意蠔屋 (已結業)

係大圍咁耐，真係第一次食意蠔屋！超多人幫襯，等左約15分鐘先有位～午餐叫左一客「焗芝士海鮮飯」，賣相相當唔錯價錢唔算貴，但係用料十足，有蝦、蟹柳、帶子、魚塊，估唔到$56一份午餐都咁足料而且好好味值得再次光臨

5點幾收工諗唔到食咩做晚飯好😳行過就試下呢間😂聽聞呢間幾抵食，之前又一直好想試下食😳Menu有好多野揀，見到有好多野食都配有芝士🤤超岩我呢啲芝士控喔！😳唻到嗰時，其實以為冇開門，因為啲員工坐哂門外，入面燈光又好暗。其實入到去環境感覺唔算好大同乾淨。好彩因為下午茶時間冇咩人，所以都唔迫的唻到時已經岩岩好過左下午茶幾分鐘，但員工照計我地下午茶😳太好了😚我地叫左芝士燒雞磨菇焗飯同芝士白汁忌廉螺絲粉。下午茶都只係37蚊左右咋！超抵😍但份量好多喔！燒汁超濃郁芝士都超多😍啖啖飯都食到芝士拉絲咖超正！雞扒都唔會太少！我俾呢個焗飯100分啊真係同大家樂嗰啲冇得比喔！超邪惡又好食啊！而白汁忌廉焗粉都好正！不過我就覺得雞扒燒汁嗰個更正啦之後我地仲嗌左個芝士煙肉焗薯條天啊！好好食芝士又係俾超多我地！薯條全部好熱辣辣的😍每條薯條都可以拉到好多芝士絲喔！但如果佢地面頭可以再淋多d芝士就好了！哈哈好貪心丫！不過建議你地如果都食呢個，記得好親熱快d食喔！因為凍哂既話芝士絲就會硬哂的雖然環境唔算好好，但食物真係唔錯的！尤其下午茶真係好抵食喔！食完咁多芝士飽哂了唔洗食晚餐🥣

店舖小小的《意蠔屋》提供不少的食物選擇，既有焗飯意粉也有小吃，主打西式法式食品。有點像家一般，雖然與隔離枱坐得貼但有沙發椅也算坐得舒舒服服。其中一份主食是配餐湯的，但味道就有點淡。芝士焗西蘭花的芝士挺多的，面頭焗得微焦又有些半溶的芝士，只是吃到最底看到整層油，倒有點怕了～焗飯的芝士味反而沒那麼濃，但醬汁仍是足夠的。菠菜很多，不喜菠菜的就不要點了。蘑菇和石斑也很多，菇切成長片的，與忌廉汁很襯，忌廉汁屬較稀的那種，但亦不會太淡味。

大圍分店都好細，最多坐到十五，十六人到，八點半一個人去唔洗等位，得一個待應同一個廚房，待應哥哥做到踢哂腳。叫左個正路焗豬，等耐小小都唔敢催佢，飯上到嚟賣相都可以。點知第一次食焗飯係白飯底，焗飯無好多汁，有d真係淨係一啖啖的白飯。重食得出d白飯係冷飯。咁都食左70蚊。

一朝早是是但但食左個包就返工, 放半"就", 專程來到意蠔屋嘆一嘆~~例牌叫左$138 4隻生蠔, 而次次都係叫南非...過往食佢都係肥大大的, 食完會齒夾留香, 但今次質素有小小參差, 有兩隻唔係太新鮮...但都有兩隻都是保持過往質素的~~~~~之後再叫多個芝士西蘭花, 真係好正呀!! 芝士係拉到長長果種, 正呀!!! 西蘭生既質感又唔會焗到"林之之" , 個汁又好好味~~~值得order! 

