手工訂製素食專門店 (已搬遷) 新店位置

今晚係灣仔做完嘢之後順便喺附近一帶搵食, 因為想食齋嘅關係, 連買外賣都要精挑細選... 🤓 卒之俾我睇到呢間素食專門店, 剛好喺附近一於去睇睇! 係一間大廈要搭𨋢上樓, 唔算太難搵, 上到去見到餐廳只有兩枱人, 疫情關係大家都唔敢出嚟食飯... 😟喺樓下睇餐牌嘅時候已經選擇左要呢個意粉! 未來漢堡扒配蕃茄羅勒意粉 (套餐價 $77), 配細沙律, 飲品本人比較少食素, 呢件未來漢堡嘅口感都唔錯, 幾彈牙亦冇肥膩嘅感覺, 當然冇辦法同真正嘅牛肉比較 意粉份量都唔少, 佈滿芝士粉! 蕃茄就比較孤寒得一舊小小嘅車厘茄 賣相都可以接受, 價錢合理 知道小店已經搬咗新地址去尖沙咀, 希望繼續保持食物質素, 越做越好生意!

Bookmark左呢間咁耐，估唔到第一次食佢就係佢last day😭泰式香辣新豬肉漢堡$90🍔新豬肉漢堡扒食落除左有新豬肉之外仲濃濃嘅冬菇味🍄食落有真漢堡扒嘅口感之外唔會好似岀面啲手工漢堡扒咁實，而且餐廳比嘅泰式酸辣醬夠多，配埋蕃茄🍅同生菜🥬一齊食，整體口感層次豐富之外，食落仲唔會因為個包好厚而感到好dry。個餐仲會包薯格同沙律，兩個都有seasoned過所以味道幾好😋北海道南瓜薯餅(加配價$14/塊)🥔外層好薄，食落外脆內軟，仲好creamy添☺️味道方面，南瓜味淡，似薯餅多啲😂香烤素鴨風味薄餅$75🍕我一見到素鴨風味就以為係片皮鴨口味，但其實係蕃茄醬底加芝士加青瓜加幾件素鴨🤦🏻‍♀️蕃茄醬有少少酸，素鴨因烤乾左所以更有風味，餅底好薄好似餅乾咁脆藍莓燕麥/荳奶(套餐飲品升級價$28)🥛唔係好飲得岀藍莓味😅蝶豆花青檸梳打(套餐飲品升級價$20)顏色好靚，飲落幾開胃

呢間位於灣仔駱克道嘅餐廳，主打素食，可算是特色嘅素食店，餐廳以自助形式，幾位有心嘅年青人，以即叫即做、自家製作以素材為主，配搭出唔同特別菜式，今日同朋友就試左2個唔同嘅款式，朋友試左黑松露醬雜菌長通粉，一送到來好香黑松露味，望落去已經覺得好味，而我就揀左大啡茹純素芝士漢堡，等左大約10分鐘就送到，即是証明所有食物即叫即做，呢個burger 非常豐富，冇。格仔薯片及沙律伴碟，重有花茶跟set，整個set 好豐富，夠飽的，如果星期一去食burger set 重有優惠呀。黑松露醬長通粉大啡菇純素芝士漢堡

1. 泰式香辣新豬肉漢堡（$80）（碎碎念....其實我係想叫另一個..唔知做乜order左呢個😟）呢個漢堡係set黎，有漢堡包、沙律、薯格，仲有野飲。野飲我揀左橙汁，似係果粒橙既味，有d甜，不過好多果肉；沙律有d菜同粟米，配一個幾開胃既汁；薯格唔算好多，我略嫌炸得乾左d。重點來了，最面同最底果塊包好大，大到我唔知點食好😂 質地係好鬆既，摸上去會乾d! 唔係X頓平時果種漢堡包質地，塊新豬肉食落都幾豬肉，不過比較紮實，有少少似午餐肉果種質感，加上個香辣味係醃左係肉度，就更似餐肉😂 上面有泰式辣醬，下面有番茄一片、同一堆菜，個番茄令到成個包冇咁乾，好重要！睇落好似唔係好多，但我食完又發覺都幾飽，但如果塊扒可以好似個包咁大就好，一開始咬左幾啖淨包先食到肉🙈

素食～ 係香港近年新興嘅食物種類，呢間cafe正正係呢個主題，仲要帶咗個新朋友同大家say個HI－佢就係新豬肉，佢食落個口感真係同普通豬肉差唔多，如果唔講就以為佢真係普通豬肉黎😂😂，不過新豬肉口感就會就會散d同硬d，畢竟新豬肉係用植物，完全無肉嘅成份，所以如素嘅朋友都可以暢懷甘食，完全唔洗有顧慮，不過我係食肉獸，我覺試下都無妨，不過再揀嘅話我都會揀返普通肉😂😂如果有機會大家可以去試下，新豬肉👍一個set有美式咖啡＋沙律＋主食，真係好飽啊，個沙律酸酸甜甜，非常開胃，不過個意粉就偏硬，個汁有dd偏酸，好香香草味，好宜人😂😂

