意樂餐廳 (逢源大廈)

營業中

休息中

個飯一打開係臭味🤮點左依個帆立貝海鮮飯乜乜乜.... 同樓上點同一個飯嘅食客食評一樣，依個飯係怪怪地... 陣臭味嚟自隻貝殼類海產，成個飯得一粒熟到咬唔開嘅帶子，同個飯名扯唔上咩關係！似食緊茄汁洗海鮮水珍珠米飯🤮🤮🤮🤮🤮🤮... 還是，熱辣辣雞翼達左係凍奶茶鴛鴦到，直情雙重口感！熱嘅變左凍，凍嘅變左暖奶水.. 另外有叫炒鰻魚飯... 但騎呢搭埋啲京蔥去炒，暖左又係好腥好腥（我平時好喜愛食魚、蒸鱔、鰻魚等等唔係啲少少腥就嘈嘅人！）永不錄用☠️🙀（埋單唔平喎，可以揀第二間）

又黎到星期日，疫情下都盡量唔想出街（其實係懶），就點左屋企人出去買外賣俾我食😂。今次去左呢間意樂餐廳，餐廳係正巴士站前方，係度等巴士都會見到意樂坐滿人食午餐，有時仲會要等位添～ 食物選擇非常豐富，有卡邦尼意粉、意大利飯、和風咖哩同日式炒飯等等，價錢都相宜。今次我就揀左個慢煮秘製咖哩牛腩配珍珠飯。 =========================慢煮秘製咖哩牛腩配珍珠飯 $58 外賣自取都好快有得拎，餐廳用左二合一外賣碗，令咖哩汁同飯分開兩層，避免沾到白飯，抵讚！ 咖哩非常香辣惹味，唔似日式餐廳果種甜咖哩，配上珍珠米簡直絕配！慢煮牛腩夠淋身又吸收到咖哩嘅香味，加埋咖哩牛腩必配嘅薯仔，一流！餐飲叫左凍檸茶，唔係用鮮檸檬不過都夠酸中和到口腔嘅辣味 下次一定要試埋意樂嘅和風意式美食！意樂餐廳 (逢源大廈)📍 筲箕灣筲箕灣道388-414號逢源大廈地下F號舖

不嬲都好滿意意樂既早餐好有份量套餐可以揀豬扒🐷/雞扒🐔/魚柳🐟配腸仔/午餐肉/炒蛋/溫泉蛋🥚配蒜蓉包多士 薯蓉 生菜🍞🥔🥬蒜蓉包好好食咖啡係即磨咖啡☕️

📍#意樂餐廳📍Cafe de Itamomo #itamomo.🇭🇰 香港筲箕灣筲箕灣道388-414號逢源大廈地下F號舖🇭🇰Shop F, G/F, Fung Yuen Building, 388-414 Shau Kei Wan Road, Shau Kei Wan, HK.🌐筲箕灣 🌐將軍澳 🌐沙田 🌐美孚 🌐粉嶺 🌐長沙灣 🌐大角咀 🌐屯門 🌐荃灣 🌐彩虹 🌐黃大仙 🌐天水圍 🌐青衣 🌐東涌 🌐馬安山 🌐薄扶林 🌐九龍城 🌐香港仔 🌐元朗 🌐葵涌.#MFJ筲箕灣 #MFJ港式#MFJ_ShauKeiWan #MFJ_HKFood .人均消費: HK39.味道: 👅👅👅👅賣相: 👀👀👀👀價格: 💰💰💰💰💰環境: 🌹🌹🌹服務: 👨🏻👨🏻性價比: ⭐️⭐️⭐️⭐️⭐️回頭率: 🔆🔆🔆🔆.HKD35一個下午茶餐真係去邊揾？仲要係唔差喎🥴🥴🥴.⭐️脆炸魚柳拼盤🐟HKD35炸魚柳一大塊加薯條加沙律！炸魚柳好好果啊！熱辣辣又香口，蘸千島醬又幾好味😋又薯條又沙律，份量都幾多下✨.⭐️氹仔豬扒包🍔HKD35豬扒包醒薯條！個包超脆喎，彈到四圍都係😂豬扒煎得唔錯，配千島醬唔錯！雖然唔係澳門豬扒包嘅味，個實在性價比

