愛群餐廳

營業中

休息中

從來都係食完就算,一次食評都未寫過,今次真係唔寫唔得啦裝修後既第一次,亦都係最後一次以前覺得好食同低食,而家加晒價而且真係勁難食如果以前黎過,惗住返黎懷念下以前拍拖果陣,我強烈建議你咪啦,你既回憶會破滅我真係覺得食緊像筋同柴皮真係非常失望

細個大時大節要食好D, 老豆先會帶我去間花園餐廳鋸下扒.呢間懷舊扒房, 連入面既裝修都好懷舊, 牆紙, 燈, 卡位都係80年代既時代遺物, 叫左個鐵板雞扒, 要燒汁(我怕辣), 配薯條, 鐵板拎到埋黎, 熱騰騰, 侍應會叫你準備好打開張餐巾, 一倒個汁, "炸炸"聲, 香氣四溢, 呢D"炸炸"聲係餐廳此起彼落, 梗係啦, 一個鐵板都係幾十蚊, 又大大份, 而家黎講好抵食架啦~雞扒, 手掌甘大塊, 雪藏野, 唔係得別好食, 不過配埋個汁, 細個去鋸扒果種味道返晒黎, 薯條佢都幾大份, 食鐵板餐一定叫薯條, 因為貪佢索晒D汁, 又有陣蒜香味, 好好味~食完個鐵板, 仲有甜品, 本來想食啫哩, 不過最後一杯比隔離檯個妹妹食埋, 得番雪糕, 原來係椰子味雪糕, 普通椰子雪糕, 唔係特別野, 不過用果D懷舊不銹鋼杯裝, 真係由頭懷舊到尾~

裝修後第一次食，由晚餐轉食宵夜餐時段，價錢食平D啦！實在不是，因逐項收費和食材份量少了。裝修後感覺好怕生，無晒懷舊感和人情味。超現代裝修，好冷漠！味道，還保持之前味道，可惜跟餐時菜只得薯條和雜菜粒，可能是宵夜，份量少了。新裝修與食材唔係好夾，可能對舊舖印度好深刻。後感，可以一試，作個完滿結局！

翻新後嘅愛群餐廳，招呼一般，有對夫婦，叫咗一碟厚白汁××飯，另一位叫咗鐵板牛柳餐，5成熟，先嚟個鐵板餐，先生問:呢件牛排幾成熟，侍應生睇單，話7成熟，然後，侍應生淋汁落去，切開牛排後，先生開始話，order5成熟，落單7成熟，出到嚟上枱10成熟。侍應生問:咁要換嗎？先生話:我要5成。侍應生接着攞走鐵板。先生見到太太碟飯，便問道:你不是要“白汁”嗎？太太說:係呀…先生又再叫侍應生，同侍應生講，碟飯係要白汁。侍應生又問，咁要換嗎?先生: 要鐵板牛柳到啦…唉………又錯，要洋蔥汁，先生話黑椒食唔到呀…會敏感，侍應生一睇張單，真係又錯，侍應生再問咁要換嗎…先生再講:唔食得黑椒第三次先出到啱自己食嘅鐵板比錢又受氣但當時老闆在場，依然不發一言，當冇事發生真係唔得囉…

難食到呢~要我處女下海 首寫食評期望＞＞＞＞＞＞失望又一間老字號已死見佢裝修完 靚靚仔仔 咁耐冇食 就再去鋸下扒啦 諗返起佢嘅羅宋湯超濃 羊架好香 抵食夾大件😨中計開始喇……坐低冇耐侍應就問我哋叫得餐未 大佬~ 餐牌都未睇呢 好趕時間咩平時落單就梗係叫咩扒咩扒㗎啦 個侍應居然唔明我講乜 叫我講number喎 諗番起以前愛群餐廳班侍應 個個串串貢但有heart 十足十“食神”入面爆漿牛丸班伙記一樣 型到跌渣㗎嘛 依家呢班年青人 得個軀殼冇靈魂嘅啲餐具污糟到冇朋友 簡直幻想到上手食過咩扒 叫完餐 等咗陣 主菜就上啦 等陣先……個湯呢？！補番個湯之後 一飲就知奶野啦 得個“酸”字 以前愛群最出名就係個羅宋湯㗎啦 又濃又多菜 淨飲個湯就飽啦😕開始食主菜喇我點咗一份法式羊架 一份西冷牛扒加德國腸😬份法式羊架熟度呢~九成我明明叫左五成㗎？！ 又冇薄荷醬 得蒜蓉黑椒嗰啲普通嘢畀我揀 以前個廚房整羊架好正呀 煎到脆面㗎 依家咪變咗煲湯瘦肉囉😧到介紹個西冷牛扒喇我個人比較血腥 鍾意食三成 但一切開塊牛扒 我真係睇唔出幾多成 成塊牛排由面到心都係凍嘅 切開又見唔到血喎 幾神奇呀 冇牛肉味 都唔知自己食緊塊

