想甜嚐甜

營業中

休息中

📍想甜嚐甜甜品一直都係女人嘅第二個胃🤤食完飯就去咗一間幾出名嘅甜品店😗呢間係專食乳酪雪糕既店鋪🍦🍫華田心乳酪雪糕 $60呢款係心太軟系列，仲有朱古力、宇治抹茶同紫心薯味可以揀🤩阿華田粉極多！切開之後有超級多嘅華田醬流出黎🥳心太軟外脆內軟，口感鬆軟，入口即溶🤤佢嘅甜度適中，完全唔會過於甜膩🫶配埋華田粉食口感會更豐富👍🏻配埋杯乳酪雪糕食，冷暖交融，係一個好好嘅配搭😆而乳酪雪糕的乳酪味道非常突出！口感豐富，帶有酸味，但唔會太濃烈，比起一般嘅雪糕多咗種清鮮嘅感覺🥳🍨海鹽焦糖爆谷香蕉木船配乳酪雪糕 $56一嚟到個賣相已經好吸引！香蕉就切成一半，而中間就填滿左大量既焦糖爆谷同海鹽，再搭配一勺乳酪雪糕，一睇已經係冇得輸嘅組合，令到個甜品更加有層次感😝芒果好新鮮，唔酸😙👍🏻⭐️好味指數：9/10📍想甜嚐甜 (大角咀)大角咀嘉善街18號利奧坊二期地下G703號舖

如標題所說，本人覺得沙冰係相當值得推薦嘅，$48有一大杯嘅沙冰，上面仲有一舊好味嘅乳酪雪糕，又解渴又好味。然而今日係呢間鋪頭最黑暗嘅一天，因為佢冇左沙冰menu.......自此佢失去左我呢位忠誠嘅顧客，失去左我呢位可以忍受你地服務態度嘅顧客，失去左與我同行嘅朋友----一位每次黎都比你地呼喝「唔該帶番個口罩呀！」嘅顧客。失去左沙冰嘅妳，就如同失去左初衷，同一條冇夢想嘅鹹魚一樣。失去左温度嘅失敗窩夫失去左甜味嘅失敗紫薯失去左大腦嘅你，請停止起雪糕格離落粟米片碎。我知我食緊軟滑香濃嘅乳酪雪糕，我唔需要你un爆我D牙話比我知。鹹忌廉可唔可以收番埋自己食，我係黎食甜品的。0分，10分雪糕，-10分配料PS 不過如果一個月真係賣得幾杯就算啦(即係得我同D frd食嘅話)PPSS 佢嘅乳酪雪糕真係好味PPPSSS 如果有番沙冰，請嗰位善長仁翁起留言度話比我知，thx！

大隻仔今次覓食嘅店舖就係💥 想甜嚐甜 💥 大隻仔今次介紹嘅小店就係「想甜嚐甜」，餐廳定位行「新式糖水甜品店」。80後老闆一直堅持目標，由一間小舖到而家擁有兩間店，兼有自己既中央廚房，而且甜品出色，值得支持。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 抹茶麻糬巴斯克芝士蛋糕 + 乳酪雪糕 $64抹茶麻糬巴斯克芝士蛋糕內夾住Q彈既麻糬，麻糬軟淋，夠煙韌，唔會死實，係好食嘅麻薯。蛋糕面放上甜甜嘅北海道十勝紅豆，紅豆同抹茶蛋糕味道好夾，抹茶巴斯克芝士蛋糕不會好甜，味道剛剛好，只係巴斯克蛋糕比較偏實。乳酪雪糕帶微酸，可以解甜。🔥 奶醬心 + 乳酪雪糕 $64奶醬心太軟完全係鍾意食甜愛好者嘅選擇，切開心太軟澎湃嘅奶醬即刻湧出來，花生奶醬味道香濃，味道同食格仔餅差唔多，輕微過甜。配上乳酪雪糕，可以解甜，乳酪雪糕底部有少量米通、威化餅碎增加口感。食後評語：餐廳甜品出色，難得唔需要排隊。木匙羹質料比較厚，較難拔起甜品。餐廳冇提供跟餐紙巾，比較不方便。

