愛家愛便當 (已結業)

愛家愛便當搬咗去新舖之後第1次去食，新舖地方更大、坐得比舊店舒服。我哋中秋節翌日去食，我3日前whatsapp訂位。社交平台上話當日去食需提前訂餐，但一直未有餐單比我去預定餐點。到當日我去問先知當日嘅餐單，所以我當日先whatsapp預訂。⠀⠀⠀⠀⠀⠀⠀⠀⠀我哋1點左右去到，全場滿座，當中約一半嘅客人仍然未有嘢食。結果我哋等咗1個鐘先有得食。主食味道中規中矩，配菜、漬物比較有特色，尤其鍾意柚子味白蘿蔔同甘平牛蒡，甜品係一包餅，味道同質感都似合桃酥，酥脆得嚟有抹茶味。整體價錢唔算好貴。⠀⠀⠀⠀⠀⠀⠀⠀⠀是日推介餐配 3款前菜+甜品+小食+湯/飲品 ($88)配 5款前菜+甜品+小食+湯/飲品 ($98)⠀⠀⠀⠀⠀⠀⠀⠀⠀壽司餐 配 甘平牛蒡、柚子味白蘿蔔、漬紫椰菜壽司餐有6件壽司，包括腐皮、牛蒡、枝豆、粟米、冬菇同番茄壽司 (將番茄肉切薄片放係壽司飯上)。魚生雜錦拌飯餐 配 醬南瓜、醬冬菇、海茸魚生拌飯嘅材料有素三文魚、素吞拿魚、枝豆、粟米粒同冬菇粒。

同朋友到觀塘午膳，揀咗呢間素食餐廳。雖然主菜餐牌滿一頁，但實際每日只製作3款，其中2款屬$50午市套餐，跟湯/飲品，另可加配小食、前菜及甜品。柚子蘿蔔卜：淡淡柚子味，清新，蘿蔔爽脆醬冬菇：細隻、厚身、滑溜，甜醬油味金平牛蒡：份量較大的前菜，味道同一般餐廳的質素相若雙色花：是日前菜；清炒西蘭花和椰菜花，唔花巧，冇特別燻鴨：老闆極力推介的是日前菜；豆製品，較濃味、飽肚枝豆：小食，普通紫薯花生草餅：外皮煙靭，甜度適中，花生饀係敗筆，局部饀料已結塊，口感偏硬，唔軟糯炒麵：外賣，份量可以，配料少整體而言，餐廳環境唔錯，雖位處工廈，冇窗冇景，但簡約佈置下可算「窗明几淨」。餐廳有部分檯係茶几款，唔方便進食。老闆友善，主動講解食物選項及餐牌，但餐廳無主動提供水，而值得一讚係湯/飲品可免費添加。食物係家常菜，烹調難度低，屬自家可以喺短時間完成的款式，性價比唔高。餐點的吸引之處在於前菜款多、食物較健康、適合心多人士，可樣樣試啲，然而，食物份量唔多，埋單唔平。

「愛家愛便當」搬咗嚟觀塘嘅成業工業大廈，好多素友都試咗喎，咁我找素真漢子當然都唔可以錯過啦。😅對上一次嚟已經係上年，佢哋仲响鴻圖道，同樣係工廈，但係果度非常陰暗，衛生都好似麻麻。而家呢度唔使講啦，同一層已經有其他兩間素食餐廳，風水一定好好，工廈嚟講好光猛同乾淨，而且算好近地鐵站，交通非常方便。😊店內裝修平實得嚟都有啲特色，我鍾意坐佢啲戶外摺凳，一坐個人沉咗落去咁，好舒服，啱哂我呢啲冇腰骨嘅人。🤣一直好想試佢哋嘅壽司套餐，今次終於食到喇。賣相真係超靚，另外兩枱客見到個餐都投以豔羨嘅目光。壽司味道固然唔錯啦，但有食過佢哋嘅都知，其實前菜先係最有特色喎。😉所以我選擇咗可以揀五款前菜嘅套餐（另外送枝豆）。前菜嘅選擇非常多，包括：💚 煮物：醬南瓜，醬冬菇，醬白蘿蔔，海茸，海帶絲，海帶結，金平牛蒡，菠菜大豆芽💚 漬物：日式昆布泡菜，柚子味白蘿蔔，漬紫椰菜我最鍾意係醬南瓜同醬冬菇，兩款都唔會太多醬汁太濃味，南瓜煮得好淋，冬菇就清清地食到菇本身嘅味道。金平牛蒡上次嚟都食過，水準依然好好。👍🏻如果鍾意食酸嘢嘅朋友，就要試吓日式昆布泡菜，同漬紫椰菜，以我嘅口味標準，覺得都相當酸吓，而紫椰菜仲幾辣嘅添。🥵甜

🍴八月重開嘅 愛家愛便當💚💚 ⭐️星期六晚餐⭐️分別試咗 🍅蕃茄濃湯烏冬 & 🍙日式米治$88 配3 款前菜＋甜品+小食+湯/飲品～好豐富💕💕💚Set A: 日式米治有四款選擇～揀咗紫薯甘栗薯餅🍠🌰仲配埋生菜、蕃茄、新餐肉～成個米治好厚好大個😂完全咬唔晒🙈🙈新鮮即整，熱辣辣好好味😋😋👍💚Set B: 蕃茄濃湯烏冬 蕃茄湯好濃郁鮮甜～🍅❤️烏冬係粗身嘅，但有少少斷，不過整體都好味😋😋👍💚前菜分別揀咗～是日前菜 （日式福袋 & 炒椰菜花）、海帶絲、甘平牛蒡、醬白蘿蔔、日式昆布泡菜～我最鍾意係福袋同埋甘平牛蒡☺️☺️💚甜品係自製嘅曲奇🍪由於太飽拎走咗留返第二日食～☺️發現好好味🫨食到類似柚子嘅味道，下次再去要問吓老闆有冇得買🤭🤭好鍾意小店嘅感覺💕老闆又好nice～觀塘素食多番個選擇喇🥳🥳👍👍人均消費：$88（晚餐）性價比：5/5 🌟#香港素食 #觀塘素食 #everygreenhk_kowloon

星期三晚巿，點了壽司餐和是日推介（越式檬粉），配上各樣小菜，送木瓜湯，賣相十分別緻，配合日式簡約裝潢，打卡一流。他們的醃菜十分出色，特別推介醬南瓜、昆布泡菜、金平牛蒡、醬白蘿蔔。老闆十分親切友善，並用心研究更多新菜式，密切期待！