我杯茶 (永興樓)

營業中

休息中

三文治正，但價錢偏貴，間中豪一次就算味道係正，黑松露炒蛋，黑松露份量係足夠，d蛋唔會煮過火，再夾埋麥包，不過三十幾蚊一份如果再厚d我個心會舒服d奶茶確實好飲我無叫小甜/小奶，想試下正常既味道，試完真係有d甜，奶味同茶膽係夠，比普通茶記係好，值得一飲，但建議都係小甜整體以味道係可以，價錢就偏貴即場叫好似有套餐，我係openrice搵唔到套餐，加上趕時間，所以諗住拿拿聲禁左先我無睇錯有個套餐，即是三文治加野飲係四十幾

今日去咗灣仔春園街我杯茶， 首先要重點推介佢嘅熱絲襪奶茶， 喺你面前即沖 ，甜而不漏， 自家製茶膽好靚， 唔會苦澀， 奶滑香濃， 又係我個人嘅首選， 而且老闆很推廣 港式奶茶文化， 又有開班教學，希望呢個港式奶茶文化唔會失傳， 值得一 讚， 跟住叫咗個番茄牛肉通粉 通粉係傳統果隻 有橫紋，夠彈， 牛肉夠淋 唔會用好多生肉粉去乸， 仲有多舊蕃茄，賣相可以， 連埋熱絲襪 奶茶都係47蚊因為佢得只此一間， 可能舖租貴地方比較細小， 不過其他地方都做得好好，所以 我畀五星星佢, 不過大家要留意佢關門時間 ，可能係六點至七點， 所以想飲熱奶茶嘅就要早啲去， 有時會提早賣曬

星期日同太太去灣仔食lunch ，太太話好耐無食“我杯茶”，去到門口見好多人排隊，心諗星期日排下都要，但條龍根本分唔到外賣定堂食，唔出聲根本無伙計理你，店內又無任何文字指示，就快到我地嘅時候，D伙計突然叫左個客入去坐，我問D伙計咩事，佢地話果度係一位檯，但我明明就見到果度係坐到兩位，呢間咁嘅垃圾睇佢幾時變到“狗記”咁啦

我們公司間中也會光顧，食物及飲品質量其實不錯但店員服務態度及誠信則令人質疑。以下是近3個月不同事遇到的問題：1） 同事工人姐姐買外賣，發現找少了$100最初同事只以為姐姐搞錯或店員不小心2） 另一同事拿外賣回來，打開後大家看見份量比平時少了一半，因為以前及之後也點過同一款食品，所以肯定是有問題，同事也拍照了，其實只希望他們以後小心些，但店員 「死撐否認話本來就係咁」3） 這一次集體網上訂餐，其中一份三文治加$3轉牛角包，到場取食品時通知牛角包賣完，轉回三文治，同事亦另加買一份餐，但店員沒找回$3同事打電話去，店員只說下次幫襯扣返- 不是應該先說「不好意思」？-一定有下次光顧？到時還記得？-正常應該叫對方回求比返錢雖然不是大事，店舖生意也好，但代表態度及誠信不用理？

係openrice點了個沙爹牛肉仙草麵外賣拿回來先發現唔係仙草面跟住打電話去問 staff先講仙草麵一早冇賣啦 轉左淮山面？咁你Menu冇改，我點知冇仙草面賣呀我去拎果陣都唔見你同我講一句 冇賣仙草面同埋唔講係淮山面的話 我以為我食緊公仔面咋48食個沙爹公仔麵。仲要得幾舊牛肉

同学上次在这里吃饭之后拜拜了一个衰男，这天刚好路过就来试下啦，睇吓係咪我杯茶好钟意呢个书法～同埋支持微信/支付宝都非常重要。入店左手边就可以看到制作的位置，返还玻璃樽可以抵2元，有环保的心意。🌟经典奶茶（冻）港式奶茶当然要喝冷的，看openrice的评价说是属于茶底比较浓的类型，还建议选择「茶走」，个人觉得茶与奶结合得刚刚好，而且冰是小的圆柱而非大方块～同兰芳园对比，价格都是25，兰芳园的更浓一些，口感更涩，个人感受和口味不同，随心选择啦～

