意樂餐廳 (天晉匯2)

營業中

休息中

自從屋企樓下商場大裝修，早餐選擇近乎零，只有一間茶餐廳，呢個商場新開左之後，多左好多食店，意樂係我地經常去食早餐嘅地方今次我地引黎食，早餐時段經常要等位，而呢間餐廳早餐亦好多選擇，今次我地就叫左沙爹牛肉麵餐同埋蕃茄濃湯通粉餐沙爹牛肉麵係我同我老公嘅至愛，呢間湯底好甜，除左沙爹牛肉之外，仲加入什菇，唔似平時我地係茶餐廳食個啲，我同老公都覺得呢度嘅牛肉麵好味而亞女就鍾意蕃茄湯底，今次叫左兩餸蕃茄濃湯通粉，我就唔知好唔好味，但見佢連湯都飲埋，應該唔會差得去邊這間餐廳價錢合理而有好食，值得推介

今晚一行兩人八點多來到天晉匯星期五晚不用排隊直接入場我們點了一份 🐵加拿大安格斯牛朳 ($108) 和 🐵西班牙黑毛豬鞍扒 ($108) 互相分享來吃套餐包了餐湯、主食和配菜薯條 加飲品則可半價我們選了一杯牛乳抹茶紅豆冰和芒果冰沙 ($11)餐湯為雜菌湯 滿滿的菌味 質地偏稠味道不錯牛乳抹茶紅豆冰帶淡淡茶味 輕微回甘芒果冰沙不會過甜 正正常常🐵西班牙黑毛豬鞍扒 7.3分豬扒分量很足 很厚肉帶粉紅色肉質帶咬口 不會過乾過韌脂肪部分帶彈性 但為了血管的健康還是少食比較好🐵加拿大安格斯牛扒 7.7分牛扒兩邊燒得帶脆身 叫了7成熟 一樣不會過乾不過個人喜歡生一點的而薯菜跟其他蔬菜偏乾身 整體感覺不錯 味道肉質都處理恰當沒有加一費用 性價比很高只是唯獨蕃茄已經冷掉了很久的感覺 整塊芝士像是後期加上去 能夠整塊完全移除 口感粉粉沙沙

今晚去左將軍澳天晉匯既意樂餐廳食晚飯 佢既食物款式都好多 價錢又唔太貴同老公兩人叫左下面既野食：1) 柚子蜜味芝麻烤雞翼 $30 有4隻用個pan 上 味道唔錯 幾有味 但以為用Pan 上會好熱 向服務生反映 原來係啲雞翼原先已炸好放左係度 叫時就咁放上個Pan, 好彩雞翼凍啲都唔會好影響味道2） 香濃芝士白汁煙肉焗西蘭花 $29呢個因爲係焗既 所以上台時係熱的 個白汁配落個西蘭花度好好味 只需要$29蚊 比起麵店幾條菜心都叫你廿幾蚊 呢個真係唔錯3） 蒜香牛柳粒 $38呢個都幾好味 不過又係應該預先整好就咁放上個小pan 度上台 不過呢個就熱少少 啲肉都好林好味道4）千島菠蘿海鮮pizza $70呢個pizza... 個樣好靚好正 食落 味道係ok好味 但點解Pizza 係唔熱既食左一件已經無再食 因為好想食熱既主食 叫到隔離台叫既炒麵類都好多煙 所以就再加單叫多個粉5）蛋黃煙肉卡邦尼長通粉 $56天呀 終於有樣野上台時係有煙出架啦 個粉既蛋黃白汁好濃 呢樣野既全晚最好味題外話 呢度啲冷氣超勁 可能咁樣 好多食物上台時都已經係凍的仲有可以一讚既係呢度既服務生態度幾好 有機會會再黎 不

兩碟主菜. 一個小食pizza 70hkd1. 幾好味. 因為材料配搭得好2. 料好多，菠蘿磨菇千島醬 魷魚 蟹柳等等，好多種類3. 啲料份量多4. 醬油多5. 洋蔥切碎咗 , 每一啖都食到洋蔥嘅味道，脆口天使麵 1. 醬料夠，但淡dd, 如果可以多啲鹽就好2. 鴨胸味重以及好香番茄通粉方面1. 食物夠熱2. 味道香濃. 唔止湯嘅味道整體嚟講呢間嘢，都好味唔錯。今日食咗144蚊，人均大約72蚊一個人， 如果平時下午茶時間去食，大概30蚊到40蚊左右， 不過叫咗一個pizza拉高咗個價。

個日同朋友游完早水，就找了間抵食D嘅餐廳！意樂@popcorn,附近食嘢勝價比比較高的一間，可說平靚正！叫左個餐蛋天使麵+多士，呢D普通嘢沒有抱什麼期望，但食落好唔錯，價錢唔貴！餐廳選擇又多，下次試第D

