意料之外 (已結業)

每次行完屯門彩色欄杆＋藍地水塘，最後目的地都會係藍地大街，附近都好多村屋、舊式士多同特式小店... ..., 每次經過藍地大街，都會心思思想食意料之外，呢間係意外發現嘅小店🎉店內坐位不多，只有16坐位，裝修簡單，沒有豪華裝修，只有簡約風，牆上有好多各地相片，世界地圖... ...給人一種無壓力感覺，簡單就是美🥰炸雞亦🐔飯～炸雞亦係即叫即炸，外脆內軟，又多肉汁，所以要小心食，因為通常都會被雞油整親，雞亦亦調好味，會食上癮，而且配上蔥油飯，堅係絕配，無得輸熱奶茶～茶底香濃，奶味又剛好，又香又滑，已經好過出而好多茶記👍🏿👍🏿仲有南乳雞粒飯，都係我嘅推介，呢2款成日無晒，要早去先有得食😅😅,食得出有用心製作，而且價錢平民化，呢d就係簡單小店特式

今早起身忽然想起未去過附近寺廟參拜，行完妙法寺新寺和舊寺，全身上下都出汗，行到藍地大街已經十一點有多了！這間小店有一陣陣涼浸浸嘅冷氣滲出，二話不說就進入，竟然仲可以嗌早餐！個蒜蓉多士好好味，會再次光顧的！

真係無改錯名，意🍝料之外，睇過名，最多以為係食意粉啦，但其餘都好出色!相當有質素小店，以為個妹妹係侍應，點知佢係老闆娘，仲要好 nice😚，又有禮貌，所以不停有人等位，勁多回頭客👫👨‍👩‍👧‍👧每碟都係用心製作，即叫即煮，所以時間會長d,但都無客人投訴，呢d就係小店特色店內放左好多唔同地方嘅相，以歐洲為主，睇完都想去😍仲有特色小擺設早餐便正常，但 蒜蓉多士係每抬必叫老闆娘又識拉花☕，又識整特飲😎下午茶~🐷豬扒包配沙律，可轉薯條豬扒有 醃製過，而且加左 黑椒，少少辣，多多脆南乳🐥雞粒飯，勁香口，咬落仲有肉汁流出 而且配上自制蔥油飯，食完唔口渴，無味精，勁好味不得了炸雞亦烏冬炸完唔會太乾，好 嫩口，咬落仲脆卜卜，勁大聲 ,真係即炸👍🏿溫馨提示:不設外賣盒，如果外賣 便要自備盒喇

呢間鋪不停轉手，到意料之外就真係意料之外，好味，用心製作，小本經營。好多時都係星期六食早餐，雖然選擇唔多，但每樣嘢睇得出好有心思，但佢地星期日全日休息。早餐既雙蛋荷包蛋好靚，好滑，漲卜卜，見到食慾大增😍配蒜蓉包，不得了，啲蒜蓉舖滿，唔會話側邊留白，一定要試😋，包面有少少香草，好靚亦增加食慾，值得推介。飲品咖啡奶茶外有其他選擇，先講咖啡都唔錯，無酸味；飲過甘桔檸檬，都值得推介。坐位唔多不接電話外賣，環境係舒服既，最緊要唔嘈。

平時都係食開佢既早餐，都係食開佢既蒜茸多士。今日晏左起身就落去食午餐，冇諗過午餐都係咁出色。今次叫左蒜蓉蜆肉意粉同埋佢既皇牌二撇雞飯個蒜蓉蜆肉意粉好香蒜蓉同牛油味，但係又唔會覺得太濃，非常惹味。意粉入面亦都有唔少蜆肉，多到食唔哂咁滯而二撇雞飯真係皇牌中既皇牌，二撇雞飯入面有黑椒雞扒同埋南乳雞球，雞扒煎得好滑岩岩好，平時我唔食南乳都覺得個南乳雞球好正。而個飯都加左豉油，唔會齋食白飯咁寡，而上面都有蔥油係到，令成碟飯更加香

點解我會話親切咖啡室！就係因為呢度嘅老闆娘非常親切！呢度位於屯門藍地！叫做< 意料之外 >親力親為。親切笑容😊依家出邊好多餐廳都缺乏嘅一樣野。。呢度幫襯左起碼都好多次。。10隻手指數唔晒。。不能不推介呢度嘅雞扒飯！仲有好好食嘅自家製姜蓉！！另外仲有唔同嘅意粉選擇！今次我揀咗芝士蒜香煙肉意粉！超級好食。。味道可以媲美好多有名嘅西餐廳！絕對冇花冇假！試過就會知道。另外呢度既推介就一定係手調咖啡！！不過呢度呢非常多人排隊！要來嘅時候都要等位。。不過好快就入到去！值得推介俾大家嚟試吓！

It’s hard to find a decent western restaurant near Lam Tei Main street. This little restaurant offers yummy spaghetti and lunch sets.Tried 青醬意粉，香辣蕃茄意粉同二捌雞飯The spaghetti is juicy and yummy, the chicken is crispy and not oily. Will definitely pay a visit again!

