庭特別喜歡吃自助餐，各人都會找到自已的心水，不必顧慮A怕熱氣、B唔食生冷野、C想食意粉、D想食中菜等等等，魚子醬一家看中這裡的自助餐桌旁有一間又大又寬敞整潔的Playroom~!最近以「巴西美食嘉年華」為主題，雖然南美菜系可能香港人比較少接觸，但好欣賞酒店做呢個主題做得好全面，並唔會好似其他地方，有意粉有Pizza就話係意大利主題；由沙律冷盤小吃，到熱葷都有不少巴西菜式以沙律冷盤計，這裡的選擇認真多，特別的有巴西八爪魚仔沙律、茄子沙律、青口、還有不少地中海的烤蔬菜、PitaBread抹醬和酸瓜等，除了這些Pre-mixed salad，簡單的沙律食材如番茄、粟米、青瓜等都有分開供應凍海鮮的銷情非常唔錯，翡翠螺彈牙有嚼頭，是魚子媽愛吃的貝殼類，不過身體不適不能吃太多生冷野，只好小吃多滋味，連美國生蠔都會定時Refill，肥美鮮甜~! 蟹腳更甜，薄殼易拆巴西菜大家可能真係比較少接觸，見願意嚐新的人不多，熱葷區人流麻麻，但其實不計較賣相，味道認真不錯，Feijoada是巴西煙肉燴排骨，黑漆漆的其實是黑豆炆得淋身了，肉質淋而入味；巴西雞肉玉米碎，其實是 cous cous的製作，尤