影片
港鐵美孚站 B 出口, 步行約5分鐘
繼續閱讀
電話號碼
22860268
開飯介紹
環境恬靜，可享受鬧市中的寧靜悠閒。餐廳兩層高，空間感足。藍白皮椅配瓷磚地，格調高雅。特別推介法國泥蟹湯，蟹肉足料，味道鮮甜，酒店質素但價錢親民。
繼續閱讀
附加資料
開瓶費：每支150元
營業時間
今日營業
11:30 - 22:00
星期一至日
11:30 - 22:00
*星期六/日及公眾假期用餐時間90分鐘
以上資料只供參考, 請與餐廳確認詳情
有關獎賞計劃
優惠
相關文章
🎉週末同男友去荔枝角悅滿軒食飯，未想到佢竟然喺度求婚！餐廳裝修簡約得嚟又有格調，燈光暖洋洋嘅，氣氛輕鬆唔會太拘束。烤紅蝦牛油果沙律+熱情果油醋汁 🍤🥑 8/10 呢道沙律擺盤幾靚，紅蝦新鮮彈牙，牛油果滑嘟嘟，再配上熱情果油醋汁酸酸甜甜，味道幾特別。沙律菜都唔會太乾，整體清新開胃，不過份量稍為少啲，想多吃幾件添🤣。意大利飯餅+蕃茄汁燴辣肉腸+蝦 🍳🍅 9/10 意大利飯餅外層煎到金黃香脆，內裡軟糯帶芝士香味，口感好豐富。蕃茄汁濃郁微酸，辣肉腸夠惹味，蝦亦都新鮮彈牙，每一啖都好滿足。呢道絕對係全晚嘅焦點，食完仲想再叫多一份🤩！法式海龍皇 🐟✨ 7.5/10 海龍皇魚肉質細嫩，淋上少許檸檬汁更加醒胃。醬汁唔算太鹹，保持咗海鮮本身嘅鮮甜，不過整體味道稍為平淡咗啲，如果加多啲香草或者配料可能會更出色。不過賣相幾吸引，打卡一流📸悅滿軒嘅食物水準唔錯，服務態度亦好好，環境舒適適合朋友聚會或者特別日子慶祝🥰。雖然求婚令我超感動，但食物本身亦值得一讚👍
繼續閱讀
悅滿軒係一間法國風情西餐廳❤️今次係來慶祝生日，絕對值得encore。服務好👍🏻，職員都好有笑容同禮貌，上菜速度有控制，食完一道菜都會幫你換新碟。另外生日職員會幫手影一張即影即有，超級貼心。食物方面點左一款沙律，前菜，main and dessert。落單後就會上餐前包，包有芝麻同南瓜籽，煙韌有口感，配上自家牛油，多一層風味▶️慢煮法國鴨髀金柚沙律配檸檬油醋汁份量多。鴨髀肉質嫩滑帶有濃厚鴨香，搭配唔同種類嘅沙律菜，口感上會多左變化。金柚+檸檬油醋汁令到成個沙律都好fresh唔會有油膩感，整體味道平衡融洽。推薦指數⭐️:4.3/5▶️西班牙紅蝦他他配意大利魚子醬+墨魚脆片🦐必點item⭐️紅蝦他他鮮味十足，第一啖已經成口都係紅蝦獨有嘅鮮甜，再加上有魚子醬，更增添風味同口感。建議一定一定要點埋佢碟上嘅紅莓醬食，多左少少酸甜即刻昇華左整道菜嘅味道同完整性。推薦指數⭐️:4.8/5▶️生蠔 $10/1pc價錢反映一切，蠔有少許海水味，比較瘦唔creamy同埋有啲腥，未去到好差嘅，同自助餐蠔嘅水準差唔多。除非你真係好鍾意食生蠔唔介意有啲腥嘅話都可以試，否則我唔推介。