慶記 (已結業)

位於大角咀的慶記，主打上海菜。我們兩個人點了兩個主食兩個小食開心share。另外亦都點了凍豆漿做飲品。紅油百花抄手鍾意食辣的朋友一定不可以錯過，抽手皮薄餡靚，紅油香辣惹味。同一般紅油抄手不同，百花抄手用魷魚同蝦肉打成餡，非常彈牙，而且大大隻。XO醬蟹肉小籠包小籠包用蒸籠上，打開繼續熱騰騰地冒煙。蟹肉不算多，不過咬下去就有很香的蟹黃味，小籠包皮薄多湯汁但不易穿，湯汁鮮甜，餡料有肉香但XO醬味道不算太突出，整體風味令人難忘。比普通的小籠包稍貴一點點，但多一層質感口感更豐富，十分值得。紅燒豬軟骨慶麵湯麵材料豐富，除了有豬軟骨，還有豆卜、白蘿蔔、韮黃及香蔥等配料。豬軟骨份量都算多，有大大塊的三四件，肥瘦剛剛好，煮得十分軟腍和入味，帶點花雕酒香氣，一咬就開，軟骨爽口，味道相當不錯。上海麵的麵質口感彈牙，像幼身一點的油麵，食落爽口，紅燒湯底濃郁倍感滋味。白蘿蔔也很鮮甜。茶燻煎軟雞拼滷肉菜飯茶燻煎軟雞雞件厚身大件，外皮烤得酥脆，燻完香脆的雞皮咬下去有一點咸咸的醃料的味道，十分特別的一個菜式，雞肉內裡煎得香嫩，保留了肉汁。滷肉是半肥瘦的豬肉，入口即溶，感覺不油膩。。。

早前黎大角咀睇樓，睇完肚餓附近搵食，入左呢間慶記，叫左個 巴東牛肉麵 ，招牌生煎胡椒包個巴東牛肉都煮得幾入味又冧，個汁夠spicy，係心機出品，如果個麵可以硬身就更好，下次食前可提夥記要挺身～～～配既蘿蔔絕對係驚喜！！！夠甜夠綿，超正超正👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍重點😂😂😂個生煎胡椒包都好有水汁，一夾湯汁會飛出黎味道亦好👍👍👍👍👍招牌無錯呢間係間正嘢👍

大角咀舊樓重建之後，有很多新式商場同食肆進駐，越來越有蘇豪區的味道。今日放工之後，約咗朋友係呢區嘅特色小店「慶記」食晚餐。搬遷以前的名稱叫慶麵，細鋪搬大鋪，值得期待。一坐低，店員就奉上中國茶，感受到小店的熱情。我點了一客「巴東牛肋條慶麵」，湯底可以揀辣度。辣、小辣、大辣，我揀咗小辣。牛肉煮得夠晒淋，好入味，香噴噴，而且辣辣地，真係食指大動，刺激食慾。麵條好彈牙，有口感，食到雪雪聲。仲有好多配菜，例如豆卜、蘿蔔，好飽肚。朋友點了一客「香酥排骨拼滷肉慶麵」，豬扒炸得金黃色，香氣撲鼻，大大塊好有咬口。麵底配上台式滷肉，口感真係好有層次。我地仲點了兩客小食開心Share。「紅油抄手」係六粒嘅菜肉雲吞，大大粒好足料夠晒誠意，配上辣油，夠晒正宗夠晒滋味。「小籠包四隻」，上菜嘅時候仲感受到蒸籠嘅熱力。小籠包皮薄多汁，外皮唔易穿，水準之上，有驚喜。飲品都有幾多選擇，我地揀咗「凍豆漿」同埋「忌廉」。餐廳坐得幾舒服，上菜又快，今餐幾滿意。

