意八餐廳 (已結業)

職員服務態度一般,職員放餐後順便叫(唔該要辣椒仔),但職員完全無反應就走.間左一陣先比!職員全部都做到好Hea!!!帆立貝海鮮龍蝦汁意大利飯 $58有一粒帆立貝、一隻蝦、魷魚、鮮菇片. 份量都幾足.意大利飯索晒龍蝦汁幾好味!!!鐵板牛扒 配芝士焗蕃茄片, 燒野菜, 薯角, 煎蛋同炒飯. (黑椒汁/胡麻野菌汁)牛扒份量都算大, 但食落原來好多筋,好韌, o趙左好耐最後都係放棄.鐵板唔算太熱,所以野菜有啲未熱透.最好係飯,因為係炒底.柚子芝麻烤雞翼 (4隻) $25好香柚子味!!味道甜甜地,肉質嫩滑.

今天是星期日，計劃登上獅子山。上山前，要填飽個肚， fill up energy, 才出發。朋友帶我來這間她經常幫襯的餐廳。她說是星加坡集團開的。午膳時間很多人在等位，但兩位枱很快就有了，座位有些逼。 我們叫了兩道菜，侍應生很快便上了菜，味道不錯，價錢也很實惠。我和朋友都很喜歡他們的即磨咖啡。時間剛好，填飽肚後就可以行山了。

作為黃大仙嘅街坊，相信都成日會去意八食野以最抵嘅時間就係下午茶以我覺得意八最好食既就係珍珠飯所以下午茶就有一個日和芝麻燒雞炒珍珠飯，仲要先$38！仲附送一杯野飲（但就係要熱飲唔使錢）所以都叫咗杯熱奶茶點解我會覺得珍珠米咁好食，主要係佢炒得好有鑊氣，係真係粒粒分明，重點係每一粒都勁有味道差唔多我每次嚟都必點咁第二個就係黑木耳九州叉燒泡珍珠咁呢一個我都係試咗一啖 ，感覺就係湯加飯感覺就普普通通咁我覺得其實人均先$38，算真係好抵食我覺得只要唔過40都唔錯加上環境都舒服

「原茄烤豬扒焗珍珠飯」，論份量、材料、價錢、味道、賣相，全部全部都比較「大家鑊」(從來都唔覺得嗰啲係豬扒囉！大舊豬肉很膩口)和樓下的「魚蝦蟹」餐廳(無配菜之餘兼份量也少)強勢得多。名副其實，原茄是新鮮番茄，還有其他配菜，混在很有嚼勁的珍珠米內，頂層則是濃郁的芝士汁，很有層次感，食味也豐富。外賣自取(全單九折)，到手時是熱騰騰的。一掀開蓋子，色、香、味皆相當吸引，豬扒也juicy不瘦不肥不油不膩。可以說，論質量並且價錢，意八的焗豬飯全港第一，正到爆，完勝唔駛拗。🎖🏆🏅🥇🎉🎊

周不時會過嚟呢度食晏，lunch都幾爆，行慢兩步都要排隊。午餐食物款式都幾多，價錢合理大約人均$60，我叫咗個卡邦尼長通粉，味道都OK，飲品方面推薦特飲啫喱冰冰，有三隻味道玄米茶/利賓納/芒果，三隻都唔錯，個底係一大舊啫喱，幾好飲，都只係加$3啫～

這間餐廳，早餐的性價比很高，很便宜，種類也很多選擇，可以選擇有麥皮，通粉，有牛扒、豬扒、雞扒、魚柳或者意粉也可以，服務員的服務也很好，座位安排上盡量配合偷我的要求。大家可以一試。我通常就是吃炸魚柳早餐，份量很多，而且如有也不會太乾，太陽蛋也很太陽，而且還配一塊很大的蒜蓉多士，真的很好吃。我也有試過很普通的火腿湯粉，湯底沒有味精，而且份量也很大，充夠一個早上的飽滿，也配有一塊很大的蒜蓉多士，令人真的很滿足，

初初開果時真係唔錯 但之後啲質素就愈嚟愈唔掂... 唔知係咪轉左廚師...係價錢同份量算唔錯囉 最近去左食呢間嘅早餐以前食最鍾意係佢嘅蒜蓉厚多士個包真係厚 上面有滿滿嘅牛油同埋蒜蓉粒 烤到有少少焦熱辣辣 聞到陣牛油同蒜蓉香都垂涎三尺但今次食又係啲料少哂 蒜蓉粒得返個少少...個包又冇咩點烤過咁...一啲都唔脆 失望總結行開呢頭好肚餓又冇其他選擇的話,先會再揀返食呢間

最近見疫情好轉， 可以出去食返飯。行過黃大仙， 見到個餐牌好似好平， 冇考慮太多就入左去食。坐得好舒服，侍應都幾有禮貌。點左個柚子芝麻烤雞翼（五隻），一個蒜香煙肉忌廉汁天使麵，一份牛扒， 一杯洛神花玫瑰茶，一杯凍華田。雞翼，umm, 唔算太入味，外表有d 柚子蜜的味道，冇咩特別，但好平， 仲有五隻、抵食。牛扒， 佢冇問我幾成熟，但黎到似80%熟， 完全冇牛味，有根，唔好食。連鎖快餐店可能仲好食d.. 佢好在夠大份。天使麵..sauce 唔creamy, 唔算難食嘅，但真係冇咩特別。洛神花茶太甜。總括嚟講呢間野只係抵食，味道好一般，唔高要求都可以嘅。

