我杯茶 (永興樓)

營業中

休息中

買左之前買過既鴛鴦，發現水準退步，幾難飲吓…奶份量太多，茶同咖啡比例太少，唔香… 仲要價錢加左，$20蚊一杯。我飲左半杯飲唔落去😖 希望佢地定期review 下,作出改善啦… I want to give rating, but this system requires 200 words, which is unreasonable. Hence I need to use English to extend the word count to 200.

係我心目中，奶茶排名入頭3位的，除了大坑炳記，就非此莫屬了。隔左一陣子沒來，多了好幾款飯餐，還有奶茶雪糕（只限灣仔有！！）。可惜，我與男友食飽才去嘆茶，肚子不爭氣沒位了😭😭 下次再試。一如既往，奶茶keep住極高水準，從不令我失望，極力推薦！老闆仲好風趣又好人，抵你地生意興隆🥳熱奶茶加了糖，奶香撲鼻，配得太出色了！男友叫了凍奶茶，也不錯。但我始終喜歡熱奶茶，好似更香濃，呵呵呵。（P.S.銅鑼灣分店水準差太遠，服務也… 希望改善）

凍奶茶超級香濃，茶同埋奶嘅比例啱啱好，一飲落口就好重茶香。午市叫沙嗲牛肉飯再加凍奶茶都係$60。沙嗲牛肉係用新鮮牛肉加沙嗲醃嘅，食落係出面食唔番嘅味道，亦都唔多味精，灣仔返工其中一個好選擇。老闆仲好Nice，之前試過倒瀉奶茶佢會即刻沖過杯！好warm！！！

每次想飲奶茶一定諗起『我杯茶』。雖然間舖細細間，但都仲有D位比食客坐低食。今次叫左鹹牛肉蛋治同凍奶茶。鹹牛肉蛋治個包口感鬆軟，厚度適中。鹹牛肉蛋煮到差少少全熟冇overcook，食起上黎香滑帶有少少鹹牛肉既鹹味，非常好。美中不足係我唔記得加$2烘底，咁就更Perfect，不過呢D都係個人喜好。呢度既奶茶，無論凍熱，茶味豐富，入口幼滑。除左堂食，佢地仲有得一支支奶茶外賣。疫情下，係屋企都可以飲到優質奶茶，非常好。值得推薦。

馮志堅在金融界非常出名，最近竟然進軍飲食界，在灣仔春園街開設【我杯茶】專賣奶茶、蛋治、叉燒飯……等港式食物。另外，他計劃靠奶茶於大灣區大展拳腳，目標是兩年後把公司上市，靠奶茶進軍中國龐大市場，野心真係大！莫非想把奶茶變成Starbucks？Starbucks 成功把咖啡帶到世界各地，幾十蚊一杯咖啡都大把人買，將咖啡包裝成中產飲品，絕對是成功例子。要將茶檔奶茶打造成高級飲品，要將奶茶文化帶到國內再搞上市，成為Starbucks真係談何容易。Starbucks 每間店都有特色裝潢又坐得舒服，真正嘆杯咖啡。可是【我杯茶】室內環境又長又窄又沒有裝潢，只有幾張高枱高櫈，另外有間房，內裡只有 3張細枱。老闆本身門外漢，於是招攬「茶王」羅德師傅，用「茶王」出品吸引客人慕名而來。除了奶茶外，食店供應幾款港式食物。在門口收銀處下單後，店員在開放式廚房內預備食物，做好客人自己去領取食物，快餐店流程。坊間越出越多以【黯然銷魂飯】命名的叉蛋飯，我又試下【我杯茶】的叉蛋飯。這個叉燒不似坊間的叉燒，這個叉燒切得薄，而且不見梅頭肉的脂肪紋理……外貌似牛腩？味道都ok，只是我食慣厚身啖啖肉半肥瘦又焦香的叉燒。荷包蛋滑

“沙嗲鮮牛肉飯”($48)“熱奶茶(加大)”(+$14)身為奶茶同沙嗲牛fans點可以錯過呢間喺灣仔嘅我杯茶😆舖頭細細間主打外賣,但都有啲bar枱位食嘢😛沙嗲牛麵就食得多今次就要咗沙嗲鮮牛肉飯🐮🍚個飯賣相幾靚仔,有煎蛋🍳,生菜🥬,紫洋蔥🤩雖然沙嗲味唔算太濃,但牛肉係幾嫩滑😍啲飯份量超多🤣食哂好夠飽🤣另外跟餐要咗杯熱奶茶(去食嗰陣仲係冬天😂如果宜家再去食一定要凍🤣)師傅會問定你要幾多糖😆因為鍾意飲甜嘢所以要咗2羹糖😂奶茶飲落確實茶味好香濃😍唔怪得係叫奶茶王啦😛