今日同朋友去食下午茶傾下計，喜歡這邊寬敞明亮舒適的環境，一流的環境！喜歡這種自助取餐具、碟子、更可以自行分擺放用完的餐具及自棄垃圾食物方面，星期一全漢堡減$8，抵食！我們每人點了一個漢堡餐，包了沙律及薯格，加上飲品（汽水、咖啡、花茶）北海道南瓜薯餅漢堡南瓜薯餅好脆，南瓜好香滑好甜美，配有番茄、生菜，醬汁惹味，漢堡好脆又厚身，薯格好脆口配茄汁，沙律菜健康新鮮大啡菇素芝士漢堡大啡菇多汁芝士香濃，好夾！花茶玫瑰及茉莉花茶，好清新可以加熱水再飲

素店唔多，又黃又素既就更加罕有，有既時候就要多啲去支持，令到佢地可以繼續發光發亮，擴大黃色經濟圈。Hkveganshop依度既營業時間唔算太friendly，8點就閂門，想黎食晚餐既朋友要留意返。逢星期一係佢地既burger day，食burger會有額外折扣。咁啱星期一黎到，當然就要食下burger啦。依度係半自助形式，客人自己出去落order同拎餐具，整好之後就會有人送上黎。花茶係跟餐嘅，蝶豆光既藍色好靚，有淡淡既花香。Caramel latte既焦糖味唔夠突出，濃味啲會好啲。Burger可以轉bagel，不過似乎唔係款款都啱轉bagel。個beyond burger太厚太多料，bagel個包比較細，食落有啲果難，最後要分開幾層黎食。包入面既牛油果係就咁放左半隻入去，影相幾好睇，但食就唔太方便，打平放或者整做牛油果醬會好啲。另一個泰式新豬肉漢堡比較有驚喜，塊新豬肉扒整得幾好食，又juicy，幾有特色。之前見佢地告急左幾次，又話可能會執笠，但最近好似冇再告急，睇黎應該可以繼續做落去，對素食朋友絕對係個好消息。

現代人生活工作繁忙，出街食普遍都食好多肉或者食過量。有時食下素食真係會令食體負擔變細，令個人更精神！好多人以為素食一定係疏菜，又冇乜味唔好食。今次呢間素食店就有意想不到既無肉漢堡包食！/泰式香辣新豬肉漢堡🌟雖然個名有新豬肉，但個包係全素架！但係食落又真係幾似食豬肉，好特別，味道都真係漢堡包的味。/牛油果薯餅漢堡🌟牛油果係好多女仔的最愛！健康得黎又飽肚，配埋薯餅，個包厚到一啖都咬唔哂咁多層。所有漢堡餐都有脆脆薯塊同埋沙律，夠哂豐富！/榛子latte/市面素食店的選擇唔多，可惜舖頭就快做唔住，如果各位同路人路過不妨黎作最後支持！

#支持良心餐廳告急黃店💡超級未來漢堡（牛油果、大啡菇、純素芝士）配薯格$128 純素沙律碗$78呢度開到四月中就停開實體店啦🤢所以點都想去食下支持下漢堡個牛油果份量唔係咁少㗎😂 但係唔小心跌咗啲落街個包都幾大舊下 但食落係偏dry🤭 可能如果冇乜醬嘅話就應該加多少少芝士？包係比較硬身少少嘅 沙律碗都冇咩特別🤣 不過用了都算係新鮮～兩個餐都有配嘢飲 叫咗橙汁 係果粒橙味道～

一月嘅時候去過手工訂製素食專門店嗰時佢灣仔店都唔係開左好耐點知前排見到佢社交平台話四月中結業 所以點都要喺佢結業前再支持下今次再回味 就梗係揀番我覺得最好食嘅burger啦上次食左超級未來漢堡即係咩都有 有齊哂牛油果 大啡茹 純素芝士同新豬肉但覺得飽到上心口所以今次都係唔好咁激動叫左大啡茹純素芝士漢堡個餐有跟薯格同細沙律仲有杯野飲 我就要左伯爵茶再食都係要再讚個包真係好好食 用脆豬嗰隻包外脆得黎 入面又夠軟腍腍然後個大啡菇 真係好大嚿 好好肉今次食完唔知幾時再有機會食到啦題外話 店主咁啱近日入左御守嘅貨我見咁靚忍唔住買左呀

佢d食物全部都大大份,幾抵食叫左個自家製辣菜莆新豬肉漢堡包,同埋素肉漢堡扒意大利粉,食得出佢味精唔重,但又整得好惹味個意粉真係好多個素扒好惹味,有少少焦左嘅味,煎得好香呢個有薯格同少少沙律,食完又係勁飽

