意粉屋 (已結業)

沙律很好味，沙律醬混入薯蓉，感覺無咁水。份量亦不小！面的那塊煙三文魚亦很大塊、好味！小小的咸香味，沒有灰啡色魚皮位那些腥！very good！Pizza用料雖然普通，但醬底一流！加上細細個~不會過飽！肚子還有位置放稍後更好味的...............就是這個「龍蝦汁海鮮墨魚汁飯」超正！我第一次食，初頭唔敢食，因為覺得會唔好味！D飯黑蚊蚊~ 點知試一啖後！愛上了！停唔到口！D飯仲要煙煙un un！yummy~~~~~~~~~~ 極力推介呀！！！！！

今日早左放工, 所以去左荃灣那邊接男友放工,順便食埋飯... 男友心情唔好哩.. 哈哈, 所以我今日請客啊 ^^ 其實我都唔知荃灣有o羊好食, 印象中好似冇o羊好食, 所以都係安全d, 去左Spaghetti House...點都唔會難食得去邊嘛.. 呵呵~~~ 今晚我地叫左個$268 set, 包括:2個龍蝦湯 <-- 都唔好飲既......一d都唔濃.. 似普通海鮮湯多d1個香芒雞肉pizza (咖哩汁) <-- 呢個反而ok窩, 幾特別1個意大利雲吞ravioli (黑松露汁窩佢話.....) <-- 一d都唔好味....2杯野飲....... 男友加了$11換左杯特飲....我另外+$20 點了一個朱古力熔岩雪糕.... <-- um..... 我覺得個雪糕最好食囉.....

老公怕我肚餓....早早已來了吃下午茶餐, 我叫了個雞扒香草肉醬天使湯麵, 老公叫了龍蝦酥皮湯套餐- 湯, 肉醬意粉! 雞扒都幾油, 唔食層皮都好油, 不過, 個湯麵清清地唔錯, 老公既肉醬意粉一般, 呢度既餐茶選擇甚少...只有咖啡/茶/檸水/檸茶, TOO bad! 地方坐得舒服, 但下午茶餐就唔太出色! 唯一一個熱食甜品係朱古力熔岩配雪糕, 無雪糕, 唔緊要反正唔食得, 原來唔係warm chocolate, 只係暖朱古力蛋糕, 淋上朱古力醬, 太甜, 有少少怪味, 麻麻!

覺呢間燈光較為暗, 啱拖友多D!員工服務好好, 最LIKE 會問人要凍水or熱水?隔離枱答要茶都做得到!又會主動幫客人套住d外套!是日食物維持水準!

夜晚一班舊朋友聚會貪方便黎左呢度點左兩個2人SET加小食拼盤龍蝦湯好味但配料較少拿玻里意粉份量足但較漏香芒雞柳PIZZA幾好味雖然點左厚底但邊位脆脆地口感幾好豬肋骨份量大又好味龍蝦汁墨魚麵味道好唔太漏但份量少追加既小食拼盤其中有個炸紫菜卷本住試試下既心態食估唔到又幾好食唔漏又特別服務就差D每個菜都等左成三個字先上足足食左兩個鐘先食完

10人行一星期前訂了位25/12來這裡一年一次齊齊整整食聖誕大餐只可選擇xmas menu上的食物order了2個2人套餐(SOUP X 4 + MAIN COURSES X 4 + DRINKS X 4)再加幾樣食物最後有點不夠食1. 黑松露菌、三文魚湯- 和一般忌廉湯沒分別- 7分2. 火樹銀花拼盤(醬燒豬仔骨, 南方炸雞翼, 特色春卷, 豬肉腸, 薯角)- 好好味- 春卷剛炸起很熱很脆!- 8分3. 蝦、煙三文魚鮮果沙律- 蝦同煙三文魚都十分新鮮- 鮮果沙律亦不錯- 8分4. 醬燒豬仔骨- 好好味呀雖然不太夠熱- 8.5分5. 黑松露菌汁、火雞闊麵- 一般火雞有些鞋- 只有幾片闊麵(是巨型闊麵來的像lasagne)- 6分6. 香芒烤雞薄餅(普通批)(秘製微辣咖哩醬)- 要了厚批幾好味!- 8分7. 珍寶什錦薄餅(普通批)- 要了薄批底有點硬很難切- 7分8. 白汁雞肉意粉- 朋友說像一pat野不太好吃- 賣相欠俸- 6分9. 大蝦墨魚汁意粉- 墨魚汁意粉完全沒有墨魚汁味- 意粉超硬好像在吃鞋帶糖一樣- 大蝦很新鮮- 6分服務都幾好不停加水幫手影大合照又冇乜唔耐煩聖誕節黎講動輒幾