#慶記 #大角咀 🔅茶燻煎軟雞慶麵 好特別嘅一道料理，外表烤得好香脆 烤燻完既雞皮食落小小似煙肉帶有咸咸地既味道，不過略嫌雞肉烤得較乾身 - 🔅紅燒豬軟骨慶麵 豬軟骨幾大舊下，浸得夠淋軟入味 慶麵麵條幼身，麵質咬落有爽勁 每碗麵仲有一舊大蘿蔔，浸得仲淋過日本既關東煮，好好味😋 - 呢度小籠包皮薄餡靚，一定要試下！ 豬肉餡混搭蟹肉絲，咬落有海鮮既咸鮮味 D湯汁多到勁誇張，輕輕一咬就爆曬出嚟甘 生煎包好軟熟，帶有芝麻既香味 豬肉餡都幾厚身，肉汁香口

一兩年前曾經幫襯過舊舖（當時仲係叫慶麵），想不到竟然搬去大舖，仲要係新商場嘅地舖，有點難以置信的感覺。今次重遊舊地，老實說都唔記得味道係點，只係記得唔錯，今日一幫襯，都印證到我當年嘅想法。慶麵質地好彈牙，係以日式拉麵配以上海中式湯頭，令人耳目一新，相當不錯。 茶燻雞正正常常，唔太鐘意醃料味，但煎得幾香嫰；醉雞卷酒味唔濃，頗易入口，凍食開胃爽口，清清淡淡作為前菜最適合。慶麵以QR Code落單，我都幾唔鐘意呢種方式，非常不便， 同埋同樣有出錯（店員拎錯飲品畀我）。建議若果唔係壽司店呢類需要瘋狂落單的店舖，都係採用人手方式比較好。instagram @_kikhk

呢頭新開左利澳坊地下舖頭叫興記，事緣因為我喺附近整車剛剛好見到，俾佢門口個餐牌嘅山煎包吸引着我，就選擇咗入去食晚飯，點餐只需要Scan QR code就得，唔洗好麻煩又要等店員落餐，我哋叫咗一個麻將雞絲冷麵，天口熱食碗涼浸浸嘅冷麵呀清涼晒，如果鍾意食麻將仲可以叫佢加多啲嘅，大量嘅青瓜絲，新鮮嫩口嘅雞肉同埋非常彈牙嘅麵，絕配，之後喺個口水雞卷，口水雞味重，雞卷入味濃郁，最方便係佢哋做到一卷卷嘅雞肉，完全冇骨嘅，啱晒懶人👍🏻👍🏻👍🏻自己就叫咗個巴東牛肋條撈麵，店員將牛肋條浸住辣汁上枱，所以啲牛肋條肉都好入味，亦都夠辣，佢哋嘅辣汁仲可以俾你用嚟撈麵食，一流呀，最後就叫多咗個小食係生煎胡椒包，呢個製作需時所以如果想食嘅就一定要早少少嗌，我哋都等到食完主食之後先到，不過我覺得係值得等嘅，因為真係好好味，一咬開裏面非常之咁多湯汁，亦都好濃郁胡椒味，胡椒包皮唔會太厚，個底亦都煎到脆卜卜，如果你叫咗呢個嚟食的話，提點一下你小心爆汁如果唔叫飲品的話都可以，因為佢哋都會有一壺茶俾你飲，係桂花烏龍茶，好香桂花味入口清甜，呢間上海餐廳值得推介。

慶記係一間位於大角咀比較新式嘅上海菜，除咗小籠包同埋生煎包之外，仲有好多不同配搭嘅上海拉麵/菜飯，不過我無食過佢嘅飯麵，多數食包/雲吞🤣 佢地嘅生煎包同小籠包仲有不同口味，例如我最鍾意嘅生煎胡椒包🤤 但有機會再食嘅話會再試下佢地嘅飯麵～😛•🥢 小籠包 $38佢哋嘅小籠包可以揀2粒或者4粒，所以一個人或者比較細食嘅人都可以試到～😋每一粒都好多肉汁，皮薄但唔會好易夾爛，而且調味剛剛好，唔會太鹹🤤 •🥢 生煎胡椒包 $26呢款個餡嘅胡椒味超香又多汁，個皮唔會太厚，個底煎得夠脆，食到尾嘅時候胡椒嘅辣味好濃好正🤩不過食嘅時候要小心啲，細細啖咬一個開口飲咗少少汁先，因為咬得太大力嘅話啲汁會爆到周圍係💦😆•🥢口水醉雞卷 $18/4件呢款係冷盤黎嘅，佢好似日式叉燒咁將啲雞肉連皮咁卷起扎實，然後先再煮，所以出到黎就變成圓碌碌嘅雞肉，食落啖啖肉，唔使lur骨😆 啲雞肉好嫩滑，有雞皮但都唔會好肥！雖然佢叫口水醉雞卷，但食落都係主要食到麻香味，唔算好辣，無乜酒味，不過佢真係麻得好過癮😆 鍾意麻辣嘅朋友仔一定要試下😋•🥢 淨百花雲吞湯 $58一碗有六粒超大粒嘅雲吞，而且每隻嘅皮都好薄！佢嘅餡係魷魚蝦膠再加韮黃,

