慧食貓

營業中

休息中

每次黎親葵芳一定去慧食貓食返個手抓餅，因為佢個手抓餅真係好好食，而且價錢仲好抵。手抓餅都有好幾款，不過我最鍾意食嘅都係B餐火腿肉鬆雞蛋手抓餅，同老公一人一個，唔使爭食。外皮煎得很酥脆，而且餡料份量亦都好多，中間仲有啲蕃茄同菜中和下，減低油膩感之餘，感覺上又冇咁熱氣。每一啖都充滿住餸，食完一個都已經好飽。而且老闆重好好人，仲勁好記性，講完食咩唔使Mark低，轉頭返來攞又記得你叫咗啲咩，真係好勁。呢一間真係好推薦，食極都唔會厭。