意粉屋 (中國海外大廈)

營業中

休息中

今日滿懐希望去試下午茶才供應而近期大熱的沙嗲牛肉煎蛋煲仔麪另外一個下午茶是一塊薄餅加兩隻雞中翼，但是性價比真的很低， 那塊薄餅， 真的可以和一塊軟曲奇餅比併，餅面上的饀料也很少，只得幾粒菠蘿和芝士，可能還有少量其他的東西，不過我只品嚐到菠蘿和芝士的味道，再加上2隻味道麻麻雞中翼， 叫價72元🙁 還有10%服務費至於服務，奇怪的是已經是很少客人， 但是不明白員工為什麼做到那麼不開心😒，口臉和行為都令人感覺差像這樣的飲食業的經驗，真的會令人卻步！

一上枱好多泡 可能太熱？試左下沙嗲湯底幾濃花生醬味 味道ok 但啲麵唔入味坐左15分鐘麵開始碎 要用匙羹撈如果快手食完應該無呢個問題btw $45包野飲 對得起個價錢姐姐都好nice

.用餐日期： 2023年12月 午餐《+15 磨菇忌廉湯配餐包》⭐️⭐️磨菇湯比想像中creamy，入口奶香味十足，麵包烘熱左，尚算鬆軟。《+15 西班牙白毛豬風乾火腿配蜜瓜》⭐️⭐️⭐️想不到+$15可以食到風乾火腿，即刻叫黎試試。蜜瓜相當甜，配以咸鮮味道既風乾火腿，$15呢個價錢可以一戰。《$95 夏威夷式板板薄餅》⭐️⭐️⭐️薄餅批底屬於薄脆款，食落就好似食緊烘熱左既厚身餅乾咁。餡料有激死意大利人既菠蘿同火腿😂 整體來說都算不錯。《$105 芝士香草磨菇汁焗魚柳菠菜伴薯蓉》⭐️⭐️⭐️⭐️魚柳肉唔會一督就散哂，底層波菜同芝士汁都好多，食落唔會覺得乾，薯蓉香滑，面頭芝士焗到焦脆，比我想像中更有驚喜。人均消費：$120環境：8/10食物：7.5/10服務：7.5/10性價比：8/10整體：7.5/10 #香港 #美食 #香港美食 #太子 #九龍 #foodie #食評 #finedining #掃街#灣仔 #灣仔美食 #意粉屋 #薄餅 #磨菇湯 #魚柳 #薯蓉 #芝士

個侍應好冇禮貌，我問佢啲分系咪要畀咗錢先可以有分，然之后佢大聲咁樣大隘話梗係要埋咗單先啦。 嗰啲焗意粉全部都焗到乾曬啲汁冇曬。 漢堡包嗰個包黑色燶曬，然之后嗰啲牛肉餅完全未熟，兼且唔夠肉汁,好乾。 用嗰隻千島醬汁同牛肉漢堡完全唔夾,冇特別醬汁唔值$98薯條分量完全係餐牌嗰幅相上面嘅三分, 一貨不對唔夠茄汁.  雪糕紫薯紅豆冰嗰啲紫薯淡得好犀利完全冇紫薯味,嗰啲紫薯的色素同埋水嘅味道. 淨係靠雪糕擺落去嗰啲奶溶咗變咗唔夠奶.  

这家位於灣仔的意粉店，绝对是一家非常值得体验的好店！首先，店内的环境设计非常简洁清新，给人一种非常温馨舒适的感觉，室内氛圍非常舒適，让人能够很好的放松身心。其次，意粉的味道简直是让人大呼过瘾。这里的各种意粉品种相当丰富，例如令人惊艳的带有浓郁海鲜味的海鲜意大利面，以及使用宝贵的黑鲍鱼製作的意大利黑鲍鱼酱汁意粉，口感非常健康美味，让人欲罢不能。值得一提的是，店家在烹饪食材上有着非常高的标准，每道菜品都是由经验丰富的厨师现场烹制，品質绝对是脱颖而出，而且服务员的态度也相当亲切和脸上常帶微笑，让人在享受美食的同时感受到温馨。最后，价格真的是非常实惠，在这样的高品质美食店，居然还能享用全新鲜的菜品，非常超值，是非常适合喜欢意食的粉丝前来品尝的好去处。總体而言，这家位於灣仔的意粉店是绝对是一家值得推荐的美食店，新鲜美味的意粉、友善的服务，再加上非常实惠的价格，非常值得前来一试，笔者给这家店的口碑給满分評价。

