悅素

營業中

休息中

無意之中，發現有新素食店，即刻去試試可能新店，晚市唔係好多人。食物重點：All day Set 2份骯髒咖啡好飲好香✅自家青醬螺絲粉沙津❌螺絲粉好硬其中一份無要沙津轉蕃茄湯✅非常推介，個湯夠熱又濃辣蕃茄意大利粉✅辣度啱啱好，好夠熱，可以多少少蕃茄蘑菇忌廉意粉✅非常好，真係炒出嚟，唔係一Pat醬求其撈埋咁菠蘿奇亞籽布甸✅唔錯，唔會好甜，難得食到奇亞籽最讚的地方系食物好夠熱枱櫈佈置一般，唔算好精緻的cafe但 figure 收藏，真係好多睇得出好用心去安排display出嚟👍🏻👍🏻整體非常好以後又多一個食素的好地方

那邊廂有素食餐廳結業，這邊廂亦有新素食餐廳開業，緣起緣滅就好似人生一樣。深水埗新開這間在悅意軒(賣台灣素食產品的商店)對面，原址是間玩具餐廳，場內玩具收藏依舊琳瑯滿目，賣的就改成素食餐點。餐廳剛於4月1日開始試業，目前有八五折優惠，食物以意粉意大利飯為主，可以去試下啊。搭地鐵去的話其實太子站近少少，大埔道和福華街交界位。一到就見到三眼仔大軍，好容易認。入去就會發現成間鋪都係玩具，全部好整齊分門別類放玻璃櫃，鍾意儲野的朋友可以慢慢欣賞。座位不算很多，都以大檯為主，適合多人聚會。食物種類唔算好多，都係西餐為主，主餐牌目前有八五折優惠。另有一款套餐就無折嘅。地中海沙律/素蕃茄肉醬意大利粉餐牌上原本係蕃茄意粉或者肉醬意大利飯，我想食蕃茄肉醬配意粉老闆幫我轉左。地中海沙律雖然沒甚麼賣相，不過份量大碟取勝，有沙律菜、鷹咀豆和車厘茄，配個黑醋汁，簡簡單單啦。意粉上面加左純素芝士，吃起來香氣十足，意粉軟硬適中，蕃茄汁味道偏酸沒太多層次，有進步空間。甜品是士多啤梨奇亞籽布甸，用椰奶做所以就椰子味為主，唔會好甜。這間素食餐廳可以影下相野食亦算唔錯，可以抽空去試下呀。

深水埗近太子附近開咗間新嘅素店，純素無蛋奶、無五辛。店舖內佈滿業主收藏嘅模型公仔。全日餐 All day set ($98) (可半價選配飲品)沙律 + 主食 + 菠蘿奇亞籽布甸地中海沙律沙律菜可能撈得太多醋，味道偏酸。自家青醬螺絲粉沙律素蕃茄肉醬意大利飯 似食緊羅宋湯飯，味道酸酸甜甜，好開胃。配料有蕃茄、素肉碎、紅蘿蔔粒、西芹粒、藜麥等。飯嘅質感偏硬。蘑菇忌廉意粉意粉彈牙，忌廉汁啱啱好掛係意粉上，唔會好膩。菠蘿奇亞籽布甸菠蘿用焦糖燒過，所以顏色較深。奇亞籽撈埋椰漿一齊食，有淡淡嘅椰汁味，唔會太甜。跟餐飲品D01 水克菲爾雪梨汁 (跟餐 $16/ 單點 $32)D02 水克菲爾蜜桃汁 (跟餐 $16/ 單點 $32)餐廳唔會提供飲管，所以要用細匙羹拌勻再飲用。感覺清新，有水果嘅香味，但味道較甜。M08 天貝悅素肉醬漢堡 配沙律 ($108)天貝好大塊，係我食過比較好食嘅天貝，唔會好苦或好鹹。表面嘅包好鬆脆。南瓜清甜，質感偏淋。