開心果心太軟配乳酪雪糕食物質素唔錯，開頭以為個心太軟皮都會綠色。overal都賣相味道唔錯，價錢略偏貴。服務就麻麻。職員黑口黑面。朋友食食下，可能濁親，咳左兩下，拎左水樽出黎， 打算飲一淡，一個職員即刻黑面想行過黎，後面另一個少少笑笑口tone咁:唔好意思呀 ，唔到呢到唔可以飲出面野飲，你想飲野我地都有好多野賣，朋友就話咳想飲一淡，職員話都唔可以，水我地都有賣$1ｘ一支，要唔要幫你落單。係人地鋪頭食其他野係唔好，水都唔可以，有d 過分。小店做到佢咁真心唔得，係有d餐廳唔提供水紙巾果d，本ｄ野依都唔平，重要咁樣好似畀人買咁好差。店家自己問心你係食客有咩感受。有好既地方，有用餐時間，但個場人唔多，過左都冇趕你走。

夜晚食完飯想食甜品，喺附近搵到呢間甜品店，夜麻麻店舖仲坐滿咗人🤔排咗大約15分鐘。•ᴗ•開心果心太軟 $62乳酪雪糕酸酸地好清爽🍦係沙沙地嘅質感，重乳酪味而奶味偏淡。係我喜歡的味道🥹外層開心果蛋糕夠厚，開心果味夠濃，焗到少少鬆脆，裡面口感鬆軟🤤而流心開心果味好rich、易入口，但偏甜。心太軟上灑上一啲開心果碎。由內到外都係開心果🫶🏻鍾意開心果嘅人一定唔會失望🥰配上乳酪雪糕的微酸，中和咗開心果嘅甜味同膩感，推薦俾開心果控👍🏻

好耐都冇同舊朋友聚餐，之前食黎食去係旺角尖沙咀，今次轉場到大角咀！食完晚餐一定係食甜品，附近行左一圈，又serach左一圈搵到呢間，裝修好有特色，成個場好簡約好RAW，個氣氛又黃金金，特別個廚房裝修到好似冇特別裝修過咁，好家的感覺！一行6人各自點唔同既野，因為有個消所以都係點左6款，但當日人手有限所以冇熱款，只能點凍款，我地常見既、少見既糖水/甜品都有點，常見款例如芋圓、芒果、燉蛋好快就到，早到既有4個半都有影到大合照，但可惜等唔齊影唔到團體照。BTW點解係4個半呢？因為開心果心太軟應該配乳酪雪糕加隻甜筒仔，但出黎時只有心太軟，等左好耐先補個盒仔雪糕要自己倒返落隻碟度，同埋甜筒仔都冇跟雪糕上要追先再補回，但隔離枱就完整上齊，知道忙但個set咁樣出就唔係咁ok囉。介紹返我點左既海鹽焦糖爆谷香蕉木船，呢個壓軸真係好壓軸，靚到好似皇上出巡咁，成枱人瘋狂影佢相，影完一大輪我終於可以食喇！賣相真係好吸引，成隻木船擺得好豐盛，條蕉細細條仲有塊焦糖貼住，味道非常夾，軟同脆既組合好得意，爆谷都好好食唔怪得有得一桶桶咁買，仲有甜筒仔插住可以自製小甜筒拎住食，乳酪雪糕我自己覺得有D酸，可能食完甜野令到酸

今晚(2月19號）我同朋友一共5個人去大角嘴舖食問題一我同佢哋同事講5個人，佢好好叫人讓位俾枱我哋。咁好啦，我哋坐咗入去啦。隔咗5分鐘後，你哋同事話唔好意思呀，你哋唔人齊呀，返返出去等。首先，我唔知餐廳係要人齊先入得，我見佢哋同事好好心咁幫我哋叫人讓位俾我哋，我哋自然覺得佢哋冇咁嘅policy問題二 -戴口罩問題我同情佢哋俾人搞，但唔代表佢哋可以冇禮貌同客講嘢。注意，我唔係擺客款，但基本嘅禮貌同尊重係要有嘅。事情係咁，我今晚入到去間舖好熱又焗，咁我第一次係除咗個口罩。佢哋同事有走埋嚟叫我哋注意下個告示。我有戴返個罩，但係真係好焗，冇乜冷氣，我冇cover 個鼻。佢哋同事好冇禮貌咁講，我唔係第一次叫你戴返個口罩。係用一種強硬同好屈嘅語氣講。我有解釋係好焗，佢哋同事話，你可以同我哋講🤷‍♂️之後我就拉大隊走人，我唔想生日貼錢買難受我覺得佢哋係咪可以用啲溫和嘅語氣同方式同客解釋乜事呢？何況我唔係唔合作，你就當我入去搞事咁口吻去處理，我覺得我幫襯得好委屈。唔好似住有光環就可以亂嚟，所有嘢冇永恆。同埋，我老婆試過ig 留言反映情況，唔洗一個鐘就remove 加block 咗佢。我自己有inbox