係將軍澳寶琳，下午茶睇落都係吾錯，有迷你焗飯，比較小，但睇對面人食雞排芝士焗飯都吾錯，适合小胃口女生/士,男士應該食吾飽la，點左雞排包，都幾大架，但醬就覺得比較少，冇甘yammy, 薯條係厚薯可以試下，另點左蛋黃天使麵，就比較咸，但勝在醬多，喜歡多醬既朋友可以試下。

雖然呢間野有啲遠，要行到天晉，但星期日都有lunch set，只不過係50至60蚊，包野飲又幾扺食嘅，味道仲唔錯添，性價比好高。不過座位比較細，要坐得迫啲。咁多款野食，唔知點揀好，可以問下待應姐姐，佢都會俾啲意見你，待應幾nice叫左個咖哩牛腩飯配芒果啫喱冰(+3蚊)本身我唔食得好辣，佢個咖哩都幾辣，叫勉強食到，佢隻辣係令你條脷好辣，都唔算long lasting，所以飲番啲凍飲會好少少。雖然係辣，但都整得惹味同入味，牛腩好林，薯仔連皮，似焗薯個隻薯仔，唔錯，又夠多咖哩汁，正芒果啫喱冰一開始冇俾啫喱我，之後要求佢加番，店員尚算有禮貌。另外，仲叫左個和風蟹柳蟹籽珍珠炒飯岀乎以料地好食，真係用珍珠米，蟹柳切絲炒，味道甜甜地，啲米又有咬口，粒粒分明，加埋蟹籽，爽爽地口，唔錯最後埋單每人61蚊到，星期日食個午餐算幾抵！份量又夠，好飽

是日不停下雨，剛巧TKO MTR又有故障，所以決定在附近的餐廳用膳！見到不用排隊又有卡位，所以坐下後慢慢挑選適合的午餐，最開心的是選擇多，而且如果改餐飲轉為特飲，只要加$6，當然要試試！香煎雞扒、煎焗流心蛋配蒜香牛油多士意大利蕃茄濃湯天使麵 流心蛋不流心，只是比平時的煎蛋軟心一點！ 雞扒ok ，沒有雪藏味，肉質鮮美👍香草烤雞鮮野菌忌廉扁意粉，如果喜歡濃忌廉的朋友是不錯的選擇！本人比較喜歡和風蟹柳蟹籽炒珍珠飯，口感很清新又不太油！ 牛乳抹茶紅豆冰冰：太多冰，太少紅豆

放假訓醒冇事做，咁得閒一於落黎將軍澳試下個新商場d餐廳😆之前藍田食過呢間餐廳，覺得好抵食，所以見呢到開左間，就入去試下巴馬臣芝士火腿野菌汁焗長通粉果名好長好架勢😂，但食落我覺得係普通可以拉絲既芝士，芝士都幾多，份量唔算大，始終係茶餐，$35包飲品好抵炭燒雞扒包配薯條🍟個包都幾大，Toast左🍞，雞扒有肉汁，唔錯薯條唔夠熱，唔似即炸，所以一般般香草鮮野菌忌廉天使麵呢碟野份量算多，勁多野菌同忌廉汁，天使麵似意粉多d，味道creamy加左$6 試佢個特飲牛乳抹茶紅豆冰冰，正正常常

I ordered a lunch set with sausage and Hams with angel hair in tomato soup in Itamomo in Tseung Kwan o.I found a cockroach in the soup when it arrived. We called the waiter, he wanted to grab it.It is interesting that nobody found the cockroach even in the kitchen nor the waiter who delivered the dishes to the customers. Since he wanted to grab it so fast, I stopped him to take the photo first.I want to raise everyone’s concern that the hygiene of this restaurant is very worrying and hope people

見9點幾呢間餐廳都未關門，所以就同友人食下。我就叫左碟忌廉硯肉意粉食，上菜個賣相都麻麻，好似求其畢上黎咁，個味都OK嘅，個忌廉都幾濃同香，都無咩硯肉味，個人黎講覺得個汁太稀，個人黎講鐘意個汁杰身少少。同埋我都叫左抺茶牛乳紅豆冰，呢個唔建議叫，無抺茶牛乳味，紅豆偏甜。

係將軍澳 除咗薩利亞，哩種平價意大利餐廳仲有意樂可以揀！兩主食兩小食兩飲品都只係人均約130左右 好抵食啊！■ 清新大蝦墨魚汁冷麵 配芥辣汁 $66有驚喜～好好味本身冷麵個汁酸酸甜甜好開胃，大蝦沾芥辣汁又好好食，撈埋沙律菜紫菜青瓜一齊食 味道果然清新■ 鮮蜆蒜香煙肉忌廉汁天使麵 $61幾creamy 味道都可以 蜆都唔係少～■ 夏威夷薄餅 $67味道麻麻地，個人唔食菇同洋葱 但偏偏勁多■ 白汁香草芝士脆薯條 $28好食，就算有溶芝士 薯條都冇淋 仍然脆～套餐 加配■ 芒果蜜啫喱冰冰 $11■ 牛乳抹茶啫喱冰冰 $11芒果個杯好飲好多！起碼味道係夾，佢啫喱唔知係咪羅拔臣啫喱 同牛乳抹茶一啲都唔夾■ 阿華田奶凍 $12面有阿華田粉，上層有粉先好食，下面個啲冇 冇咁重味就冇咩特別

