所以・甜

營業中

休息中

第一次去呢間糖水舖，仲住未試過去試下啦，跟住就出事啦！自己嗌左個榴連雪糕甜品，但係榴連雪糕係冇榴連味的，問個店員會唔會比錯左，佢搵左廚房出黎解答話冇，咁即係本身就係冇榴連味既雪糕話係榴連雪糕。同行人嗌左其他糖水，都係唔好食，大家都冇食哂就走左！

夜晚9點幾食完飯, 成班friend心癢癢想食甜品, 見舖頭唔算多人, 亦都冇低消, 就入咗去. 我哋6個人叫咗4碗糖水, 而我叫咗個芒果西米露(已經係啲最無難度嘅嘢), 之後見到對面枱個楊枝甘露啲芒果勁生, 已經心感不妙芒果西米露到咗之後, 我都食咗一粒芒果, 又生又酸(就係圖中咁嘅顏色)之後我哋同waitress反映, 問店中嘅芒果係咪全部都咁生咁酸然後佢同廚房傾咗陣, 仲以為佢咁好換過碗俾我, 點知佢轉個頭同我講: 啲芒果買返嚟就係咁.態度係勁囂張, 完全唔想改善🤯都未講佢啲西米全部都發脹晒, 椰汁死甜我哋盡力最後都係食咗未夠半碗就收手我老公叫嗰碗就芋圓仙草, 正常質素, 唔算好食但都唔難食

成世人吃過最難吃的芝麻糊同湯丸！明明一碗野，分開黎，d湯丸個樣整左幾日甘，吃落個味竟然有d咸咸地，好像同d魚蛋一齊煮甘既味…芝麻糊剩吃到糖味…相是我吃左幾啖成碗放棄既樣…諗唔明點解會有好評！仲有個waffles…餅乾甘脆的waffles我都第一次食…真係伏中之伏…

個日同朋友去呢間糖水鋪，我叫左海底椰蛋白燉椰皇，上左菜，未試已覺得好怪，有別於其他糖水鋪既做法，首先蛋白不是填滿整個椰皇，感覺係另外蒸好D蛋白再加入去，得幾舊蛋白，不是在椰皇內蒸，然後D海底椰係好碎，好細，簡單D黎講就係蛋白同海底椰浸係D椰汁水度，好稀，價錢又貴，唔好食! 價格同食物品質不相符。因為見到已唔係好開胃，所以唔記得影相。下次唔會再去

見到食評都話唔推薦但係經過見到都幾多選擇而且裏面有客人就入去試吓 點知係一個非常唔好嘅體驗。我地等咗超過20分鐘 甜品依然都未到，於是就問老闆娘 老闆娘好惡而且面口好差咁話你遲過人哋落單我哋絕對唔會漏單，但係我哋落咗單15分鐘隔離先坐入嚟。甜品嚟到十分之稀，芒果好酸，西米個兜有大螞蟻，衛生都唔見得特別好。除此之外仙草偏硬味道似食龜苓膏，芋圓口感差劣冇煙靭口感，而且好膠。等得耐之餘味道又唔好，極度唔推介喺呢度食糖水

好好味,老闆娘又好好人。最初因見負評唔敢去試,但奇怪的是店內又好多顧客。今日終於親身去測試一下虛實。由於是小店,由持應落單至廚房製作到收$都是由老闆娘一腳踢。價錢算平,出餐亦很快,同老闆娘有講有笑,一個滿足的美食經歷。一間充滿人情味的小店是大埔街坊的福氣❤️祝生意興隆

原本上街市二樓熟食市場找甜品店但关了门只好到附近走一圈来到這甜品店门面环境睇来是新開的入到內里座椅还可以但货物紙箱放滿于收錢位后面及其他座椅傍有点令人唔舒服跟着看完甜品攴牌D价钱于大埔墟附近算貴啰我们三人点吃全椰子再加其他旦白花生湯圓等了很久才来到來到又唔夠温度椰肉唔多熟用的铁匙羹也難用来揶椰肉湯圓唔熱冇味旦白又冇味跟着叫晒單问可以幫手打散五佰又话唔得用五佰来埋單就得最后整体价钱品质及.服務均令我们三人大失所望绝不再来也希望提点未来的朋友谢谢

叫左外賣足足等左40分鐘只係一個糖水 一杯西瓜汁 同撈麵人多正常，但係出單次序非常混亂比我後的外賣都比我快取餐我催一催問，見你只係出糖水係唔係無撈麵你淨係出糖水？ 我見個糖水同西瓜汁已經整好超過20分鐘就係爭個撈麵…..跟住我見到你堂食出左撈麵😂姐係堂食優先唔理外賣次序？做唔切 或者 唔做撈麵可以講聲催幾次都唔出係要行入間舖入面催先肯出最基本嘅出餐都未做得好出幾多款糖水熟食都無用要等40分鐘嘅糖水無下次了

