影片
更多
2016-04-23
1938 瀏覽
久不久就會同住喺荃灣附近嘅朋友飯聚，由於當中有小朋友，所以大家都諗緊有咩餐廳最適合，醒目朋友提議去悅來酒店食Buffet，因為裏面有一個好特別嘅小朋友迷你遊樂場，咁大人就可以安心食飯，而小朋友亦都可以盡情咁放電啦，仲要四月份內有六折優惠！！今晚阿J唔得閑，飛雲，機會嚟啦！我可以盡情咁放肆啦！一入到餐廳，先比佢個高樓底同寬躺嘅格局所吸引，我就一枝箭走去睇下有咩好嘢食，而友人個得意仔仔更加係一支火箭咁飛去個兒童遊樂房裏面狂歡。來到先知今晚個buffet原來係以地中海海鮮做主題，我係海鮮狂迷，咁當然即刻去食海鮮先。紐西蘭青口、海蝦、翡翠螺、大小龍蝦、長腳蟹、毛蟹、法國麵包蟹等當然唔少得，而全晚亦都有專人不斷為客人開4款新鮮生蠔，整體味道尚算不錯。我哋淨係食呢個自製嘅豐富海鮮拼盤都食咗接近半個鐘，細食嘅朋友都可能已經飽左大半了。跟住到沙律區，基本嘅火腿類、番茄仔、粟米粒、沙律菜等應有的都有，都係果句，沙律最緊要係新鮮同乾淨，呢兩點都無問題，可惜嘅係冇我最喜愛嘅薯仔沙律。到大部分人都喜歡的魚生及壽司區。熱門貨色如三文魚、吞拿魚、八爪魚等任君選擇，壽司同卷物就大概有5款，當中我較喜歡嘅係火炙吞拿魚
一入到餐廳，先比佢個高樓底同寬躺嘅格局所吸引，我就一枝箭走去睇下有咩好嘢食，而友人個得意仔仔更加係一支火箭咁飛去個兒童遊樂房裏面狂歡。
來到先知今晚個buffet原來係以地中海海鮮做主題，我係海鮮狂迷，咁當然即刻去食海鮮先。紐西蘭青口、海蝦、翡翠螺、大小龍蝦、長腳蟹、毛蟹、法國麵包蟹等當然唔少得，而全晚亦都有專人不斷為客人開4款新鮮生蠔，整體味道尚算不錯。我哋淨係食呢個自製嘅豐富海鮮拼盤都食咗接近半個鐘，細食嘅朋友都可能已經飽左大半了。
跟住到沙律區，基本嘅火腿類、番茄仔、粟米粒、沙律菜等應有的都有，都係果句，沙律最緊要係新鮮同乾淨，呢兩點都無問題，可惜嘅係冇我最喜愛嘅薯仔沙律。
到大部分人都喜歡的魚生及壽司區。熱門貨色如三文魚、吞拿魚、八爪魚等任君選擇，壽司同卷物就大概有5款，當中我較喜歡嘅係火炙吞拿魚沙律壽司。但由於我上星期才由日本返嚟，實在食得太多魚生，有點厭，所以今晚只係淺嘗，老實講Buffet 的魚生當然唔係頂級材料，但勝在新鮮。
淨係凍盤海鮮同沙律都食咗接近一個鐘，係時候轉食熱盤喇。就係呢個時候，友人個得意仔一臉滿足加滿頭大汗咁由遊樂房跑返嚟，秒殺加鯨吞幾件壽司同牛扒之後又跑去繼續玩過。我從呢個充滿愛心嘅爸爸臉上，感受到咩叫做此刻無價。要特別一讚，呢度嘅熱盤，廚師即場煮嘅比預先煮好的選擇還要多。我繼續選擇海鮮，先試西班牙海鮮炒飯，有齊蝦青口魷魚等主角，即叫即炒，不錯。特別推介西班牙龍蝦海鮮湯，原隻龍蝦加上番茄、洋蔥、蘿蔔同埋大量嘅新鮮海鮮材料，湯鮮味甜，飲咗兩大碗。個中湯都唔錯，入味下火。
16 瀏覽
0 讚好
0 留言
由於已經食咗好多海鮮同埋牛扒，個肚已經冇乜空間再食其他熱盤，淨係食咗一個較少在Buffet見的原條比目魚，肉滑有魚味。
18 瀏覽
0 讚好
0 留言
最後到甜品，由於我唔太好甜品，冇乜點試，但我見款式種類都幾多，有多款蛋糕仔、布甸、啫喱、朱古力噴泉，全部都賣相美麗，可惜阿J唔喺度。Haagen-Dazs雪糕有五款口味選擇，仲有自家製櫻花味雪糕，抵讚！
話咁快就食咗差唔多三個鐘，得意仔仔亦都玩夠食飽飽，一行人都滿足，六折後每人大概＄350，以這價錢在酒店食Buffet，不錯吧！
題外話/補充資料：
要特別一讚這裡專為小朋友而設的遊樂房，既可安心咁讓小朋友盡情放電，家長又可舒舒服服咁食餐"安樂茶飯"。
(以上食評乃用戶個人意見 , 並不代表OpenRice之觀點。)
張貼