🔹環境優美 黃心小店裏面真係好舒服😌好chill😻小店當然夠良心 充滿唔同元素🥰有果報 仲有人類群星閃耀時poster🤣🔹野食當然質素保證 又有特色嚐甜窩夫格餅🤫🥰配乳酪雪糕🍦個雪糕都真係好正🐷仲有桔味雪糕可以選擇🤔兩個都正到痺🤣窩夫脆脆的😇有兩舊😻配個醬汁係好好味😌小編配左個蜜糖 甜甜蜜蜜🥰🥰乳酪雪糕係舖頭招牌！所以超級推薦一定要試☺️個口感食極唔膩，清新得黎 令你好想一啖啖食落去。睇番佢地個Page乳酪雪糕係自家製！！好正啊🙌🏻唔講咁多絕對支持！想甜 想你 嚐甜 嚐你 🤫

個店員全程黑面，坐低先講五分鐘規矩，我以為我今日過黎見工？我媽好似都未試過咁對我45分鐘每一分鐘望你一次，我見到佢黑面黑到以為間鋪無燈。我呢45分鐘彷彿坐監，好似食多一啖就會被人毆打。全場其實咁多吉位，可能我坐個位斷佢財路？一句講嗮芒果同荔枝都難食，價錢喺大角咀可以食兩餐兩餸飯，可能仲包嘢飲添。可能想快執，但租金比嗮到夏天？唔得唔開工？我俾錢果一刻佢，我感覺到解脫，人生最難熬呢四十五分鐘，終於結束。

好嘢寫係頭，食材配搭係有佢嘅特別之處，叫左個香蕉船，雪糕味道係獨特，口味比較輕盈，配搭焦糖香蕉唔會太漏，適合女仔。但加左服務態度同做生意手法成件事係負數，唔值得為左野食幫襯🫠1 - 有人均最低消費，但坐低左先講你知。係咪因為係門口講知道會趕客呢。唔緊要嘅，雖然當日食完lunch，兩個女仔都飽到塞唔入一人一個甜品，但人均又唔係貴，咪同侍應講叫一個先，另一個一陣先落外賣。跟住5分鐘唔埋，個侍應驚死你唔落咁又黎催一次，再同佢講咁我依家睇下叫咩，再隔左3分鐘，佢又黎催單。ok，我都入左你間食店啦，我驚你多過你驚我走數喇。2 - 一入去就會發現間舖寫住好多條款，好bad vibe。除左低消，仲周圍貼住規定淨係可以食45分鐘（定一個鐘？），同埋食物到先可以除口罩。其實好多甜品店都有低消有限時，防疫規定亦都全港都有，但係得你présent 到感覺咁差，你嘅小家服務，客人係會感受得到！🥱總結成個服務衰過澳牛🐄，真係bad vibe only .

在大角咀吃完泰國菜，想吃晚後甜品，就去了泰國菜後方的「想甜嚐甜」！📍位置：近奧運站C1出口，大約走十分鐘。🏠環境：落地玻璃門窗，雖然面積不大，但座位疏落有致，有大木枱、吧枱和展示爆穀🍿的收銀櫃，廚房在後方。整體以水泥工業風格為主，簡潔大方！🤵🏻服務：雖然不收加一，但規定每人需點一個甜品，對於這點不太滿意，因為如果兩個人想分享一個約一百元的甜品就不可能了，寧願設計限額，而不是數量。🍰甜品：本來想吃最新款的挪威的雪山，但怕一個人吃不完就放棄了。🥧開心果心太軟配乳酪雪糕🍦 $68必吃推介👍，因為平凡的外表下，內在是澎湃流心的開心果醬，味道非常濃郁😍，暫時是我吃過最棒的心太軟😙，真正做到開心果味！🤩最驚喜是伴碟的乳酪雪糕🍦很出名，打卡了一會兒都不見有溶化跡象☺️，而且口感是厚滑，有淡淡乳酪味，配火熱的心太軟，有冰火交融的口感🥰，無敵🥳！🍰巴斯克芝士蛋糕斑蘭麻糬 $62這個就較失色了😗，因為芝士蛋糕不軟熟😕，幸好有中間的麻糬增添軟韌的口感😉，斑蘭味淡淡的，蛋糕面灑有椰絲，亦配了乳酪雪糕🍦，正常水準！😆

