扒王之王 (已結業)

星期日在旺角睇完戲九點食宵夜好友話呢度環境幾好叫左兩份鐵板餐豬扒同雞扒各一個大家都有一碗羅宋湯十分熱，酸酸地同少少辣飲完十分開胃兩份餐兩個人分享雞扒同豬扒份量都好大先講豬扒，厚度都好厚下放落檯一陣熱氣噗上香味十足可能有鬆肉粉調味過食落十分爽口，但是一D吾UN加上廚師的香濃燒汁令到你食吾出豬扒被淹過另外雞扒都吾錯，好大塊十分嫩滑，不過沒有甚麼雞味全靠呢個燒汁調味伴菜以紅蘿蔔同椰菜為主是本身熟咗放上鐵板上有部份在鐵板邊的已經濃都黑而且菜類沒有調味亦是靠點那些燒汁進食之後仲有餐飲，普通的凁檸檬茶呢度勝在地方大，卡位又多可以慢慢食，吹水成粒鐘埋單每人一百元，開心的一晚

幾年前經常都有去据各欵牛扒。但因工作離港數年，近數月曾去數間分店分别進食如太子及沙田。景然無一間有以前的水準，牛扒食來似拖鞋，咬都咬唔開，又乾又硬。看來要與扒王絕交了。

肉眼扒完全無牛味, 肉質很鞋, 蒜茸汁無香味, 完全不合格.西冷扒完全無牛味, 肉無咬勁, 黑椒汁無辣味, 完全不合格.薯條太軟很難食. 沙律很一般而且太細盤. 飲品沒有用心整難飲.服務一般, 味道太差, 雖然價錢不貴但沒有下次了.

今晚男朋友突然想鋸扒，但又唔知去邊度食，於是我就提議去扒王，因為好耐之前都去過其他分店食lunch, 都唔太貴同唔差。七點去到，唔使等位，入到去見到兩三檯客，十幾張吉檯, 果時都無為意有問題。坐低左開始睇menu, 個waiter就行埋黎sell我地呢個扒餐有好多客揀，果個餐好多女人客揀，咁我地問佢呢幾塊扒有咩分別。點知佢答完等於無答，唔識又扮專家，講唔到有咩分別，點樣好食。聽完好無奈，唯有繼續再睇下，當男友揭到二人餐果版，個waiter就唔知係邊到彈出黎，話呢度無人食二人餐，當時我同男友都覺得佢好無禮貌，心諗我地有問你意見咩，我地食咩關佢咩事，第二d野又唔見佢咁叻。最後，我地諗左個10oz既西冷扒同一個肉眼扒。扒終於黎到，食左一啖，中伏，個扒完全無牛味，可能雪左好耐，雪到無哂味。而男友果個西冷扒都有相同問題，仲乾爭爭，一d肉汁都無。真係"原汁原味"！！一個百幾蚊既扒，質素竟然仲差過大x樂果d 幾十蚊既扒。而之前揀餐時sell呢樣果樣果個waiter，上完菜就無再行過黎，亦問都無問過d扒得唔得，正係掛住同隔離果檯客吹水，吹自己d野。從來未試過d咁難食既扒，貴得黎又無水準，大X樂都好過佢

對上一次來吃…都不記得是什麼N年前了啦~;口;(一向都覺得据扒貴,而且俺不是拜肉主義)看到了團購(汗"..知道了)就來吃下待應生人數有點不太夠,但服務都還可以味道淡了一些,包子不是太脆肉的味道咸咸的,配上千島醬和沙律菜,不錯的前菜牛肉質軟,吃落很香口,肥瘦適中,不錯~份量比起價錢,算不錯￣ 3￣呃...忘記了友人叫這個是什麼牛扒,不過味道就不及團購那款好吃,可能是穀飼的分別吧,醬汁較濃一點,肉都夠入味,水準一般吧￣ε ￣