杯熱奶茶又唔熱！茄湯同裝修後開始時好好味！現在好似茄汁加水😂難食到不得了多士又凍😩又冇奶又冇油😩有冇攞個心出嚟做呀？？早上=="" 一啲都唔忙都可以俾啲咁嘅嘢人食????永不回頭嘅一間餐廳😭（可能啲伙記就係想咁）☹️☹️☹️真係嬲到唔記得影低佢😤

裝修後試下去幫襯嘩！長沙灣區呢講價錢都幾貴！不過試一次！如果不好食！下次就不去啦！我就試下一個名稱吸引架啦，法式酥皮焗三文魚扒～賣相吸引！但酥皮不是酥皮！太腍！不是脆！裡面嘅三文魚幾醒味！唯一就俾 d 汁算多，可以用汁撈飯食！太可憐啦！

屹立於長沙灣幾十年，年紀比筆者還要大的港式西餐廳愛群，早前裝修完畢，以新面貌示人。以往從不需要等位，新屎坑，下午一點半鐘，竟然要排隊，香港人真係得。有諗過轉場，但霎時間想不到吃什麼，朋友話幾張檯等下啦！反正企係入面，涼住冷氣，等就等吧~經「化妝」後的愛群，廳面跟新派的Café分別不大，無疑是新穎，我卻覺得失去了昔日的懷舊感覺，唔太中意。或許，是我食古不化；或許，我也應該早被社會淘汰。點選了午餐，餐湯及麵包火速送上，一貫的有效率。紅白湯之間，來個羅宋湯，但是味道偏淡，反而衛星麵包，更能討我歡心。主菜原本想吃葡國雞飯，可惜售罄，沒什麼頭緒，點指兵兵點中了馬來咖喱豬扒。然而，帶骨豬扒雖唔會硬轟轟，咖喱卻是不香也不辣，浪費了脆卜卜的印度薄餅。朋友既西冷拼大蝦，佢更食到幾乎爆粗。喝一杯極之普通的咖啡作結… 好一餐，唔好又一餐~

未裝修時牛肉有牛肉味，裝修後變腐肉. 麵以前有特式，起碼爽身. 而家一pat pat. 餐肉又用下等貨，入口即溶.....就連奶油多咁機本野都可以咁難食，凍既，包身裡面粉狀！攞支辣油來係用完既，括埋底有幾滴，不如答我無啦！絶對係燒鵝既價錢，蔗渣既味道！極度肯定唔會再有下次！

見佢新裝修門口又大大過牌寫住$92.00又牛排又大蝦咪入去試下囉！坐低咗知中伏，大蝦下面有行細字寫大蝦加$28.00。我叫咗個鐵板牛柳加意粉，意粉淡而冇味重要係凍嘅，牛柳黑汁又少咪叫佢攞黑汁，點知叫咗四次先來。伴碟什豆生生哋，真真不知所謂！重食Q咗我$151.00,衰過舊時，總知去荔枝角道金鳳。谷X氣！！

