想甜嚐甜

營業中

休息中

係大角咀食完dinner，諗住係附近求其揾間甜品鋪，咁就出事！呢間鋪限每人一定要叫一份甜品，仲要每個甜品都$50-70以上，$50幾個啲係平時出面$30幾-$40嘅芋圓/ 楊枝甘露嗰啲，唔明點解收咁貴… 而且有啲大刨冰$108想同frd share都唔得… 因為每人要叫一份🫣諗住以為貴啲就好食？ 錯啦！係全部都唔好食… 我地一共6個人，點嘅野都唔同… 但都一樣唔好食，仲要係大家一致認為唔好食🥲雖然係黃店，但真係試一次都嫌多🫣🫣性價比極低嘅甜品鋪… 唯一好嘅係佈置幾靚同埋歌好聽🫣

去買外賣埋單既時候想加Topping，但係menu淨係簡單寫左’加topping+12蚊‘，沒detail寫到係點樣加，於是問收銀個女店員點樣計，唔知距理解能力有問題定係表達有問題，好寸反問我即係我想點，我好有禮貌地同距解釋我想問既問題，距都係聽唔明，淨係寸寸貢。食物方面都好差，叫左黑草，啲芋圓又沒咩口感，又少啲，珍珠痴埋一齊。卑左50蚊，分量同口感都唔值。Anyway，收銀女店員咁基本既聆聽同理解能力都沒，連做服務員都唔合格。

職員服務態度差到不知所謂，掛住玩電話，完全冇服務。要低消，每人最低消費一樣野，就算叫份$118既大份甜品都只係當你叫左一樣野，冇得話二人share一個額。同行亦咁岩有位老人家不宜嗜甜，想問可唔可以體諒下，叫少一份，職員好決絕咁話唔可以，重要係當時全場得我地一枱客，完全係一臉好唔稀罕我哋喺度消費既樣子。今時今日咁既服務態度，絕對係比依間鋪頭既女待應害死，點解間鋪頭既老闆仲可以容忍到啲咁差劣質素既員工，食都唔想食，即刻走人，一間餐廳除咗食物質素，服務態度亦都好重要，遇着啲咁嘅職員，絕對要比個差評！

一間舖頭有最低消費我明白 但係限死你一人要嗌一個甜品我就真係唔明 $118一個棉花冰想兩個人share食都唔得 然後職員塊面西到呢 一個簡單嘅楊枝甘露甜品都勁難食 西米糖水啲西米仲係黐住 咩料 🤯

雪糕筒係淋，芒果係酸。仲要冇冷氣，俾幾十蚊入嚟受苦。之前都好地地，最近幾個月質素每況愈下，佢哋好似放棄咗咁樣，我就以後都唔會幫襯啦。同佢講完，佢話係咁樣，又唔會跟進，又唔會換返俾我。

良心講它的甜品 還可以的。 當朋友話想食甜品時，看到在星期五八九點還有大量吉台。心就覺得有些古怪。一行四人入到店中，剛巧洗手間維修。結果兩位朋友出外揾洗手間。在等待中，另一位有人。只是攞了袋中水樽渴了一口。店中女職馬上飛奔來話，什麼說了不能飲外來野，要罰錢什麼。那女服務員聲音沒力只有氣聲，跟本聽不清楚。只聽到要罰錢。又話一早講過。齊人後問過每位朋友都沒聽到。如果這麼重要的時為何不清清楚楚，等我們坐好才說。幾過擾攘一番 話是提醒。但最奇葩這間店有很條款。一人要叫一野，這個明白。歡迎外埋淨坐要收28。總之越看越多規矩。所以未看食物，先看條款吧！而且整個過程其服務態度欠佳。同朋友出街聚餐本是想開開心心。但是在這店食完會覺得心情不佳。甜品本為人帶來快樂。這間CP值唔高，又要接受諸多條款，唔好嘅服務態度。sorry 沒有下一次。 希望我係個別事件，但係大家會想搏一搏嘛？祝大家好運