送咗小朋友上校車之後，我就同班媽咪朋友去食早餐。其中一個媽咪介紹話灣仔嘅「我杯茶」唔錯，於是我哋幾個立即去試。鋪頭唔係好大，只有三張4人枱同一列bar 枱。地方比較窄，未至於背貼背，不過都要大家互相遷就下，如果唔係就會觸碰到其他人。而家天氣咁熱，就算餐廳開大冷氣，我哋可能又食熱嘢啦，大家都食到成身汗😅既然叫得做「我杯茶」咁佢嘅奶茶一定有返咁上下水準啦！於是我叫左杯大嘅熱奶茶同沙嗲牛肉仙草麵嚟試吓。其實餐廳係自己出去點餐，等嗌number，之後再自己拎埋位。不過老板好nice，佢見我哋坐咗埋邊，唔方便起身去攞食物，佢專登攞過嚟俾我哋😊熱奶茶（跟餐，加大$17）茶味香濃，唔會苦澀；沖出嚟嘅顏色好靚；花奶分量適中，唔好黏住喉嚨。真係好飲喎！我會願意專登再去，為咗呢杯茶。沙嗲牛肉仙草麵（$48）大家一見「仙草麵」都好好奇，究竟係咩嚟㗎？係咪凉粉嗰啲「燒仙草」之類呢？一或係「蒟蒻麵」？原來「仙草麵」係用鐡皮石斛榨汁，再用山泉混合而製嘅，綠綠地色，淋淋地，口感似陽春麵，冇乜特別味道。沙嗲牛肉個汁甜甜地，食到粒粒花生碎，就算撈埋喺個湯到都唔會稀晒。牛肉冇筋，唔靭，夠入味。

附近想食一個快嘅午餐，我一向喜歡食叉燒飯，仲有出名嘅凍奶茶，雖然坐吧枱唔係好舒服，但我都諗住入去食個簡單嘅午餐填飽個肚。隻蛋煎得有燶邊堅係幾好食嘅，但叉燒唔靚唔好味，而且乾得滯，所以對呢個飯我係極度嘅失望。另外不得不提喺呢度嘅奶茶好出名，但老實講我又唔覺得特別滑，茶底唔特別好，反正全部都只係普普通通，咁嘅份量同埋質素，價錢實在又貴又唔抵，甚至有啲覺得浪費自己食嘢quota嘅感覺，而且名大過實，非常一般。

雖然難以確定係咪鮮牛肉，不過肉質冧而且冇根，沙嗲味濃郁，如果依個攞黎做沙嗲牛麵應該都幾正，不過有丁丁要挑骨頭既就係個沙嗲醬可唔可以鋪好D,麵包切開左4舊，唔係舊舊都有醬熱狗既包包明顯處理過，金黃色既包身再加微微既脆口感，餡料就咁鋪哂喺個包既上面，賣相當然看似好豐富，不過食個陣就有D混亂，餡料好易跌哂出黎，都係傳統用包夾實方便D之前已經試過支裝凍飲，今次試下熱飲，本身我都小飲凍野，不過不得不承認，支裝好飲好多，真係感受到杯奶茶係滑既

嗰日諗住去春園街間新景園歎番個馳名嘅咖哩豬扒飯點知興致勃勃去到門口嗰陣發現大排長龍 正當失望而回嘅時候就畀一陣超級勁爆香嘅茶膽味吸引咗望一望 見到間嘢叫「我杯茶」雖然座位逼少少 但人唔算好多亦感覺企理 所以就入咗去試食我好少飲奶茶 主要因為怕肥但嗰日個茶膽真係太香所以就忍唔住叫咗杯凍奶茶走甜再配番個蔥花雙黃鴛鴦三文治（仲可以轉麥包）你都咪睇啲嘢好似好簡單佢上碟嗰吓真係好AMAZING杯奶茶飲落好似時光倒流七十年咁除咗有味覺 仲有情感上嘅滿足再嚟個三文治啲蔥花真係好香同炒到滑不溜口嘅雞蛋係天作之合炒蛋除咗有好強蛋香味 仲有隱約嘅奶香 好啱我心水至於成碟嘢嘅鹹味 就靠個鹹蛋黃帶出鹹得嚟好有層次同香口 本人真心欣賞 至於老公叫嘅黯然銷魂飯哩又係個蔥花搶晒FOCUS 真心想知店主啲蔥邊度入貨可以咁FRESH個叉燒就睇得出係用料上乘同用心烹調亦感覺到店主刻意切成透薄咬落去好嫩滑 感覺亦香甜 絕對係好味嘅 但就唔知點解硬係覺得細個燒味舖食開嗰啲啱口味啲可能呢啲就係童年回憶嘅威力

