意八餐廳 (已結業)

今日約了老佛爺食lunch, 老佛爺帶了我試這間餐廳，我們比正常早（1點前），都爆爆地，但咁啱有個卡位，吾使等，地方幾闊落。看過菜牌都幾多款式，價錢好大眾化，小食2x蚊起，set lunch都係4x 至 5x, 但套餐吾好就係飲品， 只可選湯 或 飲品， 如两樣都有就好。我點了【墨西哥瘋狂辣肉醬焗意】配 【意大利菜湯】，老佛爺點了【浦汁鰻魚玄米炒飯】配凍檸茶，加了個小食【水牛城辣汁烤雞翼】。焗意夠野味，辣辣的好開胃，沒有所說瘋狂的辣，芝士味濃。菜湯都好濃郁，但略咸了點。老佛爺愛鰻魚，這個飯佢話好味，好味過我個意粉，我就話相反，可能先入為主，但都好好味，但好似吾夠熱。小食雞翼都不錯，餐牌寫明有4隻，但上枱有5隻，可能佢覺細隻，加多隻掛，味道都好入味。整體不錯，由等位到上菜都快，味道算合格，但價錢對比這商場算係合理，坐得舒適，結算 122元， 人均消費約60元， 可以再試。

今天是假期陪朋友去黃大仙行商場，黃大仙商場D衫都幾平，行左一陣我們去吃午餐，見到有ItaMoMo cafe,這間的食物都好抵而且幾好吃。剛巧是2:30pm只要等多30分鐘可以吃下午茶，慳家的我當然等到3點才吃下午茶啦！下午茶15:00開始，但2:45可以開始拿飛。我們入左之後叫左個白汁吞拿魚三文冶$27加多$2可轉熱柚子梨茶，熱柚子梨茶比較甜左些，所以叫侍應生拿杯水給我，她都很快拿過來給我，加左些熱水才好飲些，吞拿魚內有很多生菜，生菜切得很幼細，菜中帶有沙律醬和吞拿魚的味道，熱天無咩胃口時候食就最好，食完胃口都開晒！我朋友吃米蘭肉醬熱狗$25加$2可轉熱檸檬柑桔，熱狗很長、皮又脆，有肉醬味道剛好不太咸，還有一些牛肉浸在醬料內，非常惹味，而檸檬柑桔一樣甜左小小，都可以接受不用加水，2人吃下午茶$56真係好抵食👍😋填飽肚又再去行街街。😊😊✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

黃大仙中心的「意八餐廳」平日中午☀️時段都好多人排隊吃午餐🍱🍝🍜🥘🥙🍕🍹佢嘅午膳之選及拉麵之選，款式都很多，今日叫咗碟蛋黃煙肉卡邦尼長通粉，配料有：蘑菇煙肉、火腿和香茜，鹹鹹香香味道唔錯，還配一杯凍飲品🍹價錢都係$46💰

食物質素 8/10平時尼度一到下午茶就會有優惠，而且份量大，所以都幾常黎尼度食tea尼度食物既種類同選擇都好多，偏向西式食物，所以唔洗驚無野岩食公司三文治同其他餐廳一樣，尼度既公司三文治係有4舊，但佢每件既size就大啲，好厚，食完會非常滿足！每一舊既包都烘左底，外脆內軟，加上入面有好多料，有蕃茄、午餐肉、芝士、火腿等等。凍咖啡黎襯尼度我都一定會點凍啡，好香好重奶味，好岩我心水！環境衛生 8/10地方大，座位多，坐得舒服！服務質素 7/10落單上菜都好快！

今日朋友帶左我尼itamomo食，其實每次經過商場見到itamomo張相都好想去食，今日終於有機會柚子芝麻雞翼 好味，食落熱辣辣，入面好嫩，外面甜甜的烤雞茄子百里香忌廉焗珍珠飯 十分creamy，超香；飯仲要係炒飯底，夠晒香口飯的份量本身多；加上雞肉的份量都多，食完就好飽怕肥的人唔好食喇Wasabi煙肉菌皇意大利飯 好多汁，但唔膩；煙肉唔韌，而且炒得好香；飯的口感都岩岩好，唔會太林又唔硬賣相亦唔錯不過wasabi味唔出，一D都唔辣香辣欖油煙鴨胸炒天使麵 雖然話欖油炒，但實際上唔係好油，而且鴨胸天使麵的份量多鴨胸燒得好香口；仲有菇椒做配菜天使麵雖然冇汁但都好夠味