因為知道這間其店面臨結業，所以就過黎作最後支持！疫症之下真係好少過海，所以今次係新年後首次過海！.餐廳其實好近mtr A1出口，亦都好近去會展果條天橋！都好易搵!!!.餐廳都幾自助的 唔洗人帶位XD 餐具、醬料都可以自己去拎！！！不過叫餐就要出去叫的，即時比埋錢～～～因為未食過新豬肉，所以就叫左個burger!!! 唔記得轉 Bagel.......入面重有生菜、蕃茄同泰式辣醬！唔會太辣幾好食！加上係星期一，所以會平8蚊！重配左個南瓜薯餅！都幾好食，入面全是南瓜蓉，食得出係即叫即炸！如果有薯餅加配會更開心XDD朋友叫左純素火腿芝士墨西哥卷，阿魚都有偷食一下！發現個皮好特別，重有少少焦香！即刻問下職員，原來係菠菜味！！！！另外又叫左個麥樂雞，好脆好似肉！！正！！！野飲方面 叫左 蝶豆花梳打 記得一定要搞勻先飲 如果唔係就會好酸架啦!!!!! 搞勻左之後就酸甜岩岩好 好好飲!!!!!真係好唔捨得一間咁有質素既餐廳結業，不過老闆都決定左4月中byebye，希望後會有期啦！.手工訂製素食專門店地址: 灣仔駱克道150-158號祥友大廈1樓電話: 68083768

野食同一般cafe差唔多唔係特別突出，味道可以呢間上樓店，入到去比你感覺好舒服休閒寫意，衛生整潔，有洗手盆有紙巾有酒精搓手液比客人使用，佢既牆壁上都有張貼告示，叫大家注意衞生，職員注意衛生，比我一種好放心既感覺但當我去到廁所既時候實在嚇左一跳，第一個廁所己經好暗，第二佢廁所有兩格，打開第1格見到馬桶有紙巾然後係紅色，打開第2格，馬桶蓋上左，我鼓起勇氣用紙巾打開，發現同公廁係無分別。 我好記得當時就快6點，最忙既時間過左起碼2，3小時，當人餐廳講到要求大家咁注意衞生，實在好怕病毒既傳播，影響客人影響職員，但作為店鋪竟然忽略左首先帶頭做好自己。如果剛剛係繁忙時間，咁樣我都覺得係客人問題，但繁忙時間過左2個鐘，竟然無人去打理一下廁所，就實在令我好不安，結果好急都唔敢去。作為一個女仔真係好重視餐廳既廁所，廁所會決定會否再回頭光顧。希望餐廳能夠身體力行，為抗疫出一分力，做個好榜樣，唔好壞左聲譽最後送上All Day Breakfast， 特別欣賞呢個紅菜頭

-🦄手工訂製素食專門店 @hkveganshop-香草雜菌椰菜花飯 Hkd70Rating🌕🌕🌕🌑🌑-又比我搵到一間有椰菜花飯食既素食餐廳喇餐廳位於灣仔地鐵站附近 好容易搵到😤😤-呢個餐會包埋一杯野飲同埋沙律🥗沙律菜都係好新鮮好清新爽口個隻🙈不過佢個SAUCE就比較油😂然後飲品我就叫左杯洋甘菊既花茶🍵可以有效咁舒緩平時既壓力同放鬆心情椰菜花飯可能因為加左香草🌿所以味道又真係會香口啲 同埋加左雜菌🍄令到口感同層次都變得更加豐富🙊不過我個人認為佢呢個飯都係比較油膩應該炒既時候係落左好多油？😂如果油既份量可以稍微控制一下咁就會好好多但整體而言都係一個值得推薦既椰菜花飯😬👻-

平時都冇食素食既習慣 心血來潮 朋友就上網搵到呢間素食黃店💛一開始都吾係抱太大期望架 都係諗住試下同支持黃色經濟圈～其實價錢都吾算話太貴 跟餐送左2杯飲品 叫左一杯Americano 咖啡味都幾香另一杯係橙汁 就冇咩特別 純素芝士未來漢堡🍔配沙律同薯菜生菜🥬蕃茄幾新鮮 面包好大塊同埋竟然好脆好好食 未來漢堡肉同真肉冇咩分別 表面仲煎得焦焦脆脆！配埋素芝士係完美仲可以拉絲添呀！而沙律都吾hea 有生菜沙律菜蘿蔔同粟米酸酸甜甜好開胃 薯角係熱辣辣即炸嘅 仲係脆架🥺💛夏威夷菠蘿Pizza🍕餅底好薄好脆 好似餅乾咁 如圖所見啦 係超多芝士同粟米🧀😭 意外地仲有素火腿呀 同真火腿比較 味道冇咁咸 但質感都好似～新豬肉素球配蕃茄羅勒意粉🍝意粉都算彈牙而唔係淋哂個隻 有蕃茄味不過就唔多蕃茄 只係得一粒車厘茄🙁 不過味道都好食 羅勒味唔係太出 素豬肉好好食😋幾有口感仲有粟米添 總結第一次試素食冇諗過會咁好食 素肉同真肉分別真係唔大 份量都好足夠 好推介大家試下 食多D素對環境都健康都好多好處 而且又係黃色經濟圈💛