慧食貓

營業中

休息中

每次黎親葵芳一定去慧食貓食返個手抓餅，因為佢個手抓餅真係好好食，而且價錢仲好抵。手抓餅都有好幾款，不過我最鍾意食嘅都係B餐火腿肉鬆雞蛋手抓餅，同老公一人一個，唔使爭食。外皮煎得很酥脆，而且餡料份量亦都好多，中間仲有啲蕃茄同菜中和下，減低油膩感之餘，感覺上又冇咁熱氣。每一啖都充滿住餸，食完一個都已經好飽。而且老闆重好好人，仲勁好記性，講完食咩唔使Mark低，轉頭返來攞又記得你叫咗啲咩，真係好勁。呢一間真係好推薦，食極都唔會厭。

慧食貓嘅手抓餅一向都好出名，絕對係去葵廣一定要食嘅小食！😋🌮火腿雞蛋肉鬆手抓餅呢款手抓餅係老闆推薦，每次都見到有好多人嗌，今次試完之後覺得果然係名不虛傳！手抓餅嘅餅皮係黃金色，食落好香脆。而裡面嘅餡有好多，除咗火腿、雞蛋同肉鬆，仲有生菜同番茄，可以解膩😋成個手抓餅最正係粒蛋，有少少燶邊至於蛋黃又有少少流心，非常好味😋手抓餅大份之餘又好食，果然係葵廣必食嘅小食😍

葵涌廣場越開越多食店，但每次嚟到一定食慧食猫！一定叫🅱️餐！最好食的手抓餅店歸慧食猫莫屬！💮性價比勁高！💯手抓餅出名好食之外，呢到嘅老闆都好出名🤣成日都好佩服佢記性點解可以咁好😎，唔洗寫籌，記得哂所有客人嘅order~ 🤩找錢亦都喺客人自助式，依家已經好少呢種咁講信任的店舖。由於喺即叫即整，所以只要落咗order後，老闆就會同你講大約幾耐再返嚟拎，咁就可以趁呢段時間喺附近兜吓買埋其他小食同嘢飲~😽👍🏻🔸B. 火腿雞蛋肉鬆手抓餅 ($24)  8.5/10平時喺選擇困難症的我，嚟到一定例牌叫B餐😋，總覺得手抓餅一定要有雞蛋🍳同肉鬆👅。外皮煎得十分酥脆，夾埋豐富的餡料，中間仲有生菜🥬同蕃茄🍅中和一下，每一啖都勁滿足！😍😍老闆仲會好貼心咁俾個膠袋你拎走，提你「小心，好熱嫁！」嚟開葵廣真喺要大大力支持！💕

行過路過都唔會錯過既手抓餅專門店..每次嚟到葵涌廣場每次都食..邪惡級數去到極致😍識食一定食B餐：蛋🥚+肉鬆🥓+生菜🥬+蕃茄🍅+另加芝士🧀=🥙➡️🤤👍🏻即叫即做熱辣辣..酥脆香口嘅外皮..夾上一啲都唔孤寒嘅豐富餡料..真的真的啖啖滿足我挑剔的味蕾👅食完一個都覺得真係唔夠喉..想叫多個黎食🤫老闆服務一流；一啲都唔孤寒..自己俾錢自己找錢..仲要驚你熱比多個膠袋你拎住..多麼的幸福🥰

講左好耐今日終於食到！老板好有禮貌好熱情！5分鐘就做到一個，超快手！有幾款配好嘅餐可以揀，又有自選配搭。我就揀左原味火腿！香脆鬆軟嘅餅皮夾住新鮮爽口生菜同蕃茄，多到爆嘅醬汁同咸咸地嘅火腿好夾！下次去葵廣一定要再幫襯！絕對係可以買爆嘅小店！

雖然因為疫情葵廣好多小食店都執咗但仍然都係有好多嘢食每次去葵廣都一定會食手抓餅！.F.火腿芝士雞蛋豬柳手抓餅 $29.鋪面細細間 唔係好大 大約有一兩個員工一去到都係同老闆講要邊一款然後老細會同你講要等幾耐可以周圍行吓再返去整好就俾錢 自己找續💰.固定款式有七款但都可以自己搭配 揀自己鍾意食嘅配料今次揀咗食F餐一如既往嘅好食😋手抓餅因為即刻煎熱辣辣又好脆配料醬汁都唔會好孤寒 份量好足夠成個配搭食落好滿足 可能因為自己真係好鍾意食手抓餅😍😍每次去葵廣都心思思想食🤩

近期疫情下好多小店嘅生意都好慘淡😢，身為香港人🇭🇰都盡量幫吓佢哋。除咗幫襯佢哋💰，仲想俾更多人知道佢哋嘅存在💛不過葵廣真係多嘢食到唔知點揀好🤯，好彩有黃店指南🤩，終於揀到幾間好味嘅介紹俾大家。==============================【慧食貓】📍葵芳葵富路7號葵涌廣場1樓B01C號舖 🌮火腿雞蛋肉鬆手抓餅 ($24)呢間有唔同口味嘅手抓餅，唔知點落手好，就揀咗佢嘅招牌～餡料好豐富，每一口都咬到唔同嘅餡料☺️雞蛋🍳唔會煎得太老，好嫩滑整體好滿意，會再encore🥰(🔥怒食指數：8/10)==============================

