手卷屋 (已搬遷) 新店位置

雖然舖面細細，長期只有3個老闆坐陣，每次想食只能外賣但質素絶不失禮由第一次食過到現在基本每次食壽司都會想起它原因就是大件夾抵食！完勝所有連鎖店由上而下：燒三文魚腩手卷／軟殻蟹手卷，魚腩肥美，調味出色，魚生長達手卷尾，吃到最尾沒有坊間單純食飯的問題芝麻醬冷面，醬料十足，雖然醬是現成人人一樣，但醬和面的比例合適，不會一味冷面浸汁，食到尾汁醬也剛剛好拌完，會帶人另一種滿足感我個人更喜歡加上芥末拌面，辛辛的很美味厚燒玉子壽司，我的最愛永遠都留待最後食。玉子調味出色！ 加上本店的特色～所有壽司飯都是暖呼呼的，軟綿綿的，有股濃濃的媽媽的味道，比起平日裡食冷冰冰的壽司更令人滿足。吉列蝦卷，比起其他略失色，但沙律+吉列蝦+熱飯就像在吃一口便當，也教人欲罷不能。赤海蝦，刺身之霸！肥美，厚實，鮮甜，也就32元～ 如果你也喜歡食刺身是必不可少。

有次整完指甲見到商場呢度有好多嘢食，其中一間有好多人喺門口，原來係食手卷壽司之類。睇吓個餐單原來有好多選擇，而且價錢係平日出面食平三份一度。我叫左八件壽司＋1個手卷，都係＄90。除咗手卷壽司仲有一啲小食，冷面套餐。佢會問你拎走定係度食，但係其實呢度冇位坐，所以你話喺度食其實係企喺側邊食， 幫你落Wasabi同埋豉油。如果一兩個人行行吓街肚餓喺度醫下肚係幾好。食物質素一啲都唔差，壽司好新鮮，其中鋪頭招牌係火炙玉子壽司，同出面食有少少唔同。其實都算係比較有誠意既小店。唔嫌地方比較淺窄，首先來講真係好好嘅選擇， 好過幫襯某連鎖外賣壽司，起碼呢度係即叫即整新鮮好多。

多年無踏足過藍田，以前學生時代已經知匯景多野食又平。今次黎到好評如潮嘅手卷屋。店舖外貼滿手卷嘅相，花多眼亂都唔知揀咩好。價錢由10幾蚊至40幾蚊。落單係先去拎張柯打紙，點完等佢即整，保証新鮮。最吸引我嘅都係厚燒玉子 $10件兩塊玉子中間夾住少量壽司飯，配上燒過嘅沙律醬同芝士醬。一咬落去，醬汁加埋玉子溢滿口內，幸福感出晒黎。下次，一定要試多d手卷先.

匯景商場地方唔大，不過就愈來愈多小食店，要搵嘢食就要行入啲喇。舖頭門面已經貼晒相，方便大家揀。三文魚帶子手卷，有兩件三文魚同一粒帶子，紫菜夠脆，不過三文魚就多根左啲。

一直都好鐘意依間既壽司，今次就食左個冷麵便當😋冷麵有3種醬揀，有辣醬、千島醬同芝麻醬。我就揀左辣醬，佢地既辣醬好特別，唔會係辣到嗆喉果種，反而係似溝左千島醬咁，辣得黎又帶點酸甜👍🏻加上分量好多，每條麵都撈到醬，正👍🏻小食呢我就揀左我最愛既厚燒玉子，個人認為個玉子好味過出面既日本餐廳❤️上面加左佢地特有既醬汁，再加火炙，香口又美味，十分推介至於其他既壽司都保持水準，魚生有一定厚度，亦好新鮮🤤

有一日接男朋友放工，佢帶我去搭shuttle bus去左藍田地鐵站。落車忽然有啲肚餓，諗起以前見過有啲facebook page介紹過呢度有間手卷唔錯就搵下係邊。係匯景廣場入面搵左好耐先搵到，舊式商場有時真係好似迷宮咁間舖頭比較唔顯眼，大家要畀少少耐性搵~~個舖頭係咁樣既~~幾經辛苦黎到當然就要食返我最愛既軟殼蟹手卷先。正正常常，啲紫菜都脆，份量都ok，不過隻蟹食落感覺同其他地方唔同，可能炸法唔一樣~另外見啲人介紹個厚燒玉子，所以都叫黎試下好正呀! 一咬落去舊蛋同入面啲飯，個感覺好滿足佢個醬同蛋黃醬燒完之後好惹味!下次再經開既話唔食手卷都要encore呢個玉子先得

友人説想試一試這間但礙於不設座位所以只點了一兩款淺嚐招牌厚燒玉子很有口感醬汁應記一功海膽手卷也十分足料味道也算濃郁可是可能客人太多飯仍是微暖的飯的熱力蓋過了海膽味使味道打了折扣希望下次再試會更好！