見又團購話食咩"牛肋骨扒王，採用美國天然新鮮粟米餵飼，啖啖肉夠哂juicy！",$58+$12, 得扒同餐飲,諗住咁耐無食扒王, 平平地試下啦.點知......瀨晒野!!!服務一般, 叫齋啡走甜都唔記得走甜, 仲話團購凍飲家$4我要蒜茸汁男友要黑椒汁, 當佢問邊位黑椒汁時, 我男友已應機我又話對面, 都仲要淋落我份扒度, 唔係發夢係咩薯條竟然唔係配扒佳品的波浪薯條, 而係奀chitchit又炸得衰過麥記的瘦直薯條件扒先精彩, 冧jeje無牛味, 仲衰過茶記早餐d薄牛扒.我話之前好耐無食呢間野, 都真係有6-7年無食,睇黎, 我真係以後都唔洗再幫襯=.=

由於想不到去那裡吃晚餐，選擇了就近的扒王之王。叫了一客八成熟的西冷及一客全熟的豬扒，來的是一客全熟的西冷及一客八成熟的豬扒。在飲湯時沙律已經到了，兩樣份量都不太大，枱面是夠擺放的。吃沙律途中，鐵板來了，侍應要我們即時將沙律移開，以便有空位擺放鐵板；細少的枱上擺了兩碟沙律及兩塊鐵板，要盡快吃完沙律但亦要小心不要碰到鐵板，十分狼狽。而扒王之王的蒜蓉汁及黑椒汁能夠保持一貫水準「夠晒鹹」，難怪全場只有幾枱客人。

以前呢間餐廳大排長龍, 尋日突然想食西餐飲碗湯先會走入去, 不過呢一次唔係一次愉快既用餐過程因為: 主菜方面:我要左個窄身厚切西冷, 上碟果時只見塊扒顏色係接近黑色、大小形狀似男人拳頭 - 同我之前係其他扒王分店食既美味JUICY 窄身厚切一D 都唔似! 餐牌寫住係約9安士, 但我碟上的牛扒有一半都係筋, 真正可以食既有4安士左右, 問經理點解有一半都係筋, 佢話呢批貨係咁, 可能比較差少少, 我話, 咁我唔接受, 你同我換左佢, 佢問咁換乜野 我揀左澳華利牛柳, 加多$30 , 我決定再比個機會佢肉味都係唔及以前的扒王, 不過賣相唔算黑, OK 可接受不過伴碟薯條餐廳竟用返之前果碟既薯條同菜, 所以薯條同菜係凍既........其實餐廳應該起碼番熱一下配菜先上比客人服務方面:最令人不滿意的是朋友鐵板中仲有三條紅蘿蔔, 仲拎住支叉一路食緊, 某位男侍應竟一路收一路問"唔要架啦呵", 朋友即刻STOP 佢, 同侍應講我仲食緊, 其實侍應見到人地碟野仲有食物, 仲拎住支叉, 應該問下先行動, 而唔係一路收碟一路問埋單時9 點, 只3枱客, 實在令人唏噓感嘆當年扒王之王的風光日子!

朋友想食扒, 就黎到扒王之王.服務: 本來揀忌廉湯, 到上菜個陣就上左兩個羅宋湯, 話無晒忌廉湯. 咁落單個陣可以直接同我地講, 俾我地揀完又話無.有兩份扒餐送到, 準備食個陣發現兩份餐具都無叉 =.=個別侍應好似發緊夢咁.味道: 點左一份雞一份牛, 配薯菜. (唔記得個全名)牛: 有點難切, 乾同硬. 旁邊有幾條薯條, 一大堆粟米.雞: 較好味 (我偏愛雞多過牛 ), 雞肉有鮮味, 起碼無咁乾. 我一食雞扒, 就將我未食既牛扒分晒俾朋友食 食完後成個下午都好飽肚, 晚餐都遲左食.環境: 其實環境唔錯, 雖然我地坐近門口, 但人流唔多, ok.食下野傾下偈都唔錯.本來當日決定只食一次就夠, 但事隔幾日再修改食評, 如果服務好一d, 就一試無妨啦

扒王之王的牛肋條，曾經是小弟午市套餐最愛，取其好”趙”，最大的樂趣，　是用利刀把一層層的腹膜切開．不過這種牛肋條不是長期有供應，更加唔係間間有，近月又冇咗了．近日午市套餐中，反而出現一種漢堡扒雙拼餐，比A餐貴十元左右，當然那塊漢堡扒比一般麥記大得多，質感也不錯，是小弟今期的新寵．

