慶發記小食

營業中

休息中

晚餐後散步，路經糖水店，見到好多唔同種類既糖水及甜品，我地叫左一個熱腐竹白果糖水，另外一個熱芝麻糊加芋圓 腐竹白果糖水係我至愛煲到豆漿顏色果款，甜道剛好，又夠熱，岩晒宜家呢個天氣飲芝麻糊味道香濃較甜，下次再黎可以試下一樽樽既糖水

呢間小店嘅食物選擇真係琳琅滿目，好似我呢啲有選擇困難症嘅人一定出事，佢啲甜品同糖水好似樣樣都唔錯，不過店員提醒因為冇落防腐劑，所以攞到返屋企放雪櫃都係幾日之內要食晒，為咗唔好嘥嘢，我好辛苦咁揀咗兩樣最想試嘅，就係桂圓雪梨茶同埋養顏燉雪燕。柱圓雪梨茶由紅棗、桂圓同埋雪梨三樣嘢整嘅，飲落去好滋潤，啲桂圓嘅質素都唔錯，味道唔太甜。呢個養顏燉雪燕，d雪燕幾清爽，好味得黎亦令人覺得好滋潤，真係好適合冬天嘅糖水。

每年都會去幾次長洲，雖然已經冇晒d小島風情，不過就係唔鍾意入嚟懷舊吓懷念吓四圍行吓，當然唔少得食吓野，而呢間糖水店次次都會安排在行情最尾，上船前去幫襯買外賣返屋企，因為就係鍾意佢嘅懷舊味道。其實佢真係有幾多選擇，不過我基本上都試得七七八八，今日去到竟然見到有新野，就係芋泥椰汁西米露，當然要買黎試一試啦。整體感覺就係去懷式酒樓食到嘅焗西米布甸d餡嘅味道，芋頭、椰汁同西米嘅味好平均，無話d味側埋一邊，三隻味都食到，另外因為有芋蓉所以都飽肚嘅，味道唔錯。

🌹Ig睇人介紹長洲有咩好食，俾我見到呢間勁吸引既糖水舖。價錢平，份量多，種類多，包裝方便攞走，勁足料，真系超抵買！！！讚到咁但我真系自費架😂🌹 芋泥西米露🌹 評分：9/10芋泥茸既質地打到岩岩好，唔會太水而保留到少少咬口同時唔會太杰身。好重芋頭味，甜度適中，仲有好多西米露可以食，椰奶足。真系好好飲，以後黎長洲我都一定會幫襯❤️❤️❤️不過堅飽肚，仲要價錢咁平。🌹 皇牌燉桃膠 $18🌹 評分: 7.5/10一樣系咁足料，淡淡有咬口，相比無咁甜，食得岀系好天然較健康。🌹 極上椰青凍 $20🌹 評分：8/10好重椰汁奶香，仲有好多椰青肉食。🌹 芒果楊枝甘露🌹 評分：9/10好濃郁既椰奶味，偏甜足料，越飲越想飲😂🌹 椰汁養顏燉雪燕🌹 評分： 7/10如果要比較，極上椰青凍會再濃郁啲奶香啲。當然雪燕比較養顏啦😆🌹 濃厚凍腐竹🌹 評分：9/10

呢間唔知應該稱佢為小食店定糖水舖嘅長洲巷仔小店，野食嘅選擇都真係幾多，平時我通常會揀燉桃膠又或者冰糖燉雪燕，因為呢兩款都真係好好飲而且又足料勁多渣，不過今次在云云滋潤糖水之中我最後揀咗去濕薏米水，我揀咗原味無揀到有檸檬嘅，因為我諗我唔需要美白啦。我唔係第一次幫襯呢間舖頭，因為我鍾意佢嘅出品都幾足料，就好似呢一樽去濕薏米水咁，真係好多薏米，飲到尾要搵匙羹慢慢𢳂黎食，唔好嘥料嘛。另外佢雖然加入冰糖，不過又唔會好甜，甜度剛剛好。

