影片
以上資料只供參考, 請與餐廳確認詳情
咁岩今日媽咪生日，我就請媽咪去意粉屋食野，做下孝順仔。今次一開始就叫左個酥皮周打湯，個酥皮幾鬆脆，成個湯都好濃。我平時飲酥皮湯就鐘意食左個酥皮先，一不個下D酥皮跌到成枱都係。大家食個時都要小心D。之後我地仲叫左個菠菜三文魚闊條麵，三文魚有D少，但個意粉都煮得OK冧，唔算太硬。D菠菜都煮得好冧，好好食。餐廳環境都係無咩點變，價錢對於作為學生既我都唔算太過份既。下年媽咪生日再帶佢去其它地方食野先。
繼續閱讀
用餐時忘記影相，昨天已是一個月內第二次在這間分店用餐，我不經不覺食左意粉屋已有十年，早年多在銅鑼灣翡翠明珠食多，個陣覺得意粉屋d食物質素好好，洋蔥圈又炸得美味焗西蘭花又清新，炸雞又脆又靚，一路見証意粉屋成長，但每況愈下，亦試過在太古城分店食到一肚氣，價錢不斷上脹唔緊要，起碼比返同等價值及質素既食材比顧客嘛，我試過70幾蚊食貝殼粉得20幾粒，連碟底都睇到，我當時向經理投訴，他只回應每碟都有set好份量，係咁多，氣上心頭，我漸漸疏離呢間餐廳，亦曾試過其他分店，已不能重拾當年意粉屋既姿味，就是早個多月前，有同事講開，W square間意粉屋讚口不絕，重同我講只有呢間同其他分店唔同，我知道W square呢間分店開業多年，但從未試過，可能位置問題，結果早大約一個月前，我便和老公去試，我們選擇平日晚上，上到去，服務因勤，人流真的唔多，但正因為咁，覺得自己去左間高級餐廳😜 我同老公食過一次，就已鎖定以後只會去呢間分店，因為同一個menu比，比起其分店，品質及服務都有咁大差別，大家都識揀，pizza又薄又脆，熱辣辣上枱，連湯都辣咀，燒豬肋排又淋又香，一試難忘，連個朱古力班戟都好好味，再配上環境加服務態度，簡直一流，希望呢間分店可繼續經營，唔會因為人流少而倒閉啦，香港已經無乜食店可以咁有熱誠！！！我必定推介此店給朋友(^_-)
繼續閱讀
幾個月前已經見到spaghetti house 既雙城牛肉芝士火窩promotion，琴日終於試左喇！先講價錢先，以份量黎講其實幾抵既，＄388 包頭盤smoked salmon 及西班牙風乾牛肉，個芝士火窩仲包埋9款配菜，有牛肉、魷魚、肉丸、法包、薯條、西蘭花等等，一對情侶share 多數都夠食架，唔駛加野都得。不過呢，係味道方面就差少少喇，首先芝士味一d 都唔濃，反而有好強既蒜蓉味，感覺上似食緊蒜蓉窩多d而且正宗既芝士火窩應該會有淡淡既酒香既不過呢度既芝士火窩一d 酒味都無......另外呢，呢個芝士窩係偏咸的，當食到中途，芝士窩不斷濃縮，就會變得好咸好濟，如果呢個時間先食果d 咸點，即係牛肉或肉丸就會變得更咸喇所以建議大家要先食咸點，將法包、西蘭花等等唔咸既配料留待最後，應該會好d總括黎講，呢家既芝士窩真係唔太正宗又唔太好味，以後都係只食佢既意粉好了...
繼續閱讀
繼續上一篇 如果是大班朋友一起來聚會除了芝士火鍋 意粉屋也同期推出了其他新款美味三款暖暖歐陸熱鍋系列自家製紅酒燴牛尾．花邊意大利粉 $158牛尾的醬汁鮮濃也入味 只是肉質稍有一些咬口主食配搭的是花邊意大利粉 也可選擇特色飯或者薯條(炸薯條沾牛尾醬好邪惡也好香…)還有法式牛肝菌忌廉燒汁燴烤雞．花邊意大利粉 $138平衡一下紅酒牛尾的濃香 烤雞嫩滑 牛肝菌鮮而爽 還擺了煙腩肉和珍珠洋蔥調味香蒜燒汁烤紐西蘭特級羊架墨魚汁飯 $178再來重量級的羊架七彩蔬菜滿滿當當 讓人眼前一亮羊架肉味濃 質感嫩 吸飽了醬汁更是滋味不過墨魚飯就相對普通 軟塌了一些 要迎合大小朋友的口味也並非易事最後壓軸的是兩款薄餅雙式牛肝菌POP UP Pizza $148混合了干牛肝菌和新鮮牛肝菌 愛吃菌類的可以大飽口福巴馬火腿+西班牙風乾牛肉POP UP Pizza $158兩款鮮味相當的主角混搭 沒有不好吃的道理難得的還有餅底 薄身而不塌 外層微微隆起 香脆又有滿口的麵粉香最後 在此謝謝何師奶的邀請 還有公關、餐廳經理以及總廚的悉心安排上述這些 都是我一個晚上和公關大員吃的….所以 已經好飽 飽到走不動了 只好就此把甜品環節放棄了
