惠籮餅店 (已結業)

今日去咗天后同朋友食嘢，食完嘢見到附近有間舊式麵包舖好多街坊排隊買麵包Fatbrown 最鍾意食舊式麵包舖嘅麵包，因為夠真材實料，唔會食緊空氣咁<岩燒蜂蜜蛋糕$18>其實個蛋糕底氣普通雞蛋糕，蛋香味都算幾濃上面有一浸火炙燒過嘅焦糖脆面，甜甜地幾好味<菠蘿包$7>菠蘿包個菠蘿皮夠鬆脆，麵包亦都夠實唔會食空氣咁包體甜甜地，似食緊甜餐包，食一個夠飽<斑蘭蛋糕$5>班蘭蛋糕口感鬆化，有淡淡的斑蘭香味，甜甜地幾清新

有一下晝見到呢間餅鋪仲有兩個豬扒包 同佢要做一個！點知咬咗一啖嘍都嘍唔切 好明顯擺左最少一日甚至幾日！好心啦 佢間餅舖又唔係冇錢賺 明知咁嘅嘢就唔好賣比人啦 從此以後冇幫襯過！呢條街超多老鼠曱甴 日頭車又多人又多 咁嘅環境下諗起個豬扒包唔知擺咗幾耐都有啲想嘔！簡直諗起就嬲

本來都覺得幾好吃。昨天吃了一半蛋糕先發現小強在蛋糕裡面，一半的蟑螂已經在肚裡！好核突！去投訴仲話蟑螂因該系原材料嗰道來唔關佢哋事.Found a cockroach in the chocolate cake. As the chocolate cake was all black, I couldn't see the cockroach. When I thought I bit into something crunchy, it was too late, I have already swallowed half of the insect. Totally disgusting!!! When I went to complain, they said they always disinfect the kitchen, the cockroach shouldn't be from them, probably from the flour itself. 

同同事出去既好處就係成日都有啲正餅店推介😍今次到佢帶我食最愛既麻糬波波～👉🏿✨芝士qq波/脆皮qq波 Hkd 10/4 💸📌我諗如果新出爐熱辣辣咁食應該好正！不過放左一日之後味道都ok ar ! 同埋地煙煙unin，微淡既芝士味😍唔會太膩喔～而酥皮波波放左一日就冇咁脆了，依然覺得屯門個間美雅冇得輸！👉🏿✨芝士包 Hkd 7 💸📌個時糾結左買朱古力定佢好😂就因為店員話佢係流心所以就買佢！我食之前叮左15秒，果然非常流心呀！✨佢真係芝士黎，唔係粒狀架，非常有驚喜！而且包皮好軟熟又甜甜地咁，正喎👌🏽

今日黎開天后呢邊 經過呢頭行行下 竟然俾我無啦啦俾我發現左原來有一間麵包舖係幾唔錯 雖然細細間但下晝經過個陣都有d人排隊等買包 我見啱啱新鮮岀爐 就買左兩個蛋撻同一個菠蘿包 蛋撻好香食落仲好香脆 可能因為係牛油皮 我覺得牛油味都幾重幾好味 至於個菠蘿包 一拎上手真係辣手 要等一陣先食到 金黃色甜甜地 係直材實料嘅 雖然卡路里係高 但咁好食都難以抗拒😂😂聽講佢地個QQ波都好似好好食 見到有人企係度等岀爐 下次有機會一定要再試一試

話說今日行開天后 經過一間舖頭發覺有d人係度排隊 由於個人比較好奇於是就行去睇睇點解咁多人😂原來係賣麵包 見到有個QQ波幾得意 買左4個試試 都係10蚊到 一試就愛上左 唔知係咪因爲新鮮岀爐 又大又香脆 雖然芝士味唔係話好濃郁 但重點係好煙韌 食過就停唔到後 之後番轉頭再想買都要等 因為好快賣哂另外仲買多左個雞尾包 到應該係新鮮岀爐 因為拎上手都仲係熱熱地 不過相比起芝士QQ波 雖然麵包好髮軟 但個人覺得有d鹹 整體味道重左少少 唔係幾中意🙈

接肥髀出營，事先去買啲小食比佢（次次宿營之後都好似餓鬼咁）順便買埋早餐，呢間麵包店在天后區幾人氣，我去到接近3點，店內係放滿麵包！唔比客人入內，店面平實！光猛乾淨！麵包款式都係港式！去到店外都幾多人買麵包！我揀咗：方包（$11/磅）肥髀早餐，好軟熟！芝士QQ波（$10/4個）幾大個，即食一個，外面脆面，入面煙韌，芝士味唔濃，幾香口！芝麻卷：幾大個，好軟熟，好多好多芝麻，焗得香脆，入面少少煙韌，好味！麵包賣相平實，新鮮熱辣辣已經加分！好香！店員姨姨有笑容，爽手袋好比我！可惜無菠蘿包

我最喜歡支持小店，呢間麵包鋪比起現在的大麵包鋪好得多，小店有一個特別之處就是咩出爐就賣咩包，所以在這裡買的麵包一定是熱的，但有時想食的包款就要等！哈哈！今次有幸竟然有我想試的QQ球，因為上次買包時，俾前面姨姨一次買走晒，好講返QQ球，比坊間大過好多，而且價錢便宜$10/4粒，只可以用外脆內軟，仲要好煙un,好香麵包味！今次排隊時有數位姨姨都話要買雞尾包，下次睇下係未又係甘好彩先