同朋友晚飯後去食甜品，因食完飯後有啲尿意，排隊時門口寫明「廁所不外借只供食客」但進店內廁所貼左張printer紙寫「暫時停止使用」 望落唔似係壞，職員話如廁請移步到2條街後廁所。店內應該中央冷氣（唔確定）但擺哂風扇+射燈射住，體感溫度約26度左右，唸住食糖水會涼快些，可惜⋯黑草$46常溫，唔凍🥵 唔知係粉圓定丸子，白色細粒嗰隻丸啖啖麵粉味，難食😅 仙草係罐頭，因為見到罐頭模（一截截）開心果氷$108氷水棉滑，無冰粒，開心果味濃華田流心配乳酪雪糕 $60切開華田醬流出，面有啲脆脆，都幾得意可可芭菲$56中庸沒甚麼特別menu寫明每位食客需點一樣食品，用餐時間40-45分鐘（唔記得40定45分鐘），但出菜時間已經用咗15分鐘。服務...唔講喇，搵食艱難，無謂打爛人飯碗總結：味道：參差，有好有唔好，建議食返流心/氷系列熱 👎🏻沒廁所 👎🏻糖水唔凍 👎🏻服務 👎🏻性價比 - 👎🏻期望佢地會改善

我最近造訪了位於大角咀的想甜嚐甜，對此感到非常失望。主要因為性價比嘅原因，價錢比較貴，而且份量細，好味都算當佢值啲，可惜唔係。首先講下份量方面，我點的黑草，因為見Openrice都多人推介，加上我鍾意食芋圓，但確黑草只有一小碗，而且價格卻49蚊，這樣的性價比實在唔太抵，而且我本身最期待嘅係入面嘅芋圓，可惜口感並不紮實，缺乏QQ有嚼勁的口感，我都明出去食嘅係無得同自己整或者台灣比，但我覺得賣得49蚊，應該都要比人覺得物有所值先得。唯一稱得上優點的，大概就是店舖環境不錯，適合與朋友聚會閒聊。

態度：1/10環境：2/10食物：2/10朋友生日食完飯 話要食糖水 我哋山長水遠嚟到大角咀食飯之後食糖水嚟到呢間嘢係朋友想食好耐話以前黃大仙店好正點知令我哋大失所望態度好差 俾錢仲要受氣唔係你拎住光環就要受你氣一入到舖頭已經一滴冷氣都冇想洗個手都話廁所壞咗熱到出晒汗落完單成10分鐘叫個沙冰未到都唔緊要知唔知而家酷熱天氣警告喺條街度30幾度熱到喺個袋度拎支茶出嚟飲一啖 想飲啖水姐老闆娘就即刻衝埋黎 話呢度唔俾飲外來飲品我已經唔使你serve我一杯水喺自己個袋度拎支茶出嚟飲一淡止一止個熱就同我講再飲多一啖都話要收錢叫我袋返好咁大個女都未食過熱嘅楊枝甘露啲芒果又爛又霉成碗嘢$47 仲細碗個酒樓嘅碗仔芒果冰都有浸臭味兩個芒果產品都唔掂其實你個雪櫃係咪都壞㗎仲有個心太軟嗰個咩奶醬味心太軟個心太軟難食到又唔夠熱 又唔夠熟咁大個人都未食過咁難食嘅心太軟廁所壞冷氣壞都算野食都真係唔掂想去嘅人真係勸你諗清楚你係咪想洗錢仲要受氣真係祝福你利奧坊快啲加你租 早日執笠

店員態度差，一入到 想自己簡個舒服啲窗口位，比個店員叫停，一定要逼人下午3、4點坐入少少，話咩只有入面有冷氣，而家吹到個頭凍到頭痛第二次接觸係問佢乳酪雪糕有咩味簡，佢串到話「有味簡既我一早問左你」第三次見到佢對其他客人一樣態度唔好，有個女仔話兩位，只因佢朋友未黎，無得坐入面睇menu。仲有另一枱因為冷氣想調位，有比店員push一定要簡最角落/最側面，但明明全部都係二人枱。講埋食物，水平的確一般，班闌麻薯巴斯特蛋糕，既無咩班闌味，又無巴斯特既芝味，同普通雪芳蛋糕口感差唔多。重點黎啦，佢個乳酪雪糕同巴斯特蛋糕一啲都唔夾，仲要食雪糕比支叉客人？無匙羹，點拎雪糕上黎呢？整體感覺好差，無論食物同服務，令我都唔想再黎第二次