2019年4月11日（星期四）覺得行藍地大街，好似行緊長洲，悠悠閒閒好舒服！小店門面普普通通，反而係佢個名好特別！一支公嘆下午茶，最啱食個包，份量冇咁多，價錢又平啲，啱啱好！香煎雞扒包配沙律+檸茶，盛惠$34，感覺大滿足！張張枱都有客，生意唔錯！可能係廚房唔夠人手，食物上枱速度唔算快！首先講吓個包，軟綿綿，脆卜卜，屬心機之作！雞扒大人手掌一樣大，煎得好香，肉質嫩滑仲保留肉汁，水準以上！沙律係的骰咗啲，不過好爽好脆好清新！好食又抵食！

藍地意料之外星期六、日最鐘意同老公嘆返個早餐。屋企樓下位於藍地既意料之外就係唔錯既選擇。雖然地方唔大，但勝在夠乾淨企理。環境舒適，唔會太逼。大至裝修，細至menu, 你都會見到有好多鼓勵性既人生格言。通常早餐我地會選擇A餐同F餐。A餐係火腿通分配西煎雙蛋及蒜蓉牛油多士，而F餐就係歐陸式早餐。每個早餐均配埋飲品，好抵食。想食得飽肚就一定揀A餐，因為火腿通粉飽肚兼好味。蛋可以揀煎蛋或炒蛋，一樣咁新鮮。不得不提佢地既蒜蓉牛油多士：多士香脆得黎又充滿蒜蓉同牛油既香味，再加埋香草點綴，簡直令人回味無窮。而F餐入面既番茄好新鮮多汁，再配埋沙律一齊食，口感好好亦非常健康。蘑菇加煙肉更是絕配。再加埋炒蛋和蒜蓉牛油多士，好滿足！住在藍地的朋友仔可以試下啦！

價錢和食物質素合理，店員服務好，有禮貌。美中不足的地方是店內油煙較大，光顧完後身上有總會有一身油煙味。此外，意粉的味口如多一點選擇會更好（始終從店名來看，主打的應該是意粉吧？）整體來說，是一間不錯的小店。

意料之外真係意料之外你一心打算去食 佢又無開門經常一早賣晒就收工不過佢既野食係抵食+好食我最鐘意佢真材實料由其是雞翼蔥油飯佢既蔥油好香 而且d肉食落去就知道係良心製作係一間有heart 小店真係好難得撞到佢營業中架有緣既話 就要去食下不過佢真係小店 大家要留意人多既時候佢要同人搭台而且大家通常都好識做甘 食完就走呢d可能就係小店精神

媽住係附近幾年都未食過呢間餐廳，此店逢星期日休息，所以更令我對此店有所期盼，前幾篇食評都話蒜蓉牛油多士好味。端午節我地揀左唔食糉，路過此店，且早上11:15 竟然仲有早餐食，我成朝仲未有野落肚，當然立即去試。我同媽都點左早餐A - 火腿通粉配西煎雙蛋及蒜蓉牛油多士，我飲熱奶茶。蒜蓉牛油多士:  好香、好蒜，蒜味好豐富，擦左牛油蒜味更突出，但多士邊好林，軟身，唔夠脆，可能多士製作時放耐左。西煎雙蛋: 一份煎得靚仔，兩隻太陽蛋， 另一份o既其中一隻蛋就煎差左了，失色左啲。煎蛋味道冇特別。 火腿通粉: 通粉煮得唔夠林，硬左啲，相信煮好焗多一、二分鐘就剛剛好了。火腿絲屬正常。湯底同快餐店湯底冇乜分別，我同媽用餐後15分鐘就勁口渴，即落左好多味精了。熱奶茶夠滑，如果加多少少茶葉，相信茶味會更芳香。我欣賞此店o既裝飾或餐牌上有好多正面o既鼓勵金句，但食物o既質素也好重要。相信食左好味的食物，配以正能量，成個人晒。

今日遲左出門，已經趕唔切食早餐，去到燊光直情要等位，所以試試呢間意料之外，佢營業時間較短，但都經常爆客，應該唔錯嘅本身想叫豬扒烏冬俾亞女食，但佢話冇豬扒，所以轉左雞翼，原來係兩件鹵水兩件酥炸，炸雞翼好香脆，但略嫌乾身，而鹵水雞翼睇落好飽滿，鹵得入味而且唔油膩，好食自己點左個忌廉野菌扁意粉，汁好重奶味，野菌份量好多，意粉亦見彈牙，簡單而好食另外加$15點左一杯特飲，金桔夫人，原來係汽水底，加蝶豆花同糖漿，但糖漿份量少，好淡唔抵飲

今天去屯門藍地，經過一間餐廳，見佢個店名幾特別，就入去試下，真的出乎意料之好，叫咗皇牌燒雞扒飯及蒜蓉多士，雞扒飯加左蔥油好好味😋蒜蓉多士熱的時候食落去好正，但凍左就一般，所以店主話絕不外賣，真係有道理，再細心望下店鋪同餐牌上的設計好有心思，周圍都有金句，而且充滿了正能量👍同店主傾左一陣，佢話因為環保同食物質素下都絕不外賣，現在很少見到不會因為做多少少生意，而放棄食物質素的店主，下次一定會再去👍

都黎過哩間餐廳好多次。雖然間餐廳唔係好大，但係都會坐得好舒服。食物方面，最吸引既係佢地既蒜蓉多士。雖然係薄薄地，但係都好足料，蒜蓉既味道岩岩好，唔太咸，趁熱食真係好好食，係出面真係冇食過咁好食既多士。入面啲職員都好好禮貌，仲會叫你記得趁熱食添。下次再食早餐都會再黎😆👍🏻