同女朋友蕩到去荃灣,行街行到攰攰地,咪走去意粉屋到high tea lor.d侍應見到我拎住一袋二袋,當正我自由神咁,ok..fine.雖然我有三粒星既身份證,但係我宜家既身份同一個自由神真係無乜分別,唉...算啦算啦,食野姐,於是我order左一個煙三文魚salad,咁我問個侍應可唔可以整cooked d三文魚,因為我女朋友唔係太食生野,點知個侍應話三文魚本身已經煮得好cooked,佢地唔可以咁早. 嘩!你當我第一日黎意粉屋咩,我次次都係咁食架啦,旺角個間得,屯門個間又得,係你荃灣呢間唔得,唔係真係分區分呀?? 唉!之後佢問其他人,另外一個意粉人又話未諗過咁整,唉!我心諗,你梗係未諗過啦,都唔係你整,廚房d人諗整架啦,之後佢又去問另一個意粉人,佢又走埋黎同我講一堆廢話,又話咩整cooked d可能會乜乜乜呀. 唉,最後攪下攪下,咪又係整左出黎.味道同平時一樣咁好食,但係佢地既服務態度令我食得好唔開心,有d俾錢買難受既感覺

今晚舊同學請我哋五個姐妹團食飯,先嚟「特色龍蝦湯」同「南瓜湯」, 不過我對南瓜冇乜興趣, 所以選擇咗「龍蝦湯」。跟住係「大蝦挪威煙三文魚鮮果沙律」, 正!!然後係兩個普通批, 一個係「芒果雞扒厚批」, 另一個唔記得咗... 但個「芒果雞扒批」又幾好食喎~仲有個「墨魚汁天使麵」同埋「皇牌焗煙肉、雞闊麵」, 又係我既心頭好之一!等咗好耐, 先再嚟呢個「醬燒豬仔骨配香辣薯角」, 但係大家都飽咗, 所以食淨三分一...... 不過仍然好好味!最後用埋會員咭折咗欴後埋單$590,價錢都算合埋喎!

昨天跟女友小咩玩完諗住對大家好o的去食意粉屋(超肚餓), 點了蝦加挪威煙三文魚鮮果沙律, 田螺焗薯蓉(小食類), 乾蕃茄野菌炒天使麵。首先來的是蝦加挪威煙三文魚鮮果沙律, 好味好味, 生果方面, 菠蘿超多, 煙三文魚份量幾多(大概五大片), 蝦都好新鮮。跟住再o黎田螺焗薯蓉, 即刻打了個凸, 田螺質地偏淋, 這個可能係田螺的特性喇, 但係個味道點解可以咁淡而無味, 唉, 四十八蚊o架, 食o的咁o野。跟住重大鑊, 三文魚中的菠蘿原來是新鮮菠蘿沒浸鹽水, 食多幾片就開始乸(那)口。最後上o既係干炒火鴨絲米...哎, 不好意思, 手誤, 其實係乾蕃茄野菌炒天使麵, 嘩, 又一淡而無味的佳品, 野菌味不重, 乾蕃茄第一次試, 原來幾咸同酸, 味道幾濃縮,加上整個感覺好似食緊三絲米。加埋舌頭乸到無咩味覺。下次再o黎食真係要諗清楚!!!