兩個人三點左右想食個下午茶，見呢間食物好似不錯又多好評，就想試一試。於是到餐廳外，見到門外有取票機，可選擇＂搭枱＂及＂不搭枱＂。正當我想㩒張飛之時，門外安排座位的女待應就以呼喝的語氣同我地講: 幾位！？我話:兩位，吾該。 她話: 直入裡面！於是，我們就入去，但入去後無人帶位，完全吾知坐邊，見有好多空位剩，又見好多卡位都系坐左兩個人，我和朋友就搵左張卡位坐。點知，一坐底。隔離幾個待應即時黑面，大聲話: 呢個位俾三個人坐，你地兩個坐個邊！！(指住窗邊位)語氣惡劣！我心唸，你態度好點可以嗎，我系客人我要俾你呼呼喝喝指指點點？我見好多卡位都坐兩個人我先坐，你又無寫明三人卡位，如果你態度好點，我都會轉位，但我真接受不到我要俾錢貼難受。最後，我們走了！因為已經一肚氣！總括，待應態度惡劣，不尊重客人，並對客人呼呼喝喝，無下次！

今日同大家介紹嘅就係黃大仙嘅意八itamomo ,話說今晚就帶咗個牛扒，抹茶紅豆冰。80幾蚊一個餐算係咁，牛扒做得幾好，唔會熟到鞋，又唔會生得制，如果你鍾意食七成熟咁應該會啱你。

呢間梗係無殺你呀咁平, 不過一個飯/意粉都係50,60蚊, ok ge。叫左個龍蝦汁帆立貝焗飯, 一上台以為變左白汁, 好彩只係面頭有芝士, 龍蝦汁味幾好食, 有少少拉芝效果, 但芝士味唔突出。每樣海鮮有2隻, 有帆立貝,有蜆, 有蝦, 其中一隻蝦係新鮮蝦, 另一隻雪躲藏蝦, 算係咁la, 50蚊倒,仲想點, 入面仲有好多菇吊瓜菜。焗飯份量唔算好多, 男人應該勉強夠咋。另叫左個辣汁雞翼, 好似有4,5隻, 正常質素la。加錢叫左紅豆冰, 偏淡, 紅豆算多, ok ge。

星期日去食早餐，早餐去到11:30，11點去到等左5分鐘就可以入去我叫左意大利番茄湯配鴨胸磨菇腸，可以揀兩樣，麵就可以揀通粉，米粉，扁意粉等等另外加左$3飲熱菜蜜個麵本身我係叫番茄濃湯，不過佢落錯單落左普通湯，我同佢講番之後侍應就只係加左D番茄醬落碗野到，不過都可接受........最後其實都夠味，不過可以知道原來佢係加番茄醬，唔係真番茄.....份量早餐尼講其實都夠，麵又唔會話好林，鴨胸都好香，磨菇腸有少少鹹e個係加左$2配的脆脆牛角酥

我叫左一碟「蛋黃煙肉卡邦尼長通粉」黎到，我只係覺得一碟「冬菇磨菇撈長通粉」我食哂D長通粉啦，你地自己睇下有幾多菇連安排座位都差到喊，我等15分鐘，叫的number 係166⋯181⋯167，168，169⋯200⋯202🙄點啊！咁樣跳⋯叫人點預時間！而且係極快叫number,人都未行到去已經叫了2-3個號碼。上菜很快，明顯預先做好，完全理解。但菜係凍，仲要不必要的配菜沾2/3，真係食到好嬲！！！！

難得嚟到黃大仙 ， 想去附近嘅商場食好嘢 ！見到呢間店舖嘅 正評好似好多 ，又有人排隊就試下啦！！不過，就非常失望了叫咗個 忌廉雜菌意粉 啲汁好水，完全冇味 仲有 啲雜菌全部黐埋一舊咁 ，好難食 最難食嘅係呢個 龍蝦汁 海鮮焗飯完全唔明白點解會有食家話呢度嘅焗飯好食 呢度係完全係垃圾 溫度不 足！！！焗出嚟竟然係唔熱！！呢個已經扣曬分啦！！仲有嘅係 佢呢個焗飯焗到好多水，個底全部都係水，好似用一啲水嚟浸住一嚿飯咁 佢話用龍蝦汁焗 其實一啲龍蝦汁嘅味都冇 係連罐頭湯 仲好食過佢溫度唔熱又成攤水，仲有入面啲海鮮只係求其堆曬落去，黐埋曬一舊，甚至乎係要花氣力，先可以將佢哋分開....因為佢哋係唔熟嘅 真係冇諗過焗嘢都可以煮得咁難食！！ 焗嘅嘢竟然唔熱 ， 呢個已經 好伏啦！最伏嘅係成兜嘢， 唔係冇味咁簡單，係好難食！！好難食！好難食！！好難食！所以要不停重複講幾次，因為真係超級難食！ 你畀錢我我都唔會食！ 啲服務態度又係好差 ，我完全冇嗌到嗰樣嘢，佢竟然可以幫我落咗單...無奈成間餐廳真係垃圾