想支持好耐難得行過見冇乜人，就入去食下叫左個榴金歲月$60榴槤蓉 黑糯米 西米 寒天 芒果 芒果汁底有半碗都係寒天😱😱榴槤同芒果唔夾食落有少少怪（純粹個人口味）椰汁唔夠黑糯米就煮得ok成碗唔夠凍舖頭都好似冇冷氣咁性價比唔高🫠🫠🫠可以食返椰汁底會好D

果日星期六晚去舖頭得2枱客同朋友各點咗開心果心太軟同朱古力心太軟同一個冰原來雪糕得乳酪雪糕無其他揀🫣感覺同心太軟唔多夾而且2個心太軟入面一啲都唔熱. 連暖都稱唔上🫠好明顯未焗夠時間開心果味亦唔出. 得甜味嘢食都算..但服務態度真係..呢度負責樓面果位女店員好似完全唔多想serve 我地咁🫠食物嚟果陣叫佢俾多隻匙羹我哋佢完全無理. 再叫多次應完隔咗好耐先拎嚟. 重要俾一隻裝唔到嘢嘅匙羹我哋用😂係無咩弧度. 一畢個心太軟就會跌重點嚟..我地叫佢俾一杯水我哋..又係好耐之後先有. 而且得少少🤏🏻如果唔俾得水你可以出聲話無. 但俾得果少少係咩意思呢？果一下真心覺得無回頭因為良心小店先山長水遠揸車嚟支持下. 但店員真係好趕客. 只怪自己無睇咗食評先過嚟

臨近又濕又熱嘅夏天，最啱就係食返個刨冰! 想甜嚐甜最近就出咗大角咀店限定嘅刨冰~ 上星期帶完表妹去Super Park放電，我同阿妹攰到決定要搵個地方坐低抖抖，就諗起想甜嚐甜💛•🥢開心果氷 $108開心果牛奶冰、奶凍、巴斯克芝士蛋糕、煉乳、海鹽芝士奶蓋、開心果碎可能因為呢到有規定一人要叫1個甜品，所以呢個冰嘅size係相對細少少，口感都同之前食開嘅日式刨冰有D唔同，因為呢到嘅冰係偏向雪花冰嘅，口感細碎啲，無乜冰粒感，入口即融～ 應該係因為用開心果牛奶整成冰，而唔係牛奶冰再後加開心果醬，所以開心果味好均勻而且濃郁💚😍 整體唔算甜，又唔膩，但加少少芝士奶蓋或者滑捋捋奶凍一齊食，味道同口感都好豐富🤤旁邊嘅巴斯克芝士蛋糕好似同開心果冰唔太夾，但單食都好好食，口感軟滑，有芝士味又有焦香👍🏼🌟推薦度：9/10•🥢華田心配乳酪雪糕 $60之前都已經食過呢到嘅奶醬多同埋開心果味心太軟，今次就試吓阿華田味🤎 心太軟超級流心，輕輕一𢳂啲阿華田醬就流晒出嚟，阿華田味超級濃，比就咁飲仲濃🤤 心太軟上面灑咗好多阿華田粉，加埋一齊食會有啲脆脆哋嘅口感；如果配埋凍冰冰嘅乳酪雪糕，阿華田味會有少少被乳酪味蓋過咗，但因

咁多年第一次係openrice留comment未試過食都未食就受氣受飽走人都未入到門口就西哂面咁，態度又惡劣，對客人指指點點咁，我黎洗錢係買受你氣？第一次係餐廳坐低但嬲到選擇走人

冇諗過外賣自取，點知攞到手剩係得半碗都冇，真係未見過有一間糖水舖會做到咁，應該唔會再有機會再食呢間垃圾，60幾蚊一碗，西米得幾粒咖啡凍得幾粒奶凍都係得一粒，冇諗過佢啲嘢做到咁垃圾，你唔同我講我以為嘔吐物一碗。。。