呢間甜品店有好多唔同款式既甜品 心太軟 芋圓 雪糕 窩夫🧇 etc 每樣甜品都好出色😋 每次係大角咀附近食完飯 都會想過黎食埋甜品先肯走😝黑芋 💰42入面有芋圓 地瓜圓 紫薯圓 小九子 珍珠 西米 黑糖條 仙草鍾意食芋圓仙草既朋友呢個一定岩晒你☺️ 湯底係淡淡黑糖味品會太甜 每樣材料份量都唔少 每啖有唔同口感好滿足🤤 驚唔夠甜既話可以落小小花奶 配合到唔同人既口味👍🏻芒芋 💰45入面有既材料同黑芋差唔多 但湯底就係芒果汁 酸酸甜甜咁更加開胃😙 芒果味好出 似係用新鮮芒果🥭打出黎～呢間甜品店已經encore過幾次 食物質素唔錯 但服務真係較差 感覺唔休做咁… 希望會改善下啦🥹

喺大角咀想食甜品，一早就bookmark定呢間，今次食咗：▪️桂花蜂蜜紫薯窩夫 $80-窩夫一共有5款，每款窩夫都跟一枝倒轉放嘅乳酪雪糕，附一小樽桂花蜜糖。-焗窩夫期間成間舖都充斥住窩夫嘅味道。一嚟到先試乳酪雪糕，底部有啲穀物脆脆增加口感。唔知雪糕筒入面有無料呢？筒入面係空心嘅，所以係先唧雪糕再放個筒喺面。-新鮮即整嘅窩夫係最好味🤤窩夫表面有鹹鹹哋嘅忌廉（奶蓋？）、紫薯粒、桂花。一切窩夫就知佢有幾香脆，啲碎碎彈晒出嚟😂桂花蜜糖應該唔會用得晒，除非真係食得好甜🫣要㗳真啲先有桂花味。紫薯粒份量都足夠食晒兩塊窩夫🧇

✍︎︎身為開心果粉絲，一定要嚟試吓呢個甜品食朱古力味/抹茶味心太軟就食得多呢間嘅口味好多元化：奶醬多、阿華田、玄米茶等，每隻味都想試♡´･ᴗ･`♡🍨開心果心太軟 $62心太軟固之然係重點，但上面嘅奶蓋同果碎點啜不少，伴碟亦係開心果醬講返個重點心太軟！一切開開心果醬擁晒出嚟，超級流心味道濃郁唔會過甜，蛋糕香軟而不過濕，面層仲焗到微脆感配搭乳酪雪糕，雪糕下面仲有脆脆粒唔單止冷熱交融仲令罪惡感下降食完都唔覺得膩仲會好開心好滿足( ´▽｀)❥呢個心太軟雖然價錢睇落好似好進取，但完全值回價格誠意用心之作，並且絕對滿足到開心果控(◕ᴗ◕✿)❥每人最低消費一個甜品••••••••••••••••••••••••••••••🔎想甜嚐甜 大角咀嘉善街18號利奧坊二期地下G703號舖🔎西環堅尼地城士美菲路15號地下••••••••••••••••••••••••••••••

今日晚飯後，就去呢間甜品店。一去到，我哋見門口冇人排隊，就直接行入去，我話兩位，等咗一陣，但個店小姐就當我哋透明，好冇禮貌地推開度門叫我哋出返去排隊。。。我吓咗一聲，冇人我點知要門口排隊。。。轉頭又入返嚟，叫埋甜品，老老實實，賣相係靚嘅，呃like一流，但味道就好一般，冇乜特別。。。到埋單，行去cashier等收錢，又係等咗勁耐，我明白得你一位小姐做樓耐面，等你冇問題，但俾啲禮貌好冇！？一句唔好意思，麻煩等一陣嘅說話都冇。。。到戲肉，我問收唔收八達通，佢好大聲指住個圖話唔收。。。佢個圖寫住，我哋唔x收八達通。然後收完錢一句多謝都冇。其實食嘢有時都好睇店員啲態度，食到一肚氣，你有幾好食幾靚都冇用！相反有好多甜品小店，真係用心去做，食都食得開心啲。。。呢間嘢，一次就夠，不了！