一入店舖，充滿Figure 的飾櫃真係好壯觀 😄。套餐有頭盤沙律。我地揀咗地中海沙律，入面有啲藜麥，加埋黑醋酸酸甜甜但唔嗆喉，唔錯。主菜係忌廉磨菇意粉（原本想揀酸種包多士，但生痱滋都係食意粉好啲 😆），雖然係忌廉但食落都唔算好漏，份量比想像中多，一般OL 或普通男士都夠食嘅。侍應好細心，會確保我地食完沙律先上主食，咁就唔會搞到成枱都係一碟二碟，啲野食又唔會凍鬼哂 👍。我地仲叫咗小食：素雞腿，外皮脆脆地再加埋黑醋醬，原來都幾夾。😋😋。個餐仲有細細杯嘅甜品：菠蘿椰奶奇亞籽布甸，奇亞籽有助消化。食完成個 set 都真係好飽好滿足🥰，其實都幾抵食。最特別係可以半價揀水克非爾蜜桃茶 👍。不過我覺得甜咗少少，但係佢加咗1塊薄荷葉入去，成杯水克感覺清新咗，唔錯！一定會再去 👍👍

我第一次寫食評，因為我好想讚吓呢間素食👍🏻首先鍾意figure嘅人一定要嚟，因為佢真係好多好多好多figures，可以慢慢睇同欣賞都冇問題😃另外就係啲食物，我哋嗌咗兩個set。佢啲沙律菜好新鮮好好味😋 揀咗兩款唔同味嘅意粉，一個辣蕃茄意大利粉有啲辣辣地好喜歡；另一個係蘑菇忌廉意粉，好新鮮好香菇味我勁欣賞😋 而甜品係菠蘿奇亞籽布甸都好特別。跟住我叫咗杯飲品，水克菲爾雪梨汁，我問侍應係咩飲品，佢話係自家製發酵飲品，內含益生菌😍我覺得幾好飲又有益。值得再讚嘅就係佢嘅價錢真係好抵食。咁嘅價錢，份量又唔細，又有質素真係超值😎

新開張，一定要帶小朋友來試食，因為有數不盡的公仔figure。好像入了玩具博物館一樣，新舊款式都十分齊全👍🏼了解後才知道，原來要走五辛的素食很具挑戰性。但店內餐牌種類繁多，可見廚師團隊心思💚今日重點推介牛油果果仁酸種多士🥑🥑及青椒焗酥皮啡蘑菇🫑🍄果仁很香，酸種麵包口感好好，再加上濃濃的牛油果味，配搭適宜👍🏼👍🏼焗磨菇的酥皮很特別，脆脆的。看餐牌才知道是青椒。磨菇焗得很軟身，外脆內軟，加上黑醋的醒神味道，非常喜歡這一道菜👍🏼👍🏼整體食物質素很不錯，份量適中，出菜又快👏🏻下次會再試粟米片及天婦羅😋😋

見素食谷有人推介，今天便去試，正值試業期間，正價菜式有85折，我點了優惠價$98的全日餐。頭盤是沙律，有兩款，我揀的是青醬縲絲粉沙律，食材新鮮，份量可以，沾滿青醬的螺絲粉及沙律菜的醬汁好味，但對食素的我來說，無諗過沙律醋加了不少黑椒。主菜有5款揀，有意粉，飯，多士等，我揀了雜菌酸種包多士，雜菌夠多好味，但又係加左少量黑椒，伴碟的沙律跟頭盤一樣是沙律菜，略嫌欠創意。甜品是一小杯菠蘿奇異籽布甸，椰汁香濃，襯托到厚厚的奇異籽。用餐時，見到他們製作不同菜式，作拍攝照片，賣相不錯整體來說，食物新觧好味，賣相也好

上星期日剛食過這間素食餐廳，首先食材質數真不錯，直得一讚就係主菜上枱，無論飯同意粉都熱辣辣，因本人最怕吾凍吾熱，巳得分不少還有這餐廳擺放很多不同大細公仔，邊食邊睇好特別，好期待他們即將推出下午茶餐單。