同囡囡面完試後囡囡好肚餓，於是就去買麵包俾佢食。行過見到呢度有包賣，於是就買咗4個芝士QQ波俾囡囡食。我哋買完後行到去天后地鐵站，上埋968(前後起碼15分鐘)，個包仲好熱好脆。相對另外啲麵包舖嘅芝士QQ波，呢個真係令我一食愛上。

是咁的，有日心癢癢想食好味的蛋撻和麵包，在網上見到很多好評，所以中午專登搭的士去試試。我買了一個蛋撻，一個菠蘿包，三個qq波，誰知，當我滿懷希望的時候，蛋撻是食評口中的結實但沒有蛋香，很失望！菠蘿包好重菠蘿味，可能我不太喜歡菠蘿，所以這個不討好，還有qq波當時只有甜，所以他們說服我買，誰知沒有一樣是好食。不會再光顧！

離開Beeger，散步走到天后站，途經一間叫惠籮的餅店，有很多人排隊。其實午餐已經吃得很飽，但看見新鮮出爐的蛋撻，誰又會忍得住手？於是乖乖的又走去隊尾。滾熱辣的蛋撻是我們最愛的曲奇皮，印象中$4~5一件，這個地段算是很經濟。撻身很結實，拿上手不會一扼便碎。淡黃的蛋漿層有濃濃的蛋香，混着牛油的香氣，有夠迷人。以前曾經問過日本Home stay長男對香港哪種食物印象最深刻？他說最愛就是香港的蛋撻，可惜無法handcarry過去日本給他呢。另一款比較吸睛的是芝士QQ波，小朋友拳頭大小，表面一點點的，有點像麥包。咬一口，內裡果然有軟軟的芝士，口感煙韌，難怪叫QQ波。入口有股淡淡的鹹味，芝士香氣略為遜色。這個下午茶，一撻一包都不過$10有找，從店員手上接過麵包，那熱烘烘的溫度在冬日不禁令人心頭一曖，或許這也正是出爐麵包的魅力吧。

時下款式凡多，甚麼都講新意講卓頭，卻不及惠蘿這種傳統老號餅店能做出的味道。它的招牌蛋撻蛋漿香甜嫩滑，牛油皮亦鬆脆香口。另外菠蘿包菠蘿皮脆而不散，包身軟綿綿，咬落熱熱地，甜度適中。惠蘿賣的都是一底底剛出爐的西餅/麵包，在店外排隊，掂內阿嬸直接把剛出爐的麵包入袋。來到有甚麼便買甚麼，都是熱辣辣香噴噴的。本來是特定想買甚麼甚麼的，但這樣也很有趣，surprise me！能嘗到這種傳統風味的確很滿足！來到天后的都值得一試，就在電氣道和清風街交界。

路過買了四個脆皮小菠蘿包，一口咬落去......空心嘅！好失望，幾個字前先出壚已經又硬又韌，家人以前在外地是開西餅麵包店的，告訴我因麵包料唔夠，例如唔夠蛋便會空心，真失望！老字號水準都冇！

有綠路經並發現還有最後的一件蛋撻，當然要買來一試啦。最經典的牛油皮加上有少少黑色，一個很吸引的樣子。吃下去的時候也真不錯，外層鬆脆，有點像吃曲奇餅，味道也不錯。中心的蛋黃部份則很柔軟，像是流質但又不全是，且很有蛋味又香甜。是很好的甜品。

小杜比早前推介天后的慧蘿餅店，小妹今日放工就去了朝聖。到時，約五點半，剛有新鮮出爐的麵包，門口被男女老少圍得水洩不通，教人咋舌﹗是的，這一帶好像只有這一間的傳統老餅店了。難怪街坊均場趨之若鶩了……排隊輪候期間，從落地櫥窗望入店內，可見到一大鐵盆的蛋撻已賣了一大半。廚房門前左側，一疑似是店主的老婆婆正悠然自得地坐在店中處理店務。店內，是如斯的空蕩蕩，如斯的靜俏俏……是的，辛苦了一輩子，衝鋒陷陣，還是留給年輕一輩吧﹗打仗的，是兩位中年女士。她們緊守崗位，在門口忙個不停。店外，是如斯的擠湧湧，如斯的鬧哄哄……小店選擇不多，只有蛋撻、芝士QQ波、菠蘿包、雞尾包、紅豆包、火腿芝士包、香腸包和肉鬆包，凍櫃有數件切件蛋卷。街坊爭相搶購的，還是新鮮出爐的麵包。小妹最後看上的，僅有以下三款而已﹗是日小妹運氣頗佳，仍能買到嬌滴玲瓏的嫩黃蛋撻$5。稍一不慎，就把纖弱如黛玉般的蛋撻弄碎了。熱辣辣的蛋撻，當然要趁熱吃掉。呆站一側，一咬，質感似曲奇的撻皮滲透出淡淡的牛油味和麵粉香，酥化的撻皮如落櫻般四散，沾滿衣服，頗為狼狽。蛋漿嫩滑細緻無比，仍是燙口的，蛋味夠香，稠密度和甜度均適中。小店新鮮出爐的蛋撻無疑是上品，