假日和友人逛灣仔，到了三點三，正要找餐廳食飯時，見到意粉屋廣告牌，於是上一樓惠顧餐廳環境夠光，不用和其他人同檯，有梳化座位，設計簡約，坐得舒服食物質素高，價錢不算貴，可能是週末關係，餐廳內顧客不多

做左會員好耐，仲有$100 coupon 所以去食，今期無套餐。職員話用QR code落單喎。我落左單後佢問我要唔要加個飲品，我話用個app 要加$68喎，佢話加$48就得，咁我就叫左杯紅酒……無辦法啦，我唯有叫左個燴美國牛肋骨配牛肝菌汁意大利飯，滿有希望的我一見到呢條牛肋骨，嘩，好大舊肥羔（如圖）。飯係好食但落左太多牛油。連埋杯紅酒、葡萄梳打、西柚、香橙、青檸，應該有4000卡路里。再講呢杯紅酒，感受唔到有西柚同青檸，只有香橙喺個杯。意粉屋、我今年唔會再續會員啦。食物質素咁差。

香港愈來愈多地方食芝士火鍋了之前食過瑞士餐廳嘅出品幾有水準芝士底有酒味但份量唔係好夠價錢都少少貴今次食返香港人口味餐廳雖然芝士火鍋唔正宗啦但真係好啱我食呀雖然頻頻發生漏單情況我加$20轉香草底又無轉西班牙炸油條又miss左不過價錢同味道搭救我都依然想返轉頭再食先講講芝士底完全係HK ppl鐘意嘅味濃同咸度適中嘢食都能夠掛汁配料方面麵包、蔬菜絕對係match但配炸雞翼同炸薯圈I am not so sure…因為整到個芝士汁稀左,多左油不過so far食落都仲接受到跟餐仲有salad, cold cut3個人食我覺得剛好

近日幾鍾意光顧嘅西餐廳，感覺餐牌內嘅選擇，比以前吸引得多，食物質素都非常唔錯！👍👍灣仔分店，地方夠大，星期日人流不多，的確好坐，店員非常親切 ！☕🌯✨ 酥皮海鮮湯😋 下午茶時段，加$15可以加配。熱辣辣，都有幾粒蜆肉，有隻蝦，酥皮鬆軟。整個湯味道正常發揮，都幾飽肚！🥰💖✨ 焗龍蝦汁海蝦意式飯😋 原隻海蝦，大大隻肉質爽彈，份量都好合理。配芝士、磨菇、番茄仔，龍蝦汁偏淡味，不過啱我口味！👍😋✨ 即磨咖啡😋 咖啡夠香，夠純！

二至三人經典套餐 $256會員85折後$217.6➖再扣$100券💰實付$117.6❗️✨忌廉芝士焗菠菜🌱菠菜已經焗到好淋冇咩纖維 好似唔使點咬咁份量唔太多 不過個白汁配埋菜都幾好食😬✨芝士肉醬薯條🍟外賣返屋企食既話記得要叫佢芝士肉醬同薯條分開上啊！如果唔係啲薯條會淋曬變左一pat野咁嫁🙈🙈（我之前中過伏……🤣）有一大兜芝士肉醬🍝自己煮啲意粉可以多個肉醬意粉食添啊🤫😂👍🏻✨黃金粟米魚柳飯🐟🌽有啲似白汁底 魚柳都幾大塊係偏大粒有咬口嘅米👍🏻都唔錯✨夏威夷式薄餅🍕🍍都好大個下😲係薄嘅餅底 我幾中意芝士同料唔算好多 不過不失☺️焗返熱會好食啲✨蘋果批伴雲呢拿雪糕🍎🍨用會員積分換的✔️✔️批皮的部份比較厚 都幾重玉桂味蘋果批入面都有幾多提子乾🍇所以食落都幾甜幾個人分享會比較好 比較飽肚既甜品😆依間都系入會做會員抵食好多👍🏻如果無會員性價比唔高 都吾會特登黎食🙈🙈如果對食物質素冇太大要求既話 其實都唔錯可以試試外賣都算快 10分鐘左右就齊晒😄味道：🌕🌕🌕🌘🌑環境：🌕🌕🌕🌗🌑服務：🌕🌕🌕🌕🌑價錢：🌕🌕🌕🌑🌑回頭率：🌕🌕🌕🌑🌑

