愛民海鮮酒家

營業中

休息中

山長水遠一場黎到點都試下菜，碰下運氣是但衝入一間食肆，見光光猛猛乾乾淨淨有點人氣就您吧！老闆為大廚而老闆娘樓面非常健談，只供應游水海鮮無其他餐牌，有白飯、湯米，無其他粉麵，下午茶隨便試試埋單 $900蚊。居然有石頭魚供應，老闆娘表示要二百幾三百蚊斤，我從來未食過石頭魚，真係非常有興趣呢﹗自家製醃蘿蔔蕎頭⭐️⭐️⭐️⭐️濃酸帶甜極爽脆，如果加埋辣椒就會更惹味啊！椒鹽游水有膏斑馬瀨尿蝦⭐️⭐️⭐️⭐️⭐️好想要碗湯河撈辣椒蒜酥，真係可以連灌兩碗落肚架﹗巨型大大碌有膏瀨尿蝦，游水生猛斑馬肉鮮甜極至，鮮甜味道比龍蝦更濃郁，還有甘香鮮橙色蝦膏助攻！沒有挑剔的機會，損著手指說愛您！白灼活海花螺⭐️⭐️⭐️⭐️⭐️我要求鹽焗花螺，鹽焗變了白灼？新鮮度無可置疑，活像在舌尖上跳動！鮮甜無比，身爽尾甜，完美的味道已將我完全伕擄。砵酒焗蠔煲⭐️細細粒麵粉厚厚油淋淋，酒味有點嗆喉，我只食蠔肚少少肉算了！我一心黎想食流浮山巨型原隻連殼活蠔，眼測間間食肆都無供應呢！流浮山不是盛產生蠔的嗎？白菜海鮮湯⭐️⭐️⭐️⭐️⭐️多謝老闆娘送贈優優海鮮湯，條紅衫魚仔鮮到離譜，毫不留情落足料！香濃鮮甜厚實黏黏超足料，有活蟹有活魚餚製，她們的那種鮮味無可抗拒，如果再加

今日請朋友食海鮮，原本想去鯉魚門，但朋友介紹流浮山有間餐廳煮得幾好食，就揸車入嚟試吓。朋友book定位訂定冰鎮鮑魚，一嚟到就有得食，南非鮑魚夠大隻爽口，配埋佢哋調嘅汁，辣辣地有wasabi味，配搭幾有新意。見今日啲奄仔蟹夠大隻就叫2隻share，雖然唔算好爆膏，但好多肉，肉質夠甜好新鮮。平時蟶子通常豉椒炒，呢度係可以清蒸加芽菜底，煮法有啲似蒸魚，因為配咗蒸魚豉油🤣原來普通煮法轉咗食材即刻唔同哂，食到蟶子嘅鮮甜，配埋芽菜爽上加爽。砵酒煮蠔又係未試過，上菜時聞到好香酒味，食落就有牛油香味，蠔亦都好新鮮無腥味。蝦多士嘅蝦膠夠彈牙，又夠蝦味，多士脆口唔會油淰淰。另外叫咗蝦醬炒通菜超大碟，仲送海鮮湯，每人都飲都2碗。人均大約$500，海鮮夠新鮮同可以食下唔同煮法幾特別🤤

上年北上咗幾次搵食，發覺食海鮮都係要食番香港嘅😋因為價錢平嘅係唔好食又冇乜肉😖要好食嘅就冇香港性價比咁高了🤩上個月就約好朋友要去流浮山愛民回味吓，果然絕冇失望🤭朋友一早指定要“細細隻”嘅蝦，老闆娘話叫做九蝦，清蒸上啲肉又甜又唔駛挑腸，仲有蝦膏添，正我至愛龍蝦，老闆娘建議試吓煎米粉底，又得喎！本身個米粉煎到脆脆的，再沾咗啲龍蝦膏，好入味呀🤤 龍蝦就唔駛講啦，又多肉又彈牙，連腳都食晒鋪頭嘅招牌係蝦多士，我地叫咗四件一人一件，好脆又香口，點埋沙律醬一啲都唔膩💯再嚟朋友柯打嘅辣酒花螺，一開始覺得啲酒太勁，但食開就停唔到，差啲想叫碗白飯撈汁嚟食。本來仲想叫份外賣番屋企當零食不過真係太飽了下次再嚟食過算😆😆再來係薑蔥蠔，啲蠔好大隻啖啖肉食得好過癮呀🥰仲點咗一碟炆魚，今次要條細嘅所以唔算好肉地，不過啲魚整得好香口😋最後一樣海鮮係蟶子，估唔到細細隻蟶士又好甜喎，有驚喜😍其實我地得4個人但食咗好多嘢，仲有碟蝦膏通菜好大碟頭，又有開胃魚湯，又有馬豆糕同水果計埋都係每人五百幾，真係超抵呀！最重要係老闆娘笑容滿面又好相與，成日幫我地換碟，服務簡直💯！