慧食貓 @ 𝘬𝘸𝘢𝘪 𝘧𝘰𝘯𝘨 - 唔該要個𝘋餐啊💛👧🏻_葵廣一日遊💛泥掃街都點可以唔食手抓餅😻 再加上依家冇得去台灣一定要泥試試佢😼🌟蟹子吞拿魚手抓餅（𝘴𝘦𝘵 𝘋） ＄25老闆一人經營 落左order之後 老闆就叫我地放低cash同話自己找錢（大家要誠實喔❗️）然後唔試等五分鐘就有得食喇 可能嗰陣啱啱開左一陣 唔係好多人 以拎上手唔係好熱可以即刻食 加上本身個手抓餅唔會好油膩 再加埋新鮮生菜用蕃茄 食落好fresh 不過大家食嘅時候要非常小心 因為裡面嘅餡料份量真係好充足 就好似我地叫左蟹子吞拿魚 一咬落去差啲成pat吞拿魚跌左出泥 可惜我住得唔近 冇得成日泥encore😿 哩間真係好食過太安樓嗰間多多聲🙌🏻

煙鴨胸水蜜桃手抓餅🌯 - $25因為我係個冇咩勇氣試新野既人所以通常望完Menu 20 minutes later我都係會照返舊。咁Sold Out點算呢?! 首先堅持下，唔好次次都袋住先。然後你望下我個手抓餅幾好食。所以話Sold Out唔代表真係Sold Out左，如果係放棄之前肯行前一步努力下爭取下嘗試下，可能我哋、甚至香港都可以得到自己想要既手抓餅。我們可以卑微如塵土，但不可扭曲如蛆蟲。雖然我自己都做唔到啲咩哈哈店主姐姐好好人！好彩問咗咋😍地址: 葵芳葵富路7號葵涌廣場1樓B01C號舖

已經唔知第幾次幫襯 次次黎食都係order B set（火腿、蛋、肉鬆） 真係好正 入面會夾生菜同番茄 可以解油膩 食完一個之後 仲好想食多個 但驚肥死老闆份人超級好 夠直接 其實呢d唔叫串 呢d叫友善 當你自己人咁講 反正一定會再幫襯。

1️⃣蟹籽吞拿魚手抓餅 $25 2️⃣蟹柳肉鬆手抓餅 $24✴️每份手抓餅都係即叫即整，所以唔會怕手抓餅有嗰種擺耐咗嘅油膱味。老細落餡料真係好闊綽，兩款嘅手抓餅啲餡料多到食到最後一啖餅都仲有。除咗啲餡之外，每個手抓餅都仲有配生菜同蕃茄，所以食嘅時候可以中和下，冇咁油膩。但兩款口味對比之下，比較鍾意食肉鬆嗰款，因為吞拿魚沙律真係勁多😂食到最後一啖都仲有剩好多，所以相比之下蟹柳肉鬆食落冇咁濟。雖然葵廣食嘢唔太方便，推薦大家買完之後拎走返屋企食。

B餐. 火腿雞蛋肉鬆手抓餅 （$24）每份手抓餅都係即叫即整，所以拎上手都仲係熱辣酥脆，仲好邪惡咁標緊油老闆亦都唔孤寒咁落足料，滿到爆既肉鬆。煎蛋亦都唔會煎到過老過熟，咬咬下仲會有啲蛋汁湧出黎就連係配角既生菜亦都好爽脆新鮮。呢間舖頭另一個特點就係老闆好好記性😂咁多個客人落單，但係都記得邊個打邊個。我去多幾次之後，老闆直頭記得我嗌開咩餐，佩服佩服👍🏼👍🏼由於實在係好足料，如果係想之後掃街既，最好就同朋友開心些牙喇

.🌮火腿雞蛋肉鬆手抓餅 - $24餅皮超好食 係好香口得黎又煙煙韌韌咁肉鬆係甜肉鬆 由頭食到落尾都勁多肉鬆好啱鍾意食甜既人😋因為份量好充足 食一個都已經飽飽地！📋材料豐富 幾抵食👍🏻👍🏻📋btw平日搞笑既店主最近聲帶受損講唔到嘢住📋希望佢快啲好返啦

🍁 火腿 雞 蛋 肉 鬆 手 抓 餅 ($24)•呢間嘅手抓餅真係我去葵芳必必必食之一，每次都會掙扎到底買一人一份同share食，一份又會食到好飽之後掃唔到太多嘢食，但係share又會覺得唔夠喉😂每次我都淨係會揀呢個B😚餅皮好脆，雖然點都會有啲油，但可以接受，而啲餡好足，有時蛋仲有啲啲流心，成個配搭都好夾好好味🤤

一直沒能去台灣，一直也很想念手抓餅，另外也很想試慧食貓，但常常見到很多人，而且對於落單過程很緊張，但其實只要守規矩就好了，而且老闆好利害，不用寫下也記得🥙 自選材料手抓餅 $26今次我加了個人最喜歡的雞蛋、芝士、肉鬆，店主還在裡面加了生菜，感覺健康了一點，材料滿滿的，cp值極高，再加點醬油膏，味蕾就像飛了一轉台灣