友人提議到大圍尋找美食，而我亦已有一年沒有到過這裹。本選了616牛肉火锅，但錯失了時機，沒有位，我们便前行幾步，發現今早看過YouTube介绍此店，故進去試試吧！我們點了羊架(H餐)、芝士焗什菜濶條麵和鹽燒牛舌。羅宋湯，味濃，雜菜夠淋，但有些辣。牛舌入口甘香，外脆內軟，又不會太咸。羊架大大件，燒得刚好，入口沒有渣，燒汁意大利飯，大大碟，這個價錢，真是很低食！雜菜芝士麵，芝士不錯，麵質較淋，如硬些較好，總体是可以的。歺茶大大杯，是有良心食店。是個廉價而味道不錯的餐廳。早上認知，晚上的相遇，是緣份的開始。

女友係一個不折不扣既芝士控，為左要胃飽佢，作為男友都要諗下計上個月就帶左女朋友去呢一間，意蠔屋我點左個黑辣牛扒意粉，而女朋友就點左芝士海鮮焗天使面女朋友碟野可以拉絲，食落都幾香口幾好食

店鋪少少 ，不太多位，但都唔會等太耐位但野食唔錯大圍火車站行過去好近好容易搵到今次食了煙肉螺絲粉野食好快到，份量適合lunch時間食另外重叫了芝士蜆肉蘑菇飯芝士好多好香好好味，而且蜆肉都比想像中多👍🏻👍🏻👍🏻👍🏻😋

意蠔屋焗的意飯或飯都很好吃，今天的心情就是想吃焗芝士，所以約了朋友去午餐。午餐牌有兩類⋯一面是意粉類另一面是飯類，滿足不同客人口味。先講一下意粉餐，有A到H，共8款，可以更改成其他意粉，也包括餐湯和餐飲。然後飯餐，有I到M，共5款，只跟餐飲亦不能轉成意粉。也有主餐牌的飯麵或小食推介！忌廉湯，白汁忌廉味很濃，汁裡亦有少許配料像蘑菇。（$58）G餐⋯芝士焗忌廉汁海鮮意粉，改成長通粉。滿滿的芝士加白汁的表面，做到拉絲效果👍🏻，海鮮有蝦、帶子、魚塊和蟹柳等。整體來說是好吃的！（$50）D餐⋯芝士焗燴汁煙鴨胸意粉，加配（+$5）辣肉腸。辣肉腸就加配就沒錯，因為完全是分開放左表面的，不過沒緊要，一點點辣是好吃的，而鴨胸不算很軟身但很香，意粉稍為軟了一點。再點了入小食⋯（$30）瑞士雞亦4隻，甜甜的很入味，不過雞亦的size大細分別不同。結賬時很細心的已經計好人均消費。

來過意蠔屋很多次，以往都是午餐時間來，晚餐只試過幾次，而我以往多數都係叫焗海鮮飯，因為喜歡他們整的蝦，都很多味的。今次一時興起，改叫了大蝦意粉，但他們的大蝦，已經沒有以往的好吃，雖然，一直也是知道是雪藏貨，但以往沒痴殼的情況，今次痴殼情況較嚴重。而且，意粉也只是一般。女兒叫了焗芝士三文魚墨汁長通粉，我沒試食，但她說味道Ok,好食的。另一位家人叫了白汁煙肉意粉，我也沒試，他說唔好食。至於杯凍咖啡，也沒以往的濃味，也沒以前的好飲了。

係大概一年多前食過意蠔屋當時仲有得以車仔麵形式逐樣選擇意粉/焗飯材料😭原來已經無左😢但估唔到無見一掛 蠔記竟然水準下滑至如此地步😫😫..順利成章與2位朋友各自叫一份晚餐再加一份小食.餐湯真係非常嚇人😂好在我嗌嘅羅宋湯算係幾正常 都係普通嘅味道朋友嘅兩碗忌廉湯係兩個極端一個係稀到好似溝左1比1嘅水咁一個係杰到同飲意大利粉嘅白汁無異😅..忌廉汁菠菜鴨胸意粉 ($55)食到我朋友無胃口😂忌廉汁同岩岩個湯係一模一樣煙肉肉質好韌 同埋d意粉好似未烚熟咁.蒜香雜菌蜆肉天使麵 ($58)蜆肉好細粒😂 但都幾好麵比較乾身 食食下愈食愈乾 會唔想食但麵幾重蒜香 算係唔錯.芝士焗菠菜雞肉飯 ($48)呢個係三個入面最好食😂芝士味濃 同埋配菠菜非常好味但飯質偏硬😅..諗住雞翼都好難唔好食 但總是有驚無喜😂.蒜香雞翼 ($30)皮烤到硬哂態😅😅 雖然肉質幾嫩滑但毫無蒜香😭😭😭失個大望🤢🤢