裝修完諗住試下，點知...得返杯茶叫ok，簡單講算，唔想浪費太多時間響垃圾身上。首先一坐低已經好多野話冇晒，牛扒仲有所以叫左牛扒。牛扒仲夠膽問幾多成熟，點知塊塊都全熟，出餐慢不突止，鐵板仲要唔熱，d薯條燶晒，簡直係奇境，塊牛扒又難食又冇味，湯同汁都稀到水咁樣...飲品同所謂既甜品仲要追幾次先有...雖然以前幫襯左好多年，但係真係冇下次

從前愛群已死， 不可一不可再，牛扒un過香口膠， 吐掉的比吃的還要多羅宋湯。。唔係羅宋水至真，仲要濃既甜品雪糕三吹四請終於到， 但溶既。。老闆，點解你要裝修，老闆，點解你要換左批廚老闆，你唔覺你們的出品有問題嗎？

已經光顧愛群很多次了, 一為食物, 二為情意結, 香港已經很少這種古舊西餐廳了.最近見愛群重新裝修, 一定要去支持下, 雖然心中不太認同新的風格:完全沒了古舊西餐廳的味道.7時左右坐下, 心中慶幸還有位子. 全場是差不多全滿. 叫食物. 開餐牌, 發覺食物比未裝修之前貴. 沒有所謂吧, 反正都是支持的, 叫了2個價值92元的鐵板燒: 西冷拼魚肉 及豬扒拼德國腸.等了10分鐘左右, 豬扒拼德國腸先上. 侍應還說小心濺起熱汁. 但熱汁倒在鐵板上時, 完全沒有一點聲音, 證明其實鐵板不熱, 吃一口豬扒, 嘩, 那豬扒已經沒有肉的纖維, 就如爛了的肉, 不用咬已經可以吞. 惟有吃那未發育的德國腸, 它真是小得可憐, 心想不是吧? 後來再上西冷拼魚肉, 無論西冷還是魚肉, 都是入口即化, 完全沒有肉的質感與味道. 而且西冷很薄, 完全不知自己在吃什麼. 大家可以看看相片, 那西冷, 真的情可以堪!!!! 心裡不是忿怒, 而是傷心: 幾十年的老店, 也如香港淪落至此???即時想是不是餐廳已經轉手, 以致食物質素大降, 問伙計, 伙計說沒有轉手. 正在懷疑之際, 我們看見之前的老闆在店子一旁!! 我

裝修後既愛群,面貌全非。但都要黎會一會! 但只此一下,永無下次!雙併加左價。價高左,物量少左!7點半夠膽同客講雙併既牛賣哂!!!!!!星期六晚市你咁搞, 真係唔想做生意咩?????晚餐精選係平左但變相就無左小食!食開既人都知。餐包同湯一向都係足料既。宜加, 自己話係香草焗意大利包。最終就係俾多士, 仲要濕既。湯唔可以再叫做湯, 係水。紅湯係菜加水, 白湯稀到就黎無味。飲緊就已緊秒速上埋鐵板。份量少都無得再少!!!!加28蚊話大蝦皇喎，但隻蝦同牙籤既長度差唔多。鐵板又唔問幾成熟全部鐵板勁熱塊扒變哂全熟雞扒變到燶哂。燶味勁到食唔到!!!!!!以前意粉係茄意, 宜加係白烚意最愛既甜品啫喱已經無左,得返雪糕雪糕一上,已經溶左一半沒有最差, 只有更差!!!!!!!!深水埗又少一個食好野既地方

服務態度差…混亂…勁走單…上菜次序超混亂先上主菜紅酒燴牛尾一半…另一半薯菜…等了一小時都唔到…追單每次馬虎了事…跟住黎湯…落單要紅湯…冇又唔出聲…追單問點解未黎湯…先話冇紅湯…轉南瓜忌廉湯…點知出事…個湯拎埋黎已勁大陣燶味…試少少個少燶味冇可能接受…品質品即時打晒折扣等了一個多小時既薯菜終於黎…點知得幾粒細少的薯粒…都唔知點解要等咁耐…仲要唔熟的…真係氣死我…紅酒燴牛尾…汁味道幾好…但牛尾勁水味…完全唔知想點…以前既愛群餐廳水準幾好…見佢開番諗住唔差得去邊…點知大大失望