影片
更多
2016-06-28
749 瀏覽
難食到呢~要我處女下海 首寫食評期望＞＞＞＞＞＞失望又一間老字號已死見佢裝修完 靚靚仔仔 咁耐冇食 就再去鋸下扒啦 諗返起佢嘅羅宋湯超濃 羊架好香 抵食夾大件😨中計開始喇……坐低冇耐侍應就問我哋叫得餐未 大佬~ 餐牌都未睇呢 好趕時間咩平時落單就梗係叫咩扒咩扒㗎啦 個侍應居然唔明我講乜 叫我講number喎 諗番起以前愛群餐廳班侍應 個個串串貢但有heart 十足十“食神”入面爆漿牛丸班伙記一樣 型到跌渣㗎嘛 依家呢班年青人 得個軀殼冇靈魂嘅啲餐具污糟到冇朋友 簡直幻想到上手食過咩扒 叫完餐 等咗陣 主菜就上啦 等陣先……個湯呢？！補番個湯之後 一飲就知奶野啦 得個“酸”字 以前愛群最出名就係個羅宋湯㗎啦 又濃又多菜 淨飲個湯就飽啦😕開始食主菜喇我點咗一份法式羊架 一份西冷牛扒加德國腸😬份法式羊架熟度呢~九成我明明叫左五成㗎？！ 又冇薄荷醬 得蒜蓉黑椒嗰啲普通嘢畀我揀 以前個廚房整羊架好正呀 煎到脆面㗎 依家咪變咗煲湯瘦肉囉😧到介紹個西冷牛扒喇我個人比較血腥 鍾意食三成 但一切開塊牛扒 我真係睇唔出幾多成 成塊牛排由面到心都係凍嘅 切開又見唔到血喎 幾神奇呀 冇牛肉味 都唔知自己食緊塊
要我處女下海 首寫食評
期望＞＞＞＞＞＞失望
又一間老字號已死
見佢裝修完 靚靚仔仔 咁耐冇食 就再去鋸下扒啦
諗返起佢嘅羅宋湯超濃 羊架好香 抵食夾大件
😨中計開始喇……
坐低冇耐侍應就問我哋叫得餐未 大佬~ 餐牌都未睇呢 好趕時間咩
平時落單就梗係叫咩扒咩扒㗎啦 個侍應居然唔明我講乜 叫我講number喎 諗番起以前愛群餐廳班侍應 個個串串貢但有heart 十足十“食神”入面爆漿牛丸班伙記一樣 型到跌渣㗎嘛
依家呢班年青人 得個軀殼冇靈魂嘅
啲餐具污糟到冇朋友 簡直幻想到上手食過咩扒 叫完餐 等咗陣 主菜就上啦 等陣先……個湯呢？！
補番個湯之後 一飲就知奶野啦 得個“酸”字 以前愛群最出名就係個羅宋湯㗎啦 又濃又多菜 淨飲個湯就飽啦
😕開始食主菜喇
我點咗一份法式羊架 一份西冷牛扒加德國腸
😬份法式羊架熟度呢~九成
我明明叫左五成㗎？！ 又冇薄荷醬 得蒜蓉黑椒嗰啲普通嘢畀我揀 以前個廚房整羊架好正呀 煎到脆面㗎 依家咪變咗煲湯瘦肉囉
😧到介紹個西冷牛扒喇
我個人比較血腥 鍾意食三成 但一切開塊牛扒 我真係睇唔出幾多成 成塊牛排由面到心都係凍嘅 切開又見唔到血喎 幾神奇呀 冇牛肉味 都唔知自己食緊塊乜 條德國腸 喊喊喊喊喊喊喊
😖隊到咁上下 侍應埋來問叫咩餐飲 心諗快快趣搞掂佢 食完飲完咪走囉 點知佢真係快到呢~主菜都未食完就隊個甜品埋嚟啦 效率真係高 我一邊 鋸住件扒 一邊望住杯雪糕溶緊 幾咁人“生交叉點”呀 牛扒又凍雪糕又溶“憑傲氣~硬漢子……” 喺咁緊張關頭我究竟食邊樣嘢先呢
到最後我將心聲寫曬落張單度 唔知老細睇唔睇到啦 冇所謂啦 橫掂我都唔會有下次喇
※愛群餐廳 好自為知啦※
張貼