家人在長洲帶了兩瓶糖水回來孝敬我，一瓶是皇牌燉桃膠，另一瓶是極上椰青凍，都是自家製的而且材料都非常足。皇牌燉桃膠入面有杞子雪耳紅棗，當然有桃膠啦，而且桃膠很多，不像其他地方吃到的少少桃膠加多多糖水，非常足料。極上椰青凍入面有很多椰子肉，加上椰青水和椰汁，真的像在吃一個真的椰子般，很滋潤，雖然加了糖不過又唔會好甜，真係幾好味。總體來說性價比高而且材料質素不錯，吃了就是滋潤，而且外賣有冰袋同乾冰跟埋，非常好的外賣配套。

次次入長洲都會去呢間小店，以前有得堂食，衣家就只有外賣糖水返屋企慢慢嘆。因為覺得佢哋好足料兼人手製作，最重要係唔係太甜。上到船已急不及待一人揀一支。椰汁養顏燉雪燕一啖食落去就知道有幾滋潤，同埋入面有好多雪燕。芋泥西米露又真係估唔到味道咁夾，不過係會有啲飽肚嘅感覺。皇牌燉桃膠真係皇牌，d料多到一個點，成樽好似充滿晒D桃膠，食落去喉嚨好潤好舒服。另外如果買夠一定數量佢仲好細心咁有個保溫袋連乾冰比你，真心比個讚！

放大假入長洲比我無意中發現最有驚喜的一間甜品店……..飲到好有驚喜一飲就會愛上的甜品店20元竟然有超值的驚喜買完甜品行過隔離又比我發現另一個驚喜🥰🥰🥰🥰🥰🥰————————1⃣️首先先講第一個驚喜：放大假入咗長洲玩足幾日，日日都要吃的甜品，真係好吃的盡在不言中⋯⋯一個選擇困難症的我，看見五花十色的甜品，每一款都想吃，每一款都想買😍🥰養顏燉雪燕：😍紫米椰汁西米露❤️養顏椰汁燉雪燕💕濃厚凍腐竹配白果😘芋泥椰汁西米露🥳黃牌燉桃膠：😋椰汁燉桃膠：—————————-款款甜品都不會太甜，而且足料好味道，一個可以啜得到的甜品，入面的材料滿滿的，要吃什麼料每一啖都是豐富的材料，日日食都唔會厭嘅甜品：好可惜只有長洲才可以吃到，今個假期入長洲玩比我食到長洲最有驚喜嘅甜品🍮—————————-2⃣️第二個驚喜：行過隔離，竟然有一間都係慶發記買長洲手信嘅舖頭，咁我呢個為食貓，當然唔可以放過啦，咁我又買咗一大堆，除咗自己食之外，又可送比至愛親朋😋很喜歡這個金句，給那些認為絕望的人！「世上沒有絕望的處境只有對處境絕望的人」💕——————————-足料一吃的驚喜…啜得到的甜品👍其實開心🥳簡…單就在你身邊..食….拍…寫..

見到咁多食評推薦這間極上椰青凍， 趁今日到長洲便試一試。 umm...飲過後覺得一般，椰青味無想像中咁出咁濃，椰青凍亦吃不出椰青味，整杯嘢以$20來講算勉強ok，好彩不是太甜。

🍧今日去左長洲玩😛平時睇大家介紹來來去去都係果幾間今次行行下見到呢間慶發記🤤一間外觀好平凡既小店貼住大大小小既甜品相側面有個凍櫃擺住各式各樣既樽裝糖水最重要係性價比超高‼️🥭楊枝甘露 $20見到價錢有啲驚嚇 只係$20😋但味道十分好 十分高質不過佢就比較奶身少少不過佢係樽裝 始終都唔係非常新鮮唔會好似其他糖水鋪咁有啖啖芒果不過$20 點都平過出面成條街🥥極上椰皇凍 $20個人認為呢個好飲過楊枝甘露佢個椰汁都幾濃👍🏼而且椰皇啫喱份量好多差唔多每啖都啜到🤤推介‼️📍慶發記長洲昇昌里2號地鋪

