愛家素食 (淘大商場) (已結業)

心血來潮想試下素食，但又怕好寡唔好食，經朋友介紹呢間素食快餐，食完至知道素食都可以好正架！🤤叉燒由麵筋整成，外層染左紅麴，外觀同真嘅叉燒相差無幾，口感亦非常相似。齋叉燒微甜，唔會好膩，配有大量炒菜同一大碗糙米飯，感覺健康👍🏻喇沙味道湯唔算好濃郁，但味道都唔錯，百葉豆腐爽口彈牙，同樣係有大量蔬菜🥬 最有驚喜嘅小食！紫葉經油炸過之後變得更加鬆脆，面頭淋左少少豉油，即刻變成一道食唔停口嘅小食 😋整體味道都唔錯，價錢亦算合理，份量滿足。其實間中食下素食都唔錯啊～

愛家素食是一間全素食快餐店，食材不含蛋、奶、 葱或蒜 ，環保又健康。中午時間有多款即叫即煮扒飯和粉麵套餐，還有甜品、小食、糕餅等選擇。餐廳設計簡約舒適，以快餐店形式經營，自助形式購票、取餐及取餐具，服務員很有禮貌，等待時間也相當快。今天中午點了一個51元的豆腐扒飯套餐，白飯混了紅米，更加健康，配上老火湯– 老黃瓜、紅蘿蔔、眉豆、蜜棗...等等，足料，味度香濃，豆腐扒同樣出色，味度清淡而美味，配菜很清甜，一點也不油膩。

我同內子，對《Loving Hut》這一個品牌始終都有一個情意結。不過，我們的情意結只限於九龍灣淘大花園的店。因為，這是香港第一間《Loving Hut》，早在《Loving Hut》正式進駐香港之前，已經以《Buddha Hut》的名字在經營了。多年來，他們的素食叻沙類食品，不斷地吸引我們再來又再來。今日有空，我們又來了。 任何一間食肆，若是食午餐的話，點套餐是最豐富而且最實惠的。我點的，是他們招牌的叉燒黃金扒飯套餐。 黃金扒，有點像素鵝的，但口感比較煙韌同滑，本身已經有個濃濃香香的醬油味，食用時加了特製醬汁，可以用惹味來形容，送飯佳品。另外，他們的素叉燒也是不錯，若是拿回家再煎香口一點，必定會更好食。 叻沙百頁豆腐，加埋一份炸餃子等等，是太太最愛的一 set 食物。 叻沙百頁豆腐，是吸引她一來又再來的美食之一。也是她來到《Loving Hut》(淘大店) 的首選美食。充滿咖喱香的湯底，香溝的河粉，馬來風情絕對是十足。香口非常的湯河粉，其實我也是愛上的。 餃子，常常只是用白紙寫在點餐牌上，好像是淘大店才有的。炸得香脆，素肉的餡味道豐富，點一點醬汁，很是可口。 《Loving Hut》

由於家有要事，心事重重下打算齋戒一下，去左呢間齋舖。原來呢間係快餐齋舖，苦苦思索下買左义燒飯及菇湯(忘記係乜菇湯)。點解會忘記係乜菇？因為菇味不太突出，反而义燒好好食。係初初食落完全覺得係蜜汁义燒，後來再有d豆味，堅

而加好多人都開始著重健康飲食而且都越黎越多素食餐廳呢間愛家係淘大都已經開左唔短既時間平時都見係多人食所以就同朋友試下呢到係好似大家樂果D咁出面有個餐牌 自己睇完去收銀比錢之後交單再等個餐出左自己拎一向素食雖然係冇肉但可能佢花既功夫係比直接煮肉為多所以價格係會比普通既餐廳高少少每人大約$50左右我叫左一個肉丸同扒既河粉湯底雖然係比較清但味道係調較得適合而素丸既口感都做得貼近真正既肉丸同埋湯底上面係會有D香料係到配合埋湯底都幾夾另外加錢就可以叫埋老火湯果日既湯係紅蘿蔔煲豬骨湯飲得出係真係足料如果係九龍灣想搵食素食愛家應該係唯一既選擇味道都唔錯