去左利奧坊做野，好想食小籠包，見到呢間幾抵食，又有特別野試下，環境都真係唔錯。試左醉雞卷😋$34有8件！有驚喜，雞肉紮實，酒味夠唔會太淡，係一個好好既開胃菜。特色山葵醬青瓜撈麵$38😝味道fresh，個山葵醬夠濃郁唔會太健康唔好味，有小小沙拉醬味同青瓜絲好夾。麵底仲有一個類似生抽既汁去增加鹹味，令到味道更加立體。 驚喜既地方係會有wasabi係山葵醬裡面 ！食食下會更加開胃，慢慢食，小心辣到哽親🤣蟹粉小籠包必叫！裡面包蟹膏汁一啖食同肉味好夾🤤熱度控制得好，唔會一啖食落口辣親條脷😛滷肉菜飯$40，菜飯裡面d菜係梅菜，可能上海口味同台灣唔同，整體肉碎同菜都甜啲。熱洛神花蜜茶好岩女仔，主食餐加$12

星期日夜晚，旺角的餐廳很多人，所以行去旺角旁邊的隔離，去碰碰運氣。 在大角咀的橫街，不多人，餐廳有位。 我喜歡吃蔥油撈麵，$38，加入5 可以加麵底，搞到幾大碗。油少少，味道不太鹹，麵是中粗麵，飽肚，好抵食。 去上海店，一定要食小籠包，$76/ 4隻。我叫了兩籠，小籠包最緊要皮薄，夾起來不會爛， 這次合格。除了蔥油撈麵外，推介生煎流心叉燒包，好特別，生煎包的底有點厚，流心真的是流心，叉燒做生煎包的心，幾好。  叫了幾個麵，巴東牛肋條慶麵 ($54)，紅燒豬軟骨慶麵 ($52)，香酥排骨慶麵 ($52)，一般，正常味道，沒有驚喜。  用手機加QR code 點菜。 慶記大角咀利得街11號利奧坊地下G501-503號舖

無意中發現嘅一間好好味小籠包， 利奧坊講真平時喺大角咀食嘢都唔會行過嚟呢度， 呢個樓盤商場都算冷清，事源咁啱有人送咗張30蚊嘅coupon 所以就嚟試下搵嘢食，試咗慶記結果一來再來… 主力都係講下食物，我首推一定係小籠包，皮薄晶瑩剔透~肉餡鮮味~上海嘅味道； 第二推係胡椒包， 呢個菜比較得意，因為餐廳用QR上網落單， 但係佢網上入面係永遠點唔到呢個菜， 必需要口頭 order~起碼我兩次來都係咁樣，佢個包皮酥香胡椒味啱啱好，唔算好刺激，配埋肉香好融合； 佢嘅醉雞卷都唔錯，口水汁比較野味， 雖然唔算特別出色，但係都可以一食再食； 佢嘅餃子有兩種一個係傳統嘅菜肉餃~普通， 另外一個係魚肉餃即係百花餃，呢個比較好食， 試兩個餃意外發現有一樣嘢好好食~就係佢個蘿蔔， 冇揸好淋燴到入曬味~lunch食咗個豬扒就真係頹咗啲，肉鬆粉味比較明顯， 不過就好厚肉~ ; 另外一個有一個流心叉燒包，呢個偏普通咗啲同埋偏鹹咗少少…如果以後再入大角咀食嘢我諗我真係會特登入嚟淨係食一籠小籠包… 但我係咪應該畀啲機會利奧坊其他嘅餐廳？

