意樂餐廳 (寶熙苑商場)

營業中

休息中

40蚊一個餐白汗雞絲佢俾得兩條雞絲駛唔駛咁少佢如果係就黎完早餐時間唔夠餸佢可以叫我轉其他而唔係俾兩絲皮嘅雞絲我愈食愈嬲不如改名白汗素菇天使麵，食完根本唔飽希望好好正視問題

今日第二次叫外賣外賣平台，蒜蓉多士好味，够入味，味道濃郁。黑松露蛋都唔錯，好大舊，而且有驚喜嘅係有薯蓉&蔬菜沙律（餐單冇提及）凍華田都唔錯。以為唔會再漏餐具，點知都係咁，唉。

平時叫開外賣自取，方便，去到有得拎，雖然成日奶茶會瀉，但係都接受到。不過尼次真係好過分，佢哋外賣紙（熱敏紙）唔記得拎走，擺左入食物度，當我打開果陣，見到張紙我已經呆左一下，唸住無嘢嘅，餐廳都有咁啦…但係當我拎張紙出黎見到啲紙無曬，我就唔咁食了🥲反胃🤢

今天跟朋友吃飯，點了一個午餐和一個下午茶餐，午餐是牛扒配雜菜和飯，份量都0K，有餐湯和一杯熟柚子茶。而下午茶餐就有厚多士和雞扒公仔麵(湯味比較濃)，及一杯凍檸檬茶。這間餐廳的食物質素都幾好，座位舒適，環境唔錯。

當日忘記落單叫杯茶走，叫侍應提供煉奶，佢見我落完之後，這位侍應好不禮貌兼大聲要收費2蚊，她的態度給我嚇一跳，此2蚊不是本人付不起問題，商品說明條例，如果係要收費，應該係事先聲明，由我決定加定唔加，不是事後才要收費，侍應原來可以濫收費用，這樣未免太不合理，當然最後是沒有收取，侍應當左自己係老闆上身，但係我相信老闆一定會這樣對待客人，請這位侍應檢討吓服務態度，不是這樣對待客人，希望有關負責該公司領導人，好好教導下前線服務人員應有基本態度同禮貌。

長沙灣真係唔係一個揾食嘅好地方，因食肆唔多路過尼間餐廳！見幾企里而且五點幾仲有茶餐食便入去試吓門面比起一般茶餐廳乾淨！我哋叫咗兩個茶餐～烤豬扒焗珍珠飯（$40）及自選雙拼意大利蕃茄濃湯長通粉（$34）！焗飯味道幾好，猪扒都香不過份量較少！而蕃茄濃湯長通粉，個湯偏酸！味道麻麻哋如果想Hea座尼渡會係個幾好嘅選擇

看電視旅遊節目，Amanda S. 遊英倫，其中１節在倫敦吃 fish and chips，看完就想吃！受COVID-19 第３波疫情影響，差不多２個月沒有出外吃下午茶，今次發現意樂餐廳，下午茶推出新品：千島吉列脆魚柳，立即點了１份試試！#千島吉列脆魚柳，可選配沙律或薯條，我覺得炸魚配薯條是個經典組合，但 今次 我選錯了！炸薯條又凍又硬！不好吃！吉列脆魚柳挺好吃！脆槳薄身、夠脆，魚肉白雪雪，配千島醬，好合拍！#即磨咖啡，意樂的咖啡好喝！每次來必點！

今日跑完步又去左我的最愛「意樂」食早餐，呢間又平又好食！🍅鮮野菌蕃茄濃湯通粉 $27 + $3 蒜蓉多士野菌好新鮮，炒得好好味，配上蕃茄濃湯底，蒜蓉多士又夠熱，簡直一流，早餐唔使一定要食肉嘅，都可以好好味！無糖麥皮加配流心蛋多士 $25 呢個簡直係健康之選，要讚一讚多士, 有芝士同流心蛋同多士一齊焗，成個層次即刻升華左，估唔到係普通一個茶餐廳都食到，仲要$30 都唔使，抵食！ 意樂嘅早餐就食得多，下次試下佢個lunch 先 😋😋

有人晏晝去咗呢一度食午餐，嗌咗份卡邦尼意粉，加兩件水牛城雞翼，飲凍柚子茶。想講個卡邦尼意粉完全冇味，搞到我要係咁落鹽同胡椒粉去調味，啲汁勁水，完全冇心機煮。個水牛城雞翼其實只不過係炸雞翼，之後林小小酸辣汁，完全唔入味，淨係得皮上面啲汁係水遊城味。杯柚子茶仲好笑，勁多檸檬核，差唔多每三啖就有有一粒，最慘係杯野係苦㗎。雖然我對啲嘢食好失望，不過啲侍應服務態度係幾好嘅，同埋環境都幾好，坐窗邊望街景坐得好舒服😌