已經唔係第一次食，今次比之前更好。豆腐就講真冇乜豆味，叉燒味道濃郁有啲口感，仲有菜同蘿蔔打底，配菜炒得味道適中，蘿蔔又唔太林或太硬。叫咗小飯嘅我，佢比左成碗飯我，好在啲餸好味先食得晒啲飯。

上星期日下午去觀塘海濱長廊參觀鸚鵡展。星期天這條長廊好熱鬧，有人跑步，有人四處拍攝，更有家傭姐姐係度聚會，各式其式，非常熱鬧。我哋參觀完鸚鵡展已經晚上六點，於是去淘大商場素食，素食必定幫襯Loving Hut.這間素食館我經常幫襯，食物不單止有營養，又健康，最梗要好味。這間餐廳似－般快餐店，每份餐包一份炒菜及－碗老火湯，食落好似住家菜。如果我哋經常出外食飯，不想食太多肉又想清腸胃，咁我哋－定要隔幾日耍幫襯這間店食素。义燒黄金扒飯

收工一個人的晚餐，呢排腸胃都差，唔想太重味，咁啱見呢間素食餐廳，入內見係快餐店格局，環境似西餐廳舒服，除了餐廳內仲有賣啲素食雜貨！門口落單取票同呼叫器！自己搵位坐下，再去櫃臺等！芝士蛋湯米（$36）賣相幾好，塊芝士蛋好似塊菠蘿片（蛋白嘅坑紋）食落味道好怪，蛋白雖然少彈牙，都似蛋白嘅質感，但有彈「壓味」好似麵筋嗰種味但再強烈啲，蛋黃有芝士味，但同樣嘅壓味都係太強，頂唔順食咗一半就放棄，米粉夾雜啲海帶，米粉爽口，湯底清爽，清清地幾好，西蘭花🥦同生菜爽脆好味！但主角就失色了前菜（跟餐）醃酸青瓜，醃後雖然變軟咗仍然爽脆，酸酸的開胃熱百香果特飲（跟餐加$6）夠熱酸甜唔假，好濃香嘅百香果清爽酸味！好飲食物只可以講唔啱我口味，落單男店員有笑容！菜色放盤上企理，自助式服務同店員少啲接觸！素芝士蛋好怪

平日東奔西走去食美食，經常大魚大肉的，所以偶爾會想吃素清清腸胃，也藉此想改一改男友多肉少菜的習慣而且吃素最棒的地方是就算吃得很飽，都不會很guilty當然也視乎那素食的烹調方式啦～這天在九龍灣活動，順理成章在這區覓食。Loving hut我是早早有聽聞過，但未光顧過，正好藉此機會一探究竟還以為素食店會比較少人，沒想到這𥚃人客駱驛不絕，雖未至於要排隊，但找位子不太容易～基本上這𥚃的晚市套餐就是小炒配一碗紅米飯、炒菜、前菜和湯/飲品，$60以內，價格合理叉燒豆腐扒飯($57)：整體份量不錯，紅米飯很大碗，豆腐下面鋪有炒菜和冬瓜。素叉燒外型與真叉燒很像，但口感與味道就有距離，畢竟它只是在扮叉燒嘛不過味道是不錯的～至於豆腐扒口味比較清淡，可能素鴨那種會比轉香口。炒菜不油膩、前菜用上酸黃很開胃奇妙醬冷麵($54)：冷麵的賣相有點像韓式拌飯配上的麻醬不錯，但麵條則欠口感。

