意粉屋 (已結業)

意粉屋每兩三個月就會推出新菜色同新套餐, 今期其中一個餐叫創意之選, 餐包括:意式薄燒牛肉配五色菜絲(黑醋汁) 或意式煙鴨胸肉配五色菜絲(黑醋汁); 鐵板奇脆海鮮批一個;三文魚龍蝦湯扁意粉一碟;飲品兩杯我唔鍾意食肉, 所以就由爹地同細妹揀左煙鴨胸肉配五色菜絲, 煙鴨胸肉共有七片(如果冇數錯), 五色菜絲係有深綠色既小麥草; 青白色既洋蔥絲, 好幼好長; 橙色既紅蘿蔔絲, 又係好幼好長; 仲有紅色既紅燈籠椒絲同黃色既黃燈籠椒絲, 另有幾片生菜墊底! 我雖然唔好食肉, 但爹地同細妹話好味, 於是我都試左一片, 將一片鴨胸捲住五色菜絲黎食, 因為上枱時已經有一件鴨胸卷捲好左, 所以我地都照樣捲黎食, 我覺得味道都唔錯, 菜絲好新鮮, 鴨胸又好嫰! d菜絲都幾多, 捲晒d鴨胸都仲有剩, 不過可能因為係我地捲得少! 至於個黑醋汁, 我都唔記得左點黎食, 食晒先記得, 我細妹話個汁好味喎!鐵板奇脆海鮮批, 個size我諗比一個細批細少少啦, 呢個批唔似一般既意大利薄餅, 而係好似日式既薄餅, 個批邊好香脆, 批底好薄, 批餡原來係薯蓉黎架, 初時都估唔到, 食落口先知, 都幾驚喜, 面頭就有細細粒

意粉屋出左幾款新既tea set, 其中一個就係泡沫龍蝦湯套餐, 套餐包括泡沫龍蝦湯一杯, 焗龍蝦撻一個, 焗田螺撻兩個, 飲品一杯!泡沫龍蝦湯好細杯, 好似一杯熱飲既份量, 面頭有層泡沫, 初時以為會好似cappaccino個d 泡沫咁滑溜, 但原來唔係, 龍蝦湯d 泡係好似空氣, 一陣風, 毫無口感亦唔覺幼滑, 而且只係好薄既一層, 與餐牌既相片不符, 攪兩攪d泡泡已經唔見晒! 不過, d泡泡唔係重點, 重點係個湯既味道, 味道唔算做得出色, 但都幾香幾好味, 湯中都有五六粒蝦肉仔既, 呢個湯ok啦!龍蝦撻和田螺撻細細個, 好似迷你蛋撻咁, 個撻上枱時係熱辣辣既, 好香好脆, 餡料中有菠菜, 龍蝦撻就有一隻龍蝦仔, 田螺撻就有一隻田螺仔, 我仲食到幾香芝士味, 我估餡料中加左芝士焗, 我覺得呢個撻好味, 食得過, 為個龍蝦湯爭返口氣! 另外, 伴碟仲有好靚既心形既醬, 外圍係用朱古力醬唧成一個心形, 而中間就用strawberry jam 填滿, 賣相吸引之餘, 味道都唔差喎!以上食物既相片可以瀏覽意粉屋既網頁http://www.spaghettihouse.com/spaghe

我同老公在十一月廿八日在此食芝士火鍋, 點知食到一半發現鍋內有隻"小強"......如此的衛生情況, 實在令人難以接受啊!

忙完半日, 同老公行千色店, 有d肚餓之際, 想起從來沒有去過荃灣這一間意粉屋.2人食下午茶餐1. 吉列豬扒忌廉湯天使麵2. 焗肉醬意粉+酥皮湯連飲品吉列豬扒忌廉湯天使麵雖然配搭騎呢, 味道卻十分好! 焗肉醬意粉分量細細地, 岩下午茶食. 酥皮湯水準同平時一樣. 埋單$90 幾, 加埋非常清靜的環境, 幾適合傾下計.

上次去左荃灣呢間分店食lunch,我叫左一個set,但係佢個酥皮湯竟然係最尾先上...-_-|||我食完個意粉過左陣,佢先上個湯,會唔會過分左d呢...我已經將個意粉食得勁慢架喇,佢個湯真係出得好慢...不過佢都有係咁同我講sorry對唔住,焗緊架喇~咁都算啦,服務補救返啦...費事影響我食野既心情呀...

跟餐加$11 (以前加$10咋) 有芝士餅或蘋果批, 每次我都揀芝士餅! 芝士味道唔算好濃, 又有少少檸檬既味道, 幾fresh, 質感都幾好, 唔會硬實實咁, 又唔覺得漏, 餅底唔厚, 都幾脆! 伴碟加左兩片士多啤梨和桃, 仲有少少朱古力粉! Size 都好適當, 食完個餐, 再食埋芝士餅, 剛剛好!蘋果批我都食過一次, 翻熱過先上枱, 食既時間係暖暖地, 個批唔太油唔太酥,ok既! 餡有蘋果肉, 提子乾, 份量唔多, 味道甜甜地, 有少少玉桂味, 都ok, 不過唔算特別特出, 所以只食過一次, 但好過有d 地方所做既蘋果批係好甜, d蘋果醬好“傑”, 好漏! 個人覺得意粉屋既芝士餅好味過蘋果批!