長洲口渴甜品篇：慶發記小食嚟到長洲想飲野，想食甜品一定要嚟慶發記，價錢好平，又唔會好甜，值得大家買嚟飲，飲完臨走再買返去屋企再飲，我臨走都買咗十枝走！🤣🤣🤣芋圓仙草凍$28（9/10）出面呢碗最少都要$40up，呢度真係好平，料又多，又唔甜，非常正！皇牌燉桃膠$20（9/10）入面有雪耳，桃膠，杞子，紅棗...好滋潤，超抵飲！😋😋😋個人口味總評分：9/10地址：長洲昇昌里2號地舖#甜品 #芋圓控 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

這個椰青凍是朋友特意在長洲拿到中環給我，我才知道長洲有這麼好喝的椰汁，網上得知原來還有其他種類的飲品，令我很想去長洲走一趟。椰汁味很濃郁，配合用椰青汁製成的果凍，口感十足；很有營養，含豐富鈣質、降低膽固醇，亦能美顏；甜度適中，喝完不會口渴，嘴裏不會甜椰椰。而且份量很多，喝完超飽～

- 這間小店好像很少見到有人介紹，當初是朋友被它的飲料包裝設計所吸引，想不到味道也很不錯🤤要留意碼頭那條街的「慶發記小食」是賣小食為主，要買飲品的話要在街尾向左轉入一點點噢～ 不肯定怎樣去的話也可以像我們那樣問一下店員😗🤍極上椰青凍💰20 •配料：椰青凍、椰青水、椰汁、糖•功效：清心解渴、護膚美顏、含豐富鈣和鎂、有助降低膽固醇喜歡這裡的飲品都標注了配料和功效，店家也提供了粗飲管讓我們自取😌椰青水配椰汁味道濃郁，啜起來有滿滿的椰青凍，增添了口感，如果甜度可以降低一點就更好了🤗🤍椰汁皇牌燉桃膠💰20•配料：桃膠，紅棗，杞子，雪耳•功效：潤肺解毒、養顏抗衰老、緩解壓力、清熱止渴朋友表示這杯的配料份量好多，性價比特別高🥰味道相對比上面那款清淡，感覺更健康和滋潤～·這裡的飲品標榜手工製作，特別有心思，不論當作長洲手信還是送給朋友也是很不錯的選擇！

📍 長洲慶發記重要嘅嘢講3️⃣次，必買‼️必買‼️必買‼️之前聽朋友介紹推介話去長洲一定要買長洲慶發記做手信‼️，咁岩踩單車🚴就經過見到呢間舖頭，咁就梗係即刻買嚟試吓啦，我哋三個人買咗三罐，大鑊飲完返唔到轉頭，佢哋舖頭選擇超多仲要所有嘢飲都超級抵飲，好解暑☀️夏天飲一流👍👍，最後我哋三個人差唔多買咗成15罐返屋企😂😂，阿爸阿媽都話好飲咁就掂，重點係佢哋啲嘢唔會好甜，想知我飲咗咩就繼續留意睇落去啦👇 📌碼頭行過去2分鐘嘅咋—————————————-————📌大部份九成嘢飲都係$20 有啲好似仲平添🤫🤫—————————————-————👅 芋泥西米露 $20👅 紫米西米露 $20呢兩個西米露就一齊講啦，如果兩個比較我個人就比較鍾意芋泥西米露多啲❤️，雖然兩個都好飲但係佢個芋泥真係好正好厚身😂😂，椰汁唔會好甜甜度適中，但講真飲完一罐都幾飽肚㗎😉，佢一罐差唔多係出邊一碗半嘅糖水份量囉—————————————-————👅 芒果楊枝甘露 $20係呀呢個又係$20😂，出邊一碗楊枝甘露都$40啦，完全係滿滿嘅芒果同埋西米，味道就無乜特別，都係大家想像到楊枝甘露嘅味道，不過我覺得佢嘅楊枝甘露就比較奶身啲，都好飲嘅

每一次我朋友入親長洲都會買一支椰汁桃膠俾我終於今次先至入嚟原來佢款式好多好多唔同嘅糖水 有楊枝甘露、唔同款式嘅桃膠，每一款得好足料今次我就買咗椰汁芋頭西米露都只係售$20 芋泥比例一比一而且唔會太甜 果然係長洲必買手信之一