今日入屯門同爸媽去噙日新開既酒樓(駿景軒)飲茶,不過哥哥冇出黎,因佢要瞓教.飲到四點零鐘,食到飽一飽當然要行吓街消化吓喇!唔覺唔覺就行到六點半,不過我陪唔到爸媽食,我要出翻荃灣食,又去咗意粉屋.因為都仲未落格,所以叫咗個套餐.包括餐湯,主菜四選二及餐飲.帶子蘆筍湯-好鮮蘆筍味,有五粒帶子仔.珍寶什錦薄餅(厚批)-好食,好多料,加兩滴辣椒仔仲正.什錦海鮮燴意粉-意粉乾身有彈性,唔會太爛,海鮮有蝦,魚柳,魷魚,青口,蟹肉,再加少少芝士粉,超正.餐飲熱檸水,一來因為坐正風口位,越坐越凍,所以要飲熱野,二來因為夜晚唔好飲咖啡,茶,所以唯有飲檸檬...水.最後就係如果坐正風口位,最緊要快食,因為D野會好快凍硬哂,凍硬咗D野就唔好食兼唔想食喇,唔通叫人叮翻去咩?叮翻未仲難食,唔通叫人換過去咩?總之要趁熱快D食!

昨晚罕有的發了一陣脾氣，今天不太有心機，反正都是一餐隨便吃的4人晚餐，簡單評吧!　龍蝦湯(餐+$11)-一般，不值加錢飲蘆筍帶子湯(餐)-試了，無印象蒜茸飽(餐+$10)-由免費隨餐送變成要加錢，不過是幾香小食拼盤($59)-幾豐富的樣子，味道OK，其實吃了也就忘了香蒜焗帶子薯茸($42)-侍仔強烈推介的菜式，說「極級新鮮的帶子、熱情的蟹籽及薯蓉」，還手舞足蹈，十分搞笑。味道：不錯，如果不是那麼油膩~珍寶雜錦pizza(餐)-叫了厚批，來了超級厚批，味道一般，不過仍然比pizza hut好吃珍寶熱鍋(餐)-意式海鮮炒飯-料足可味道麻麻；菜式英文名是risotto，對不起，吃不出朱古力熔岩配雪糕(餐+$15)-如此平就可享用熔岩蛋糕伴雪糕，味道又不差，是全晚的驚喜位凍朱古力迷(餐+$11)-是house recommedation來的，但未見特別，下次還是叫紅豆冰穩陣草莓奶昔(餐+$11)-奶味重，亦是麻麻，感覺同上　裝修後環境不錯但座位窄，沒有信用卡優惠及麥兜公仔及細妹要求，我不會來。

由踏入一刻至離開,全程都有好舒服既感覺,因為啲服務員超有禮貌,好攪笑.湯正,沙律正,pizza正,芝士餅正,但個墨汁麵就爛pet咗啲.

考完試, 食翻餐好既!約了老公去就近既意粉屋, Italian Festival 餐牌上點了紅粉佳人(鮮蕃茄檸檬軟滑冰- 無乜蕃茄同檸檬味, 仲飲到威化餅既味道, 怪怪地!) 意大利四式頭盤(煙三文魚配蟹子- 一般、意式蕃茄多士- 多士薄薄, 蕃茄粒味唔濃、蝦配意大利青瓜- 蝦唔夠爽脆及巴馬火腿配蜜瓜- 火腿絲好少夾硬, 完全唔得, 蜜瓜唔甜)小龍蝦芝士香芒焗意大利飯- 呢個熱辣辣, 芝士味濃, 芒果好甜好好味, 係意大利飯腍少少!俾我再揀, 下次都係叫翻三文魚什果沙律同龍蝦天使麵!

同媽咪去食0左個二人套餐, 有好多野食, 三個人食都夠. 套餐包括沙律,龍蝦湯,龍蝦帶子意粉,燒豬肋骨及餐飲.每樣食物都幾好, 我最鍾意個湯. 這裡的服務好好, 個waiter服侍得好周到,幫我地將d ribs切好.埋單的時候, 個waiter會話"我地再一次衷心多謝你的來臨", 無論係真心又好, 例行說話又好, 令你走的時候都會覺得今晚無揀錯食飯的地方.

點了2人餐:- 番茄湯: 普通的一個餐湯, 原來散叫要$39一客.- 燒骨: 是Spahetti 名菜之一, 上桌得體, 燒得也好.- 腸仔煙肉磨菇意粉: 名字雖普通, 味道和用料可調得十分精彩.再加一客菠蘿甜心圈, 菠蘿是用像上海菜"拔絲"的方式做的, 用的是凝結的糖漿, 堯有新意.