超伏！本來想去買碗糖水，經過見照片唔錯，點知叫咗兩碗唔同嘅糖水，一碗榴槤仙草，一碗仙草3號，點知道返到屋企兩碗野外貿一模一樣，榴槤仙草搵極榴槤都搵唔到🫠，同照片差天共地，榴槤味冇又冇，榴槤肉就變咗係掛喺嗰邊邊度有第一小薄塊， 以為係人地食剩， 個心離一離😰，兩碗嘢求其加啲椰汁加啲仙草就收成$50，難食就算啦，連個樣都咁衰嘅，糖水唔係加椰汁就可以叫糖水㗎，如果冇心做就唔好做糖水啦，真係後悔莫及，滿心歡喜以為可以買碗糖水宵夜，同屋企人睇到睇到o嘴，外賣兩碗嘢加埋差唔多$100，我去鮮x仙買好過 😪奉勸大家 ！ 唔好好似我咁！ 伏到後悔！我

#20230311 🤍📍 所以・甜 @sosweet_hk 大埔大明里22-28號地下B 及 C號舖➖➖➖➖➖➖➖➖➖➖➖➖➖➖➖➖➖➖➖➖➖#芝麻糊蛋白熱椰 $58💭 原來蛋白同芝麻糊都幾夾，完全係黑白豆花既概念，不過蛋白仲多左陣蛋香🥚可以中和芝麻糊個甜，應該係一早蒸定然後暖住佢，略嫌唔夠熱，未去到一食就暖笠笠既感覺🙈個椰有啲老🥥刮啲肉刮到🐷隻手勁攰，扣左少少分，不過夾埋係好食既.#薑汁湯圓 #花生 $27💭 湯圓有五粒，唔係大粒既湯圓，皮比較煙韌👍🏼花生餡正常發揮，個薑湯偏辣，如果鐘意薑既朋友應該會好岩胃口😂.#仙草芋圓3號 $38 🫧 #仙草 #芋圓 #紫薯泥 #薏米 #椰汁 💭 啲料每樣都幾多，算豐富，芋圓煙韌配滑滑既仙草，唔係特別不過好味😋搞笑在佢個紫薯泥同薏米係好似雪糕咁一球，要自己篤散佢😂.#大埔美食 #🐷在大埔 #🐷_食

大埔墟食完飯，想食下甜品，因為選擇不多，揀左哩間試下，最終中伏。地方淺窄，六個人坐四人枱，唔緊要。食物質素一般，叫熱糖水送到尼係凍嘅。安排混亂，人手唔夠，等得耐，一次過落單叫左六個甜品，一個食完第二個都未上，眼見外賣嘅食客都cut單走人。

同女朋友經過大明里見到一間糖水鋪就入咗去，叫咗兩份甜品味道都啱啱好，唔會特別死甜，有驚喜。值得下次再嚟。1. 榴槤窩夫 $58推介指數：份窩夫一上到嚟聞到好香榴槤味，一問店員先知份榴槤肉係用咗D24所以先咁香，誠意十足！份窩夫係脆身個種，而雪糕又係分開上，所以份窩夫唔會濕保持到好脆。2. 仙草芋圓2號 $38推介指數：份仙草算係半糖，但係另一半覺得唔太夠甜就同店員講，店員都樂意去加返甜。芋泥同紫米食得岀手工打唔係機整，因為都好香同有咬口。

🎈食物：🌕🌕🌕🌕🌕依家凍冰冰，要食番d暖笠笠既野補補佢，試左海底椰蛋白熱椰都幾好食，椰味十足，蛋白都好好食，推👍🏻👍🏻👍🏻🎈環境：🌕🌕🌕🌕🌑環境都乾淨，係有d迫，無位放袋，要揸住個袋食野🫣🎈服務：🌕🌕🌕🌕🌑佢得一個呀姨係門面，要做哂落單，抹枱，收錢，出外賣，見到佢都辛苦🫡🫡🫡🎈回購：🌕🌕🌕🌕🌕係幾好食既，所以都會再幫襯😁😁😁

首先碗野完全吾甜😵‍💫似飲水多過食緊糖水🤷🏻‍♀️🤷🏻‍♀️然而芒果肉同小丸子得幾粒仲要無乜味。完全唔理解點解可以賣到$50咁貴？？仲以為唔會太難食🤮其次好似冇員工咁，我個餐放左係出餐位成5分鐘都冇人出餐？下次冇事都係唔再幫襯

我覺得可以改名做乾糖，因為啲糖水可以一啲甜味都冇。叫左個楊枝甘露小丸子，唔係因為食左甜野所以冇味，係真係第一啖就食唔出甜味，芒果粒同小丸子既數量亦都唔多。真心覺得伏女朋友叫左個芋圓西米露+奶凍she said its fine but i still think it is below average.And totally these cost me $82. I believe i wont try this again in the future.