扒王之王 (已結業)

早餐兩份：1 ) 金牌牛扒早餐 $ 26 (轉多士 +$2)美國牛扒 + 西煎雙蛋 + 多士 + 麥片 跟 咖啡牛扒：沒有鬆牛粉味道的薄牛扒，很好味道！西煎雙蛋：煎得好靚 ，冇穿冇爛，冇鑊燶！多士：烘得好過，金黃色，麵包新鮮，連皮，好美式早餐，超鍾意！麥皮：已加糖，略甜。咖啡：即磨咖啡，很好！2) B4 香燶豬骨湯麵 $ 22炸菜肉絲 + 豬肉眼扒 配 米粉 跟 奶茶炸菜肉絲：好中式嘅炸菜，唔太醎，好味。發現炸菜肉絲裡頭有小量牛肉碎，似沙嗲牛肉..奇怪！湯底：唔係太吃得出香燶豬骨湯味，不過唔係差，都好足味。奶茶：合格，茶味唔係最好，冇咩茶香，色澤還可以。整體來說：值得去食！

今日工作關係，過到嚟大角咀，對哩度唔係噤熟路，想搵個地方食個早餐都好似冇乜選擇。經過港灣豪庭，見到扒王個"招牌"，佢個招牌真係哩世都認得佢！扒王曾經都係我最愛食府，不過，近幾年好似做得麻麻，都冇去過，見冇咩得揀，早餐都應該唔會有啲咩事嘅！入到去，裝修都唔錯喎，優雅得嚟又唔係太豪華，坐位又大，又有電視睇！最重要人唔多，坐係度hea吓都幾好！我叫咗個西式早餐 B8 吉列豬扒煎蛋配牛油方包及火腿 $24 + $2 (轉多士) ，朋友就叫咗個 B4 金菇叉燒配公仔麵 $22 ，吉列豬扒夠香，多士夠燶，可能係我鍾意食香口嘢，我幾滿意呀！ 朋友個湯麵，見到都幾好，佢話個湯底幾好，係個公仔麵林咗少少，我都叫佢咪慳，加幾蚊轉個出前一丁咪好囉！整體嚟講，唔係一間差嘅餐廳，係價錢比一般茶餐廳貴，但勝在環境舒服，約朋友嘆個早餐，都係個幾好嘅選擇。廿幾蚊一個早餐，而家乜都貴，大家樂都差唔多要。

從未試過在「扒王之王」食早餐，點知呢次一試就出事。這天來到港灣豪庭附近，見呢間「扒王之王」雖然一個普通扒類早餐要賣$24，不過因為唔使加一，加上坐得比普通茶餐廳舒服一些，所以都入去食早餐。兩個人叫左兩個早餐，分別係「吉列豬扒煎蛋配牛油方包及雙腸」同「吉列魚柳煎蛋配牛油方包及雙腸」，兩個都唔係咁滿意，因為......熱朱古力太甜、腸仔太鹹、吉列豬扒太乾，只有太陽蛋、吉列魚柳同麵包正常些，不過都同係普通質素，無乜特別。以咁樣嘅食物質素，仲要係熱飲，收$18就差唔多，點值$24呀，打個七五折收$18啦，咁就合理些。自稱「扒王之王」，講就天下無敵，實際上呢？

其實住港灣三年都係幫襯過兩,三次,其實間野裝修唔錯,好舒服下,因為上一次去已經成年前,因為太難食同野飲太差,所以一直無去,今次打算去再試,見有個宵夜特價扒餐,$46包飲品,湯同飽,算抵食,湯同飽都OK,諗住下次再幫襯,但牛扒一上,好細塊,大概三隻手指大小,飯都好少,飲品照舊難飲,唔打算再去.

查實係度住咗咁耐都未試過食午飯,今日中午時份終於走入去食.叫咗焗豬扒意粉同海南咖喱龍利柳飯.個焗豬扒味道一般,勝在夠大碟,豬扒都有不少,可惜全部都係骨,應該叫焗豬扒骨飯先啱.至於個海南咖喱飯,味道尚算不錯,都有咖喱味,魚塊亦有好幾件.今次的午餐質素一般,不過服務態度就差勁,眼見有四,五個waiters,只得一個,半個是比較有禮貌,有個著住風褸的(相信是高級些吧),攞個焗意粉嚟時,剩係同我地講意粉,仲加多一句好好食嘅意粉,不過講到好似鬼食泥咁.唉!!! 呢度啲服務每況愈下,下次我地都唔知幾時會再入嚟食?

上個星期去開港灣豪庭探朋友, 唔想行咁遠就落左去樓下o既扒王之王. 食完後真係要上唻講聲, 以後唔會再去扒王之王. 個晚friday, 得2,3成入座率. 我地3個人都叫左個dinner set $158.朋友叫左龍蝦濃湯, 佢地話勁淡. 我叫左忌廉湯, 我未試過飲白湯會飲到一舊舊未攪拌o既忌廉渣, 自己o係屋企開金寶都唔會攪到佢地咁...頭盤我地叫左鵝肝&田螺焗薯蓉, 鵝肝無鵝肝味, 明白o既, 百幾蚊個set差唔多. 田螺焗薯蓉, d 田螺好細粒&好"鞋".main course我地叫左3份唔同, 分別切左1小舊大家share下味.我叫左牛柳, 我想鐵板上, 諗住會香d, 個部長提議碟上, d肉會無咩"鞋", 都明白呢個道理, 就碟上啦. 我本身唔鍾意食太生, 就要7成. 個部長又話因為個牛柳厚, 建議4成, 因為真係怕太血淋淋, 最後決定5,6成. 個牛柳面積好細塊, around一個女仔手掌咁大, 不過都厚身. 食落好鞋, 我估同5,6成無關, 因為佢中間係流晒血. 完全無牛味, 一個字"差"!朋友叫左佢地推介加$o既臣戶牛扒, 係"臣"唔係"神". 我叫佢塊扒面積大過我塊牛柳

因為是慶祝舊曆生日,所以老公特別叫了兩個比較貴的餐:$148 vs $108湯:龍蝦濃湯,味道真的很濃.鵝肝vs 無殼田螺:鵝肝比較油,但還是不錯;田螺有很多隻,但每隻都很細粒,亦比較乾.牛肋骨vs 雜菌天使麵:牛肋骨煮得很淋,也幾有牛味;天使麵很清,雜菌料亦不少.焦糖燉蛋:第一次食焦糖燉蛋是凍的,不過味道都幾好.繽紛彩虹vs 熱檸水繽紛彩虹即是雜果賓治,但九成都是菠蘿粒.