星期日下午走出去灣仔買奶茶，理論上灣仔是商業區，星期日的人流應該較少，但估唔到有不少遊客在排隊。我前面的2位女士估計是韓國人，原來這間店已經連遊客都知！凍奶茶淨飲$25， 以灣仔區而言算平！這兒的奶茶是茶味偏重，會帶少少苦澀味，但茶底很厚，喜歡飲濃烈茶味奶茶的人應該會喜歡！其實此店都有食品供應，味道都唔錯，但今次我沒有買食物，因為不肚餓。反而遊客們就買了不少食品當下午茶品嚐。最後都要講一句，這兒是沒有服務可言的，基本上是自助為主，但職員的態度是可以的。雖然排了10分鐘，但在門口睇住師父沖奶茶，也是一種視覺享受！

咁啱係灣仔行過，聞到好香茶檔嘅味，稔住試吓佢杯奶茶，順便外賣買個牛油果蛋三文治，返去打開見到有黑色一粒粒，再打開塊包，佢居然夾咗2片士多啤梨，呢個究竟係咩食法？個三文治勁少醬，食唔飽，咁就收$35 🥲

Been a fan of their milk tea since they first started years back when the menu literally consisted only of milk tea (which was precisely what caught my attention - a shop that sells only milk tea?!? it must be really good then! 😆) They've since expanded their menu to include a dazzling array of sandwiches, bolo baos, noodles, rice, macaroni options which all look really good for takeaway (as the shop is really tiny so it can be a struggle to dine in comfortably). I did manage to try the spring o

朋友介紹，話奶茶勁好飲！所以，就來試一下。位置大約20左右，只有一張3,4人台，所以人多便不用考慮了！客人唔多的情況下，都要等10幾分鐘先出三文治，有少少慢！人客多的時候，應該要等得好耐先得。一個人嚟，能試的嘢也不多，只點了一份沙爹牛滑蛋治和一杯熱奶茶，無套餐下的價錢略貴。沙爹牛滑蛋治，沙爹牛份量不多，試唔出沙爹牛味，蛋味蓋左牛味！奶茶係好質素的奶茶，少澀，夠滑！套餐選擇太少，建議可考慮改善一下！

網上見之前有好多分店而家得反灣仔一間到底發生什麼事？🤔係不歒無人定 出品不能？經典奶茶先試無糖ok滑，偏澀➕左糖 就提昇左😯黯然銷魂叉燒皇蛋脆脆豬最初睇menu覺得係 菠蘿包黎到先睇得出係 脆脆豬🤣個包上面切左下面就無切😅下面俾你切埋隻蛋？🤔可以現場流心🤔整個切開蛋就流出🤩入口個包 微暖好夠脆👍🏻叉燒夠乾身 肉味濃😉整個體驗👍🏻結: 原本為奶茶而去結果 脆脆豬驚呀到我👍🏻🤣#黯然銷魂叉燒皇蛋脆脆豬#我杯茶

叫左個蕃茄黑毛豬扒飯，食相同味道完全中伏，得幾舊梅頭扮黑毛豬扒，個蕃茄汁成碗水，廚藝味夠班，反而杯奶茶唔錯，茶味幾濃，個餐連凍飲要75蚊，試一次夠，唔會返轉頭。

首先利申自認唔係敏感腸胃，而且今日肚痛之前淨係食過佢。今日去到叫咗份碎牛治，同一杯聲稱係得奬嘅凍奶茶。碎牛治普普通通，無乜特別評價。杯奶茶無可否認係滑嘅，但係某牌子嘅紙包飲品都做到，比較重要嘅係茶味唔香濃。明白叫嘅係凍奶茶，所以喺counter一沖好趁啲冰未溶就即刻飲咗啖，但成杯嘢好淡。坐低開始食，冷氣機就不停滴水落枱面，唔知係咪滴到落食物度所以肚痛？🥲啲姐姐對住客人又寸。如果唔係喺附近，真係唔洗特登過嚟，可以去返附近茶餐廳。總結一句: Not my cup of tea.

未試過對住碗飯想走#去骨油雞飯都真係唔想食落去，啲肉十分孩，而啲飯好林似爛飯去骨油雞飯👎🏽👎🏽👎🏽👎🏽👎🏽👎🏽好少要食食下評論柸奶茶ok👌👌👌

每次經過都一定要飲一杯奶茶，凍熱都好飲，好滑茶味濃，色水靚！師傅夠晒霸氣，睇得出對佢自己嘅出品好有自信。除咗奶茶，我有時會搭啲小食，估唔到咖喱魚蛋都唔錯。 朋友食茄通話好好食。******************************遊客比例好似一半一半，以佢奶茶咁出色，其實食客比想像中少，可能佢舖頭裏面真係坐得唔係咁好，比較迫。******************************