大约隔－段時間想清清腸胃，我一定會去 Loving Hut食素。Loving Hut不同－般素食館，似一般快餐店形式，自坐買餐。但間餐廳好整齊及清潔。义燒黃金扒飯配老火齋湯 - 湯料好豐富包含有各式豆類，飲落同－般有肉老火湯無分別，湯水好甜。义燒同黄金扒炸得好香，但不油膩。配红米飯及大量椰菜，非常健康的素餐。

吃了多日肉，一身肥肉，心中泛起塗炭生靈四個字，心念突然想素一下，平衡下心中的罪惡感！行經淘大的Buddha Hut , 有直播有關佛的節目，選了日式萬如飯，飯是紅糙米，偏硬，但想到它可以幫忙通大便，好，馬上爬多兩啖飯！日式萬如就是炸過的竽頭，變成蓉狀，用紫菜包著，形成外脆內粉的口感，好特別，有飄飄然感覺，也令人胃口大增，再爬多兩啖，而豆將也好喝，很少情況下喝出黃豆味，豆味濃，發揮出豆將的滑與順，沒渣，很滿足唷！

呢晚同男朋友試團購二人餐Loving hut算係香港比較出名嘅新派素食餐廳好彩今次都冇失望+++餐單：老火湯 沙律麥香塊併炸紫菜炸雲吞併炸紫菜叉燒飯粟米花枝片飯綠茶布丁雲呢拿布丁熱飲兩杯麥香塊即係素麥樂雞都幾過癮炸雲吞炸到過晒火👎🏻叉燒嘅醬汁超惹味叉燒夠軟身比真肉仲好食😮花枝同真正嘅有差距但我覺得係另一種美味😋綠茶布丁好滑而且好濃似係用真嘅綠茶粉👍🏻雲呢拿冇特別+++整體上都好好味而且團購好抵食會再encore👍🏻

雖然我唔係素食者，但都食過唔少素食店，呢間可以話係我人生中食過最難食嘅素食店！呢個麵餐$46，都唔係便宜，但又要漏單喎，我後面嗰啲客人叫嘅套餐已經出曬，個個都有得食了，我呢碗麵都未有得攞，之後我主動上前問，佢哋先發現漏單！踢一踢先識郁一郁！碗麵搞咁耐，仲以為係咩佳餚，點知事實係份量又少，麵質又爛溶溶，啲素丸又有陣怪味 (似係雪得太耐)，唯一最正常係係嗰碟開胃酸菜！永久blacklist呢間垃圾素食店Loving Hut！

想食叉燒但唔想食肉可以點做？素食幫到你！一般素食都用好重調味料去彌補肉嘅味道，但尼間就冇啦，佢嘅醬汁可以安排另上或者走汁，咁就健康啲啦唔好以為走汁嘅叉燒會淡而無味，其實都食得出有微甜嘅叉燒味，而且佢嘅口感同真叉燒差不多，可以俾素食者過足口癮羅漢果西洋菜湯好足料好好飲，前菜嘅青瓜片酸酸地好開胃南瓜湯好濃郁值得一讚，唯一美中不足嘅係豆腐扒太鞋同真豆腐差得遠

近來天氣又焗又熱，食得肉多好易滯，粉麵食得多又容易傷脾胃，外出食飯又好難少肉多菜，想來想去，想到這間素食快餐。第二次光顧，上次已經是5年前了，當時第一印像是員工很有禮貌，很耐心解釋每度菜的配搭....5年後再走進店內，員工依然有禮，我一如以往，簡簡單單點個招牌紅麴米叉燒飯配叉燒汁，餐飲一杯熱檸水，等候不到5分鐘，就可以開餐了，果然是快餐，不花我時間~一碗大大的紅麴米飯，一碟素叉燒，伴有很多菜，還有脆玉瓜，正合我心意！賣相雖不及燒味店般肉質光澤，食落質地較鬆軟，口感一般，但味道不錯，叉燒汁卻食不出什麼味道，少許甜易入口; 伴碟的菜很香口又不油膩，總體OK。