帶左1行23人去幫襯愛民，經whatsapp問餐單價錢時已感覺老闆娘好親切。當日嘅美食大份、好食、新鮮！個個職員都好nice打晒招呼又同你吹水。23人都讚口不絕！價錢抵到爆！大概200幾蚊一位！有魚蝦蟹蟶子桶蠔魚係石斑兩食🤩極力推介

訂咗七點鐘抬， 早咗到六點三入座， 可能時間嘗早冇乜人。我哋一行六人坐左張10人枱， 非常鬆動，食得舒適👍 出去魚缸揀完海鮮後，剛坐底無耐就端上一盤熱騰騰嘅海鮮白菜湯，這個湯是送贈送的，但係出奇地鮮甜😍😍我哋點咗5樣海鮮。。。 上湯芝士焗龍蝦， 蒜蓉蒸蟶子，清蒸蒜蓉扇貝， 鹽焗花螺， 砵酒焗蠔， 油鹽水菜心，咕嚕肉共七味餸。 上菜速度很快, 現蒸嘅全部都熱度十足😉飯後有一段小插曲， 展現了店員服務好又細心👍 事緣係吃到尾聲嘅時候媽咪被龍蝦嘅骨哽親😥 媽咪去咗廁所扣喉，但不成功， 舊骨唔上唔落之際，店員立刻攞出一盤切好嘅橙， 建議媽咪試下把橙吞下去， 結果舊骨真係吞咗落去，無再痴住喉嚨， 抵讚👍👍👍總括嚟講, 食得出海鮮新鮮, 冇被換過。 食物cp值高，實而不華，唔會劏客咁劏，下次會再幫襯👌

Easter 假期無出外旅遊， 於是朋友提議去流浮山食 lunch 海鮮，於是一行4人揀左呢間愛民試下🙂呢間野都行得幾入， 初初都有d 猶豫入唔入去，因為無人 ！但我地都決定比機會試下！ 老闆同伙記都好熱情，帶我地返門口揀海鮮，提議我地可以食咩，聽到我地唔食既野就介紹第二啲！ 見我地order 左4個就叫我地唔好再叫，怕我哋食唔晒，唔會一味 hard sell, 讚👍🏼！豉油王蝦碌，幾野味！蒸扇貝幾大隻，味道都唔錯！炸蠔，都好食！ 豉椒炒蟶子王加煎米粉底，好好味！鹽焗奄仔蟹，好野味！炒左個椒絲腐乳通菜，味道淡左啲唔知係咪食完奄仔蟹，所以味覺失準整體服務野食收費都係食得開心，仲有佢地免收加一，大家都支持下呢d小店！P.S.餐廳可以收payme 同 轉數快，唔洗怕帶唔夠錢😎

3⃣️字形容，平，靚正，今日拜完山一行20幾人浩浩蕩蕩架車入流浮山食海鮮，我早1⃣️個月前已訂定愛民海鮮酒家，今次一定要贊同在Openrice 推介比大家，味道唔咸重食倒海鮮的鮮味，鮑魚超級大，另外西澳龍蝦開邊焗伊麵，超正，推介