打風過後o既天晴，出去走走就想去天晉滙食下午茶hea下，係商場行極都係去番老地方 - 意樂餐廳落腳。我同友人鍾意呢度夠靜，唔多人，可以好悠閒咁慢慢享受下午茶。我揀左蒜香牛油厚多士配熱奶茶，友人就揀左香烤雞扒包配滋味脆薯條 + 熱鴛鴦。蒜香牛油厚多士:  蒜香味好濃，好夠蒜，牛油令蒜香好出，多士烘得好脆，好香口。香烤雞扒包配滋味脆薯條:  麵包烤過，好似澳門豬排包果種，好香脆。雞扒就無乜特別，麵包同雞扒中間冇加任何汁醬，令到成個包好失色。如果落下啲牛油或者蛋黃醬，相信會更加好味。至於滋味脆薯條就超好味 ，薯條好脆，完全唔係麥當勞果種，似薯條沾了炸粉o既鬆脆，反而我覺得香脆程度更勝過麥當勞o既薯條。熱奶茶同熱鴛鴦味道都係正常，冇乜特別。以環境同價錢黎講，意樂算唔錯，連鎖快餐店都好難有呢啲o既質素，值得再度 encore。

開咗都有一年，開頭巳經知人手唔夠，但見嘢食都OK價錢又唔貴响呢區，所以間唔中都會去食。但今次之後，以後都會blacklist 佢，以後唔會再去。叫咗三個餐，唔使5分鐘意粉和三杯飲品已到。其中兩杯是熱朱古力，飲咗兩啖發覺面頭有兩粒黑色野，開頭以為是朱古力粉未溶，但後來証實係兩隻蚊滋。叫咗人嚟話要換走兩杯嘢，正想影底佢，個女侍應就即刻收走有兩隻蚊滋的紙巾，話要比廚房睇，如果唔係唔換比我。之後發覺餐具兜得一支义，咁就話比侍應知無义，跟住換咗返嚟，放底話得一支义就走開咗，咁即係點，三個人用兩支义？之後另一碟意粉和雞亦都到咗。咁又再叫多次侍應話，重欠一支义，今次呢個侍應就收走個餐具兜，跟住就冇返轉頭啦！再等多一陣約二分鐘，再叫返同一個侍應話比佢聽冇义用，咁先比返多一支义我們。當我們差不多吃完意粉和雞翼，當時約入坐後30分鐘，就叫咗剛才幫我們落單的哥哥仔話俾佢聽個魚柳薯條仲未到，佢跟住攞咗我哋個張單，以為佢會緊。跟住又再等，等多10分鐘都未有，再問個哥哥仔，個哥哥仔就如夢初醒，跟住先話幫比我聽整緊啦！再等大約7分鐘，離入坐計已經47分鐘；忍唔住，叫剛才換嘢飲的女侍應比番張單我，我話要取消個餐，佢話

見餐牌價格合理,便和媽媽決定試這一間餐廳。環境都不錯，仲有賣調味料。跟餐送湯或者飲品，我和媽媽都選了湯，我要羅宋湯，她就要粟米忌廉湯。先講羅送湯，我覺得味道偏辣，但幾惹味，配料也多，幾好飲，開胃。媽媽點的忌廉湯，味道有點似罐頭金寶忌廉湯，不過就幾多磨菇同栗米，都ok。跟餐加9元叫了碟柚子芝麻蜜糖雞翼。甜甜地幾香口，煎得夠香，幾好食。我點左和風豚肉讚岐烏冬，烏冬彈口，幾滑，豚肉是一片片很簿的那種，不會很軔，幾有肉味，不過略嫌太油，下次再叫我可能叫少油。媽媽點的套餐送蒜蓉多士，蒜蓉味幾香，唔錯。媽媽點的是意大利蕃茄濃湯天使麵（自選雙併），她選了餐肉和煎焗流心蛋。 她說蕃茄湯底幾濃，真的有放蕃茄，天使麵幾滑，餐肉煎得香，不過隻煎焗流心蛋沒什麼特別，和普通煎蛋差不多。最後埋單只是116，唔洗加一，認真抵食。雖然味道唔算話非常好，但勝在價錢經濟。值得一提，它上菜速度幾快，值得一讚。