佢另外有款六國生蠔$198/6pcs，相信水準應該會好啲，但我冇試到。推薦指數⭐️:3/5▶️烤原隻西班牙墨魚🐙配墨魚汁意大利飯，法式燴番茄🍅Signature 💫✨都係必點item⭐️份量適合3-4人。我哋2個人食超級飽。Risotto煮得好creamy，口感有咬勁得來裏面好鬆軟，配搭法式燴番茄非常消膩，令人飽都想繼續食。重點❗️❕ 墨魚size超級大隻，鮮甜有海水味，口感軟糯彈牙，真係好好食🤤推薦指數⭐️:5/5唯一缺點真係份量太多，建議3人以上先食▶️阿拉斯加焗雪山🍨❄️值得一讚嘅係擺盤好靚好有心機，好啱打卡。店員會喺你面前倒點左火嘅Rum酒淋上面，畫面好靚，不過燒到咁上下記得自己吹熄佢，如果唔係蛋白燶左會苦。味道方面，rum酒淋左係外層蛋白cream，包著薄薄嘅海綿蛋糕同一大磚雲呢拿雪糕，口感好好，配搭外層嘅rum酒蛋白cream一齊食可以中和一下雪糕嘅甜味。不過始終份量太多，嚿雪糕真係好大嚿🤣，食到中間都開始覺得有啲甜膩。建議三至四個人分食會冇咁大負擔🤣推薦指數⭐️:4/5提提大家，經OpenRice訂位會有八八折，呢度折咗後係$905，真心超級抵食🙆🏻♀️🙆🏻♀️🥲另外仲俾咗三張$50 coupon❗️❗️雖然生蠔麻麻哋，但其他食物都超水準發揮，真心推薦大家嚟食❤️
繼續閱讀
今日同老公久違地約會，揀咗荔枝角嘅「悅滿軒」食晚餐。侍應服務態度友善，介紹菜式時好有耐性，整體氣氛令人覺得好舒服。🍷✨前菜幾有心思，紅蝦他他鮮甜🦐🍋 ，配上意大利魚子醬嘅鹹香，味道層次豐富。墨魚脆片脆口得嚟唔會太硬，辣根油醋汁帶少少酸辣，開胃得嚟又唔會搶咗紅蝦嘅風頭。整體嚟講，係一道幾清新嘅開胃菜。👍吞拿魚腩扒🐟🥑 煎得剛剛好，外層微焦，內裡保持半熟，口感嫩滑。牛油果嘅creamy同黑魚籽嘅鹹鮮幾夾，柚子汁帶嚟少少清新感，平衡咗魚腩嘅油膩感。不過，個人覺得柚子汁可以再多啲，令味道更加突出。😊主菜幾有份量，海鮮種類豐富，有龍蝦 🦞、帶子、大蝦🍤 等，全部都好新鮮。醬汁濃郁得嚟唔會太膩，帶有少少香草味，提升咗海鮮嘅鮮味。龍蝦肉質彈牙，帶子鮮甜，大蝦爽口，整體嚟講係一道令人滿足嘅海鮮盛宴。🦀👌藍青口size適中，肉質鮮嫩，雲呢拿忌廉汁帶有少少甜味，幾特別。不過，個人覺得忌廉汁可以再濃郁啲，令青口更加入味。薯條炸得金黃脆口，配埋忌廉汁食都幾夾。整體嚟講，係一道幾穩陣嘅菜式。😋今晚嘅晚餐整體嚟講幾滿意，每道菜都有自己嘅特色，味道同口感都幾平衡。
繼續閱讀