難得放假一家人揸車去流浮山行下，入得流浮山必去食海鮮🦞，去到即刻選生猛海鮮，久違既海鮮餐，叫左八餸一湯，白飯任裝😆個個食到流晒口水，捧住個肚出黎😂龍蝦伊面、啖啖鮮甜蝦肉😋，龍躉兩味炸魚骨好脆好香，送啤酒🍻一流，清炒龍躉好滑既魚肉，非常爽脆，冰鎮鮑魚（必試）👍🏻鮑魚濃濃既酒味，大大隻好爽好正，豉椒炒蟶子，椒鹽魷魚，炸得好香 ，唔錯既選擇，一定有下次龍蝦伊面椒鹽魷魚豉椒炒蟶子龍躉兩味冰鎮鮑魚炸蠔

除夕夜想食餐好嘅，就去咗流浮山食海鮮。見呢家海鮮好生猛，喺門口嘅職員都幾友善又幾好招呼就入去了。喺門口揀咗幾樣，我最愛椒鹽龍蝦，肉質鮮甜，食到唔停得口椒鹽粒送飯一流，龍蝦身做咗刺身，都幾彈牙；炆魚球整得好脆口又乾身超正，不過最後一碟上已經好飽要打包；朋友就鍾意鹽焗奄仔蟹因為有好多蟹膏，同埋辣酒煮花螺。附送嘅魚+龍蝦湯有驚喜，有得食湯料，暖胃好飲。我地仲叫咗扇貝同薑蔥蠔好大隻總結每樣海鮮同埋招呼都非常滿意，為2022年劃上完美的句號。回味之選一定再去

由於要同朋友Farewell ，我哋就預訂咗流浮山食海鮮，唯一要預訂嘅食物就係醉鮑魚啦！醉鮑魚一定屬於必食之選，今次鮑魚有手掌咁大隻，再配上辣椒豉油，味道上的層次立即提升。另外我哋仲叫咗蒜蓉粉絲蒸扇貝，椒鹽賴尿蝦，炸蠔，龍蝦伊麵等。龍蝦伊麵配上芝士，一啖面一啖龍蝦，簡直令人回味無窮。由於喺流浮山，海鮮真係十分新鮮，故此每一樣的海鮮都十分之好味。另一樣不是海鮮的食物就是咕嚕肉，咕嚕肉也是絕頂的好食，他的炸粉十分之薄，而他用的是肉片，所以炸出來十分之脆口。另外餐廳都好好，有免費嘅橙同甜品附送。

屋企人有朋友住流浮山，可以預先幫手揀海鮮，所以每幾個月就會去流浮山食海鮮。而每次都會去愛民，因為平靚正，服務好，但環境比較逼，漁村酒家feel。今次一行六人，同學聚會。 本灣奄仔蟹：主角登場！今次就係為佢而嚟。鹽焗，多膏，蟹肉鮮嫩，正！我哋每個都食到停唔到口。象拔蚌刺身：口感鮮嫩、爽脆，唔錯！象拔蚌泡飯：將象拔蚌個膽煮泡飯，好鮮甜，一定要落胡椒粉先好食。鹽焗花螺：新鮮，咸香入味。炆魚：外脆內香，炆得恰到好處。椒鹽瀨尿蝦：好大隻，好多肉，好香口，好鮮甜，色香味俱全，正呀！蒜蓉粉絲蒸扇貝：味道正常，口感都算嫩滑，冇乜特別驚喜。上次母親節嚟食，人多廚師水準keep唔到，今次平日嚟keep到水準，碟碟都好精彩，下次識揀時間了。

同屋企人好耐冇食海鮮，咁啱有朋友推介愛民，所以就黎試下啦🙈首先，佢呢間海鮮酒家係可以係度叫埋新鮮海鮮然後呢度加工埋，係一站式嘅，唔洗走黎走去咁麻煩😌而且係店面買海鮮個陣係有店員幫你諗點整，同埋按人頭預返海鮮數量，唔會搞到點得過多導致食唔晒豉油王大蝦🦐全部都大大隻，蝦頭有膏，唔會太鹹，但都好香豉油味，蝦肉彈牙😋我連d洋蔥都食埋🫢好香奉送嘅海鮮魚湯🐟🥣入面有西洋菜，豆腐，魚同埋一d蝦蟹殼類嘅，清清地蒜蓉粉絲蒸扇貝扇貝好大隻，蒜蓉同粉絲嘅份量都唔少✨酥炸鮮蠔🦪佢嘅渣粉唔會好厚，而且蠔肉食落新鮮😋脆脆地好味龍躉兩味🐟第一碟係魚塊，啖啖肉，唔會太鹹！第二碟係炸嘅魚骨，都幾入味！鹽焗奄仔蟹🦀️今次呢兩隻比較細，但都有膏，同埋鹽焗可以保持原味😋豉椒蟶子每條都好大條，而且整得好入味，鮮甜😋椒絲腐乳通菜🥬份量多，而且唔會太鹹🧂送嘅馬豆糕🫘唔會太甜，而且係呢度店員自己整嘅，好似話係有晚市堂食先會整🙈送嘅水果🍊