早兩個星期有晚晚飯來大圍開餐，經過見這間貌似可以而價錢又不算貴就入去試一試，點知入去先發現原來間舖頭好細，地方淺窄，環境幾迫，地方也暗暗的，薯實不算太舒服。餐牌選擇不少，為了方便就直接在晚餐餐牌的幾款中選一款算了，點了一客芝士焗菠菜雞肉飯，由於是即叫即焗，都約莫等了十五至二十分鐘才有得吃。焗飯賣相正常，表面都舖滿芝士，有些位置的芝士都焗得幾香，而味道就中規中距，白飯底，但白飯份量都比較少，一眼都見到白飯未填滿焗兜的。。如果肚餓的話應該會不夠吃，亦都是少飯的關係，焗飯上的芝士醬汁是夠拌飯吃的。雞肉份量也太少。。只有兩件。。亦令我感覺有點馬虎。可能菠菜才是主角吧。。因為只有菠菜份量是最多的

今晚放工在大圍開飯，見這間意蠔屋已有不少顧客在內，心想應該不會差，一於入內一試。兩個人點了兩個餐及一個小食。黑椒豬柳蘑菇意粉：豬柳件數不少，意粉份量也足，只是豬肉味略為欠奉，被黑椒蓋過。芝士鮮茄蟹棒尖通粉：這個做得出式，尖通粉吸收了香濃的芝士配上醒胃的蕃茄醬，不但刺激味蕾，更大增食慾。蒜香雞翼：這個反而不錯，皮脆肉嫩，蒜香滿溢，不期然吃了一隻又一隻。服務方面就有點怪怪，少女店員在門口櫃檯叫出來問我們吃什麼，隔開4至5張枱，我要隔著同樣的距離點餐，全場聽到晒，着實尷尬。

今晚突然想食蠔，揸車經過大圍見到意蠔屋就入去試試😋見到張menu $98個價錢包兩隻蠔係幾吸引😍南瓜忌廉湯份量雖少但味道濃郁，好明顯地見到好多既南瓜絲我最期待既蠔上枱喇🤗好好好大隻丫都幾新鮮，幾juice👍🏼👍🏼之後就係主菜，叫左蒜香辣肉碎天使麵&蟹子香草蘑菇意大利飯個天使麵食到小小蒜香味，但味道十分淡，反而辣味非常重將成個麵嘅味道蓋過晒，而且肉碎非常乾意大利飯賣相唔錯，見到明顯嘅芝士絲，但味道亦都十分淡，有小小似食緊白飯

今晚去左炮台山果邊等朋友放工，大家都想食得經濟 d，所以黎到意蠔屋~坐低後，見到個menu有個餐好抵～$100 都唔洗就有湯、生蠔x2隻、主菜、餐飲！好抵～ 呢碟生蠔真係好正，估唔到佢咁鮮甜同肥美，而且仲好大隻tim! 朋友點左個鮮蕃茄牛柳天使麵～牛柳鮮嫩多汁、而天使麵的份量非常之多，食完好飽！ 而我就另外叫左個餐，係蜆肉意大利飯！意大利飯既忌廉白汁好香濃 creamy，食上口一d 膩既感覺都冇！ 另外，我地亦點左個煙牛芝士薯條，好香脆，食完一條又一條 =p雖然有d 熱氣，但真係堅好食！ Overall 埋單都只不過$192，每人$100 都唔洗~又平又飽肚，朋友同我都好滿足！