今個週末係女友生日大日子🎂，特登揀咗荔枝角嘅「悅滿軒」同佢食餐好嘅慶祝吓。一入到去，餐廳環境幾舒服😌，唔會太嘈吵，空間感都算足夠。燈光偏柔和，黃黃哋咁，感覺幾relax。我哋坐低咗睇menu，樣樣都好似幾吸引～第一道嚟嘅係紅蝦他他，賣相幾精緻✨。啲紅蝦剁得細細粒，食落口感幾軟滑，而且保持到蝦肉本身嘅鮮甜味🦐。上面加咗少少意大利魚子醬，鹹鮮味幾突出，咬落有啲「卜卜」聲，幾得意。旁邊塊墨魚脆片做得幾好，夠薄夠脆，索索聲，帶點墨魚嘅香味。個辣根油醋汁係成道菜嘅點睛之筆，微微嘅辛辣刺激感，吊起咗成個味道，但又唔會太搶，同啲蝦幾夾。整體嚟講，係一道幾清新開胃嘅前菜，口感層次都幾豐富。跟住上嘅係吞拿魚扒🐟。佢哋將吞拿魚腩嘅外層輕輕煎香，帶點焦香，入面就仲保持住粉紅色嘅半生熟狀態，食落魚油香氣都幾明顯，肉質算係幾嫩。配搭嘅牛油果蓉🥑打得幾滑，可以增加返啲creamy嘅口感。上面再加啲黑魚籽，除咗裝飾之外，都帶嚟少少鹹香。個柚子汁🍊酸酸咪咪，幾清新，可以平衡返吞拿魚嘅油膩感，令成道菜冇咁heavy。不過不失啦，吞拿魚質素OK嘅，但整體配搭未算非常有特色，不過作為第二道菜都算唔錯。呢道菜個樣幾特別，係將意大利飯整成餅狀再煎香。個飯餅外層煎到金黃色，有啲脆脆哋嘅口感👍，而入面嘅飯粒仲保持到濕潤同少少煙韌。個蕃茄汁味道幾濃郁🍅，酸甜度適中，用嚟燴住啲西班牙辣肉腸同蝦。啲辣肉腸切成細粒，食落有啲鹹香同輕微嘅辣味🌶️，幾惹味。蝦嘅份量就正常啦，爽口度一般。成個組合食落幾飽肚，味道都幾濃郁嘅，不過可能食得多會覺得有少少單調，如果個汁嘅層次再豐富啲會更好。主角終於出場啦！呢個黃油雞🐔真係幾得喎。個雞皮烤得非常香脆，咬落去「咔嚓」一聲，好治癒🤩。雞肉方面都處理得幾好，保持到嫩滑多汁，唔會嚡烚烚，雞味都幾濃郁。旁邊配嘅牛肝菌珍珠麵幾得意，口感QQ彈彈咁，索晒啲汁嘅味道。個西班牙紅椒忌廉汁味道香濃得嚟又唔會太膩，帶少少甜味，同個雞肉幾夾。另外我哋仲叫咗炒什菌，啲菇炒得幾香🍄，鑊氣夠，簡簡單單，用嚟配個雞一齊食都唔錯。呢個主菜係成晚比較令人滿意嘅一道。食物質素整體算係唔錯，由前菜到主菜都有板有眼，尤其係個黃油雞做得幾出色👍。雖然唔係樣樣都話極度標青，但師傅嘅配搭都睇得出有花心思🤔。服務都OK，侍應都幾nice。最緊要係女朋友食完笑咪咪😊，有個愉快嘅生日晚餐，咁就值回票價啦！
繼續閱讀
13/07/2025當日中午同班朋友如常到饒宗頤參觀，其後到達餐廳惠顧午餐，當日優惠做緊十蚊一隻蠔，味道可以，size略嫌細隻，午餐menu內點咗幾份牛扒餐，價錢好似＄178，未計加一，飲品要果汁要加三十幾蚊，首先味道正常，但全部牛扒餐都有共通點，勁多筋位同埋超韌，完全咬唔開，相比起幾年前嚟幫襯價錢和質素啊大大退步，場內冷氣嚴重不足，只靠兩個風機吹住，有蚊滋，當日天氣下午達34度，仲要處於半山位置，下次唔會嚟。p.s. 7月頭都黎過一次，當日午餐係蘑菇湯，已同當值經理反映個湯什麼味道都冇，今日變咗南瓜湯味道可以。
繼續閱讀