其實早知道佢難食,亦明白港式鋸扒唔可能有幾好食食過多次都叫預期內既難食,不過都明白唔要求得d咩但....今日真係頂唔順同同事要左個香芒汁龍脷柳斷估應該即係酸酸甜甜既炸魚味道個汁只係黃黃地色,有幾粒類似芒果既物體係面,唔酸,唔甜,雞粉+生粉水既味道個魚睇落係金黃色,唔脆,唔熱,無油,好似薄粉皮包魚,食落去d肉仲要係霉霉地你話幾難食呢我明白價錢問題,但麥記,附近既茶記都會好食過佢.....其實唔平,只係同事黎慣呢間食

西冷條7成($67): 好有牛味,JUICY,有D似牛腩,西施扒7成($58): 好有牛味,JUICY,同西冷條係兩種唔同既味道田螺($28): 焗到好燶,但係薯蓉好好味豬頸肉($28): 略多肥膏,但配青蘋果片又幾好味WOR,無咁肥膩;但得6片,太少,唔抵食扒餐全配薯菜,薯仔係連皮炸,好味又唔太油服務不過不失,唔係差但一定唔係好囉,有個男WAITER黑口黑面啫我個笑臉絕對係比佢D食物

學校係太子果頭 , 前排佢早餐做特價 , 2人以上八折其實果陣真係好底 , 十幾蚊就有腸仔炒蛋加麵包,仲有碗通粉因為夠飽 , 所以佢冇左折之後同同學都成日去食十幾廿蚊個早餐咁多野食仲想有乜要求丫個腸仔係乾D柴皮D , 但係野食整禮都可接受不過服務應該真係十分之差囉有個中年女侍應係有名牌但係個名甩左唔知佢咩名總之入到去見黑口黑面好似死老豆咁款就十成都係佢佢次次拎野食同野飲泥都放底就算同同學次次都飲可樂,佢就次次都"掉"兩條飲筒俾我哇大佬呀洗唔洗咁晦氣呀,而家我俾生意係做咋啵仲有,有次找錢找返十幾蚊,朋友拎左幾蚊佢就想拎返其他果D我地出聲佢先停底,我地都唔俾面佢,拎返哂其實學生食個早餐我覺得唔俾貼士冇乜問題因為佢咁衰所以我地決定以後都唔俾貼士今日又去左食早餐食緊時個阿姐係隔抹地,嘩陣清潔劑味好似通渠果d咁好攻鼻,搞到人好想作嘔埋單時俾左D毫子佢,佢同我講唔收Okay,你話唔收一兩毫子都算,連5毫子都唔收佢又冇講明唔收,毫子唔係錢咩,有咩權唔收同佢講左兩句佢係咁駁我都廢事同佢講講左句"毫子唔係錢呀!"之後嬲到走左我唔明點解佢地之前可以找毫子俾人又唔收毫子

我地2人叫左個12oz.西冷鐵板餐share食一百零幾蚊一個鐵板餐 以份量黎講好ok不過service就唔ok啦由經理落完"一個鐵板餐"之後就開始睇班待應面色仲等左好耐先有得食 台台都要催order我地食食下有個女待應問我地落唔落多個田螺我已經同佢講唔駛 又俾多次面色我地睇...過左無耐 又係頭先個女待應問我地落唔落多個田螺......頭先唔係答左你呢咩@@ 唔好問返同一樣啦..........又係果個女待應 佢見我地share食就好心拎左隻碟仔俾我地呢一點都算係有service既不過隻碟......有d驚嚇囉總結:一百零幾蚊一個扒王之王鐵板餐唔抵食!

八號波前夕與表妹一同去飲茶,原本去富臨飲茶,點知鬼咁多人,,就去對面的扒王之王,點知又中招!叫咗個商務午餐,牛肋骨!淡如冇味,又奀,配菜又爛,真係去茶餐都好過佢,仲要成70個大洋!扒王之王系列我唔會再食!