因為餐廳係屋企附近，而且環境坐位都算舒適，所以都算是我喜愛飯堂其中一間。 食物唔算貴，但質素唔錯。 我特別喜歡 安格斯牛 個套餐，黑松露蘑菇湯勁好飲。 而我老公就喜歡佢地既牛腩飯， 夠晒淋。 不過餐飲唔包， 要另外加錢。

今日運動日，所以早點食個豐富的早餐，來到這間餐廳環境舒適燈光柔和非常之適合食一個寫意的早餐，今日我點了一個燒雞扒香腸流心蛋加多士的早餐，這個雞扒燒烤到外脆內肉質嫩滑還有這個流心 蛋光半熟非常好味仲有一杯提神的鴛鴦茶這個早餐令我精神百倍。

同朋友係附近行街行到有啲餓，想食少少野，咁岩見到呢間意樂就入左去試下。一坐低睇menu最吸睛就係鋸扒，百幾蚊左右價錢合理，但因為夜啲又要食飯，所以決定叫小食！叫左柚子蜜烤雞翼，肉醬芝士薯條，一杯綠茶鮮奶紅豆冰，一杯紅豆冰，之後再追加田螺焗薯蓉。柚子蜜雞翼一份有四隻，雞翼上有柚子蜜，味道又甜又鹹，雞翼皮夠脆肉醬芝士薯條一大碟，芝士同肉醬佈滿薯條既上面，份量滿意兩杯飲品有好多紅豆，紅豆唔會硬，甜度適中。下次再有機會一定要試下鋸扒先！

位於長沙灣的餐廳，前身是家興超級巿場，毗鄰李鄭屋漢墓公園及古墓。餐廰濶落多枱，有不少卡座。環境陰暗卻有點格調。下午茶時段客人頗多。大概是食物抵食、質素也不錯之故。從前吃過這裡的豬扒飽，覺得豬扒太薄，還是喜歡雞扒飽多一點。雞扒大件夾抵食。更重要是質素不錯。鷄扒是即煎的，既熱又稔又不乾。好味！兩片麵飽外脆內暖的，且塗了一點牛油，好味！不過，偶然會失水準，烘燶了麵飽！配沙律菜夠健康，份量多！有粟米粒、生菜、紫生菜，米色醬汁。配薯條也好，脆脆的、油不多。

今日兩點收工去左長沙灣探親友。順便同親友high個tea，食個飯吹下水。 親友話呢間茶記下午茶好抵食，仲要係街坊聚腳嘅好地方，我諗野食應該都唔錯我地一同四人每人嗌左一個餐，是關小妹我未食午餐，所以我嗌左個長通粉頂頂肚每個茶餐價錢由22到30幾蚊不等，凍飲加3蚊，算係抵食。頭炮！下午茶嘅長通粉絕對唔係得嗰幾條hea 人，份量都夠一個女仔食。呑拿魚好多，芝士亦都好多，正呀 最重要係佢地真係會焗個pasta！好有心機！對於小妹黎講，呢間嘅炸魚薯條唔係我飛弗薯條好大浸油溢味，千島醬好一般。不過條魚有用香草醃過，無雪藏味，唔錯小妹真係好中意食野每樣都有試過下㗎。呢個抹茶練奶西多幾正，西多唔太油，抹茶練奶幾特別，唔係好甜，幾啱我Last but not least，奶醬多茶餐廳抵食，人均20-35$品質唔錯，始終咁上下價錢，有咁上下份量嘅下午茶係好難喺香港搵到㗎啦

餐廳寬落，裝修不錯，雖然菜式是和大部分茶餐廳類似，但勝在環境好，而且食物素質不錯。和媽媽11點左右人不多，早餐很快上菜，牛油厚多士大份，面頭有小量蒜頭同香草，麵包底夠脆！！！呢度既火腿米粉比其他餐廳多左d菜絲，而且都算大碗！雞排早餐配有自選的2款，我揀左餐肉同流心蛋，主角雞排都唔錯！尚算嫩滑，而且醬汁岩岩好。呢份早餐有跟牛油玉米同牛油厚多士，大大份，當個早lunch都不錯！抵食！