入到流浮山，d餐廳多到眼花撩亂，今次就揀左愛民😉魚湯 (我估係😆)😋😋每枱都送一窩，清清地的白色例水配2條白菜😁🔻黃金炸蠔😋😋😋😋😋本身想食薑葱蠔但呀遮遮堅稱炸好味d，我仲懷疑係d蠔唔新鮮🧐嚟到食咗一舊好有驚喜，好鮮甜Juicy，個炸又薄又脆😍 連我唔鍾意食炸野都覺得好味😊🔻蒜蓉粉絲蒸扇貝😋😋😋😋都係咁啦冇乜特別😂 冇沙、新鮮👍🏻🔻鹽焗蟹😋😋😋平時我好難食蟹因為要剝殼，但呢隻蟹d殻比較軟容易handle，而且d膏都好甜😚🔻豉油王花竹蝦😋😋😋😋😋好大隻🤩 好爽甜，外殼沾滿豉油王，甜甜地鹹鹹地，我食左4隻😝🔻椒鹽瀨尿蝦😋😋😋😋😋雖然剝殼有d艱辛，但好新鮮👍🏻重點係下面啲椒鹽，我逐粒逐粒夾黎食😆 送飯一流🍚🔻菠蘿咕嚕肉😋果然食海鮮既地方唔應該食其他野🥲🔻椒絲腐乳通菜😋😋除咗好咸好咸仲係好咸😅但送飯又幾正，食完瘋狂飲水🥲

今次同屋企人黎流浮山食海鮮，見到呢間係有賣埋海鮮嘅就入左黎。呢個海鮮湯係餐廳會送嘅，都幾鮮甜。呢個係豉油王炒大蝦，蝦肉都夠多，味道正常發揮。呢個係蒜蓉粉絲蒸扇貝，都夠多蒜同埋粉絲。呢個係豉椒炒聖子，唔會太辣，而且好入味。餐廳有童年回憶，好耐冇飲過樽裝嘅汽水，覺得好味過罐裝。呢個蟹係鹽焗，蟹肉同埋膏都好多，食到好飽。呢個就係龍躉兩味，其中一碟，覺得偏鹹左。叫左碟椒絲腐乳生菜，味道幾好，而且份量都多。

週末總想遠離市區，所以今次選擇咗入流浮山，食我最鍾意嘅海鮮，仲可以去附近行吓同埋手信。泊完車，停車飛上有幾間酒樓係食完有泊車費回贈，所以我就根據泊車飛上嘅酒樓名稱，隨意選擇左一間未試過嘅。店面唔算好大，裝修亦比較舊，不過店員好熱情。喺外面揀完海鮮，佢就已經上咗一個海鮮湯，材料有豆腐、菜、魚、龍蝦、大蜆，非常鮮味，而且喺屋企整唔到，因為你唔會買咁多種材料為咗整一碗湯。呢排澳洲龍蝦真係好平，雖然喺呢度食已經比外面街市買貴，但價格依然非常吸引，今次叫咗芝士焗，極鮮味，肉嘅質感真係唔係波士頓龍蝦可以媲美。另一個我好鍾意叫嘅餸係砵酒局焗蠔，呢度做得非常之好，雖然今次我哋揀嘅本地號係比較細隻，但亦都不失美味。建議下次嚟呢度可以揀比較大隻嘅桶蠔。另外我哋叫咗蒜蓉粉絲蒸北寄貝。唔知係唔係北寄貝本身質感問題，蒸完出嚟始終有點銀，比唔上食刺身嘅口感，亦都唔似蟶子既嫰滑。睇嚟北寄貝都唔係一個適合蒜蓉蒸嘅品種。