意粉屋係一間性價比好高嘅餐廳。佢嘅食物好味，menu會每個星期轉，而且環境又舒服，特別係灣仔呢間分店。我個人嚟講，諗唔到食咩就會嚟呢間餐廳🤭芝士焗香草烤雞蘋果醬意式飯 $113 呢個飯無論味道定份量都對得住價錢。啲芝士同蘋果醬汁又濃又多，而且唔會好鹹，配埋啲黃薑飯👍🏻👍🏻午餐係set menu，會配埋飲品。啲飲品大大杯，好啱坐喺餐廳到慢慢飲☺️我仲加咗$15要2件煙三文魚醬脆多士，令到今個午餐更加滿足😝

坐位寬敞、舒適，仲有下午茶set，就叫左個飯，d汁好入味，亦好creamy，其中有個甜品係朱古力棉花糖pizza，好脆好薄好好食，上面仲有球雪糕，令成餐飯完美結束

講起食麵就諗起意粉屋嘅意粉🤤，今日心血來潮就去咗食😋。.今次揀左經典肉醬系列，芝士焗肉醬千層闊麵🍝、芝士肉醬螺絲粉🧀同鮮忌廉芝士焗菠菜🥬。.🍝芝士焗肉醬千層闊麵經典肉醬選用升級食材➕優質牛肉🐮，再配埋秘製香料慢火熬煮而成，所以🐮牛味特別濃郁，肉質保持嫩滑，口感味道平均👍。🧀芝士肉醬螺絲粉入面番茄味濃郁🍅，酸酸甜甜，原來係選用🇮🇹意大利番茄，難得食落咁有番茄鮮味😋。🥬鮮忌廉芝士焗菠菜芝士多到可以拉絲，芝士迷真係大滿足😆。.好味指數：😋😋😋😋4/5推介指數：😋😋😋😋😋5/5抵食指數：😋😋😋😋4/5.🍽 The Spaghetti House📍中國海外大廈1樓B舖

以前薄餅只係一種派對食物，唔會好似而家咁家常便飯，兩大薄餅店”意粉屋”同”Pizza Hxx”一直都係競爭對手，而”意粉屋”價錢略貴一點，但味道亦略勝一籌。N年後嘅今日，3人餐只需$175，真係平到笑，無唔試嘅理由。🍕2-3人套餐 $268 (包頭盤x2 + 主食x2)————————————————————🍴頭盤·鮮忌廉芝士焗菠菜⭐️⭐️⭐️⭐️頭盤5揀2，忌廉芝士菠菜個汁好creamy，雖然感覺有啲膩，但3個人食份量剛好，菠菜鮮嫩無渣又唔會過腍🍴頭盤．星星薯餅⭐️⭐️⭐️估唔到有一大盒，細細粒容易食，不過好快凍晒變腍，要用焗爐焗熱返🍴主食．夏威夷式薄餅⭐️⭐️⭐️⭐️雖然材料簡單只得菠籮、煙肉同芝士，但薄餅焗得香脆得嚟有口感，尺寸起碼有10吋兼且多料，媽咪話佢最鍾意食呢度個pizza，仲吞咗兩件咁多🍴主食．鮮雜菌香草醬扁意大利粉⭐️⭐️⭐️⭐️意粉爽彈，炒得唔會太乾，每啖都食到雜菌同茄醬，好好味又唔會太膩三人共消費：$175 (外賣平台自取)

朱古力火鍋就食過，芝士火鍋第一次。同事係member 兼有coupon 叫我同另一個同事去食🫕好邪惡呀！😈原來要前一日訂架個鍋！去到就叫埋啲配菜。叫左個特級黃金芝士火鍋餐👍對比下回同實物先😲都好豐盛同唔會差太遠用隻細叉卷住黎吉，再點芝士點麵包粒食，真係好好食。海鮮都好配！海鮮係熟，放落去一陣就食得。最鐘意個蝦，同芝士好夾。係個肉波差啲，會散。唔夠仲可以加錢要其他配料但我地3個都好夠皮啦，越食會越漏。但真係抵食。$498，member 85折，仲扣埋100蚊coupon 每人124乍。開心嘅火鍋體驗😆但下次唔好lunch 食，太趕時間啦！