呢個係假日餐既menu先有, main menu 係冇既! 先講賣相, 個酥皮焗得好脹, 都幾靚! 口感方面, 都幾鬆化, 又唔係好油喎, 我最怕油冧冧既酥皮, 不過其實自己唔太鍾意食酥皮! 講返個意粉, 好夠熱, 食完仲有少少煙出, 三文魚係熟既, 係一粒粒, 都幾大粒架, 不過就當然唔會好多, 大約有七八粒左右啦, 配左d 菇, 紅椒和白汁, 扁意粉煮得剛好, 唔會過冧, 整體味道都唔錯! 不過個人覺得個白汁稀左少少和多左少少, 但好彩唔油唔膩!

初二食dinner, 同樓下pizza hxt 排晒隊比都幾冷清下, 四人食每人百三落樓, 老實講同人地比又真係唔係咁化算既. 叫左兩個二人餐, 蘑菰湯唔係好夠熱, d火腿好肥同咸, 最搞笑係連冬菰都有. 醬燒豬仔骨好乾, 冇乜肉味, 全靠個醬汁.夏威夷厚批同炸雞籃一般; 個長通粉最好味, 一咧夠熱(lee 樣野係天寒地凍時最緊要!), 芝士好香, 略嫌肉醬太多, 不過lee 個菜係全場得四檯人既情況下都漏單, 要扣分. 餐茶冇乜好講. 因為少人, 可以放肆d傾偈同大笑, 又幾enjoy 個氣氛既...

肉丸意粉,d肉丸好食個日係呢間叫左個龍虾天使面不過d龍虾就好似唔係幾好食...好鐘意飲意粉屋d湯,覺得佢好好味不過落單個個人好似耳仔有d問題成日要我講野重復overall,好食,但唔抵食兩個人埋單二百幾

兩個人叫了一個龍蝦套餐:1.特式龍蝦湯（兩客）~~ 味道麻麻, 龍蝦仔冇乜味, 反而仲有d 腥腥地咁. 2.芝士焗澳洲紅龍（半隻）伴煙鴨胸肉、野菌意大利飯~~ 煙鴨胸肉幾入味, 半隻龍蝦都過得去, d 汁幾好味, 用黎撈飯食唔錯, 好鐘意食d 野菌.3.醬燒豬仔骨配香辣薯角~~ 之前0係第二間分店食過, 覺得好正, 食到好飽添! 但今次覺得好似冇咁正, 同埋細塊左. 4.兩杯飲品個餐原本要$248, 有優惠券平$50.一向覺得意粉屋既食物都好有水準, 今次呢個餐反而屬一般. 可能間間廚師唔同難免會有d 參差啦!Anyway, 我都會繼續光顧既!

很耐無,因為以前Ｄ服務麻麻!但因為有coupon所以去!!星期日很旺等30分鐘.如果唔係有coupon就會走;一坐低我就倒杯水係地下叫個肥妹仔(唔記得名)立即幫我抹'她雖然好忙但她不勝其煩幫我!!我很不好意思,但係最慘我係碟salad有隻!!跟她立即同say sorry(十次都有)又俾杯水我?口唔好次其它餐廳咁換就算!又送cheseecake俾我食,下一次有coupon一定再

我是素食者，去到意粉屋都會有好多素菜供我選擇，有粉有飯有pizza。pizza真係好好味，田園素菜pizza好清，好好味，好食過PIZZA HUT。服務態度真係好好，部長知道食齋係唔要洋蔥，佢會主動問我。有效率，好！

環境和食物很不錯，最緊要係價錢大眾化！

有晚同朱小姐食晚飯，去o左荃灣間意粉屋。朱小姐突然好想食芝士火鍋，所以我就Order o左一份。我未食過，都唔知expect D 咩? 所以我順手叫多一個Pasta。當個火爐(微型Version) 來到...心諗...瀨o野啦，D 份量咁多!!!嘩！味道唔錯，個Pasta 上台就被受冷落....最後只好放棄...Overall, 個D o野食味道有點兒過鹹..好彩朱小姐都食得幾Happy...

琴日係我咁大個女第一次食Spaghetti House~ 因為趕時間又諗唔到食乜於是走o左上o黎…嗌o左個Lunch Set $48 + $10 Cheesecake! Lunch Set 有煙三文魚鮮果沙律、蒜茸包、餐茶根住主菜同餐湯揀o左焗火腿、芝士煙斗粉同忌兼湯…首先舊蒜茸包唔熱又硬又唔香.. 三文魚沙律普通啦.. 忌兼湯同焗火腿、芝士煙斗粉就唔差喇~ 好creamy~幾好！至於個cheesecake呢…都唔係咁好…冰o既(仲巳經一早放o左o係度架喇!)不過仲要求o的咩o丫…o的o野食上檯速度都幾快..不過就好難先叫到d waiters 走過o黎(雖然冇乜人)..