繼續閱讀
十月八日 (星期二)近日，於港鐵站，大家可有留意到意粉屋「芝士山下」的廣告?雖天氣仍不算十分涼快，但也好像在告訴我們，不經不覺，又將快踏入秋冬時節幼時，第一次認識芝士火鍋，便是在意粉屋原來打從1995年起，意粉屋便已開始有芝士火鍋供應，時至今日，已是十八年的光景這客雙城牛肉芝士火鍋套餐，附上兩款全新以牛為主題的前菜是西班牙風乾牛肉和澳洲特級牛肉據聞，特意加添這兩款前菜，是因為不想客人餓著等吃火鍋，的確體貼細心西班牙風乾牛肉拼蘇格蘭煙三文魚黑醋沙律來自西班牙西北部城市Astorga，吃起來咸香滿溢牛肉由於經過橡木煙薰過，所以更散發出獨特的肉香產自蘇格蘭的煙三文魚，厚薄適中入口豐腴肥美，配黑醋沙律同吃，十分清新怡人 更愛這款澳洲特級牛肉牛肉切成薄片，先夾一片即吃，味香而肉質軟腍更推介蘸芝士吃，肉香伴着芝士的奶香，味道層次更突出記着，時間掌握很重要，不要把牛肉放進芝士火鍋太久喔發覺今年意粉屋引入了法國鍋具品牌STAUB，據身邊熟悉煮食的朋友說，此品牌的質素不比LC遜色由於價錢不平宜，此鍋具會先在部份分店供應說起今年的芝士火鍋，除了吸引的兩款前菜，芝士火鍋所用的芝士也經詳細試驗最後選了其中四款混合而成，分別是意大利的Mozzarella,Parmesan，以及瑞士的Gruyere,Emmenthal當然，傳統的芝士火鍋，怎會沒有白酒的份兒，再加點香草便是配料方面，共有六款，分別有橄欖油槍香革槍魷魚 l 辣味燒烤肉腸 l 意式肉丸 l 西蘭花 l 香草白菌 l 螺絲粉此外，還有薯條及雙式麵包粒六巧碟以高高的鐵架盛著，甚有氣勢的當中，最令我倆吃得津津有味的，是螢光魷魚及烤肉腸過往吃的芝士火鍋也未曾試過配上魷魚的，這裡更用上成本高的螢光魷魚吃起來爽口鮮味，濃郁的芝士香也沒有遮蓋魷魚本身的鮮香另一款要推介的辣味燒烤肉腸，入口充滿彈性最初不感到辣，後來辣味慢慢散發出來，充滿層次又驚喜不得不讚的，是所用的芝士，味道與香草相配合，並加入白酒調味老實說，這個所謂的二人餐，足以令三至四個人吃飽飽!只$388，實在相宜若是三五知己同來的話，可點一客芝士火鍋，另再點其他意粉屋同時也推出以「Pasta Gallery」為題的歐陸熱鍋系列及首創的Pop Up Pizza三款歐陸熱鍋，是紅酒燴牛尾配花邊意大利粉 | 法式牛肝菌忌廉燒汁燴炸雞配花邊意大利粉 | 香蒜燒汁烤紐西蘭特級羊架墨魚汁飯架架仔仔一向喜歡燴牛尾，這道菜當然不可錯過牛尾炆得軟腍，牛肉吸了紅酒的精華芳香，餘韻甚長法式牛肝菌忌廉燒汁燴炸雞，汁底用以煙腩肉,牛肝菌,珍珠洋蔥等配料精製而成醬汁淋上嫰滑烤雞上，令本身常吃到的烤雞生色不少呢!作為女生，一聽到花邊意大利粉已滿心期待!原來這是店方獨家創新出品，是扁意粉，邊位帶曲身看起來有點像女孩子穿的花裙一樣，很有美感呢!意粉質地煙韌有嚼勁，配上香濃的紅酒汁底又或是忌廉燒汁也同樣好吃不過，要數最愛的，還是這款香蒜燒汁烤紐西蘭特級羊架墨魚汁飯羊架的肉質豐腴肥美，充滿油脂甘香一向愛吃飯，對這個墨魚汁飯也是愛不釋手墨汁份量恰到好處，不會過濃，吃着，是墨汁香加上原有飯香，味道平衡得宜首創的Pop Up Pizza，有兩款新口味雙式牛肝菌及巴馬火腿西班牙風乾牛肉薄餅薄餅做法是以寬麵粉加入了橄欖油，再用人手搓製，吃起來批邊香脆，薄餅底也挺鬆化的雙式牛肝菌，即是以乾牛肝菌及鮮牛肝菌再配以火箭菜製成兩款牛肝菌各有特色，整個感覺來得清新健康!另一款，是巴馬火腿西班牙風乾牛肉配以巴馬臣芝士及百里香用料豐富，想不到兩款肉款能如此配合，帶着咸香甜品方面，這裡的檸檬班戟值得一試清新的檸檬汁，十分怡人作為減了甜的甜品，也可令大家減一份膩滯感~
繼續閱讀