悠田盆菜餐廳小炒

營業中

休息中

星期五晚同一班朋友來食，同多數大排檔不同，有挨pan椅，舒服好多。原先想試八寶鴨，因屬功夫菜不易食到，但問過價錢要680蚊一隻（要提早至少一日預訂），朋友又無特別興趣於是作罷。餐牌已唔見盆龍雞，都係幾特別的菜式，仲有乳鴿炒飯都係第一次見，但朋友無興趣。欖角骨同牛柳粒都叫左，由於較普通就唔講。椒鹽鮮魷粉唔厚椒鹽味亦夠，幾惹味，應不比已拆左的元朗池記遜色。蝦多士最為推介，多士鬆軟加上原隻蝦，好香口，我地一行6人，老闆娘話有兩隻多左共8件，由於太好食，我不客氣的食多件（在美食面前客氣就是對唔住自己LOL）最後炸蠔都唔錯，粉唔厚而且蠔鮮甜肥美。餐廳內不大，應該7,8張枱左右，星期五晚仍坐唔滿，唔知係咪openrice太少人討論，事實上亦唔差，可以再來。

🎈悠田盆菜餐廳小炒 地址：元朗安樂路1-11號明珠樓地下2-3號舖💡🥢黃金鱔球恰到好處，唔會比鹹蛋黃搶晒鱔嘅味道💡🥢菠蘿咕嚕肉份量超多，好適合小朋友食💡🥢客家咸菜煮荀殼魚魚湯鮮甜，荀殼魚值得一試，肉質鮮嫩，食過返尋味😋💡🥢豉椒蟶子米粉底有點兒比下去既一款菜，聖子唔夠大隻，米粉偏硬，味道較辣💡🥢咪走雞（重點推介❗️)打電話book 枱既時候要預訂埋，好香煙燻味，皮脆肉嫩，首先會原隻上碗比我地打卡先，之後店員會幫忙拆件。最特別係隻雞入面有炒飯，又有鮑魚，全部都好香煙燻味😻💡🥢椒絲腐乳炒通菜好夠火喉嘅一點菜，椒絲味很重，較少腐乳味。(5🌟為滿分）環境：🌟🌟🌟打卡：🌟🌟🌟🌟🌟味道：🌟🌟🌟🌟價錢：🌟🌟🌟🌟再訪：🌟🌟🌟🌟

經朋友介紹加上宜家堂食放寬，當然要出尼揾食。呢間主打農村同懷舊菜，食材新鮮而且非常美味，老闆為主廚十分健談，食過程中會出來向每枱客收集意見👍🏻提提大家如果想尼品嚐既話最好早一日訂位，仲可以order想食既菜式😀

好幸運寫到第一篇食評今日星期六 諗住去茶餐廳食過午飯 尼間餐廳未去過 所以都想試下手藝一開門 老闆招呼好熱烈 點左個豉椒排骨飯原本有湯送 不過，我二點去到已經送晒餐到，嘩！！！！！！十幾舊排骨，正呀。加埋凍飲都係$42 抵！！！翻食指數🥢🥢🥢🥢🥢