這家位於黃大仙的意八餐廳，開業應該已有七八年。記得第一次幫襯的時候，頗有驚為天人的感覺，因為以一間屋邨港式西餐廳，竟然做出三星級酒店以上的水平，而且收費也是街坊價，你說能不驚喜，可惜後來水準有下降趨勢，就減少了幫襯，但今天再嚐，雖未復當年勇，但已經有所提升，希望繼續努力吧。

次次經過呢間都排隊呢日見到比較少人所以就排一排😂😂😂—————————————————選擇困難症又發作佢午餐都幾多野揀最後揀左葡汁魚柳好耐無食過葡汁啦視覺效果都震撼成隻手臂咁長嘅炸魚柳除左頭尾炸粉多左少少葡汁撈飯好惹味😋😋😋👨🏽‍🦱叫嘅炒飯好有鑊氣一間西式餐廳做到咁有鑊氣嘅炒飯難怪見到好多檯都有叫👍🏻不過唔知係咪間間分店都做到咁出色—————————————————✓ 蟹籽三文魚蛋白玄米炒飯 $52✓ 椰香葡汁伴脆魚柳飯 $51

復活節假期第一晚個晚上 ， 落去黃大仙南館間意八， 疫情前超多人， 有排等。 依家可以直入， 坐窗口位， 因為我地2人， 佢話有機會搭枱。堂食餐具是外賣常見用的膠叉和膠匙羹， 完全無力。老公點左新推介紐西蘭直送穀飼牛扒（黑椒汁）：牛扒大，香口但唔好食， 好多筋， 要趙左好耐 ，黑無問要幾多成熟 。。。個黑淑汁完全水稀稀。。配菜方面基本上都有係凍既。。芝士焗蕃茄：完全無芝士，芝士粒都無， 不過個凍茄係幾時多汁既。。。薯角， 唔脆， 唔熱板煎雞蛋賣相唔錯，蛋黃無熟曬。脆肉瓜同南極片除左最近鐵板個塊是熱的， 另兩塊都是凍的， 係凍的。。輕量和式珍珠飯微暖， 飯粒唔分明， 一舊飯。。製作時間約15分鐘。。。轉套餐飲品一律半價法式紅酒香茅燴牛肋條：完全無紅酒味， 牛肋條似牛腩多。。肉質亦都唔到夠軟爛。。牛肋條理應味道更重， 更濃郁， 真係有點失望如果菜名叫蕃茄炆牛腩更好。。利賓納淡而無味。洛神花茶：少少紅色都冇 ，而且比較甜。好似冇開冷氣愈食愈熱， 之後可能有人投訴開返 風扇

同朋友點左鐵板牛扒，配菜可選薯菜，意粉同飯，雖然簡左飯，但它都會配少許薯條同菜，至於牛扒方面唔會好硬身，切落去仲有少許粉紅色，配搭黑椒汁都唔錯，感覺都唔錯。至於點左杯抹茶牛奶啫喱凍飲，配餐點飲品就半價，加11蚊左右，味道就似沖粉果d綠茶味，一般啦，啫喱係羅伯臣啫喱，味道都係一般，如果配西米露好d. 。

1行6人踩完單車後,就到ItaMoMo晚膳,真係隔離飯香, 本身我地都唔知叫咩餐好, 因為太多選擇了, 但見到其他枱既人都係度鋸扒,於是大部份人就叫鐵板餐再加少少小食.1.     加拿大安格斯牛扒 (5個人叫左呢個餐)可以選配胡麻野菌汁或黑椒汁塊牛扒又厚身,同賣大過塊面,真係超級抵食,但就稍為多根左少少,而配菜方面亦唔輸蝕,有板燒野菜, 芝士焗蕃茄,蕃茄好juicy再加賣芝士,芝士俾好多,1d都唔孤寒, 薯角太香口,有少少焦焦脆脆既感覺,板煎雞蛋就可能完全煎熟左,同賣要配汁先有味,輕量和式珍珠飯,係我至愛既珍珠米….實在太和味2.     意大利芝士烤雞扒    可以選配胡麻野菌汁或黑椒汁   配: 板燒野菜, 芝士焗蕃茄,薯角,板煎雞蛋,輕量和式珍珠飯   雞扒份量十足, 俾足2舊雞扒,仲要完全俾厚厚既芝士包圍住, 好好味.3.    美式滋味炸薯皇   薯角太香口,有少少焦焦脆脆既感覺,食時配賣D芝士,簡直係Perfect match4.    千島菠蘿甜蝦Pizza呢個Pizza真係無得彈,味道好適宜,千島醬味唔會太over, 淡淡地配合其他配料,D蝦都好新鮮, 同D菠蘿一樣好

今日去咗黃大仙中心飲下午茶，揀咗呢間餐廳叫咗個柚子芝麻烤雞翼配pizza。加杯檸茶。雞翼配柚子蜜，好好味，極到推介！可惜，Pizza比我想像中嘅份量細好多，只有一小角。但用料十足，上邊有濃厚嘅芝士，加火腿碎，仲烤得好脆，好好味。朋友叫咗一個意大利蕃茄肉碎長通粉，加咖啡。咖啡值得推介！下午茶抵食！

又到了下午茶時間，肚子有點餓，所以去到附近的黃大仙中心找找食物。街上都沒什麼人，唯獨這間餐廳座無虛席。座位還蠻舒適的，食物選擇很多，三文治，熱狗，公仔麵，意粉， 焗烤...點了一份粗粒花生醬多士和一份百里香忌廉雞皇焗珍珠米，一杯奶茶和茶走。兩塊烘得香脆的多士，夾著一層粗粒花生醬，濃郁的花生醬加上煉奶，太美味了！焗飯份量很大，一大塊雞肉，被滿滿的芝士覆蓋著，非常邪惡！珍珠米炒得非常有鍋氣，不會太油膩。簡單的下午茶，我吃得好飽！