今日又嚟咗呢間筲箕灣意樂餐廳幫襯，上次見到人哋點一個蛋包飯覺得賣相非常好，所以今日就嚟試吓！點了雞扒蛋蓋飯加上他們的王牌蒜蓉汁，上枱賣相非常吸引份量又夠大，雞扒做得好香脆甘香，感覺好似有焗過，唔油膩，食落好健康，蓋飯的滑蛋都好香滑有蛋香，用料不錯，有牛油香，煎得好嫩滑，王牌蒜蓉汁味道非常之濃烈，對於小食蒜味的人，可能覺得有啲嗆口！另外點了帆立貝海鮮龍蝦汁意大利飯，意大利飯適合本地人口味口感不會太硬，龍蝦醬汁味道香濃，海鮮只有蜆仔魷魚及半隻蝦（？），飯裏面有乾蔥碎，飯入口海鮮味好濃，奇怪地有點蝦乾蝦膏的海味味道！套餐可以加錢配雞翼或者沙律，點了他們的䄂子蜜味芝麻烤雞翼，可惜上枱雞翼是油炸的，只在面淋上䄂子醬，感覺有點貨不對辦。套餐配袖子茶非常不錯，係紅茶裏面再加柚子，有茶香又有袖子的甜，而且柚子醬落得非常重手，值得一讚！

下晝去咗怡樂食午餐，都好耐冇再嚟幫襯，今日發覺佢食物種類多咗。今日叫了一個芝士焗咖喱雞飯，上枱賣相唔錯有一個木盤加上沙津茶，可以中和一下咖喱的辣味。此雞是慢煮的，不過口感只算正常，不算非常柔嫩，吃不出慢煮的效果，上枱看不見芝士在面感覺同彩圖爭少少，咖喱味非常香濃有香料的辛香，不過辣味彼重，我都食到滿頭大汗，配飯是珍珠米，所以入口有種日式的感覺。單點加$10半價可以有一杯冷壓而成的檸檬茶，會有檸檬的纖維和果肉在茶裏面，真係幾細心。日式燒汁牛肉丼飯牛肉，入口非常嫩滑，味道簡單來說有啲似吉野家，不過燒汁的味道會濃一點，可惜上枱的蛋不是溫泉蛋，如果可以混合蛋汁與牛肉同吃，一定會更好吃。跟餐的熱柚子茶和一般柚子茶不一樣，真係有紅茶加上柚子在內，有茶香再加上柚子的甜都算不錯。店內裝修簡單帶工業風，服務員尚算細心，此價錢午餐來説尚算公道，幾抵食！

位於筲箕灣道的意樂餐廳開張多年，只幫襯過一次，沒有什麼印像，今天中午再光顧，感覺新鮮。我哋兩個人，點了日式燒汁牛肉丼飯及芝士焗咖喱雞飯。牛肉丼飯是套餐已包含一杯免費飲品，而咖喱飯則另加$10都已經有一杯凍檸茶👍其實牛肉丼飯的味道跟吉野家十分相近，算是合格，但就沒有什麼驚喜，以價錢來說還包括飲品可以接受。咖喱雞飯上枱時發覺好像沒有芝士焗的，但咖喱味相比日式咖喱算比較濃，辣味適中，還包含連皮的薯仔，而雞肉已經全部去骨，煮得算是入味，整體較牛肉丼出色。但午餐的選擇比較少，本來今天想食意粉，但只有卡邦尼，最後反而沒有點。

今日中午冇食飯，到咗晏晝兩點落街買下午茶，見到樓下間意樂有九折就叫咗呢個豬扒包套餐🥰🥰🥰🥰🥰🥰🥰🥰👍👍👍👍👍$31 抵到爆豬扒包塊扒多汁，千島醬又好味，菜又新鮮，一個字講晒，就係正😃😃😃😃😃😃薯條新鮮，又脆，係太大條要提一提係凍檸茶，少甜少冰，個茶底夠清，甜度剛剛好，夏天飲剛剛好👍👍👍👍👍👍👍下次要再幫襯～～呢個時候食肆生意難做，好野要多推介🥰🥰🥰🥰🥰

本來想食個下午茶，叫左個雞扒包，但系就話冇雞供應。野食野飲一般般。但系個重點就系，點解個衛生情況可以咁差，雖然都知系出面食唔會乾淨得去邊，但系食下飯個曱甴光明正大系張檯到就真系接受唔到。