這間位於大角咀的慶記，主要以上海菜為主，有多款的上海小食、點心及飯麵等，價錢亦都屬街坊價，人均消費$50起。小籠包小籠包皮薄不易夾穿，一咬開裏面湯汁豐富，而且肉質唔會鬆散，豬肉還有肉香，非常好味。醉雞卷雞卷嫩滑，外皮爽口無油脂，但酒味很淡。茶燻煎軟雞拼滷肉慶麵雞件厚身又大件，份量十足，外皮酥脆，雞肉保留了肉汁，滷肉是半肥瘦豬肉，肥膏煮至入口溶化，完全不油膩。香酥排骨拼滷肉菜飯排骨厚切且炸至金黃酥脆，味道調較適中，不過菜飯則較腍。

本身諗住去隔離果間東京大眾酒場食關東煮，可惜咁啱落左場，見到隔離間「慶記」好似幾企理同乾淨，仲要唔太貴，於是入左嚟食～今次3個人叫左3個主菜同埋2個小食，主菜分別係辣辣地幾惹味既「巴東牛肋肉菜飯」、「麻辣擔擔撈面」，同埋非常有驚喜既「特色山葵醬青瓜撈面」，Wasabi同沙律醬加青瓜好日式既感覺，好味道，而且3個主菜既面量同飯量都好多，菜飯成功分左3大碗，飽到呢～ 下次食可以叫2樣主菜就足夠😂而小食「醉雞小卷」$16就有4舊，算係幾抵食而且好有酒香，整得好入味，招牌菜「胡椒生煎包」就無得彈，放左一陣仲係熱辣辣，湯汁岩岩好。提提大家餐廳無刀提供，所以建議生煎包最好獨食，一人一粒，咁就唔使切開Share咁麻煩🤪

因為過開大角咀呢邊，所以響度搵食，利奧坊應該係新建成，商場餐廳與室外連成一體，非一般大型商場內的餐廳。周邊還有建設中的工地地盤，所以感受到蚊子來襲。我隨意地選了這間慶記，份量可以自己控制，輕食也可，估唔到呢度嘅食物質素好好，味道濃淡亦好適合自己。網上搜尋後發現只有這一間總店，沒有分店，這可能是好吃的原因吧！小籠包 - $38/4隻小籠包皮薄餡靚，用料新鮮，挾起後見到湯料在包皮內浪盪，功夫好。口水醉雞卷 - $18/4件雞卷啖啖肉，醬汁辣度剛剛好是最適合我的，最後我還用來拌麵😆。因為夠辣，酒味被覆蓋了。生煎胡椒包 - $26/2隻生煎包皮底部夠脆，一口咬到底，口感層次豐富，上面軟，下面脆，內裏肉汁超多，juicy味美，黑胡椒味濃但不會嗆喉。小提示：這裏是用手機落單的，原本見到生煎胡椒包沒有了，有點失望。但食到中後段，看見有幾碟生煎包出爐，一問店員，她說還有啊，可以點，但手機不能落單，最後她人手幫我落單。遇到我這情況可以問一問，可能有驚喜。😆

 Good for the price. Xiaolongbao better than others in town.Dan Dan noodles need more spice for regular, and less peanut or sesame sauce. Sichuan peppercorns maybe.Should make the smoked chicken available as a dish and more items for side dishes.

第三次光顧慶記，有見前兩次食物質素可接受，外賣自取有7折，便點了一客紅燒豬軟骨菜飯和生煎流心叉燒包。怎料便出事了，這兩客餸居然要等了三十分鐘，對的！是足足三十分鐘，其時餐廳只得一兩台客堂食，兩位女樓面卻只顧談天玩手機，向她們查詢等待時間時還被她們揶揄謾罵，聲稱煎包需要廿分鐘。一頓晚飯外賣，沒有什麼的食客，要等待三十分鐘，還要受她倆的氣。最後，明明廚房已完成煎包，她們卻特地仍要拖延出外賣！結果，那個聲稱要煎廿分鐘的叉燒包，居然比即食點心的質素還要差！慶記果然是慶記，光顧完係會慶的！！！