除左太安樓多美味小食之外，有小葵廣之稱的藍田匯景廣場都有唔少美味小食店！而手卷屋都有唔少人推薦，7:00 pm 左右去到，已經有人排隊，因為想帶返屋企食，都係叫便當方便D。豬軟骨便當 - 壽司同卷物佢寫每天不同，今日壽司有三文魚，北寄貝同甜蝦；卷物係加州卷；小食可以選擇跟螺肉或其他小食。便當分量偏少，但食物都新鮮，係正常味道。厚燒玉子，見到個個評論都推薦，當然要一試啦! 一試之下真係不得之了，特厚玉子燒加埋特制醬汁，焦香恰到好處，每啖都充滿酸酸甜甜的味道令人欲罷不能，後悔只買一件咁少，但$10 件都真係唔算平。因為所有食物都係即叫即做，食物都新鮮同性價比算高。整體而言，便當可以忽略，厚燒玉子一定要試！

每次經過商場都都黎買不過而加愈來愈多人價錢對比出面係平啲 好親民質素冇變 都係咁正鰻魚好足料 連汁都好多每次都有好多舊 手卷食到底都仲有鰻魚多人買都好快手 仲有外賣既紫菜唔會淋讚得一讚

作為係openrice第一篇食評，亦選擇左本地一間以手卷同刺身飯主打既小店，雖然唔可以同日本相比，但對比其他連鎖大店，CP值值得推介。（1）赤海蝦三文魚刺身飯 $50 材料新鮮，唔算好大既雪味（2）加拿大海膽手卷 呢個海膽雖然唔係超級鮮甜，但以呢個價錢可以食到尾都仲有同埋無雪味，絕對可比我止下D海膽引支持本地小店！歡迎睇我簡介仲有其他

招牌醬厚燒玉子 ($11/件)呢間手卷屋我幾欣賞，平時經過都見到有好多人排隊買野食。之前都試過佢既手卷同便當都唔錯，而目價錢都算係比較平價~而我就最中意食佢既厚燒玉子，我覺得係我現時食過最好食既😍玉子中間包住少少壽司飯🍚，再加d沙律醬同自家製既招牌醬，之後用火槍燒🔥，個醬令到成個玉子加哂分👍🏻，味道好香濃，忍唔住一件接一件擺入口😋😋😋比起其他連所壽司店既厚燒玉子，手卷屋既更加出色同抵食

今日去完藍田探朋友，就順便去埋依個有小葵芳之稱既商場，但其實上網搵下，又唔係話真係咁多野食。見到好多人都推介依間日本野就去試下啦，因為已經食左lunch所以唔係好餓，就淨係諗住買d小食，因為本身好鐘意食玉子，就試下依道既玉子燒，見佢10蚊都唔係貴。俾左錢之後等大約5鐘就有得食啦。玉子雖然本身唔係話好熱，但溫度都岩岩好，加上燒汁同沙津醬，中間有細細舊飯，好食！當小食咁食就岩岩好。係道等緊個時見到佢依道都有好多便當賣，而且價錢都係40蚊到，下次可以試下。

食評：口感 8.5/10先係玉子真係名乎其實厚燒！一啖咬落去鬆軟而豐富嘅口感，真係幸福到一個點！表面嘅Thousand island同沙律醬，因為用火槍燒過，所以有少少脆面。然後包住流質嘅醬同下面極少嘅飯，令成舊玉子有多重口味。.味道 9/10因為Thousand island同沙律醬用火槍燒過所以表層嘅味道會更濃郁，不過完全冇燶味，燒到岩岩好同埋醬嘅味雖然濃，但完全冇搶過玉子嘅甜味玉子嘅蛋香同甜味有時仲會搶過醬嘅味道個種幾隻味不停係口入面交替嘅感覺，真係不得了！搞到試完第一舊都encore！抵食 8/10其中一個要encore嘅原因係，佢唔算好大舊，一啖就冇左不過就物超所值。真心覺得正常人一舊會唔夠皮，會心郁郁叫多舊。

厚燒玉子($10)👅，厚切既玉子蛋味道甜甜地，包住少量既壽司飯，最緊要係加左蛋黃醬同店舖既特製招牌醬！再用火槍燒一陣🔥香味即刻提升左好惹味，入口仲暖暖地好幸福啊😍

手卷屋剛開張時也曾光顧，時隔大半年，聽到藍田有愈來愈多食店，當中手卷屋也頗有名氣，故來一嘗招牌的手卷和玉子燒一去到已有條小人龍，但店員服務效率高，落單至取手卷過程也很快，當然也視乎當日情況，見店員和顧客也有説有笑，也是一間有人情味的小店呢