辦完事來到了黃大仙中心南館的意八餐廳吃午餐，大約等了十分鐘才可入座。餐牌上的選擇頗多，分別有西式和日式的，有飯、意粉、比薩、拉麵和蕃茄湯配扁意粉/米粉/公仔麵/長通粉。我們二人今天都想吃焗飯，所以最後便叫了兩個珍珠飯。一個配意大利菜湯，一個配熱檸檬茶。葡國烤雞焗珍珠飯（$47）這個焗飯的葡汁焗到微黃，顔色非常吸引！吃下一口，熱騰騰的珍珠飯夾著濃濃起司的芝士，非常滋味！烤雞烤得恰到好處，惹味又不乾。焗飯內還有紫椰菜和普通椰菜，兩者都非常爽口！吃飯完畢，喝一杯檸檬茶，感覺完美！米蘭原茄烤豬扒焗珍珠飯 （$47）這個焗飯是蓋滿了濃濃的番茄醬汁和烤到金黃色的芝士，賣相吸引。飯內的豬扒味道不錯而且非常淋滑，洋蔥和紫椰菜同樣爽口。趁熱吃下，令人非常滿足。另外要提的便是這裡的意大利菜湯，湯內的蔬菜已全部絞碎，一啖一啖地喝下這湯，不其然想起廚師背後的細心，值得一贊。

呢間西餐附近黎講都幾受歡迎，經過硬係好多人排隊，好奇心同剛巧無人排隊，係時候試下。坐底見到呢個安格斯78蚊的確吸引，另外亦叫左個飯，稍後介紹侍應同配套都幾好，餐牌其實都幾多選擇餐湯到， 恕我直言 ,呢個係最敗北位，勁似罐頭，建議大家有得揀，唔好揀獎罰分明，排就唔錯既，汁都好味，飯係炒底，個排的確肉質幾嫩，係唔係安格斯就唔敢講😅帆立貝海鮮龍蝦汁意大利飯呢個係功夫位，有真正西餐廳既功架，飯質地專登keep小小煙韌,海鮮剛剛好唔會太熟，好啲驚喜望埋個價錢，證明香港人其實好識食😁👍

位於黃大仙中心南管嘅意八餐廳每次經過都好多人排隊，特別係午市開始，今日適逢拜完黃大仙，就諗住試一試龍與鳳。好似某啲大集團咁樣可以自己禁飛係兩位？四位？六位或以上？搭唔搭枱？我地兩位等咗大概10分鐘就已經可以入去坐啦。午膳A係粉面🍜🍲之選，有拉麵烏冬。因為呢個係第一餐所以食飽啲，我哋揀咗午膳B🍛🥘。香辣煙鴨胸🦆炒扁意粉：有少少辣味，個汁係豉油汁，再加上一啲菇菌、青椒、四片煙鴨胸炒成，扁意粉特登唔炒到咁乾身留返少少意式風情，其實都偏濃味🤭，不過整體上都幾好食。蕃茄🍅帆立貝海鮮扁意粉：番茄汁，再加上少少碎蕃茄，海鮮包括一粒帆立貝、青口一粒、大蝦🦐一隻、蝦仔一隻、少許冬菇。特色有小小香草說係碟邊，叫做有啲造型。未到冇煙鴨胸炒意粉咁濃，幾好。熱咖啡☕️應該係三合一即沖咖啡冇乜特別。 $50左右一個餐其實已經係少少偏貴，不過睇裝修同排隊程度其實都值得一試。

一行3人到黃大仙中心準備食晚餐，唔知食咩好，行行下就揀咗呢間西餐廳，我地叫咗焗豬扒飯，雞扒鐵板餐，牛扒鐵板餐和雞肉Pizza,味道不錯食材又新鮮加上份量充足，價錢便宜，此店值得我再光顧的