講起港式奶茶，每一間茶餐廳嘅茶水佢哋沖出嚟手勢都有啲唔同，正因為咁樣我好鍾意周圍去茶餐廳飲下唔同師傅手勢嘅奶茶㗎。我自己飲奶茶就比較鍾意茶味重過奶味，出邊有啲茶餐廳嘅奶茶色水好靚但係飲落去冇茶香味，只有好重嘅奶味，亦都有一啲茶餐廳佢哋沖嘅奶茶唔知係咪茶膽比較濃，沖出嚟嘅奶茶會比較澀口（即係飲完個口會有少少鞋鞋地嘅感覺。）通常第一次去茶餐廳食嘢就會叫杯熱奶茶，如果覺得熱奶茶好飲就會記住間舖頭，下次再去嘅時候再試埋佢嘅茶走，上面講嘅都係我飲港式熱奶茶嘅少少經驗。通常飲奶茶都係當（附送）餐飲，其實奶茶如果沖得好嘅如果要我額外加錢嘅話我係絕對唔介意，因為呢一門藝術真係好代表到我哋香港嘅飲食文化；講咗咁耐其實我想講呢一間嘅奶茶算係我近年喺香港飲過算係幾好飲嘅奶茶，首先如果你經過門口嘅話會聞到一浸浸好香好新鮮嘅茶味，而響水吧嘅師傅，佢嗰種自信，同埋佢會主動同啲客人講解奶茶嘅小歷史同知識，最緊要嘅係佢唔係淨係識吹水佢真係識得沖茶。師傅對奶茶嘅執着，同埋熱誠，我呢一個肥妹係完全感受到㗎。依家嘅香港咖啡室（Cafe)珍珠奶茶開到成行成市,而港式奶茶一路都只係響茶餐廳度有時做吓跟餐飲品，又或者奶茶癮發作求

Heard about this place for a while but haven't had a chance to visit until recently.  Like its name suggests, their tea is definitely 'my cup of tea'.  The milk tea that I've ordered was rich and creamy!Food wise, very tasty but the portions are terribly small.  Although all the items on the menu is cheap but when you have to order at least 2 portions (or more for me) to fill your appetite, this place can't be considered as cheap eat.Satay beef sandwich - tasty satay beef mixed with semi runny s

喺門口經過被茶香吸引，注視咗一陣發現有熱食，頗驚喜決定一試食物：黯然銷魂飯($48)叉燒半肥瘦厚度剛好，拮穿隻太陽蛋係流心嘅，撈落啲飯度一齊食，食落更滿足，豉油唔夠可以問佢攞，加啲蔥做點綴，菜式簡單但美味沙嗲牛肉仙草麵($45)仙草麵係石斛搾汁製成，有滋陰清熱嘅功效，味道/口感上就同平常食嘅扁平嘅上海麵差唔多，無咩特別嘅味，淋淋地同沙嗲牛肉又無咩違和感；牛肉方面切得不規則，食到肉嘅纖維幾真心幾入味，沙嗲混咗入湯底依然帶濃香，食到尾有花生粒口感又唔會膩；好多洋蔥+好生，我個人唔食洋蔥但同意洋蔥喺呢碗麵擔當咗重要角色，有佢先吊味凍奶茶($10加配)茶味香濃，多奶，略甜，整體味道好平衡，好飲但下次會嗌少甜凍鴛鴦($10加配)咖啡味好香，唔會過度苦澀又無掩蓋茶味，好飲不過都係少甜更適合我環境：得3張枱，坐滿就要坐bar枱，但後面係必經通道，會不斷有人走動/等嘢食，食熱食就唔算坐得舒適，但飲茶嘅話還可以整體：茶飲出色值得回頭，不枉佢叫「我杯茶」呢個名；但下次食輕食嗰陣先會堂食

又是一家網友推薦的茶餐廳，因為喜歡茶記，所以經常嘗試不同的，這家的黯然銷魂飯確實比敏華的好吃，但是份量也是不算很多，脆脆豬味道不是我鐘意的！奶茶肯定不錯，好喝，但是我覺得凍檸茶味道一般，不夠甜，位置是別有洞天的感覺

我係一個港式奶茶愛好者，依間用茶王來做招牌嘅茶餐廳，成功吸引咗我山長水遠去試一試。舖頭唔算好大，一眼睇晒。座位亦都唔多，最特別係佢個開放式廚房，可以一路食一路睇到啲姐姐煮嘢。我總共叫咗三樣嘢，叉燒蛋飯，滑蛋牛肉菠蘿包同叉燒蛋包。當然仲有最有特色嘅樽仔凍奶茶啦！個叉燒蛋飯中規中矩，蛋好香但係叉燒唔夠林配埋啲蔥味度幾好。滑蛋牛肉菠蘿包，個包甜咗少少，牛肉冇乜牛肉味，蛋亦都唔係特別滑。最有驚喜係個叉燒蛋包，個包鬆脆到不得了，配合埋甜甜地嘅叉燒，同濕濕地嘅蛋，真係好好味好夾，值得一試！樽仔奶茶個樽仔幾靚但係啲奶茶味比較淡。