愛家愛便當 (已結業)

愛家愛便當搬咗去新舖之後第1次去食，新舖地方更大、坐得比舊店舒服。我哋中秋節翌日去食，我3日前whatsapp訂位。社交平台上話當日去食需提前訂餐，但一直未有餐單比我去預定餐點。到當日我去問先知當日嘅餐單，所以我當日先whatsapp預訂。⠀⠀⠀⠀⠀⠀⠀⠀⠀我哋1點左右去到，全場滿座，當中約一半嘅客人仍然未有嘢食。結果我哋等咗1個鐘先有得食。主食味道中規中矩，配菜、漬物比較有特色，尤其鍾意柚子味白蘿蔔同甘平牛蒡，甜品係一包餅，味道同質感都似合桃酥，酥脆得嚟有抹茶味。整體價錢唔算好貴。⠀⠀⠀⠀⠀⠀⠀⠀⠀是日推介餐配 3款前菜+甜品+小食+湯/飲品 ($88)配 5款前菜+甜品+小食+湯/飲品 ($98)⠀⠀⠀⠀⠀⠀⠀⠀⠀壽司餐 配 甘平牛蒡、柚子味白蘿蔔、漬紫椰菜壽司餐有6件壽司，包括腐皮、牛蒡、枝豆、粟米、冬菇同番茄壽司 (將番茄肉切薄片放係壽司飯上)。魚生雜錦拌飯餐 配 醬南瓜、醬冬菇、海茸魚生拌飯嘅材料有素三文魚、素吞拿魚、枝豆、粟米粒同冬菇粒。