今日好想食份西多士做下午茶，意樂既下午茶我就一直都未食過既，咁岩黎到筲箕灣，依到又有間意樂，又見佢無人排隊，所以就諗都唔洗諗入左去。依間意樂我就第一次黎，環境都算唔錯，係暗左少少。伙記數目都唔多，樓面得兩個人，可能係下午茶鐘數所以咁少伙記啦，如果lunch都係咁既人數應該幾唔得閒。咁佢地見到我都好快過黎幫我落單既，咁都唔錯。咁我就叫左個下午茶既粗粒花生醬厚切西多士配英倫糖漿，個size都算唔錯，唔會太細，下午茶黎講岩岩好。未切開就見到佢金黃色，就知佢係岩岩新鮮炸出黎！咁落左糖漿，搽左牛油，一切就見到入面有好多粗粒花生醬，放埋入口，甜得黎又有少少咸香！糖漿就夠甜既，唔會係好假既甜，花生醬就略帶咸香，就加埋本身岩岩炸起既西多夠哂脆，真係好好食！最後跟餐加左杯凍檸茶走甜，冰唔太多，杯野岩岩好可以解一解膩！依個下午茶好滿足呀！

今日行完山有點肚餓了，回到筲箕灣落車時見到，意樂餐廳，於是就入去食晚餐，看見餐牌有扒鋸，於是在看看餐牌價錢，嘩點解會咁平只需一百蚊，就有一個牛扒餐，原來佢每日有一款特價嘢食，今日真是好彩了，碰到牛扒做特價，我就叫了一個鐵板黑椒牛扒餐，我先生就叫了一個牛肝菌 牛扒餐，你唔如以為100蚊一個牛扒餐會很少，原來好大件牛扒，牛扒整得非常之好食，還可以半價叫特色飲品，我就叫咗一個抹茶紅豆冰，我先生就叫咗一杯好立克，抹茶紅豆冰非常好飲，紅豆又夠多，真是沒有諗過咁好彩，食到咁平嘅牛扒，下次一定要再嚟食。

行完山攰攰哋就諗住近近哋來到這間嘗試下食牛扒啦西餐 ， 這間餐廳都幾有歐陸風格㗎。 睇睇餐牌原來佢每一天都有一款特價嘅食品估唔到一百蚊可以食到鐵板牛扒餐。 捧著試試的心態就叫了一份黑椒牛扒餐， 我老公就叫咗一個牛肝菌牛扒餐。 鐵板一嚟香噴噴撲鼻，令人垂涎欲滴。 還可以半價叫一個飲品， 飲品都很有特色，我叫了一杯抹茶紅豆冰， 先生就叫了一杯檸茶。 紅豆冰好多豆和抹茶配搭恰到好處。 結帳都係107蚊超級抵食，我諗係全香港最平的了，還沒有加一。 下次一定會再回來幫襯。

疫情之下，这质量能维持生意？能认真少少吗？这鸡扒包，得罪你了？你要这么对它？它吃你家饭了？烘得这么黑？那位厨房师傅烘的，站出来把它吃了。食品质量跟一跟，不要食物做得那么随便，请认真对待每一个食客。谢谢！

幫襯了意樂很多次，一直以為已寫食評，今天查看記錄才知未寫，上OpenRice原來才發現意樂是很大的連鎖餐廳。..因疫情關係，枱與枱之間有加隔板，我喜歡他們的隔板，首先多色彩，令人心情都愉快些，第二是有內容提點大家要守的規矩，第三是夠大塊，真正起到隔離作用，不像很多其他餐廳只是象徵式的加塊板。..下午茶餐選擇多，足有4版😊價錢經濟，二十幾蚊 (連餐飲) 都有。有飽類如🐷扒飽、西多士、雞翼、意粉、飯等。..下午茶餐牌:晚餐及正餐也有鋸扒，餐牌也有好幾版: 自選雙拼意大利濃湯扁意粉 (鮮野菌及煎熟蛋) 下午茶餐 $31 ⭐️⭐️⭐️⭐️家人叫了的是熟蛋，其實意樂標榜他們的煎焗流心蛋，不過家人想安全些便要熟蛋。.剛好今天好像有少少失準，平時的蕃茄湯比較濃，上次還有片南瓜🎃。味道還是不錯的。..b] 蛋黃煙肉卡邦尼長通粉下午茶餐 $39 ⭐️⭐️⭐️這個一看便知不是正宗的卡邦尼，如果整得好味的話其實都無所謂，不過這碟我覺得好像淡口無落鹽，我加了少許胡椒粉調還是可以的，反正少鹽一點也健康些。不過我都是只給3分。我喜歡夠汁。要了熱華田，現在改善了，以前覺得似有少少華田色的糖加水，現在是正常的，欣賞意樂的改善👍

去完龍脊行山🥳攰攰地想食返個下午茶補充下能量。今次我哋叫咗鴨胸炒天使麵和烤雞茄子忌廉焗飯。上碟賣相都不錯，份量頗多。炒天使麵用咗茄汁炒，醬汁入味。茄子和忌廉的味道幾夾。...🏠意樂餐廳 (筲箕灣)筲箕灣筲箕灣道388-414號逢源大廈地下F號舖